Курс для прадстаўнікоў верыфікацыйных цэнтраў дзяржаў-членаў НАТА і АБСЕ
У перыяд з 30 жніўня па 10 верасня на базе Нацыянальнага агенцтва па кантролю і інспекцыях - дэпартамента Міністэрства абароны праводзіцца курс па абмену вопытам працы інспектараў па дагаворах у галіне кантролю над узбраеннямі і паглыбленні ведаў рускай мовы.
У мерапрыемствах прымаюць удзел 13 прадстаўнікоў верыфікацыйных цэнтраў дзяржаў-членаў НАТА і АБСЕ - Бельгіі, Вялікабрытаніі, Германіі, Даніі, Казахстана, Польшчы, Францыі і Чэхіі.
Акрамя беларускіх спецыялістаў у правядзенні заняткаў у якасці эксперта прымае ўдзел прадстаўнік верыфікацыйнага цэнтра ўзброеных сіл Украіны.
Пасяджэнне Міжурадавай Беларуска-Расійскай камісіі па адкрытым небеЗавяршылася інспекцыя вызначанага раёна на тэрыторыі Рэспублікі Беларусь
2 і 3 верасня 2010 года ў Маскве адбудзецца пасяджэнне Міжурадавай Беларуска-Расійскай камісіі па адкрытым небе.
У ходзе пасяджэння плануецца ўзгадніць пазіцыі і сумесныя дзеянні бакоў па пытаннях выканання Дагавора па адкрытым небе ў групе дзяржаў-удзельніц Рэспубліка Беларусь і Расійская Федэрацыя.
Беларускую дэлегацыю на перамовах узначаліць начальнік Нацыянальнага агецтва па кантролю і інспекцыях - дэпартамента Мнінстэрства абароны палкоўнік Алег Горбач.
Успех белорусских армейцев
30 августа завершился проходивший в Варендорфе (Федеративная Республика Германия) 44-й чемпионат мира среди военнослужащих по плаванию.
Армейские спортсмены, представлявшие Вооруженные Силы Республики Беларусь, завоевали 2 золотых, 1 серебряную и 3 бронзовых медалей.
представляли три: прапорщик Светлана Хохлова, Павел Санкович и Александр Башлаков. Армейцы
Так, армейская спортсменка прапорщик Светлана Хохлова стала двукратной обладательницей золотой медали чемпионата. На высшую ступень пьедестала она поднималась в соревнованиях на дистанции 50 метров вольным стилем и баттерфляем. В копилке нашей спортсменки также бронзовая медаль на дистанции 100 м на спине.
Армеец Павел Санкович на дистанции 100 м баттерфляем завоевал серебряную медаль, а Александр Башлаков - бронзовым призером на дистанциях 50 и 100 метров вольным стилем.
Всего в соревнованиях приняли участие атлеты из 21 страны мира.
27 жніўня 2010 года
Завяршылася інспекцыя вызначанага раёна на тэрыторыі Рэспублікі Беларусь
26 жніўня завяршылася інспекцыя вызначанага раёна на тэрыторыі Рэспублікі Беларусь, якая праводзілася інспекцыйнай групай Каралеўства Бельгія пад кіраўніцтвам падпалкоўніка Вілема Бофіна. У складзе інспекцыйнай групы, акрамя двух ваенных інспектараў Бельгіі, прынялі ўдзел спецыялісты з каралеўства Іспанія і Румыніі. У ходзе інспекцыі была пацверджана адсутнасць у вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
Збор з выпускнікамі вышэйшых ваенных навучальных устаноў 2010 года
З 24 па 26 жніўня прайшоў збор з выпускнікамі вышэйшых ваенных навучальных устаноў 2010 года, якія прыбылі для праходжання службы ў злучэнні і воінскія часці, падпарадкаваныя цэнтральным органам ваеннага кіравання.
Дадзенае мерапрыемства праводзіцца штогод з мэтай павышэння ўзроўню тэарэтычных і практычных навыкаў маладых афіцэраў пры выкананні імі сваіх службовых абавязкаў.
У ходзе збораў асаблівая ўвага была нададзена практычнай падрыхтоўцы афіцэраў-выпускнікоў. З удзельнікамі былі праведзены інструктарска-метадычныя заняткі па вядзенні ротнай гаспадаркі, арганізацыі нясення асабовым складам унутранай службы, а таксама арганізацыі і правядзенні заняткаў па розных дысцыплінах баявой падрыхтоўкі.
26 жніўня 2010 года
Завяршаюцца мерапрыемствы па аптымізацыі структуры Ваенна-паветраных сіл і войскаў супрацьпаветранай абароны
Ва Узброеных Сілах Рэспублікі Беларусь завяршаюцца мерапрыемствы па аптымізацыі структуры Ваенна-паветраных сіл і войскаў супрацьпаветранай абароны. У цяперашні час сфарміраваны новыя структуры, якія павінны забяспечыць якасную падрыхтоўку лётнага складу і расшырыць магчымасці злучэнняў і воінскіх часцей ВПС і войскаў СПА.
На аэрадроме "Ліда" 206-я штурмавая авіяцыйная база рэарганізавана ў 116-ю гвардзейскую Радамскую Чырванасцяжную штурмавую авіяцыйную базу і сфарміраваны 206-ы цэнтр падрыхтоўкі лётнага складу. У склад 116-й гвардзейскай ШАБ увайшлі асабовы склад, узбраенне і ваенная тэхніка 116-й гвардзейскай бамбардзіровачна-разведвальнай авіяцыйнай базы і 206-й штурмавой авіяцыйнай базы. На ўзбраенні базы стаяць самалёты Су-24 і Су-25.
206-ы цэнтр падрыхтоўкі лётнага складу сфарміраваны на базе навучальнай авіяцыйнай эскадрыллі. Ён прызначаны для павышэння якасці падрыхтоўкі лётнага складу авіяцыі Ваенна-паветраных сіл і войскаў супрацьпаветранай абароны, курсантаў-лётчыкаў установы адукацыі "Ваенная акадэмія Рэспублікі Беларусь". На ўзбраенні цэнтра стаяць вучэбна-баявыя самалёты Л-39.
На аэрадроме "Асаўцы" (г. Бяроза) сфарміраваны 927-ы цэнтр падрыхтоўкі і прымянення беспілотных авіяцыйных комплексаў. Цэнтр прызначаны для падрыхтоўкі і баявога прымянення беспілотных авіяцыйных комплексаў (БАК) у інтарэсах Узброеных Сіл, правядзення даследаванняў у галіне тактыкі баявога прымянення БАК, навучання спецыялістаў па прымяненні і эксплуатацыі БАК.
Асноўная частка асабовага складу і авіяцыйнай тэхнікі 927-й знішчальнай авіяцыйнай базы ўвайшлі ў склад 61-й знішчальнай авіяцыйнай базы.
Работа, якая праводзіцца па аптымізацыі баявога складу, удасканаленні структуры баявых сістэм і сістэм забеспячэння Узброеных Сіл накіравана на павышэнне баявой гатоўнасці ВПС і войскаў СПА, якасці нясення баявога дзяжурства, здольнасці выконваць баявыя задачы ў любых умовах становішча.
Рашэнню па аптымізацыі папярэднічала работа навуковых устаноў Узброеных Сіл па ўдасканаленню форм і спосабаў ужывання авіяцыі з улікам вопыту апошніх ваенных канфліктаў. У выніку даследаванняў былі вызначаны шляхі павышэння баявых магчымасцяў ВПС і войскаў СПА у рамках стварэння адзінай рэгіянальнай сістэмы СПА. Дадзеныя напрацоўкі былі апрабаваны ў ходзе аператыўна-стратэгічнага вучэння "Захад-2009" і даказалі правільнасць выбранага кірунку развіцця.
Завяршылася актыўная фаза тактычных вучэнняў
Сёння баявымі стрэльбамі завяршыўся трэці этап тактычных вучэнняў з войскамі Заходняга і Паўночна-заходняга аператыўна-тактычных камандаванняў Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь.
На палігоне Расійскай Федэрацыі "Ашулук" асабовы склад 15-й, 120-й, 115-й і 302-й зенітных ракетных брыгад выканаў баявыя стрэльбы з зенітных ракетных комплексаў "С-300", "Бук" і "Аса". Беларускія ваеннаслужачыя паспяхова выканалі пастаўленыя задачы, паразіўшы ўсе вучэбныя цэлі.
Кантроль за правядзеннем баявых стрэльбаў ажыццяўляў Міністр абароны Рэспублікі Беларусь генерал-лейтэнант Юрый Жадобін.
Адпрацоўка задач трэцяга этапу вучэнняў праходзіла на базе 42-га навучальнага цэнтра баявой падрыхтоўкі і баявога прымянення Ваенна-паветраных сіл Расіі. На палігоне было змадэліравана складанае мішэннае становішча.
У бліжэйшы час будзе здзейснена перадыслакацыя баявых разлікаў і тэхнікі злучэнняў Паўночна-заходняга і Заходняга АТК у пункты пастаяннай дыслакацыі чыгуначнымі і паветраным эшалонамі.
25 жніўня 2010 года
Працягваецца трэці этап вучэнняў
Працягваецца трэці этап вучэнняў з войскамі Заходняга і Поўнача-заходняга аператыўна-тактычных камандаванняў ВПС і войскаў СПА Узброеных Сіл Рэспублікі Беларусь на палігоне "Ашулук".
У восем гадзін 22 жніўня, у адпаведнасці з задумай вучэнняў, воінскія часці беларускай групоўкі заступілі на баявое дзяжурства.
Гэтаму мерапрыемству папярэднічала маштабная праца. Штабамі былі адпрацаваны і зацверджаны планы дзеянняў дзяжурных сіл па супрацьпаветранай абароне, дакументы на арганізацыю і нясенне баявога дзяжурства ў новым пазіцыйным раёне, праверана гатоўнасць воінскіх часцей да нясення баявога дзяжурства.
23 жніўня адбылося прадстаўленне асабовага складу падраздзяленняў кіруючаму складу палігона. У ходзе прадстаўлення прымаючым бокам адзначана, што беларускім абаронцам неба будзе аказана неабходная дапамога ў якасным забеспячэнні вучэнняў. Спецыяльная ўвага звярталася таксама на прытрымліванне патрабаванняў мер бяспекі.
Ваеннаслужачыя з складу баявых разлікаў здалі залікі на допуск да правядзення стрэльбаў, у ходзе якога былі ацэнены іх тэарэтычныя веды і практычныя навыкі ў выкананні нарматываў на комплексных сродках аўтаматызацыі.
У цяперашні час на палігоне "Ашулук" ідзе падрыхтоўка ўзбраення і ваеннай тэхнікі да баявой стральбы, асабовым складам таксама выконваюцца задачы па прэдстрэльбавай падрыхтоўцы баявых разлікаў. Праводзяцца трэніроўкі разлікаў, разгорнутая групоўка комплексных сродкаў аўтаматызацыі ўсіх узроўняў, арганізавана сувязь.
У ліку медалістаў - армейскія спартсмены
Завяршыўся чэмпіянат свету па веславанні на байдарках і каноэ, які адбыўся на Мальтанскам возеры ў польскай Познані. Заваяваўшы 3 залатыя, 3 срэбныя і 1 бронзавы медаль, беларускія спартсмены занялі 4 агульнакаманднае месца. Наперадзе каманды Венгрыі, Германіі і Канады. Армейскія спартсмены малодшы сяржант кантрактнай службы Дзмітрый Рабчэнка і прапаршчык Аляксандр Валчэцкі ў складзе экіпажа каноэ-чацвёркі на дыстанцыі 1000 м сталі ўладальнікамі залатых медалёў. Срэбным прызёрам чэмпіянату свету ў Польшчы ў спаборніцтвах байдарак-адзіночак на дыстанцыі 5000 м стала армейская спартсменка Марына Полтаран. Акрамя таго, уладальнікамі залатых медалёў на дыстанцыі 500 метраў сталі Раман Петрушэнка і Вадзім Махнеў - байдарка-двойка і Дзяніс Гаража - каноэ-адзіночка. На дыстанцыі 1000 м уладальнікамі срэбных медалёў сталі экіпаж каноэ-двойка ў складзе братоў Аляксандра і Андрэя Багдановічаў і экіпаж байдаркі-чацвёркі (Раман Петрушэнка, Вадзім Махнеў, Аляксей Абалмасаў, Артур Літвінчук). Бронзавым прызёрам у спаборніцтвах байдарак-адзіночак на дыстанцыі 1000 метраў стаў Алег Юрэня. Усяго ў турніры прынялі ўдзел вясляры з 75 краін свету.
Пачалася актыўная фаза тактычных вучэнняў з войскамі Ваенна-паветраных сіл і войскаў супрацьпаветранай абароны
20 жніўня пачаўся трэці этап тактычных вучэнняў з часцямі і падраздзяленнямі Заходняга і Поўнача-заходняга аператыўна-тактычных камандаванняў Ваенна-паветраных сіл і войскаў супрацьпаветранай абароны.
Для правядзення актыўнай фазы вучэнняў чыгуначным і паветранымі эшалонамі на палігон Расійскай Федэрацыі Ашулук перадыслацыравана больш 600 ваеннаслужачых ВПС і войскаў СПА, а таксама каля 170 адзінак узбраення і ваеннай тэхнікі.
Адпрацоўка задач трэцяга этапу тактычных вучэнняў з часцямі і падраздзяленнямі ЗАТК і ПЗАТК праходзіць на базе 42-га навучальнага цэнтра баявой падрыхтоўкі і баявога прымянення Ваенна-паветраных сіл Расіі. У ходзе актыўнай фазы асабовы склад 15-й, 120-й, 115-й і 302-й зенітных ракетных брыгад выканае баявыя стрэльбы з зенітных ракетных комплексаў "С-300", "Бук" і "Аса". На палігоне будзе змадэліравана складанае мішэннае становішча. Упершыню пры правядзенні стрэльбаў будуць выкарыстаны новыя мішэні "Бекас" і "Саман", якія імітуюць элементы высокадакладнай зброі і перспектыўныя сродкі паветранага нападу.
Трэці этап тактычных вучэнняў працягнецца да 26 жніўня, пасля чаго будзе здзейснена перадыслакацыя баявых разлікаў і тэхнікі ў пункты пастаяннай дыслакацыі.
20 жніўня 2010 года
Пачалася актыўная фаза тактычных вучэнняў з войскамі Ваенна-паветраных сіл і войскаў супрацьпаветранай абароны
20 жніўня пачаўся трэці этап тактычных вучэнняў з часцямі і падраздзяленнямі Заходняга і Поўнача-заходняга аператыўна-тактычных камандаванняў Ваенна-паветраных сіл і войскаў супрацьпаветранай абароны.
Для правядзення актыўнай фазы вучэнняў чыгуначным і паветранымі эшалонамі на палігон Расійскай Федэрацыі Ашулук перадыслацыравана больш 600 ваеннаслужачых ВПС і войскаў СПА, а таксама каля 170 адзінак узбраення і ваеннай тэхнікі.
Адпрацоўка задач трэцяга этапу тактычных вучэнняў з часцямі і падраздзяленнямі ЗАТК і ПЗАТК праходзіць на базе 42-га навучальнага цэнтра баявой падрыхтоўкі і баявога прымянення Ваенна-паветраных сіл Расіі. У ходзе актыўнай фазы асабовы склад 15-й, 120-й, 115-й і 302-й зенітных ракетных брыгад выканае баявыя стрэльбы з зенітных ракетных комплексаў "С-300", "Бук" і "Аса". На палігоне будзе змадэліравана складанае мішэннае становішча. Упершыню пры правядзенні стрэльбаў будуць выкарыстаны новыя мішэні "Бекас" і "Саман", якія імітуюць элементы высокадакладнай зброі і перспектыўныя сродкі паветранага нападу.
Трэці этап тактычных вучэнняў працягнецца да 26 жніўня, пасля чаго будзе здзейснена перадыслакацыя баявых разлікаў і тэхнікі ў пункты пастаяннай дыслакацыі.
19 жніўня 2010 года
Беларускія барцы заваявалі 8 медалёў чэмпіянату свету сярод ваеннаслужачых
З 10 па 16 жніўня ў горадзе Лахці (Рэспубліка Фінляндыя) прайшоў 27-мы чэмпіянат свету сярод ваеннаслужачых па барацьбе вольнай і грэка-рымскай.
У спаборніцтвах удзельнічала больш за 230 атлетаў з 23 краін свету. Зборная Узброеных Сіл Рэспублікі Беларусь была прадстаўлена 18 спартсменамі.
У скарбонцы нашай зборнай 8 медалёў. Сярэбраныя ўзнагароды ў барацьбе вольнай заваявалі радавы кантрактнай службы Іван Янкоўскі (вагавая катэгорыя да 96 кг) і старшына кантрактнай службы Кацярына Янушкевіч (да 55 кг). Бронзавыя медалі ў радавога Уладзіслава Андрэева (да 55 кг), Каміля Магамедава (да 60 кг) і Аляксея Ісаева (да 84 кг) у барацьбе вольнай, а таксама ў Эльбека Тажыева (да 55кг), Валерыя Паленскага(да 74 кг), Уладзіміра Бердзіка (да 120 кг) у грэка-рымскай барацьбе.
У агульнакамандным заліку беларускія армейскія спартсмены занялі другое месца, уступіўшы толькі камандзе Ірана.
18 жніўня 2010 года
Пасяджэнне Каардынацыйнага камітэта
18-19 жніўня ў Маскве праходзіць пасяджэнне Каардынацыйнага камітэта начальнікаў войскаў радыяцыйнай, хімічнай і біялагічнай абароны (хімічнай абароны) міністэрстваў абароны дзяржаў - удзельніц Садружнасці Незалежных Дзяржаў.
У пасяджэнні Каардынацыйнага камітэта прымае ўдзел начальнік войскаў радыяцыйнай, хімічнай і біялагічнай абароны - начальнік упраўлення радыяцыйнай, хімічнай і біялагічнай абароны і экалогіі Генеральнага штаба Узброеных Сіл Рэспублікі Беларусь палкоўнік Юрый Паўловіч.
У ходзе пасяджэнняў удзельнікі абмяркуюць пытанні функцыянавання Аб'яднанай сістэмы кантролю і ацэнкі радыяцыйнага, хімічнага і біялагічнага (РХБ) становішча, выпрацуюць адзіныя падыходы да тэхнічнага забеспячэння кантролю і ацэнкі РХБ становішча.
17 жніўня 2010 года
Падведзены вынікі агляду-конкурсу па кіраўніцтву службай войскаў і арганізацыі вартавой службы
Ва Узброеных Сілах і транспартных войсках Рэспублікі Беларусь падведзены вынікі агляду-конкурсу па кіраўніцтву службай войскаў і арганізацыі вартавой службы. У заключным этапе конкурсу прынялі ўдзел 14 злучэнняў і воінскіх часцей.
Агляд-конкурс паказаў высокі ўзровень кіраўніцтва службай войскаў і арганізацыі вартавой службы ў злучэннях і воінскіх часцях Узброеных Сіл.
Па выніках агляду-конкурсу ў лепшы бок адзначаны 206-я штурмавая авіяцыйная база, 5-я асобная брыгада спецыяльнага прызначэння і 969-я база рэзерву танкаў.
13 жніўня 2010 года
Клятва на вернасць Радзіме
14 жніўня 2010 года ў злучэннях і воінскіх часцях Узброеных Сіл Рэспублікі Беларусь адбудзецца ўрачыстая цырымонія прыняцця Ваеннай прысягі новым папаўненнем.
Па традыцыі павіншаваць маладых воінаў у злучэнні і воінскія часці прыбудуць прадстаўнікі Міністэрства абароны, камандаванняў відаў Узброеных Сіл, мясцовых органаў улады, грамадскіх арганізацый, родныя і блізкія ваеннаслужачых.
Усяго ў ходзе летняга прызыву 2010 года ва Узброеныя Сілы накіраваны больш за 10 тысяч прызыўнікоў, яшчэ каля 2 тысяч будуць праходзіць службу ў рэзерве.
Працоўная сустрэча
З 10 па 12 жніўня 2010 года ў г. Алматы (Рэспубліка Казахстан) адбылася працоўная сустрэча прадстаўнікоў узброеных сіл Рэспублікі Беларусь і Рэспублікі Казахстан па пытаннях супрацоўніцтва ў галіне кантролю над узбраеннямі.
Назіральны палёт
З 9 па 13 жніўня 2010 года ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыняў удзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Рэспублікі Польшча на расійскім самалёце назірання АН-30Б. У ходзе правядзення назіральнага палёту быў ажыццяўлён кантроль ваеннай дзейнасці на тэрыторыі назіраемай дзяржавы.
Інспекцыйная група Рэспублікі Беларусь правядзе інспекцыі на тэрыторыі Рэспублікі Польшча.
З 16 па 21 жніўня ў адпаведнасці з палажэннямі Дагавора аб звычайных узброеных сілах у Еўропе інспекцыйная група Рэспублікі Беларусь правядзе інспекцыі дзвюх воінскіх часцей узброеных сіл Рэспублікі Польшча (на выбар інспектараў), якія з'яўляюцца аб'ектамі кантролю ў адпаведнасці з палажэннямі ДЗУСЕ. У ходзе інспекцый будзе праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
10 жніўня 2010 года
Армейская "бронза" Кубка Еўропы
У Гамбургу завяршыўся Кубак Еўропы па дзюдо. Адзіны медаль для беларускай зборнай заваявала армейская спартсменка прапаршчык Вольга Лешчанка.
У вагавай катэгорыі да 48 кг Вольга Лешчанка стала бронзавым прызёрам Кубка Еўропы. У паядынку за "бронзу" армейская спартсменка адолела Катарыну Менц з Германіі. Залаты медаль у гэтай катэгорыі заваявала Аліна Думітра з Румыніі, срэбны медаль у Аіды Сармента з Іспаніі.
У медальным заліку перамогу атрымалі дзюдаісты з Германіі - 6 залатых, 2 срэбныя, 9 бронзавых узнагарод. У тройку лідэраў ўвайшлі таксама Галандыя (2, 1, 2) і Румынія (2, 1, 0). Каманда Беларусі з адной "бронзай" размясцілася на 16-й пазіцыі медальнага заліку.
Працягваецца выкананне задач тактычных вучэнняў з злучэннямі і воінскімі часцямі Заходняга і Поўнача-заходняга АТК ВПС і войскаў СПА
Асабовы склад Заходняга і Поўнача-заходняга аператыўна-тактычных камандаванняў Ваенна-паветраных сіл і войскаў супрацьпаветранай абароны прыступіў да выканання мерапрыемстваў другога этапу тактычных вучэнняў.
На першым этапе ў пунктах пастаяннай дыслакацыі былі адпрацаваны пытанні пераводу з мірнага на ваенны час, падрыхтоўкі і вядзення баявых дзеянняў пры адбіцці ўдараў з паветра.
У ходзе другога этапу вучэнняў будзе ажыццяўляцца перадыслакацыя групоўкі ВПС і войскаў СПА у новы пазіцыйны раён - на палігон "Ашулук" Расійскай Федэрацыі. У склад групоўкі ўвайдуць баявыя разлікі 15-й, 115-й, 120-й і 302-й зенітных ракетных брыгад, 8-й радыётэхнічнай брыгады агульнай колькасцю каля 650 чалавек. Перадыслакацыя асабовага складу і тэхнікі будзе здзяйсняцца чыгуначным і паветраным транспартам.
У рамках трэцяга этапу, які пройдзе з 20 па 26 жніўня, беларускія ваеннаслужачыя правядуць баявыя стрэльбы з зенітных ракетных комплексаў "З-300", "Бук" і "Аса".
9 жніўня 2010 года
Ваеннаслужачыя Дзяржавы Катар прайшлі падрыхтоўку ў Кіналагічным цэнтры Узброеных Сіл Рэспублікі Беларусь
9 жніўня ў Кіналагічным цэнтры Узброеных Сіл Рэспублікі Беларусь адбыўся выпуск ваеннаслужачых Дзяржавы Катар.
10 ваеннаслужачых Эмірскай гвардыі Катара прайшлі ў Беларусі шасцімесячную падрыхтоўку па спецыяльнасці "кінолаг". У Кіналагічным цэнтры Узброеных Сіл здзяйснялася таксама падрыхтоўка службовых сабак у інтарэсах узброеных сіл Катара.
Ва Узброеных Сілах Рэспублікі Беларусь створана ўнікальная школа службовага сабакаводства. За час існавання Кіналагічнага цэнтра Узброеных Сіл тут былі падрыхтаваны каля 2.000 службовых сабак. Больш за 2.500 ваеннаслужачых атрымалі спецыяльнасць прафесіянальнага кінолага. З 2001 года ў цэнтры дзейнічаюць курсы падрыхтоўкі і павышэння кваліфікацыі спецыялістаў службовага сабакаводства.
Сёння ў часці рыхтуюць прафесіянальных кінолагаў і службовых сабак па мінна-вышуковай, пошукава-выратавальнай, вышуковай дзейнасці, у тым ліку для пошуку зброі, наркотыкаў і выбуховых рэчываў, вартавай, патрульнай і іншых службаў.
З сакавіка 2009 года ў Кіналагічным цэнтры здзяйсняецца падрыхтоўка спецыяльных і службовых сабак і для сіл спецыяльных аперацый па трох кірунках: вышуковы, мінна-вышуковы і разведвальнай службах. Выпускнікі ўжо успелі праявіць сябе ў ходзе аператыўна-стратэгічнага вучэння "Захад-2009".
Больш за 400 сабак і шчаняцей цэнтра прымалі ўдзел у рэспубліканскіх і міжнародных выстаўках. У часці ёсць сабакі, якія маюць тытулы інтэрнацыянальных чэмпіёнаў, кандыдатаў у інтэрнацыянальныя чэмпіёны, чэмпіёнаў Беларусі і кандыдатаў у чэмпіёны краіны, пераможцаў класа і пераможцаў групы Міжнароднай кіналагічнай федэрацыі (FCI).
6 жніўня 2010 года
Працоўная сустрэча камандуючых сухапутнымі войскамі Беларусі і Польшчы
У адпаведнасці з Планам мерапрыемстваў ваеннага супрацоўніцтва паміж Міністэрствам абароны Рэспублікі Беларусь і Міністэрствам нацыянальнай абароны Рэспублікі Польшча на 2010 год з 4 па 6 жніўня ў г. Варшаве (Рэспубліка Польшча) адбылася двухбаковая працоўная сустрэча камандуючых сухапутнымі войскамі ўзброеных сіл Рэспублікі Беларусь і Рэспублікі Польшча па пытаннях баявой падрыхтоўкі.
Мэта працоўнай сустрэчы - абмеркаванне пытанняў, якія датычацца арганізацыі баявой падрыхтоўкі сухапутных войскаў, методыкі выкарыстання навучальных цэнтраў.
5 жніўня 2010 года
Святочныя мерапрыемствы, прысвечаныя Дню чыгуначных войскаў, пройдуць у Слуцку
6 жніўня асабовы склад транспартных войскаў адзначыць прафесійнае свята - Дзень чыгуначных войскаў.
Святочныя мерапрыемствы, прысвечаныя гадавіне стварэння чыгуначных войскаў, пройдуць ва ўсіх злучэннях і воінскіх часцях транспартных войскаў.
6 жніўня ў Слуцку, на базе 307-й асобнай чыгуначнай брыгады, для ветэранаў будзе арганізавана экскурсія па тэрыторыі воінскай часці, паказ тэхнікі, ускладанне вянкоў да помніка загінуўшым вязням лагера савецкіх ваеннапалонных і мірных грамадзян.
На плошчы перад Слуцкім раённым выканаўчым камітэтам адбудзецца мітынг і праходжанне асабовага складу 307-й ачбр урачыстым маршам.
Працягнуцца святочныя мерапрыемствы ў Слуцкім гарадскім Доме культуры, дзе адбудуцца ўрачысты збор і святочны канцэрт. Пасля чаго на палігоне "Лесішча" ваеннаслужачыя транспартных войскаў прадэманструюць майстэрства ў навядзенні наплаўнога маста.
Ва ўрачыстасцях, прысвечаных Дню чыгуначных войскаў, прымуць удзел больш 150 ветэранаў Вялікай Айчыннай вайны і Узброеных Сіл, а таксама прадстаўнікі мясцовых органаў улады і грамадскіх арганізацый, жыхары горада.
Пачаліся тактычныя вучэнні з войскамі Ваенна-паветраных сіл і войскаў супрацьпаветранай абароны
Сёння пачаліся тактычныя вучэнні з войскамі Заходняга і Поўнача-заходняга аператыўна-тактычных камандаванняў Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь.
Вучэнні пройдуць з 5 па 31 жніўня 2010 года, прычым актыўная фаза будзе праведзена на палігоне Расійскай Федэрацыі "Ашулук". Баявыя разлікі зенітных ракетных злучэнняў і часцей выканаюць баявыя стрэльбы ў складзе беларускай групоўкі.
Асноўнымі мэтамі вучэнняў з'яўляюцца ўдасканаленне практычных навыкаў камандзіраў і штабоў па кіраванні войскамі, павышэнне вывучкі разлікаў у ходзе выканання вучэбна-баявых задач у месцах пастаяннай дыслакацыі, адпрацоўка пытанняў перадыслакацыі злучэнняў і воінскіх часцей у новы пазіцыйны раён і выкананне там баявых стрэльбаў, павышэнне практычных навыкаў асабовага складу падраздзяленняў і воінскіх часцей пры адбіцці паветраных удараў.
Вучэнні пройдуць у чатыры этапы. На першым у пунктах пастаяннай дыслакацыі будуць адпрацаваны пытанні пераводу з мірнага на ваенны час, падрыхтоўкі і вядзення баявых дзеянняў пры адбіцці ўдараў з паветра.
У ходзе другога этапу вучэнняў асабовы склад здзейсніць марш чыгуначным і паветраным эшалонамі ў новы пазіцыйны раён - на палігон "Ашулук" Астраханскай вобласці.
Найбольш складаным і адказным для ўдзельнікаў вучэнняў стане трэці этап, які пройдзе з 20 па 26 жніўня. У ім прымуць удзел баявыя разлікі 15-й, 120-й, 115-й і 302-й зенітных ракетных брыгад, 8-й радыётэхнічнай брыгады, а таксама падраздзяленні сувязі і абслугоўвання. Баявыя стрэльбы будуць здзяйсняцца з зенітных ракетных комплексаў "З-300", "Бук" і "Аса". Агульная колькасць групоўкі складзе каля шасцісот пяцідзесяці чалавек і больш за сто адзінак тэхнікі і ўзбраення.
Упершыню, у мэтах павышэння баявых магчымасцяў падраздзяленняў аховы і абароны баявых пазіцый, будзе праведзена даследаванне магчымасці ўжывання тактычных беспілотных авіяцыйных комплексаў блізкага дзеяння і аўтаматызаванага дыстанцыйна-кіраванага наземна-агнявога комплексу для рашэння задач аховы раёнаў засяроджвання войскаў.
У ходзе актыўнай фазы вучэнняў будзе створана складанае мішэннае становішча за кошт ужывання ў паветраным удары новых мішэняў "БАКАС" і "САМАН", якія імітуюць элементы высокадакладнай зброі, а таксама перспектыўныя сродкі паветранага нападу.
Пасля заканчэння баявых стрэльбаў, на чацвёртым этапе вучэнняў, будзе здзейснена перадыслакацыя баявых разлікаў і тэхнікі злучэнняў Поўнача-заходняга і Заходняга АТК у пункты пастаяннай дыслакацыі.
Выкананне задач вучэнняў на палігоне "Ашулук" дазволіць яшчэ раз праверыць у становішчы, набліжаным да баявога, новыя сістэмы аўтаматызацыі айчыннай вытворчасці ўсіх узроўняў.
Вучэнні з баявой стральбой з'яўляюцца важнейшым элементам сістэмы падрыхтоўкі войскаў. На вучэннях не толькі шліфуецца баявая вывучка і практычныя навыкі асабовага складу, але і фарміруецца псіхалагічная гатовасць ваеннаслужачых выконваць задачы ў складаным становішчы.
3 жніўня 2010 года
Беларускія ваеннаслужачыя прымуць удзел у міратворчай місіі
Прэзідэнт Рэспублікі Беларусь Аляксандр Лукашэнка 2 жніўня 2010 года падпісаў Указ №400 "Аб накіраванні ваеннаслужачых Узброеных Сіл Рэспублікі Беларусь для ўдзелу ў дзейнасці па падтрыманні міжнароднага міру і бяспекі ў Ліванскай Рэспубліцы".
Указам Прэзідэнта Рэспублікі Беларусь для ўдзелу ў дзейнасці па падтрыманні міжнароднага міру і бяспекі ў склад Часовых сіл Арганізацыі Аб'яднаных Нацый у Ліванскай Рэспубліцы накіроўваецца група прадстаўнікоў Узброеных Сіл Рэспублікі Беларусь у колькасці 9 чалавек.
Ваеннаслужачыя, адабраныя для выканання задач у складзе міратворчай місіі, з'яўляюцца ваеннаслужачымі, якія праходзяць службу па кантракце, добраахвотна выказалі жаданне праходзіць службу ў складзе міратворчых сіл. Усе яны прайшлі прафесійны псіхалагічны адбор і паглыблены медыцынскі агляд.
Дадзеныя ваеннаслужачыя будуць ажыццяўляць сваю дзейнасць у складзе штаба Часовых сіл, ваенна-медыцынскіх устаноў, органаў па ўзаемадзеянні з грамадзянскім насельніцтвам і грамадскасцю. Для выканання гэтых задач яны прайшлі адпаведную падрыхтоўку.
Навучанне будучых міратворцаў праходзіла на спецыяльных курсах на базе Ваеннай акадэміі Рэспублікі Беларусь, у ходзе якіх праводзілася паглыбленае вывучэнне замежных моў, асноў міратворчай дзейнасці, міжнароднага гуманітарнага права, удасканальвалася прафесійная падрыхтоўка.
2 жніўня 2010 года
Армейскі спартсмен заваяваў "золата" чэмпіянату свету
На чэмпіянаце свету па кулявой стральбе, які ў гэтыя дні праходзіць у горадзе Мюнхене, падпалкоўнік Сяргей Мартынаў у стральбе з малакалібернай вінтоўкі на 50 метраў са становішча лежачы, заваяваў залаты медаль з вынікам 104,9 ачкоў.
Падпалкоўнік Сяргей Мартынаў - заслужаны майстар спорту Рэспублікі Беларусь, бронзавы прызёр Алімпійскіх гульняў (у 2000 і 2004 гадах), шматразовы прызёр чэмпіянатаў свету і Еўропы, уладальнік Кубка свету, рэкардсмен свету, прызёр чэмпіянатаў свету і Еўропы сярод ваеннаслужачых (СІЗМ).
Чэмпіянат свету па кулявой стральбе завяршыцца 11 жніўня.
Назіральны палёт над тэрыторыяй Рэспублікі Беларусь
З 2 па 6 жніўня ў рамках Дагавора па адкрытым небе плануецца правядзенне назіральнага палёту місіі Рэспублікі Польшча над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання АН-30Б у мэтах кантролю ваеннай дзейнасці на тэрыторыях назіраемых дзяржаў.
30 лiпеня 2010 года
Завяршылася адпраўка новага папаўнення ў войскі
Завяршылася адпраўка грамадзян, прызваных на тэрміновую ваенную службу і службу ў рэзерве ва Узброеныя Сілы, іншыя войскі і воінскія фарміраванні.
У ходзе летняй прызыўной кампаніі для праходжання тэрміновай ваеннай службы ва Узброеныя Сілы прызвана больш за дзесяць тысяч чалавек, на службу ў рэзерве -2 тысячы.
У цяперашні час навабранцы праходзяць курс пачатковай ваеннай падрыхтоўкі. 14 жніўня ў злучэннях і воінскіх часцях Узброеных Сіл пройдуць цырымоніі прыняцця Ваеннай прысягі.
Адной з асноўных задач прызыву грамадзян на тэрміновую ваенную службу і службу ў рэзерве з'яўляецца забеспячэнне выканання грамадзянамі нашай краіны свайго канстытуцыйнага доўгу па абароне Айчыны.
Прызыў грамадзян на тэрміновую ваенную службу і службу ў рэзерве ў красавіку - верасні 2010 года здзяйсняецца ў адпаведнасці з Указам Прэзідэнта Рэспублікі Беларусь ад 16 красавіка 2010 г. № 182.
Узброеныя сілы акажуць дапамогу ў правядзенні ўборкі ўраджая
У адпаведнасці з даручэннем Савета Міністраў Рэспублікі Беларусь Узброеныя Сілы акажуць дапамогу сельскагаспадарчым арганізацыям Рэспублікі Беларусь у правядзенні ўборкі ўраджая 2010 года.
Для кіраўніцтва дзеяннямі асабовага складу, вылучанага для аказання дапамогі па ўборцы ўраджая, арганізацыі ўзаемадзеяння з мясцовымі органамі ўлады ў Міністэрстве абароны, відах Узброеных Сіл створаны адпаведныя аператыўныя групы.
З складу ваеннаслужачых і грамадзянскага персанала злучэнняў і воінскіх часцей сфарміраваны зводныя аўтамабільныя ўзводы для перавозкі сельскагаспадарчых грузаў.
Завяршылася VII Спартакіяда дружалюбных войскаў дзяржаў - удзельніц СНД
У Санкт-Пецярбурзе завяршылася VII Спартакіяда дружалюбных войскаў дзяржаў - удзельніц Садружнасці Незалежных Дзяржаў.
Больш за 300 армейскіх спартсменаў з краін СНД прынялі ўдзел у спаборніцтвах па вольнай барацьбе, стральбе з штатнай зброі, гіраваму спорту, міні-футболу, шматбор'ю і плаванню.
Дваццаць пяць беларускіх воінаў-спартсменаў выступалі ў чатырох дысцыплінах (вольная барацьба, стральба з штатнай зброі, шматбор'е і гіравы спорт). Кожны з відаў прынёс медалі ў камандную скарбонку.
Усяго каманда Узброеных Сіл Рэспублікі Беларусь заваявала 11 медаляў - чатыры залатыя, тры срэбныя і чатыры бронзавыя. Чэмпіёнамі Спартакіяды па вольнай барацьбе сталі радавы Уладзіслаў Андрэеў, радавыя кантрактнай службы Ян Янкоўскі і Аляксей Ісаеў. Таксама ў актыве нашых барацьбітаў - "золата" у агульнакамандным заліку, "срэбра" радавога Андрэя Комара і бронзавыя медалі Дмітрыя Сівакова і прапаршчыка Максіма Міхалевіча.
Срэбныя медалі па выніках Спартакіяды заваявалі старшы лейтэнант Андрэй Маркевіч (шматбор'е) і зборная па стральбе з штатнай зброі (аўтамат Калашнікава), бронзавыя ўзнагароды - у гіравікоў старшага лейтэнанта Віталя Рабцава і лейтэнанта Максіма Яромскага.
Маштабныя святочныя мерапрыемствы, прысвечаныя Дню дэсантнікаў і 80-годдзю Паветрана-дэсантных войскаў, пройдуць у Брэсце і Віцебску
2 жніўня ў Рэспубліцы Беларусь адзначаецца Дзень дэсантнікаў і 80-годдзе Паветрана-дэсантных войскаў.
Ва Узброеных Сілах Рэспублікі Беларусь прадаўжальнікамі традыцый Паветрана-дэсантных войскаў з'яўляюцца сілы спецыяльных аперацый.
Святочныя мерапрыемствы, прысвечаныя Дню дэсантнікаў і 80-годдзю Паветрана-дэсантных войскаў, пройдуць у Брэсце, Віцебску, Мар’інай Горцы, Наваполацку. Іх удзельнікамі стануць ветэраны Паветрана-дэсантных войскаў, ваеннаслужачыя Узброеных Сіл Рэспублікі Беларусь, члены сем'яў ваеннаслужачых, жыхары краіны і замежныя госці.
1 і 2 жніўня ў месцах дыслакацыі злучэнняў сіл спецыяльных аперацый будуць арганізаваны дні адчыненых дзвярэй. Госці змогуць убачыць паказальныя выступленні ваеннаслужачых па рукапашным бою і тактыка-спецыяльнай падрыхтоўцы, спартыўныя спаборніцтвы, выступленні ваеннаслужачых рот ганаровай варты і гарнізонных аркестраў, паказ тэхнікі, узбраення, экіпіроўкі і амуніцыіі ваеннаслужачых сіл спецыяльных аперацый, святочныя канцэрты.
Месцамі правядзення ўрачыстасцяў стануць не толькі тэрыторыі воінскіх часцей і злучэнняў, але і вуліцы гарадоў.
31 ліпеня маштабныя святочныя мерапрыемствы адбудуцца ў гарадскім пасёлку Баравуха Віцебскай вобласці, дзе раней дыслацыраваліся два палка 103-й паветрана-дэсантнай дывізіі. Ветэраны Паветрана-дэсантных войскаў ускладуць вянкі да мемарыяльнай дошкі Героя Савецкага Саюза генерала арміі Васілія Маргелава, прымуць удзел у мітынгу, прысвечаным памятнай даце. З святочным канцэртам перад імі выступіць Акадэмічны ансамбль песні і танца Узброеных Сіл, няштатная спартыўная каманда прадэманструе паказальныя парашутныя скачкі.
У Віцебску святкаванню Дня дэсантнікаў прыдан статус гарадскога святочнага мерапрыемства. 1 жніўня ў зале Летняга амфітэатра горада адбудецца ўрачысты збор з удзелам ветэранаў, ваеннаслужых 103-й гвардзейскай асобнай мабільнай брыгады і членаў іх сем'яў, жыхароў горада, а таксама святочны канцэрт. Перад пачаткам урачыстасцяў спартсмены-парашутысты ДГСААФ здзейсняць дэсантаванне на пляцоўку амфітэатра.
У Брэсце ваеннаслужачыя 38-й гвардзейскай асобнай мабільнай брыгады 2 жніўня пройдуць урачыстым маршам і з песнямі па вуліцах горада. Пасля чаго жыхары абласнога цэнтра змогуць убачыць выступленні спартсменаў-парашутыстаў, паказальныя выступленні воінаў-дэсантнікаў, у тым ліку фарсіраванне воднай перашкоды, святочны канцэрт, азнаёміцца з выставай узораў узбраення і баявой тэхнікі.
28 лiпеня 2010 года
Сумеснае тактыка-спецыяльнае вучэнне ваеннаслужачых Рэспублікі Беларусь і Дзяржавы Катар
28 ліпеня на базе 5-й асобнай брыгады спецыяльнага назначэння завяршылася сумеснае тактыка-спецыяльнае вучэнне з удзелам ваеннаслужачых сіл спецыяльных аперацый узброеных сіл Рэспублікі Беларусь і Дзяржавы Катар. За ходам вучэння назіралі начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-маёр Пётр Ціханоўскі і начальнік Генеральнага штаба Узброеных Сіл Дзяржавы Катар генерал-маёр Хамад бэн Алі Аль-Аттыйя, які ў гэтыя дні знаходзіцца з візітам у Рэспубліцы Беларусь.
Правядзенне дадзенага мерапрыемства з'яўляецца чарговым этапам развіцця двухбаковага ваеннага супрацоўніцтва Рэспублікі Беларусь і Дзяржавы Катар.
Так, у кастрычніку 2008 і сакавіку 2010 гадоў беларускія ваеннаслужачыя прымалі ўдзел у комплексных стратэгічных вучэннях Узброеных Сіл Дзяржавы Катар "Разгневаны сокал-2008" і "Разгневаны сокал-2010". Удзел у вучэннях дазволіла беларускім спецыялістам атрымаць вопыт фарміравання кантынгенту разнародных сіл для ўдзелу ў гуманітарных місіях за мяжой, арганізацыі ўжывання беларускага кантынгенту ў складзе шматнацыянальных сіл.
26 лiпеня 2010 года
Зборная Узброеных Сіл Рэспублікі Беларусь па парашутным спорце - чэмпіён свету!
З 15 па 25 ліпеня ў горадзе Буоксе (Швейцарыя) прайшоў 35-й чэмпіянат свету па парашутным спорце. У спаборніцтвах, якія праводзяцца пад эгідай Міжнароднага савета ваеннага спорту (СІЗМ), прынялі ўдзел спартсмены з 36 краін.
Чэмпіёнам свету па парашутным спорце стала жаночая каманда зборнай Узброеных Сіл Рэспублікі Беларусь пад кіраўніцтвам старшага прапаршчыка Аляксея Кавальчука. Каманда ў складзе старшага прапаршчыка Алёны Ярмальчук, старшых сяржантаў Людмілы Гаврыленка і Наталлі Зіміной, яфрэйтараў Наталлі Нікіцюк і Таццяны Налівайка заваявала залатыя медалі ў агульнакамандным заліку, апярэдзіўшы зборныя ЗША (2 месца) і Кітая (3 месца). Таксама ў актыве беларускай дружыны першае месца ў акрабатычных парашутных скачках і "срэбра" у спаборніцтвах па скачках на дакладнасць прызямлення.
У скарбонцы капітана жаночай каманды старшага прапаршчыка Алены Ярмальчук тры ўзнагароды па выніках індывідуальных спаборніцтваў. Спартсменка заваявала срэбраны медаль у парашутным дваяборстве, а таксама дзве "бронзы" - у акрабатычных парашутных скачках і скачках на дакладнасць прызямлення.
23 лiпеня 2010 года
Назіральны палёт над тэрыторыяй Рэспублікі Беларусь
З 26 па 30 ліпеня ў рамках Дагавора па адкрытым небе плануецца правядзення назіральнага палёту місіі Злучаных Штатаў Амерыкі над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання ОС-135В у мэтах кантролю ваеннай дзейнасці на тэрыторыях назіраемых дзяржаў.
Дзень пажарнай службы
25 ліпеня ў Рэспубліцы Беларусь адзначаецца Дзень пажарнай службы.
Нараўне з ветэранамі і асабовым складам Міністэрства па надзвычайных сітуацыях, прафесійнае свята адзначаць і ваеннаслужачыя Узброеных Сіл службы супрацьпажарнай абароны Узброеных Сіл.
Сёння супрацьпажарную абарону Узброеных Сіл забяспечваюць 27 ваенных каманд супрацьпажарнай абароны і аварыйна-выратавальных работ, 8 пажарных каманд, укамплектаваных грамадзянскім персаналам, і 59 пажарных разлікаў і наглядаў. Дадзеныя падраздзяленні прызначаны для нясення службы па папярэджванню і тушэнню пажараў, правядзенню першачарговых аварыйна-выратавальных работ, выратаванню людзей, узбраення, ваеннай тэхнікі і матэрыяльных сродкаў пры пажарах на аб'ектах гарнізонаў і воінскіх часцей. На ўзбраенні супрацьпажарных падраздзяленняў знаходзяцца як асноўныя тыпы пажарных аўтамабіляў (аўтацыстэрны), так і спецыяльныя (аэрадромныя аўтамабілі для тушэння пажараў паветраных судоў і гусенічныя пажарныя машыны для тушэння боепрыпасаў).
Таксама ваенные пажарнікі аказваюць практычную дапамогу супрацьпажарным падраздзяленням Міністэрства па надзвычайных сітуацыях у аддаленых раёнах і населеных пунктах, размешчаных блізка ад ваенных гарадкоў.
22 лiпеня 2010 года
Візіт ваеннай дэлегацыі Дзяржавы Катар у Рэспубліку Беларусь
22 ліпеня 2010 года пачаўся візіт у Рэспубліку Беларусь начальніка Генеральнага штаба Узброеных Сіл Дзяржавы Катар генерал-маёра Хамада бэн Алі Аль-Аттыйя.
З кіраўніком дэлегацыі Дзяржавы Катар сустрэнецца Міністр абароны Рэспублікі Беларусь генерал-лейтэнант Юрый Жадобін. У ходзе сустрэч бакі плануюць абмеркаваць пытанні далейшага развіцця двухбаковага ваеннага супрацоўніцтва.
21 лiпеня 2010 года
Візіт у Рэспубліку Беларусь дэлегацыі Народна-вызваленчай арміі Кітая
У перыяд з 22 па 25 ліпеня 2010 года адбудзецца візіт у Рэспубліку Беларусь члена Цэнтральнага Ваеннага Савета Кітайскай Народнай Рэспублікі, Галоўнакамандуючага Ракетнымі стратэгічнымі войскамі Народна-вызваленчай арміі Кітая генерал-палкоўніка Цзін Джыюань.
У ходзе візіту з членамі дэлегацыі Народна-вызваленчай арміі Кітая сустрэнецца Міністр абароны Рэспублікі Беларусь генерал-лейтэнант Юрый Жадобін.
Кітайскія ваенныя таксама азнаёмяцца са структурай і задачамі Ваеннай акадэміі Рэспублікі Беларусь, наведаюць агульнавайсковы факультэт ваеннага вну, 336-ю рэактыўную артылерыйскую брыгаду.
Працягваюцца мерапрыемствы па аптымізацыі структуры Ваенна-паветраных сіл і войскаў супрацьпаветранай абароны
20 ліпеня асноўная частка баявых самалётаў 927-й знішчальнай авіяцыйнай базы і 116-й гвардзейскай бамбардзіровачна-разведвальнай авіяцыйнай базы здзейсніла пералёт на аэрадромы 61-й знішчальнай авіяцыйнай базы і 206-й штурмавой авіяцыйнай базы.
Перамяшчэнне ўзбраення і ваеннай тэхнікі здзяйсняецца планава з пачатку гэтага года. Праца па аптымізацыі баявога складу, удасканаленню структуры баявых сістэм і сістэм забяспячэння Узброеных Сіл накіравана на павышэнне баявой гатоўнасці ВПС і войскаў СПА, якасці нясення баявога дзяжурства, гатоўнасці да выканання пастаўленых задач.
20 лiпеня 2010 года
Сумесны збор падраздзяленняў інжынерных войскаў
З 17 па 23 ліпеня ў г. Волжскі (Расійская Федэрацыя) праходзіць сумесны збор падраздзяленняў інжынерных войскаў узброеных сіл Рэспублікі Беларусь, Рэспублікі Казахстан і Расійскай Федэрацыі.
У склад зводнага падраздзялення Узброеных Сіл Рэспублікі Беларусь увайшлі ваеннаслужачыя 2-й і 557-й інжынерных брыгад, 188-й гвардзейскай інжынернай брыгады, 120-й гвардзейскай асобнай механізаванай брыгады, 103-й асобнай мабільнай брыгады, 7-го інжынернага палка.
З удзельнікамі сумеснага збору будуць праведзены заняткі па спецыяльнай падрыхтоўцы, спаборніцтвы на лепшы экіпаж (разлік) пры выкананні нарматываў на інжынернай тэхніцы, спаборніцтвы вадалазаў па спецыяльнай падрыхтоўцы, а таксама спаборніцтвы паміж камандамі падраздзяленняў інжынерных войскаў па ваенна-прыкладным відам спорту.
У рамках збору таксама запланавана правядзенне 21 ліпеня арганізацыйнага пасяджэння Кардынацыйнага камітэта па пытаннях інжынернага забеспячэння пры Савеце міністраў абароны дзяржаў - удзельніц Садружнасці Незалежных Дзяржаў. У ім прымуць удзел прадстаўнікі абаронных ведамстваў Рэспублікі Беларусь, Украіны, Расійскай Федэрацыі, Рэспублікі Казахстан, Рэспублікі Таджыкістан і Рэспублікі Арменія.
У ходзе пасяджэнняў будуць абмеркаваны пытанні ўзаемадзеяння інжынерных войскаў узброеных сіл дзяржаў - удзельніц СНД, разгледжаны праекты дакументаў, датычных працы Кардынацыйнага камітэта па пытаннях інжынернага забеспячэння да 2014 года.
Выпрабаванні на права ўзнагароджанні знакам "Доблесць і майстэрства"
З 19 па 23 ліпеня на базе 103-й асобнай мабільнай брыгады і палігона "Ласвіда" праходзяць выпрабаванні ваеннаслужачых на права ўзнагароджання іх нагрудным знакам "Доблесць і майстэрства" у 2010 годзе.
У спаборніцтвах прымаюць удзел 37 ваеннаслужачых злучэнняў і воінскіх часцей Узброеных Сіл Рэспублікі Беларусь, установы адукацыі "Ваенная акадэмія Рэспублікі Беларусь". Удзельнікам маецца быць прадэманстраваць навыкі ў агнявой падрыхтоўцы, тактыка-адмысловай падрыхтоўцы, інжынернай падрыхтоўцы, паветрана-дэсантнай падрыхтоўцы, фізічнай падрыхтоўцы і іншых дысцыплінах баявой падрыхтоўкі.
Асноўнымі мэтамі выпрабаванняў з'яўляюцца:
праверка ўзроўня індывідуальнай падрыхтоўкі ваеннаслужачых, ступень іх гатовасці да выканання разведвальных і спецыяльных задач у складаных умовах становішча;
ацэнка якасці засваення ваеннаслужачымі праграм баявой падрыхтоўкі і прафесійна-службовай падрыхтоўкі;
удасканаленне прафесійных навыкаў ваеннаслужачых, іх маральна-псіхалагічнай і фізічнай падрыхтоўкі;
папулярызацыя традыцый злучэнняў і воінскіх часцей сіл спецыяльных аперацый.
16 лiпеня 2010 года
Назіральны палёт над тэрыторыяй Рэспублікі Беларусь
З 12 па 16 ліпеня ў рамках Дагавора па адкрытым небе адбыўся назіральны палёт місіі Італьянскай Рэспублікі над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання С-130J.Мэта палёта – кантроль ваеннай дзейнасці на тэрыторыях назіраемых дзяржаў.
Інспекцыйная група Рэспублікі Беларусь наведала аб’екты на тэрыторыі ФРГ
З 12 па 16 ліпеня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правяла інспекцыі дзвюх воінскіх часцей узброеных сіл Федэратыўнай Рэспублікі Германія, якія з’яўляюцца аб’ектамі кантролю ў адпаведнасці з палажэннямі Дагавора. У ходзе інспекцый была пацверджана адпаведнасць наяўнасці абмежаваных Дагаворам узбраенняў і ваеннай тэхнікі на провяраемых аб’ектах кантроля іх заяўленай колькасці.
14 лiпеня 2010 года
Прызыў на тэрміновую ваенную службу і службу ў рэзерве ў красавіку - верасні 2010 года
14 ліпеня 2010 года пачынаецца адпраўка грамадзян, прызваных на тэрміновую ваенную службу і службу ў рэзерве ва Узброеныя Сілы, іншыя войскі і воінскія фарміраванні. У першы дзень з Мінскага гарадскога і абласных зборных пунктаў краіны ў войскі будуць накіраваны каля 1 500 прызыўнікоў. Пачаўшаяся сёння адпраўка ў войскі прадоўжыцца да 30 ліпеня 2010 года.
Адной з асноўных задач прызыву грамадзян на тэрміновую ваенную службу і службу ў рэзерве з'яўляецца забеспячэнне выканання грамадзянамі нашай краіны свайго канстытуцыйнага доўгу па абароне Айчыны.
Прызыў грамадзян на тэрміновую ваенную службу і службу ў рэзерве ў красавіку - верасні 2010 года ажыццяўляецца ў адпаведнасці з Указам Прэзідэнта Рэспублікі Беларусь ад 16 красавіка 2010 г. № 182.
У адпаведнасці з заканадаўствам краіны прызыву на тэрміновую ваенную службу і службу ў рэзерве летам у гэтым годзе падлягаюць больш за 120 тысяч маладых людзей.
Улічваючы патрэбнасці Узброеных Сіл і іншых воінскіх фарміраванняў Рэспублікі Беларусь, на іх укамплектаванне плануецца накіраваць каля 10 тысяч чалавек - на тэрміновую ваенную службу і каля 2 тысяч - на службу ў рэзерве.
На сённяшні дзень прызыўнымі камісіямі раёнаў (гарадоў) у дачыненні прызыўнікоў ужо прынята больш за 40 000 рашэнняў. Прадстаўлена 22 000 адтэрміновак, большую частку з якіх - 80% складаюць адтэрміноўкі для працягу адукацыі.
У адпаведнасці з Законам "Аб воінскім абавязку і воінскай службе", права на адтэрміноўку ад прызыву таксама атрымалі грамадзяне па стане здароўя, у сувязі з цяжкім сямейным становішчам, дзеці-сіроты і дзеці, пакінутыя без апекі бацькоў.
Вывучэнне і адбор грамадзян, якія падлягалі прызыву на тэрміновую ваенную службу, ажыцяўляліся ваеннымі камісарыятамі краіны, а таксама прадстаўнікамі воінскіх часцей Узброеных Сіл, іншых войскаў і воінскіх фарміраванняў у перыяд з 25 чэрвеня па 13 ліпеня 2010 года.
У Мінску ўрачыстыя мерапрыемствы, прысвечаныя пачатку адпраўкі ў войскі новага папаўнення, пройдуць 14 ліпеня на базе Мінскага гарадскога зборнага пункта. У іх прымуць удзел прадстаўнікі Міністэрства абароны і адміністрацыі сталіцы, грамадскіх арганізацый, ветэраны Вялікай Айчыннай вайны, бацькі прызыўнікоў, а таксама прадстаўнікі злучэнняў і воінскіх часцей. У гэты дзень больш за 200 чалавек, прызваных ваенными камісарыятамі г. Мінска і Мінскай вобласці папоўняць рады Узброеных Сіл, іншых войскаў і воінскіх фарміраванняў.
Цырымонія прыняцця Ваеннай прысягі ў злучэннях і воінскіх часцях Узброеных Сіл пройдзе 14 жніўня.
12 лiпеня 2010 года
Назіральны палёт над тэрыторыяй Рэспублікі Беларусь
З 12 па 16 ліпеня ў рамках Дагавора па адкрытым небе плануецца правядзенне назіральнага палёту місіі Італьянскай Рэспублікі над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання С-130J ў мэтах кантролю ваеннай дзейнасці на тэрыторыях назіраемых дзяржаў.
Інспекцыйная група Рэспублікі Беларусь наведае аб’екты на тэрыторыі ФРГ
З 12 па 16 ліпеня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правядзе інспекцыі дзвюх воінскіх часцей узброеных сіл Федэратыўнай Рэспублікі Германія (па выбары інспектараў). У ходзе інспекцый будзе праверана адпаведнасць наяўнасці абмежаваных Дагаворам ўзбраенняў і ваеннай тэхнікі на провяраемых аб’ектах іх заяўленай колькасці.
6 лiпеня 2010 года
Ва Узброеных Сілах створаны ўсе ўмовы для забеспячэння ўстойлівага зніжэння злачыннасці
6 ліпеня 2010 года адбылася каардынацыйная нарада пры Беларускай ваеннай пракуратуры па барацьбе са злачыннасцю і карупцыяй.
У ходзе мерапрыемстваў разгледжаны пытанні далейшага ўдасканалення сістэмы сумеснай дзейнасці органаў ваеннай юстыцыі і ваеннага кіравання па прафілактыцы і барацьбе са злачыннасцю ва Узброеных Сілах.
Кіраўніцтвам Узброеных Сіл сумесна з Беларускай ваеннай пракуратурай пастаянна ўдасканальваецца сістэма мер па папярэджанні гібелі і траўматызму ваеннаслужачых, а таксама крымінальна каральных правапарушэнняў у войсках.
Як вынік сумеснай працы, у гэтым годзе без злачынстваў і здарэнняў вырашаюць пастаўленыя задачы больш за 80 % злучэнняў і воінскіх часцей. За першыя шэсць месяцаў не дапушчана агульнага росту крымінальна каральных правапарушэнняў у параўнанні з аналагічным перыядам 2009 года. Пры гэтым узровень воінскіх, а таксама асоба цяжкіх злачынстваў мае тэндэнцыю да зніжэння; а колькасць крымінальных спраў, узбуджаных па фактах правапарушэнняў у сферы міжасобасных адносін, скарацілася больш чым на 20 %.
5 лiпеня 2010 года
Прысваенне чарговага воінскага звання
Па паведамленні прэс-службы Кіраўніка дзяржавы Прэзідэнт Рэспублікі Беларусь падпісаў указ аб прысваенні чарговага воінскага звання генерал-маёра палкоўніку Валерыю Гнілазубу, начальніку 72 гвардзейскага аб'яднанага вучэбнага цэнтра падрыхтоўкі прапаршчыкаў і малодшых спецыялістаў.
У цэнтры ўвагі - пытанні міжнароднага ваеннага супрацоўніцтва
29-30 чэрвеня ў Вільнюсе адбылася чатырохбаковая сустрэча кіраўнікоў структурных падраздзяленняў абаронных ведамстваў Рэспублікі Беларусь, Рэспублікі Польшча, Літоўскай Рэспублікі і Украіны, якія займаюцца пытаннямі міжнароднага ваеннага супрацоўніцтва. Беларускую дэлегацыю ўзначаліў начальнік упраўлення міжнароднага ваеннага супрацоўніцтва Міністэрства абароны палкоўнік Ігар Зароўкін.
У ходзе сустрэч удзельнікі абмеркавалі перспектывы шматбаковага ваеннага супрацоўніцтва, а таксама абмяняліся вопытам арганізацыі міратворчай дзейнасці.
Кожная дэлегацыя прадставіла прэзентацыю аб узброеных сілах сваёй краіны, планах іх будаўніцтва і развіцця. У ходзе асобнага пасяджэння прадстаўнікі Міністэрства абароны Літоўскай Рэспублікі і Міністэрства нацыянальнай абароны Рэспублікі Польшча выступілі з прэзентацыямі "Бягучыя пытанні і выклікі еўраатлантычнай бяспекі" і "Вопыт, атрыманы ў міжнародных міратворчых аперацыях" адпаведна.
Характэрна, што з гэтага часу ваеннае супрацоўніцтва паміж Беларуссю, Літвой, Польшчай і Украінай будзе называцца "Мінскай ініцыятывай". Дадзеная прапанова была вылучана літоўскім бокам і аднагалосна адобрана ўдзельнікамі сустрэчы. Бо менавіта Рэспубліка Беларусь арганізавала ў 2008 году першую працоўную сустрэчу начальнікаў структурных падраздзяленняў абаронных ведамстваў чатырох краін, якія адказваюць за пытанні міжнароднага ваеннага супрацоўніцтва.
Чарговая чатырохбаковая сустрэча падобнага фармату пройдзе ў Рэспубліцы Польшча ў 2011 году.
2 лiпеня 2010 года
Гадавіна стварэння 181-й баявой верталётнай базы
1 ліпеня асабовы склад 181-й баявой верталётнай базы адзначыў Дзень часці.
Гісторыя базы вядзе свой адлік з 1973 года, калі на аэрадроме Цемір-Таў Карагандзінскай вобласці быў сфарміраваны 181-й асобны верталётны полк.
На асабовы склад палка былі ўскладзены задачы па пошуку і сустрэчы спускальных апаратаў касмічных караблёў. Экіпажы палка забяспечвалі пасадкі і сустрэчы касмічных караблёў "Саюз-12" і "Саюз-15", прымалі ўдзел у завяршальным этапе сумеснага савецка-амерыканскага праекту "Апалон-Саюз", забеспячэнні пасадкі касмічнага карабля "Саюз-19".
З 1979 па 1988 год полк удзельнічаў у шэрагу буйных аперацый кантынгенту савецкіх войскаў у Рэспубліцы Афганістан. Пяць лётчыкаў палка сталі Героямі Савецкага Саюза (з іх двое - пасмяротна), восем узнагароджаны ордэнам Леніна, ардэна Чырвонага Сцяга атрымалі 39 ваеннаслужачых, 564 узнагароджаны ордэнам Чырвонай Зоркі, 780 - ордэнам "За службу Радзіме ва Узброеных Сілах III ступені".
Пасля вывядзення 181-го асобнага верталётнага палка з Афганістана ў 1988 году, месцам дыслакацыі верталётчыкаў стала беларуская зямля. У кастрычніку 1993 года на базе палка і часцей забеспячэння была сфарміравана 181-я баявая верталётная база.
Сёння асабовы склад 181-й бпб паспяхова выконвае вучэбна-баявыя задачы па ахове паветраных меж краіны, удзельнічае ў буйнамаштабных вучэннях Узброеных Сіл. Вучэбна-трэніровачная эскадрылля базы "ставіць на крыло" маладое пакаленне верталётчыкаў, навучаючы лётнаму мастацтву курсантаў Ваеннай акадэміі Рэспублікі Беларусь.
Акрамя таго, прадстаўнікі 181-й баявой верталётнай базы ВПС і войскаў СПА з'яўляюцца ўдзельнікамі ўсіх паветраных парадаў, якія праводзяцца над сталіцай нашай дзяржавы.
1 лiпеня 2010 года
Адбыўся візіт дэлегацыі Узброеных Сіл Рэспублікі Беларусь у Рэспубліку Польшча
З 28 па 30 чэрвеня адбыўся візіт у Рэспубліку Польшча дэлегацыі Узброеных Сіл Рэспублікі Беларусь на чале з начальнікам Генеральнага штаба Узброеных Сіл - першым намеснікам Міністра абароны Рэспублікі Беларусь генерал-маёрам Пятром Ціханоўскім.
У рамках візіту адбыліся сустрэчы кіраўніка беларускай ваеннай дэлегацыі з начальнікам Генеральнага штаба Войска Польскага генералам брані Мечыславам Чэнюхом, старшынёй камісіі Сойма Польшчы па пытаннях нацыянальнай абароны Станіславам Вз’ёнтэкам і намеснікам міністра нацыянальнай абароны па пытаннях абароннай палітыкі Збігневам Уласавічам. У ходзе гэтых сустрэч былі разгледжаны пытанні міжнароднай і рэгіянальнай бяспекі, а таксама далейшага развіцця ваеннага супрацоўніцтва паміж Рэспублікай Беларусь і Рэспублікай Польшча.
У выніку перамоў начальнікаў Генеральных штабоў абаронных ведамстваў дзвюх краін прынята рашэнне аб падрыхтоўцы Плану рэалізацыі дамоўленасцяў, дасягнутых у ходзе візіту.
29 чэрвеня 2010 года
Візіт дэлегацыі Узброеных Сіл Рэспублікі Беларусь у Рэспубліку Польшча
У адпаведнасці з Планам мерапрыемстваў ваеннага супрацоўніцтва паміж Міністэрствам абароны Рэспублікі Беларусь і Міністэрствам нацыянальнай абароны Рэспублікі Польшчы на 2010 год 28 чэрвеня ў Рэспубліку Польшча прыбыла дэлегацыя Узброеных Сіл Рэспублікі Беларусь на чале з начальнікам Генеральнага штаба Узброеных Сіл – першым намеснікам Міністра абароны Рэспублікі Беларусь генерал-маёрам Пятром Ціханоўскім. У ходзе візіту будуць абмеркаваны пытанні далейшага развіцця ваеннага супрацоўніцтва паміж Рэспублікай Беларусь і Рэспублікай Польшча. Візіт працягнецца да 30 чэрвеня.
Гэта мерапрыемства накіравана на далейшае ўмацаванне двухбаковых кантактаў у ваеннай сферы і развіццю супрацоўніцтва паміж абароннымі ведамствамі дзвюх дзяржаў.
Зацверджаны новыя памеры акладаў ваеннаслужачых
У адпаведнасці з Указам Прэзідэнта Рэспублікі Беларусь з 1 чэрвеня 2010 года павышана велічыня акладаў па воінскіх званнях ваеннаслужачых. У сярэднім грашовае забеспячэнне ваеннаслужачага павялічылася на 12-13%.
Паказны занятак па методыцы падрыхтоўкі і правядзення батальённага тактычнага вучэння
З 28 па 30 чэвреня на 277-м агульнавайскавым палігоне праходзіць паказны занятак па методыцы падрыхтоўкі і правядзення батальённага тактычнага вучэння з баявой стральбой.
У занятку прымаюць удзел кіруючы склад аператыўных камандаванняў Сухапутных войскаў і сіл спецыяльных аперацый, механізаваных брыгад і злучэнняў ССА, ваенных навучальных устаноў, слухачы камандна-штабнога факультэта і факультэта Генеральнага штаба Узброеных Сіл Ваеннай акадэміі Рэспублікі Беларусь, асабовы склад падраздзяленняў 19-й асобнай механізаванай брыгады, 120-й асобнай гвардзейскай механізаванай брыгады, 8га палка радыяцыйнай, хімічнай і біялагічнай абароны.
Мерапрыемства праводзіцца з мэтай выпрацоўкі найбольш эфектыўных напрамкаў дзейнасці кіруючага складу Сухапутных войскаў і сіл спецыяльных аперацый па павышэнню якасці падрыхтоўкі і правядзення тактычных вучэнняў.
Інспекцыйная група Рэспублікі Беларусь правяла інспекцыю на тэрыторыі Украіны
З 20 па 26 чэрвеня ў рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі інспекцыйная група Рэспублікі Беларусь правяла інспекцыю вызначанага раёна і наведванне па ацэнцы 1-й асобнай танкавай брыгады ўзброеных сіл Украіны. У ходзе інспекцыйных мерапрыемстваў была пацверджана адсутнасць у вызначаным раёне буйной ваеннай дзейнасці, якая падлягае папярэдняму паведамленню ў адпаведнасці з палажэннямі Пагаднення, а таксама пацверджана інфармацыя, прадстаўленая Украінай дзяржавам-удзельніцам АБСЕ ў рамках Венскага дакумента 1999 года ў адносінах да асабовага складу, асноўных сістэм узбраення і ваеннай тэхнікі названай воінскай часці.
Працоўная сустрэча экспертаў узброеных сіл Рэспублікі Беларусь і Украіны
З 29 чэрвеня па 1 ліпеня ў Мінску адбудзецца працоўная сустрэча экспертаў узброеных сіл Рэспублікі Беларусь і Украіны па ацэнцы выканання Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі. Беларускую дэлегацыю на перамовах узначаліць начальнік Нацыянальнага агенцтва па кантролю і інспекцыях – дэпартамента Міністэрства абароны палкоўнік Алег Горбач.
Спачуванні Кіраўніка дзяржавы
Па паведамленню прэс-службы Кіраўніка дзяржавы Прэзідэнт Рэспублікі Беларусь Аляксандр Лукашэнка выказаў спачуванні родным і блізкім Героя Савецкага Саюза Васілія Шчарбакова ў сувязі з яго смерцю.
Кіраўнік дзяржавы адзначыў, что Васілій Шчарбакоў праявіў бяспрыкладныя мужнасць і самаадданасць у час службы ў Афганістане і адным з першых воінаў-інтэрнацыяналістаў удастоены высокага звання Героя Савецкага Саюза.
25 чэрвеня 2010 года
Чарговы выпуск факультэта Генеральнага штаба Узброеных Сіл Ваеннай акадэміі Рэспублікі Беларусь
26 чэрвеня адбудзецца трэці выпуск факультэта Генеральнага штаба Узброеных Сіл установы адукацыі "Ваенная акадэмія Рэспублікі Беларусь".
31 слухач факультэта атрымае дыпломы спецыялістаў у вобласці дзяржаўнага і ваеннага кіравання. Чацвёра выпускнікоў - палкоўнікі Алег Белаконеў, Альберт Мухаметаў, Аляксандр Панфёраў і Уладзімір Курс - удастоены залатых медалёў, яшчэ сямёра атрымаюць дыпломы з адзнакай.
Факультэт Генеральнага штаба з'яўляецца структурным падраздзяленнем установы адукацыі "Ваенная акадэмія Рэспублікі Беларусь". Ён прызначаны для падрыхтоўкі афіцэрскіх кадраў аператыўна-стратэгічнага і стратэгічнага звёнаў, а таксама для перападрыхтоўкі і павышэння кваліфікацыі службовых асоб дзяржаўных органаў і іншых арганізацый у вобласці ваеннай бяспекі і абароны.
Існуючы навукова-педагагічны патэнцыял факультэта, комплекс арганізацыйных і планаваных мерапрыемстваў, вучэбна-лабараторная база дазваляе яму займаць дастойнае месца ў сістэме вышэйшай школы краіны. Сёння факультэт Генеральнага штаба Узброеных Сіл іграе вядучую ролю ў падрыхтоўцы высокакваліфікаваных спецыялістаў стратэгічнага ўзроўню, здольных з высокай эфектыўнасцю выконваць увесь комплекс кіраўніцкіх задач у сістэме забеспячэння ваеннай бяспекі дзяржавы, будаўніцтва і развіцця Узброеных Сіл.
Выпуск афіцэраў у Ваеннай акадэміі Рэспублікі Беларусь
27 чэрвеня 2010 года ва ўстанове адукацыі "Ваенная акадэмія Рэспублікі Беларусь" пройдзе чарговы выпуск афіцэраў.
Для афіцэраў-слухачоў камандна-штабнога факультэта акадэміі і курсантаў яе факультэтаў - гэта пятнаццаты выпуск.
У гэты дзень 425 выпускнікоў вядучага ваеннага ВНУ краіны атрымаюць лейтэнанцкія пагоны. На камандна-штабным факультэце завяршылі навучанне і атрымалі размеркаванне на новыя пасады 125 афіцэраў, якія ужо маюць вопыт службы ва Узброеных Сілах.
8 выпускнікоў камандна-штабнога факультэта завяршылі навучанне з залатым медалём. Гэта падпалкоўнікі Андрэй Кулебякін, Ігар Злотнік, Руслан Мамедаў, Андрэй Сідараў, Аляксандр Шыбкоў, маёры Раман Задарожны, Мікалай Бельскіх, капітан Дзмітрый Суровіч. Дыпломы з адзнакай атрымаюць яшчэ 28 афіцэраў-слухачоў.
Сярод курсантаў, якія ў гэтым годзе стануць афіцэрамі, залатога медаля ўдастоены 5 выпускнікоў. Гэта лейтэнанты Яўгеній Лавышка (агульнавайсковы факультэт), Аляксей Глымбоцкі, Раман Ляўша, Антон Міхайлаўскі (факультэт унутраных войскаў) і Антон Астрэйка (памежны факультэт). 7 курсантаў атрымаюць дыплом з адзнакай. На факультэце сувязі і аўтаматызаваных сістэм кіравання ў гэтым годзе праводзіцца чацвёрты выпуск дзяўчын-ваеннаслужачых. Афіцэрскія пагоны ўпрыгожаць мундзіры Кацярыны Дубоўскай, Юліі Гуцко і Кацярыны Калядзіч.
У Ваеннай акадэміі ідзе падрыхтоўка афіцэрскіх кадраў і для іншых сілавых ведамстваў нашай краіны. У гэтым годзе органы памежнай службы папоўняць 90 афіцэраў - выпускнікоў акадэміі, яшчэ 39 выпускнікоў адправяцца праходзіць службу ва ўнутраных войсках МУС Рэспублікі Беларусь.
Разам з выпускнікамі Ваеннай акадэміі Рэспублікі Беларусь афіцэрскія пагоны атрымае і 161 выпускнік ваенных факультэтаў грамадзянскіх ВНУ краіны.
Ваеннаслужачыя ўзброеных сіл Лівіі прынялі ўдзел у брыгадным тактычным вучэнні з 11-й асобнай гвардзейскай механізаванай брыгадай
З 15 па 19 чэрвеня на 230-м агульнавайсковым палігоне праводзілася тактычнае вучэнне з 11-й асобнай гвардзейскай механізаванай брыгадай.
У ходзе вучэнняў адпрацоўваліся пытанні павышэння зладжанасці злучэнняў і ўдасканаленне навыкаў афіцэраў у кіраванні падпарадкаванымі воінскімі часцямі і падраздзяленнямі пры выкананні задач па прызначэнню.
У адпаведнасці з дамоўленасцямі, дасягнутымі ў ходзе сустрэч Міністра абароны Рэспублікі Беларусь генерал-лейтэнанта Юрыя Жадобіна і лідэра Лівійскай Рэвалюцыі Муамара Кадафі (якая адбылася ў рамках афіцыйнага візіту Міністра абароны Рэспублікі Беларусь у Вялікую Сацыялістычную Народную Лівійскую Арабскую Джамахірыю з 14 па 16 снежня 2009 года), у мэтах абмену вопытам у арганізацыі баявой падрыхтоўкі, у брыгадным тактычным вучэнні з 11-й омбр прыняло ўдзел падраздзяленне лівійскіх ваеннаслужачых.
У адпаведнасці з праграмай падрыхтоўкі вучэнняў з 10 па 17 чэрвеня з лівійскай танкавай ротай былі праведзены заняткі па агнявой падрыхтоўцы, кіраванню баявых машын, тактычнай падрыхтоўцы і іншых дысцыплінах. Пасля завяршэння этапу падрыхтоўкі ваеннаслужачыя ўзброеных сіл Лівіі прынялі ўдзел у актыўнай фазе вучэння.
24 чэрвеня 2010 года
Візіт ваеннай дэлегацыі Лаоса ў Рэспубліку Беларусь
З 24 па 27 чэрвеня адбудзецца афіцыйны візіт у Рэспубліку Беларусь дэлегацыі Народнай Арміі Лаоса на чале з начальнікам Генеральнага штаба Народнай Арміі Лаоса генерал-лейтэнантам Саньяхак Фамвіхан.
У рамках візіту адбудзецца сустрэча начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-маёра Пятра Ціханоўскага з кіраўніком ваеннай дэлегацыі Лаоса, у ходзе якой будуць абмяркоўвацца пытанні ваеннага і ваенна-тэхнічнага супрацоўніцтва дзвюх краін.
Члены дэлегацыі наведаюць прадпрыемствы і арганізацыі абароннага сектара эканомікі Рэспублікі Беларусь, Нацыянальную акадэмію навук Рэспублікі Беларусь, установу адукацыі "Ваенная акадэмія Рэспублікі Беларусь".
23 чэрвеня 2010 года
Няшчасны выпадак на палігоне
23 чэрвеня ў ходзе планавых мерапрыемстваў баявой падрыхтоўкі ў час выканання скачка з парашутам атрымаў траўмы, несумяшчальныя з жыццём, прапаршчык аднаго з мабільных злучэнняў сіл спецыяльных аперацый Узброеных Сіл.
Падрабязнасці няшчаснага выпадку высвятляюцца камісіяй Міністэрства абароны і следчай групай Беларускай ваеннай пракуратуры.
Ваенннае ведамства выказвае спачуванне родным і блізкім ваеннаслужачага і акажа ім адпаведную дапамогу ў адпаведнасці з заканадаўствам.
Армейская спартсменка атрымала перамогу на этапе Кубка свету
Армейская спартсменка Кацярына Карстан (Хадатовіч) атрымала перамогу на этапе Кубка свету па акадэмічным веславанні ў Мюнхене. Двухразовая алімпійская чэмпіёнка прайшла двухкіламетровую дыстанцыю за 7 хвілін 35,86 сек.
Для Кацярыны Карстан (Хадатовіч) гэта ўжо другая запар перамога на этапах Кубка свету ў гэтым сезоне. На першым этапе ў славенскім Бледзе, яна перамагла з вынікам 7 хвілін 36,03 сек.
Беларускія трохборцы заваявалі “срэбра” і “бронзу” на спаборніцтвах пад эгідай CISM
У горадзе Атэпя (Эстонія) адбыліся рэгіянальныя спаборніцтвы па трыятлоне пад эгідай Міжнароднага савета ваеннага спорту (CISM). У спаборніцтвах прынялі ўдзел каманды з дзевяці карін. Больш за 100 армейскіх спартсменаў спаборнічалі ў трох дысцыплінах: плаванне на 1,5 км, велагонка па шашы на 42 км, бег на 10 км.
Па выніках спаборніцтваў у камандным заліку сярод мужчын перамогу атрымала бразільская каманда, сярэбраны медаль заваявала сборная каманда Эстоніі, бронзавы медаль заваявала зборная каманда Узброеных Сіл Рэспублікі Беларусь у складзе армейскіх спартсменаў сяржанта Аляксандра Ерашкова, Мікалая Ярмоціка, Сяргея Ліхадзіеўскага і Андрэя Лася.
Дастойны вынік паказалі беларускія армейцы і ў змешаным камандным заліку. Каманда ў складзе сяржанта Аляксандра Ерашкова, армейцаў Мікалая Ярмоціка, Сяргея Ліхадзіеўскага, Андрэя Лася і Улляны Зарубінай занялі другую ступень п’едэстала гонару. На першым месцы атлеты з Бразіліі, трэцяя – зборная каманда Германіі.
Вучэбна-метадычны збор інжынерна-тэхнічнага складу Узброеных Сіл
22 чэрвеня на базе 65-й аўтамабільнай брыгады адбыўся вучэбна-метадычны збор інжынерна-тэхнічнага складу Узброеных Сіл па арганізацыі ўнутранай службы ў парках.
У мерапрыемстве прынялі ўдзел намеснікі па ўзбраенню камандуючых відамі Узброеных Сіл і аператыўнымі (аператыўна-тактычнымі) камандаваннямі, камандзіраў злучэнняў і воінскіх часцей, а таксама начальнікі ўпраўленняў тэхнічнага забеспячэння Міністэрства абароны і Генеральнага штаба Узброеных Сіл.
У ходзе збору яго ўдзельнікі выпрацавалі адзіныя падыходы да арганізацыі ўнутранай службы ў парках, практычна выпрацавалі парадак дзеянняў службовых асоб усіх узроўняў.
22 чэрвеня 2010 года
Міжнародныя спаборніцтвы на лепшую разведвальную групу спецыяльнага прызначэння
З 21 па 25 чэрвеня на базе 5-й асобнай брыгады спецыяльнага прызначэння праходзяць міжнародныя спаборніцтвы на лепшую разведвальную групу спецыяльнага прызначэння Узброеных Сіл. У спаборніцтвах прымаюць удзел каманды з Рэспублікі Беларусь, Расійскай Федэрацыі, Украіны, Рэспублікі Арменія, Рэспублікі Казахстан і Лівіі.
Лепшая разведгрупа будзе вызначана па выніках дзесяці этапаў, сярод якіх здача нарматываў па спецыяльных відах падрыхтоўкі, дэсантаванне разведвальнай групы спецыяльнага прызначэння, арганізацыя днёўкі, правядзенне засады, пераадоленне воднай перашкоды, баявая стральба ў складзе групы і іншыя.
21 чэрвеня 2010 года
Трохбаковая сустрэча ў Брэсце
21-22 чэрвеня ў г. Брэсце адбудзецца трохбаковая сустрэча кіруючага складу ваенных ведамстваў Рэспублікі Беларусь, Украіны і Расійскай Федэрацыі. У мерапрыемстве, прымеркаваным да 69-й гадавіны пачатку Вялікай Айчыннай вайны, прымуць удзел Міністр абароны Рэспублікі Беларусь генерал-лейтэнант Юрый Жадобін, Міністр абароны Украіны Міхаіл Ежэль і статс-сакратар - намеснік Міністра абароны Расійскай Федэрацыі Мікалай Панкаў
Падчас сустрэч удзельнікі абмяркуюць перспектывы ваеннага супрацоўніцтва трох краін.
Члены дэлегацый таксама прымуць удзел у прэм'ерным паказе кінафільма "Брэсцкая крэпасць", мітынгу "Рэквіем", ускладанні вянкоў да Вечнага агню - Манументу загінуўшым абаронцам Брэсцкай крэпасці.
Інспекцыйная група Рэспублікі Беларусь наведае Украіну
З 20 па 26 чэрвеня ў рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі інспекцыйная група Рэспублікі Беларусь правядзе наведванне па ацэнцы воінскай часці ўзброеных сіл Украіны і інспекцыю вызначанага раёна. У ходзе правядзення інспекцыйных мерапрыемстваў будзе ацэнена інфармацыя, прадстаўленая Украінай дзяржавам - удзельніцам АБСЕ у рамках Венскага дакумента 1999 года ў дачыненні асабовага складу, асноўных сістэм узбраення і ваеннай тэхнікі наведваемай воінскай часці, а таксама праверана адсутнасць у вызначаным для інспекцыі раёне буйной ваеннай дзейнасці, якая падлягае папярэдняму паведамленню ў адпаведнасці з палажэннямі названнага Пагаднення.
Мастацкая выстава, прысвечаная 65-годдзю Вялікай Перамогі
22 чэрвеня ў Гродненскім дзяржаўным гісторыка-археалагічным музеі адкрыецца выстава твораў беларускіх мастакоў "Памяць сэрца". Мерапрыемства арганізавана студыяй ваенных мастакоў.
На выставе, прысвечанай 65-годдзю Вялікай Перамогі, прадстаўлены працы Героя Беларусі, народнага мастака СССР і Беларусі Міхаіла Савіцкага, народных мастакоў Беларусі Георгія Паплаўскага, Яна Міско, заслужаных дзеячаў мастацтваў Рэспублікі Беларусь Мікалая Апіока, Леаніда Дударэнка, Уладзіміра Тэрэбуна і Уладзіміра Уродніча, а таксама мастакоў Уладзіміра Гардзеенка, Уладзіміра Гладкова і Георгія Лойка.
Асноўныя мэты выставы - патрыятычнае выхаванне моладзі, а таксама развіццё ваенна-гістарычнай і героіка-патрыятычных тэм у сучасным выяўленчым мастацтве.
18 чэрвеня 2010 года
Прадстаўнік Рэспублікі Беларусь прыме ўдзел у Штогадовай канферэнцыі па аглядзе праблем у галіне бяспекі
З 14 па 16 чэрвеня прадстаўнік Узброеных Сіл Рэспублікі Беларусь прыняў удзел у Штогадовай канферэнцыі па аглядзе праблем у галіне бяспекі, якая праходзіла ў г. Вене (Аўстрыйская Рэспубліка).
Рэспубліку Беларусь наведала інспекцыйная група Каралеўства Нарвегія
З 14 па 17 чэрвеня ў адпаведнасці з палажэннямі Дагавора аб звычайных узброеных сілах у Еўропе (ДЗУСЕ) Рэспубліку Беларусь наведала інспекцыйная група Каралеўства Нарвегія. У ходзе інспекцыі была праверана 6-я асобная механізаваная брыгада, якая з’яўляецца аб’ектам кантролю паводле палажэнняў ДЗУСЕ. Інспекцыйная група пацвердзіла адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці. У складзе нарвежскай інспекцыйнай групы, акрамя пяці ваенных інспектараў Нарвегіі, прыянлі ўдзел па адным інспектары з Даніі, Канады, Нідэрландаў і ЗША.
Пасяджэнне Сумеснай кансультатыўнай групы па пытаннях кантролю над узбраеннямі
З 15 па 18 чэрвеня ў рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў Маскве адбылося пасяджэнне Сумеснай кансультатыўнай групы па пытаннях кантролю над узбраеннямі. У ходзе пасяджэння былі узгоднены пазіцыі і сумесныя дзеянні бакоў па пытаннях выканання міжнародных дагавораў у галіне кантролю над узбраеннямі. Беларускую дэлегацыю на перамовах узначаліў начальнік Нацыянальнага агенцтва па кантролю і інспекцыях – дэпартамента Міністэрства абароны палкоўнік Алег Горбач.
Рэспубліку Беларусь наведала інспекцыйная група Аўстрыйскай Рэспублікі
З 15 па 18 чэрвеня ў рамках Венскага дакумента 1999 года інспекцыйная група Аўстрыйскай Рэспублікі правяла інспекцыю вызначанага раёна на тэрыторыі Рэспублікі Беларусь. Мэтай інспекцыі з’яўлялася пацвярджэнне адсутнасці ў вызначаным раёне ваеннай дзейнасці, якая падлягае паяпрэдняму паведамленню ў адпаведнасці з палажэннямі Венскага дакумента 1999 года. У складзе інспекцыйнай групы, акрамя трох ваенных інспектараў Аўстрыйскай Рэспублікі, прыняў удзел адзін інспектар з Каралеўства Бельгія.
16 чэрвеня 2010 года
Збор вадалазных падраздзяленняў інжынерных войскаў Узброеных Сіл
З 15 па 18 чэрвеня на базе 188-й інжыренай брыгады праходзіць збор вадалазных падраздзяленняў інжынерных войскаў Узброеных Сіл. У ім прымаюць удзел спецыялісты вадалазнай справы ўсіх інжынерных злучэнняў і воінскіх часцей Узброеных Сіл Рэспублікі Беларусь.
Асноўная мэта мерапрыемства – правядзенне выпрабаванняў на прысваенне і пацвярджэнне класнай класіфікацыі ваеннаслужачых-вадалазаў.
Адкрыццё аб’екта захавання боепрыпасаў у 72-м гвардзейскім аб’яднаным вучэбным цэнтры
16 чэрвеня ў 72-м гвардзейскім аб’яднаным вучэбным цэнтры падрыхтоўкі прапаршчыкаў і малодшых спецыялістаў адбудзецца адкрыццё складаў з лёгкай і стралковай зброяй.
Абсталяванне дадзеных аб’ектаў арагнізавана ў рамках рэалізацыі праекта міжнароднай тэхнічнай дапамогі “Нарошчванне патэнцыялу ў галіне кіравання запасамі лёгкай і стралковай зброі (ЛСЗ) і забеспячэння іх бяспечнага захавання”.
Арганізацыя бяспечнага захавання ЛСЗ з’яўляецца адным з прыярытэтных напрамкам дзейнасці Міністэрства абароны Рэспублікі Беларусь. Ваенным ведамствам краіны рэгулярна праводзяцца работы па мадэрнізацыі аб’ектаў захавання зброі, устаноўцы сучасным сістэм аховы.
У рамках гэтага напрамку ў 72-м гвардзейскім аб’яднаным вучэбным цэнтры падрыхтоўкі прапаршчыкаў і малодшых спецыялістаў праведзена абсталяванне складаў з ЛСЗ. На аб’ектах устаноўлены сістэмы загароджванняў і асвятленняў, ахоўная і пажарная сігналізацыі, адрамантаваны сховішчы, закуплена рознае абсталяванне.
У афіцыяльным адркыцці складаў з лёгкай і стралковай зброяй 72-га АВЦ ПП і МС прыме ўдзел група па экспертнай ацэнцы Прадстаўніцтва праграмы развіцця ААН у Рэспубліцы Беларусь. У скалд групы ўвайшлі супрацоўнікі ААН і ПРАААН у Рэспубліцы Беларусь, мінскага офіса АБСЕ, прадстаўнікі пасольстваў ЗША, Федэратыўнай Рэспублікі Германія, Фінляндыі ў Рэспубліцы Беларусь, Міністэрства замежных спраў Рэспублікі Беларусь. Госці наведаюць музей воінскай часці, азнаёмяцца з яе вучэбна-матэрыяльнай база.
15 чэрвеня 2010 года
Армейскі спартсмен стаў прызёрам чэмпіянату Еўропы па боксе
У Маскве завяршыўся 38-ы чэмпіянат Еўропы па боксе. Бронзавым прызёрам спаборніцтваў у весавой катэгорыі да 75 кг стал армейскі спартсмен прапаршчык Мікалай Веселаў.
У скарбонцы зборнай Рэспублікі Беларусь яшчэ тры ўзнагароды: срэбра заваяваў Віктар Зуеў (весавая катэгорыя звыш 91 кг), бронзавыя медалі - у Сяргея Куніцына (да 57 кг) і Магамеда Нурудзінава (да 69 кг).
14 чэрвеня 2010 года
Прадстаўнік Рэспублікі Беларусь прыме ўдзел у Штогадовай канферэнцыі па аглядзе праблем у галіне бяспекі
З 14 па 16 чэрвеня прадстаўнік Узброеных Сіл Рэспублікі Беларусь прыме ўдзел у Штогадовай канферэнцыі па аглядзе праблем у галіне бяспекі, якая пройдзе ў г. Вене (Аўстрыйская Рэспубліка).
Рэспубліку Беларусь наведае інспекцыйная група Каралеўства Нарвегія
З 14 па 17 чэрвеня ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведае інспекцыйная група Каралеўства Нарвегія пад кіраўніцтвам падпалкоўніка Ганара Джэймса Хьорта для правядзення інспекцыі аб’яўленага месца. У ходзе інспекцыі будзе праверана адна з воінскіх часцей Узброеных Сіл Рэспублікі Беларусь (на выбар інспектараў), якая з’яўляецца аб’ектам кантролю паводле палажэнняў Дагавора. Мэта інспекцыі – праверка адпаведнасці наяўнасці ўзбраення і ваннай тэхнікі, якія абмяжоўваюцца Дагаворам, іх заяўленай колькасці. У складзе нарвежскай інспекцыйнай групы, акрамя пяці ваенных інспектараў Нарвегіі, будуць удзельнічаць па адным інспектары з Даніі, Канады, Нідэрландаў і ЗША.
Назіральны палёт над тэрыторыяй Рэспублікі Беларусь
З 14 па 18 чэрвеня ў рамках Дагавора па адкрытым небе плануецца правядзенне назіральнага палёту місіі Французскай Рэспублікі і Федэратыўнай Рэспублікі Германія над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання С-130Н. Мэта назіральнага палёту – кантроль ваеннай дзейнасці на тэрыторыі назіраемых дзяржаў.
Пасяджэнне Сумеснай кансультатыўнай групы па пытаннях кантролю над узбраеннямі
З 15 па 18 чэрвеня ў рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў Маскве адбудзецца пасяджэнне Сумеснай кансультатыўнай групы па пытаннях кантролю над узбраеннямі. У ходзе пасяджэння будуць узгоднены пазіцыі і сумесныя дзеянні бакоў па пытаннях выканання міжнародных дагавораў у галіне кантролю над узбраеннямі. Беларускую дэлегацыю на перамовах узначаліць начальнік Нацыянальнага агенцтва па кантролю і інспекцыях – дэпартамента Міністэрства абароны палкоўнік Алег Горбач.
Назіральны палёт над тэрыторыяй Літоўскай Рэспублікі і Латвійскай Рэспублікі
З 4 па 11 чэрвеня 2010 года ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыняў удзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Літоўскай Рэспублікі і Латвійскай Рэспублікі ў мэтах ажыццяўлення кантролю ваеннай дзейнасці на тэрыторыях назіраемых дзяржаў.
Канферэнцыя па разглядзе выканання Дагавора па адкрытым небе
З 7 па 9 чэрвеня 2010 года прадстаўнік Узброеных Сіл Рэспублікі Беларусь прыняў удзел у другой Канферэнцыі па разглядзе выканання Дагавора па адкрытым небе (г. Вена, Аўстрыйская Рэспубліка). У ходзе Канферэнцыі быў праведзены ўсебаковы агляд і ацэнка выканання Дагавора, а таксама разгледжаны магчымасці яго рэалізацыі ў сучасных умовах.
Прадстаўнік Узброеных Сіл Рэспублікі Беларусь прыняў удзел у інспекцыях на тэрыторыі Французскай Рэспублікі
З 7 па 11 чэрвеня ў рамках Дагавора аб звычайных узброеных сілах у Еўропе (ДЗУСЕ) прадстаўнік Узброеных Сіл Рэспублікі Беларусь прыняў удзел у правядзенні інспекцый аб’яўленых месцаў на тэрыторыі Французскай Рэспублікі ў складзе інспекцыйнай групы Украіны. У ходзе інспекцый была пацверджана адпаведнасць наяўнасці ўзбраенняў і ваеннай тэхнікі, якія абмяжоўваюцаа Дагаворам, іх заяўленай колькасці.
9 чэрвеня 2010 года
Навукова-практычная канферэнцыя па пытаннях развіцця і прымянення беспілотных авіяцыйных комплексаў
З 8 па 10 чэрвеня на базе 174-га вучэбнага палігона праходзіць навукова-практычная канферэнцыя Ваенна-паветраных сіл і войскаў супрацьпаветранай абароны “Перспектывы развіцця і спосабы прымянення беспілотных авіяцыйных комплексаў ва Узброеных Сілах Рэспублікі Беларусь. Шляхі павышэння эфектыўнасці барацьбы з беспілотнымі лятальнымі апаратамі”.
У рабоце канферэнцыі прымаюць удзел прадстаўнікі Міністэрства абароны Рэспублікі Беларусь, Генеральнага штаба Узброеных Сіл, камандавання ВПС і войскаў СПА, аператыўна-тактычных камандаванняў, камандавання Сухапутных войскаў і аператыўных камандаванняў, установы адукацыі “Ваенная акадэмія Рэспублікі Беларусь”, дзяржаўнай установы “Навукова-даследчы інстытут Узброенных Сіл Рэспублікі Беларусь”, навуковых арганізацый і прамысловых прадпрыемстваў абароннага сектара Рэспублікі Беларусь.
У ходзе канферэнцыі разглядаюцца актуальныя пытанні сучаснага стану і перспектывы развіцця беспілотных авіяцыйных комплексаў ва Узброеных Сілах Рэспублікі Беларусь. Удзельнікі канферэнцыі выпрацуюць прапановы па мерах супрацьдзеяння і павышэнню эфектыўнасці сродкаў вайсковай СПА па дадзеных тыпах цэляў.
У ходзе канферэнцыі арганізавана выстава экспанатаў беспілотных авіяцыйных комплексаў, а таксама дэманстрацыя палётаў беспілотных лятальных апаратаў.
У Заходнім аператыўным камандаванні праходзіць вучэнне групоўкі СПА
З 8 па 11 чэрвеня на 174-м вучэбным палігоне Ваенна-паветраных сіл і войскаў супрацьпаветранай абароны праводзіцца вучэнне з баявой стральбой групоўкі войскаў СПА Заходняга аператыўнага камандавання.
Мэты мерапрыемства – удасканаленне практычных навыкаў камандзіраў і начальнікаў СПА механізаваных брыгад, 62-й зенітна-ракетнай брыгады, механізаваных і танкавых батальёнаў па планаванню і вядзенню супрацьпаветранай абароны пры выкананні падпарадкаванымі падраздзяленнямі задач па прызначэнню.
8 чэрвеня 2010 года
Сумесная трэніроўка дзяжурных сіл па супрацьпаветранай абароне ўзброеных сіл Рэспублікі Беларусь і Украіны
8 чэрвеня прайшла сумесная трэніроўка дзяжурных сіл па супрацьпаветранай абароне Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь і Паветраных сіл Узброеных Сіл Украіны.
У мерапрыемстве прынялі ўдзел прадстаўнікі органаў кіравання, разлікі зенітных ракетных і радыётэхнічных войскаў, а таксама экіпажы паветраных судоў дзвюх дзяржаў.
Асноўнымі мэтамі трэніроўкі сталі ўдасканаленне ўзаемадзеяння дзяжурных сіл па супрацьпаветранай абароне ВПС і войскаў СПА Узброеных Сіл Рэспублікі Беларусь і Паветраных сіл Узброеных Сіл Украіны пры выкананні імі задач баявога дзяжурства, павышэнне навыкаў баявых разлікаў камандных пунктаў па кіраванню дзеяннямі дзяжурных па СПА сіл, а таксама апрабаванне асноўных палажэнняў Пагаднення паміж Міністэрствам абароны Рэспублікі Беларусь і Міністэрствам абароны Украіны аб абмене інфармацыяй аб палётах паветраных судоў.
7 чэрвеня 2010 года
Назіральны палёт над тэрыторыяй Літоўскай Рэспублікі і Латвійскай Рэспублікі
З 4 па 11 чэвреня 2010 года, у адпаведнасці з палажэннямі Дагавора па адкрытым небе, прадстаўнік Узброеных Сіл Рэспублікі Беларусь прымае ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Літоўскай Рэспублікі і Латвійскай Рэспублікі на расійскім самалёце назірання АН-30Б. Мэта палёту – кантроль ваеннай дзейнасці на тэрыторыі назіраемых дзяржаў.
Прадстаўнік Узброеных Сіл Рэспублікі Беларусь прымае ўдзел у інспекцыях на тэрыторыі Французскай Рэспублікі
З 4 па 14 чэрвеня 2010 года, у рамках Дагавора аб звычайных узброеных сілах у Еўропе (ДЗУСЕ), прадстаўнік Узброеных Сіл Рэспублікі Беларусь прымае ўдзел у правядзенні інспекцый аб’яўленых месцаў на тэрыторыі Французскай Рэспублікі ў складзе інспекцыйнай групы Украіны. У ходзе інспекцый будуць правераны дзве воінскія часці ўзброеных сіл Францыі (па выбары інспектараў), якія з’яўляюцца аб’ектамі кантролю паводле палажэнняў ДЗУСЕ. Мэта інспекцый – праверка адпаведнасці наяўнасці ўзбраення і ваеннай тэхнікі, якія абмяжоўваюцца ДЗУСЕ, іх заяўленай колькасці.
Канферэнцыя па разглядзе выканання Дагавора па адкрытым небе
З 6 па 10 чэрвеня 2010 года прадстаўнік Узброенных Сіл Рэспублікі Беларусь прымае ўдзел у другой Канферэнцыі па разглядзе выканання Дагавора па адкрытым небе (г. Вена, Аўстрыйская Рэспубліка). У ходзе Канферэнцыі будзе праведзены ўсебаковы агляд выканання і ацэнкі імплементацыі Дагавора па адкрытым небе, а таксама разгледжаны пытаніі яго рэалізацыі ў сучасных умовах.
3 чэрвеня 2010 года
Візіт літоўскай ваеннай дэлегацыі ў Рэспубліку Беларусь
У адпаведнасці з Планам асноўных мерапрыемстваў міжнароднага ваеннага супрацоўніцтва на 2010 год 3 і 4 чэрвеня адбудзецца візіт у Рэспубліку Беларусь літоўскай ваеннай дэлегацыі на чале з брыгадным генералам Артурасам Лейтай, камандуючым Ваенна-паветранымі сіламі Літоўскай Рэспублікі.
У ходзе мерапрыемства плануецца разгледзець пытаніі, якія датычацца рэалізацыі Пагаднення паміж Міністэрствам абароны Рэспублікі Беларусь і Міністэрствам аховы краю Літоўскай Рэспублікі аб абмене інфармацыяй аб палётах паветраных судоў, а таксама далейшага развіцця супрацоўніцтва ў галіне кантролю за выкарыстаннем паветранай прасторы.
2 чэрвеня 2010 года
Працягваецца падрыхтоўка да сумеснага вучэння
Працягваецца падрыхтоўка да сумеснага вучэння ўзброеных сіл Рэспублікі Беларусь і Расійскай Федэрацыі, якое ў адпаведнасці з рашэннем кіраўнікоў дзяржаў плануецца правесці ў 2011 годзе на тэрыторыі Расіі.
У адпаведнасці з планам падрыхтоўкі да вучэння сёння ў Расійскую Федэрацыю з рабочым візітам прыбыла група афіцэраў Генеральнага штаба Узброенных Сіл Рэспублікі Беларусь на чале з намеснікам начальніка Генеральнага штаба Узброенных Сіл – начальнікам галоўнага аператыўнага ўпраўлення генерал-маёрам Уладзімірам Сулімавым.
Беларускія ваеннаслужачыя сумесна з расійскімі калегамі правядуць рэкагнасцыроўку ў адным з раёнаў правядзення вучэння Гарахавецкім палігоне Маскоўскай ваеннай акругі.
З улікам вынікаў рэкагнасцыроўкі будзе ўдакладнены парадак практычных дзеянняў войскаў на гэтым палігоне.
29 мая 2010 года
Пытанні выхавання – у цэнтры ўвагі ўдзельнікаў навукова-практычнай канферэнцыі
28 мая пад кіраўніцтвам Міністра абароны Рэспублікі Беларусь генерал-лейтэнанта Юрыя Жадобіна адбылася навукова-практычная канферэнцыя, прысвечаная актуальным пытанням выхаваўчай працы ва Узброеных Сілах.
У мерапрыемстве, арганізаваным на базе ўстановы адукацыі “Ваенная акадэмія Рэспублікі Беларусь”, прынялі ўдзел Дзяржаўны сакратар Савета бяспекі Рэспублікі Беларусь генерал-палкоўнік Леанід Мальцаў, кіруючы склад Міністэрства абароны Рэспублікі Беларусь, Узброеных Сіл Рэспублікі Беларусь, іншых органаў забеспячэння бяспекі краіны.
Удзельнікі навукова-практычнай канферэнцыі абмеркавалі формы і метады выхаваўчай працы па забеспячэнню гатоўнасці ваеннаслужачых выконваць задачы па прызначэнню ў любых абставінах.
28 мая 2010 года
Рэспубліка Беларусь прыме Еўрапейскую канферэнцыю Міжнароднага савета ваеннага спорту
Рэспубліка Беларусь атрымала права прыняць Еўрапейскую канферэнцыю Міжнароднага савета ваеннага спорту (СІЗМ), якая адбудзецца восенню 2011 года. Такое рашэнне было прынята на 65-ай Генеральнай асамблеі СІЗМ у Рыа-дэ-Жанэйра (Бразілія).
Інспекцыйная група Украіны правяла інспекцыю тэрыторыі Рэспублікі Беларусь
З 24 па 28 мая, у рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі, інспекцыйная група Украіны правяла інспекцыю вызначанага раёна на тэрыторыі Рэспублікі Беларусь і наведванне па ацэнцы 38-й асобнай мабільнай брыгады Узброеных Сіл Рэспублікі Беларусь. У ходзе правядзення вызначаных верыфікацыйных мерапрыемстваў была пацверджана адсутнасць у вызначаным раёне буйной ваеннай дзейнасці, якая падлягае папярэдняму паведамленню ў адпаведнасці з палажэннямі Пагаднення, а таксама пацверджана інфармацыя, прадстаўленая Рэспублікай Беларусь дзяржавам-удзельніцам АБСЕ у рамках Венскага дакумента 1999 года, у дачыненні асабовага складу, асноўных сістэм узбраення і ваеннай тэхнікі наведваемай часці.
Двухбаковая сустрэча прадстаўнікоў узброеных сіл Рэспублікі Беларусь і Федэратыўнай Рэспублікі Германія
З 31 мая па 2 чэрвеня ў г. Гайленкірхенс (ФРГ) адбудзецца двухбаковая сустрэча прадстаўнікоў узброеных сіл Рэспублікі Беларусь і Федэратыўнай Рэспублікі Германія па пытаннях супрацоўніцтва ў вобласці кантролю над узбраеннямі. Беларускую дэлегацыю ўзначаліць начальнік Нацыянальнага агенцтва па кантролю і інспекцыях дэпартамента Міністэрства абароны палкоўнік Алег Горбач.
Назіральны палёт над тэрыторыяй Рэспублікі Беларусь
З 1 па 4 чэрвеня ў рамках Дагавора па адкрытым небе адбудзецца назіральны палёт місіі Канады над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання С-130Н. Мэтай правядзення назіральнага палёту з'яўляецца кантроль ваеннай дзейнасці на тэрыторыі назіраемых дзяржаў.
27 мая 2010 года
Палявы выхад воінскіх часцей і падраздзяленняў СПА Паўночна-заходняга аператыўнага камандавання
У Паўночна-заходнім аператыўным камандаванні пачаўся палявы выхад воінскіх часцей і падраздзяленняў супрацьпаветранай абароны.
У мерапрыемстве задзейнічаны ваеннаслужачыя 740-й зенітнай ракетнай брыгады, падраздзяленняў СПА 120-й, 19-й і 37-й асобных механізаваных брыгад.
Асноўнымі мэтамі палявога выхаду з'яўляюцца ўдасканаленне зладжанасці падраздзяленняў пры вядзенні баявых дзеянняў у складаным паветраным становішчы, выпрацоўка навыкаў асабовага складу ў комплексным рашэнні тактыка-агнявых задач, навучанне асабовага складу вядзенню барацьбы са сродкамі паветранага нападу на гранічных далёкасцях, гранічна малых і малых вышынях, ва ўмовах моцнага радыёэлектроннага супрацьдзеяння.
У ходзе правядзення палявога выхаду асаблівая ўвага будзе ўдзяляцца павышэнню навыкаў камандзіраў падраздзяленняў і начальнікаў разлікаў баявых машын па самастойным аўтаномным вядзенні супрацьпаветранага бою з ужываннем засадных дзеянняў і манеўру.
Навукова-практычны семінар навігацыйна-тапаграфічнай службы Узброеных Сіл
27 мая на базе 31-га навігацыйна-тапаграфічнага цэнтра пройдзе навукова-практычны семінар навігацыйна-тапаграфічнай службы Узброеных Сіл.
У мерапрыемстве прымуць удзел прадстаўнікі Міністэрства абароны, Генеральнага штаба Узброеных Сіл; 31-го НТЦ, структурных падраздзяленняў Узброеных Сіл, дзяржаўнай установы "Навукова-даследчы інстытут Узброеных Сіл Рэспублікі Беларусь", установы адукацыі "Ваенная акадэмія Рэспублікі Беларусь", дзяржаўнай навуковай установы "Аб'яднаны інстытут праблем інфарматыкі".
Удзельнікі семінара абмяркуюць стан і перспектывы развіцця геаінфармацыйных сістэм (ГІС) ваеннага прызначэння, выпрацуюць адзіныя падыходы да стварэння тэхналагічнай асновы для распрацоўкі і ўжывання ГІС ваеннага прызначэння.
26 мая 2010 года
Камандна-штабное вучэнне з 19-й асобнай механізаванай брыгадай
З 25 па 27 мая ў Паўночна-заходнім аператыўным камандаванні пройдзе камандна-штабное вучэнне з 19-й гвардзейскай асобнай механізаванай брыгадай.
Асноўнымі мэтамі вучэння з'яўляюцца ўдасканаленне падрыхтоўкі афіцэраў кіравання брыгады і падраздзяленняў пры выкананні задач па прызначэнні, практычнае засваенне імі прыёмаў і метадаў працы пры прыняцці рашэнняў.
У мэтах арганізацыі практычнага ўзаемадзеяння, у вучэнні прымуць удзел прадстаўнікі аддзяленняў тэрытарыяльнай абароны раённых ваенных камісарыятаў Мінскай, Віцебскай і Гродненскай абласцей.
25 мая 2010 года
На тэрыторыі Рэспублікі Беларусь працуе інспекцыйная група Украіны
З 24 па 28 мая, у рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі, інспекцыйная група Украіны пад кіраўніцтвам палкоўніка Ігара Туранскага праводзіць інспекцыю вызначанага раёна на тэрыторыі Рэспублікі Беларусь і наведванне па ацэнцы 38-й асобнай мабільнай брыгады Узброеных Сіл Рэспублікі Беларусь. Мэтамі правядзення вызначаных верыфікацыйных мерапрыемстваў з'яўляюцца пацверджанне адсутнасці ў вызначаным раёне буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года, а таксама ацэнка інфармацыі, прадстаўленай Рэспублікай Беларусь дзяржавам - удзельніцам АБСЕ у рамках Венскага дакумента 1999 года, у дачыненні асабовага складу, асноўных сістэм узбраення і ваеннай тэхнікі наведваемай воінскай часці.
Кансультацыі грамадзян па пытаннях прызыву
У ходзе правядзення чарговага прызыву грамадзян на тэрміновую ваенную службу, службу ў рэзерве Генеральным штабам Узброеных Сіл Рэспублікі Беларусь у перыяд з 1 чэрвеня па 30 ліпеня 2010 г. арганізавана правядзенне кансультацый грамадзян па пытаннях прызыву.
Неабходную інфармацыю можна атрымаць, патэлефанаваўшы па нумары (8-017) 297-18-92, 297-17-81 штодня (акрамя выхадных і святочных дзён) з 15.00 да 17.00 ці прыйшоўшы на прыём у Дзяржаўную ўстанову культуры і адпачынку "Цэнтральны Дом афіцэраў Узброеных Сіл Рэспублікі Беларусь" (адрас: г.Мінск, вул.Чырвонаармейская, д.3, каб. № 14) па чацвяргах з 15.00 да 17.00. У абласных цэнтрах і г.Мінску кансультацыі грамадзян па пытаннях прызыву на тэрміновую ваенную службу, службу ў рэзерве праводзяцца:
г. Брэст: ваенны камісарыят вобласці, вул.Піянерская, д.40/3, каб. № 409. Тэлефоны для кансультацый: (8-0162) 46-39-10, 46-38-61;
г. Віцебск: абласны зборны пункт, вул.Ленінградская, д.18, каб. № 14. Тэлефоны для кансультацый: (8-0212) 36-42-26, 36-26-85;
г. Гомель: абласны зборны пункт, вул. Б.Хмяльніцкага, д.73, каб. № 14. Тэлефоны для кансультацый: (8-0232) 41-24-63;
г. Гродна: абласны зборны пункт, Азёрская шаша, д.7, каб. № 20. Тэлефоны для кансультацый: (8-0212) 36-42-26, 36-26-85;
г. Мінск: гарадскі зборны пункт, вул.Ангарская, д.8. Тэлефоны для кансультацый: (8-017) 345-68-73 (для пражываючых у Мінску), (8-017) 296-47-99 (для тых, хто пражывае у Мінскай вобласці);
Ваенны камісарыят Мінскай вобласці, г. Мінск, вул Фабрыцыуса, 36, каб. № 110. Тэлефоны для кансультацый: (8-017) 226-24-73, (8-017) 226-31-30 (для тых, хто пражывае у Мінскай вобласці).
г. Магілёў: абласны зборны пункт, вул.Крупскай, д.99, каб. № 23 Тэлефоны для кансультацый: (8-0222) 24-23-63, 22-27-42.
20 мая 2010 года
25 мая 2010 года адбудзецца працоўны візіт у Рэспубліку Беларусь Міністра абароны Расійскай Федэрацыі Анатоля Сердзюкова
У адпаведнасці з планам двухбаковага супрацоўніцтва паміж Міністэрствам абароны Рэспублікі Беларусь і Міністэрствам абароны Расійскай Федэрацыі 25 мая 2010 г. у Рэспубліку Беларусь з працоўным візітам прыбудзе Міністр абароны Расійскай Федэрацыі Анатоль Сердзюкоў.
У ходзе візіту з расійскім калегам сустрэнецца Міністр абароны Рэспублікі Беларусь генерал-лейтэнант Юрый Жадобін.
25 мая кіраўнікі абаронных ведамстваў дзвюх краін прымуць удзел у чарговым пасяджэнні сумеснай Калегіі міністэрстваў абароны Беларусі і Расіі, падчас якога плануецца разгледзець пытанні стану і далейшага развіцця супрацоўніцтва Рэспублікі Беларусь і Расійскай Федэрацыі ў ваеннай сферы.
19 мая 2010 года
Хор Акадэмічнага ансамбля песні і танца Узброеных Сіл Рэспублікі Беларусь стаў прызёрам міжнароднага музычнага фестывалю
Хор Акадэмічнага ансамбля песні і танца Узброеных Сіл Рэспублікі Беларусь заняў трэцяе месца на XXI Міжнародным фестывалі "Хайноўскіе Дні Царкоўнай Музыкі" (Рэспубліка Польшча). У фестывалі прынялі ўдзел больш 50 музычных калектываў з многіх краін.
17 мая 2010 года
Вынікі візіту Міністра абароны Рэспублікі Беларусь у КНР
Завяршыўся афіцыйны візіт Міністра абароны Рэспублікі Беларусь генерал-лейтэнанта Юрыя Жадобіна ў Кітайскую Народную Рэспубліку.
У рамках візіту адбылася сустрэча генерал-лейтэнанта Юрыя Жадобіна з намеснікам Старшыні Цэнтральнага ваеннага савета Кітайскай Народнай Рэспублікі генерал-палкоўнікам Сюй Цайхоў, прайшлі перамовы з членам Цэнтральнага ваеннага савета, членам Дзяржаўнага савета, Міністрам абароны КНР генерал-палкоўнікам Лян Гуанле, у ходзе якіх былі абмеркаваны пытанні двухбаковага ваеннага, ваенна-тэхнічнага супрацоўніцтва. Бакі падпісалі Дагавор паміж Міністэрствам абароны Рэспублікі Беларусь і Міністэрствам абароны Кітайскай Народнай Рэспублікі аб ваенным супрацоўніцтве.
Члены беларускай дэлегацыі ўсклалі вянкі да Помніка народным героям на плошчы Цяньаньмэнь, наведалі 3-ю дывізію аховы Пекінскага гарнізона, міратворчы цэнтр Народна-вызваленчай арміі Кітая.
Навечна ў памяці
У адпаведнасці з загадам Міністра абароны Рэспублікі Беларусь ад 7 мая 2010, у мэтах захавання і прымнажэння баявых традыцый, выхавання асабовага складу на гераічных подзвігах ваеннаслужачых Узброеных Сіл, трое ваеннаслужачых залічаны навечна ў спіскі асабовага складу воінскіх часцей.
Кавалер ордэна "За асабістую мужнасць" палкоўнік Жураўлевіч Аляксандр Адзіслававіч і кавалер ордэнаў "За асабістую мужнасць" і "За службу Радзіме" III ступені палкоўнік Марфіцкі Аляксандр Эдуардавіч навечна залічаны ў спіскі 1-й авіяцыйнай эскадрыллі 61-й знішчальнай авіяцыйнай базы.
Кавалер ордэна Леніна радавы Сулін Вячаслаў Анатольевіч навечна залічаны ў спіскі 9-й роты 3-го атрада спецыяльнага назначэння 5-й асобнай брыгады спецыяльнага назначэння.
Камандна-штабная ваенная гульня войскаў сувязі Узброеных Сіл
У адпаведнасці з Планам падрыхтоўкі Узброеных Сіл Рэспублікі Беларусь у 2010 годзе з 18 па 20 мая будзе праводзіцца камандна-штабная ваенная гульня (КШВГ) войскаў сувязі Узброеных Сіл.
Падчас КШВГ будуць адпрацаваны пытанні арганізацыі сувязі у ходзе дзеянняў рэгіянальнай групоўкі войскаў (сіл), узаемадзеяння з Міністэрствам сувязі і інфарматызацыі, іншымі дзяржаўнымі органамі Рэспублікі Беларусь па выкарыстанні сеткі электрасувязі агульнага карыстання (СЭАК) і спецыяльных сетак электрасувязі іншых войскаў і воінскіх фарміраванняў Рэспублікі Беларусь у інтарэсах забеспячэння кіравання войскамі (сіламі) ў ходзе дзеянняў РГВ(С), даследавання механізму ўжывання і кіравання сумеснай (аб'яднанай) сістэмы сувязі РГВ(С) і выкарыстання СЭАК.
У КШВГ прыме ўдзел аператыўная група ад Узброеных Сіл Расійскай Федэрацыі.
15 гадоў з дня стварэння камандна-штабнога факультэта Ваеннай акадэміі Рэспублікі Беларусь
15 мая камандна-штабны факультэт установы адукацыі "Ваенная акадэмія Рэспублікі Беларусь" адзначыў 15-годдзе з дня стварэння.
Камандна-штабны факультэт Ваеннай акадэміі Рэспублікі Беларусь быў створаны ў 1995 годзе з мэтай падрыхтоўкі афіцэраў аператыўна-тактычнага звяна. Тады ў склад камандна-штабнога факультэта ўвайшлі ўпраўленне КШФ, дзве кафедры - "аператыўнага мастацтва і кіравання войскамі" і "службы штабоў". У 2007 годзе на факультэце была створана трэцяя кафедра - "тэхнічнага забеспячэння".
Сёння падрыхтоўка афіцэраў з вышэйшай ваеннай адукацыяй праводзіцца па 7 спецыяльнасцях і 12 спецыялізацыях.
За 15 гадоў выпускнікамі факультэта сталі больш тысячы ваеннаслужачых Узброеных Сіл, Камітэта дзяржаўнай бяспекі, Дзяржаўнага памежнага камітэта і Міністэрства ўнутраных спраў. Большасць з іх камандуюць воінскімі часцямі і злучэннямі, а чацвёра маюць званне "генерал". 67 выпускнікоў скончылі факультэт з залатым медалём, 258 - маюць дыплом з адзнакай, каля 30 сталі кандыдатамі навук, 3 - маюць навуковую ступень "доктар навук".
Еўграфавы - маладая сям'я года Узброеных Сіл
14 мая ў Цэнтральным доме афіцэраў адбыўся заключны этап конкурсу маладых сем'яў "Сям'я - крышталь грамадства", які штогод праходзіць ва Узброеных Сілах.
У фінальным спаборніцтве, якое прайшло ў чатырох асноўных намінацыях - "Візітная картка сям'і", "Сям'я - справа творчая", "Танцавальны конкурс" і "Сямейная віктарына", прынялі ўдзел 8 сем'яў з розных злучэнняў, воінскіх часцей і арганізацый Узброеных Сіл.
Атрымаўшы перамогу ў трох з чатырох намінацый ("Візітная картка сям'і", "Сям'я - справа творчая", "Танцавальны конкурс") першае месца заняла шматдзетная сям'я капітана Андрэя Еўграфава (50 змешаная авіяцыйная база), якой і было прысуджана ганаровае званне "Маладая сям'я года Узброеных Сіл".
Другое месца заняла сям'я старшага лейтэнанта Сяргея Крэня (465 ракетная брыгада). Трэцяй стала сям'я старшага лейтэнанта Дзмітрыя Лабашова (ДУ "Ваеннае інфармацыйнае агенцтва "Ваяр").
14 мая 2010 года
Прадстаўнікі Узброеных Сіл Рэспублікі Беларусь прымуць удзел у інспекцыях на тэрыторыях Славацкай Рэспублікі і Чэшскай Рэспублікі
З 17 па 20 мая 2010 года ў рамках Венскага дакумента 1999 года плануецца правядзенне Рэспублікай Беларусь інспекцый вызначаных раёнаў на тэрыторыях Славацкай Рэспублікі і Чэшскай Рэспублікі. Мэтай інспекцый з'яўляецца пацвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года. У склад інспекцыйных груп Рэспублікі Беларусь уключаны інспектары Расійскай Федэрацыі. У сваю чаргу, інспектары Рэспублікі Беларусь прымуць удзел у працы інспекцыйных груп Расійскай Федэрацыі па інспектаванні вызначанных раёнаў на тэрыторыях гэтых жа дзяржаў.
Рэспубліку Беларусь наведае інспекцыйная група Славацкай Рэспублікі
З 17 па 20 мая 2010 года у адпаведнасці з палажэннямі Дагавора аб звычайных узброеных сілах у Еўропе (ДЗУСЕ) Рэспубліку Беларусь наведае інспекцыйная група Славацкай Рэспублікі для правядзення інспекцыі аб’яўленнага месца. У ходзе інспекцыі будзе праверана адна з воінскіх часцей Узброеных Сіл Рэспублікі Беларусь (па выбары інспектараў), якая з'яўляецца аб'ектам кантролю паводле палажэнняў ДЗУСЕ. Мэта інспекцыі - праверка адпаведнасці наяўнасці абмежаваных ДЗУСЕ узбраення і ваеннай тэхнікі іх заяўленай колькасці. У склад славацкай інспекцыйнай группы, акрамя пяці ваенных інспектараў Славакіі, увайдуць па адным інспектары з Вялікабрытаніі, Люксембурга і Румыніі.
Назіральны палёт місіі Рэспублікі Польшча
З 17 па 21 мая 2010г. ў рамках Дагавора па адкрытым небе плануецца правядзенне назіральнага палёту місіі Рэспублікі Польшча над тэрыторыяй групы дзяржаў-удзельніц Рэспубліка Беларусь і Расійская Федэрацыя. Палёт будзе праводзіцца на украінскім самалёце назірання АН-30Б з мэтай кантролю ваеннай дзейнасці на тэрыторыі назіраемых дзяржаў.
13 мая 2010 года
Рэспубліку Беларусь наведае прадстаўнічая дэлегацыя ваенных аташэ
13-14 мая Рэспубліку Беларусь наведае дэлегацыя ваенных аташэ, акрэдытаваных пры Міністэрстве аховы краю Літоўскай Рэспублікі і Міністэрствам нацыянальнай абароны Рэспублікі Польшча. У складзе дэлегацыі - ваенныя аташэ ЗША, Злучанага Каралеўства Вялікабрытаніі і Паўночнай Ірландыі, Каралеўства Нідэрланды, Румыніі, Каралеўства Данія, Рэспублікі Польшча, Чэшскай Рэспублікі, Кітайскай Народнай Рэспублікі, Японіі, Паўднёвай Карэі і іншых дзяржаў.
Члены дэлегацыі азнаёмяцца з традыцыямі і культурай беларускага народа, вынікамі і перспектывамі будаўніцтва і развіцця Узброеных Сіл Рэспублікі Беларусь. У рамках візіту замежныя госці наведаюць установу адукацыі "Ваенная акадэмія Рэспублікі Беларусь", Нацыянальную бібліятэку Рэспублікі Беларусь, а таксама пазнаёмяцца з славутасцямі і памятнымі месцамі горада Мінска.
"Сям'я - крышталь грамадства"
14 мая ў Цэнтральным доме афіцэраў адбудзецца заключны этап конкурсу маладых сем'яў "Сям'я - крышталь грамадства", які штогод праходзіць ва Узброеных Сілах.
Асноўнымі мэтамі конкурсу, заснавальнікамі якога з'яўляюцца Міністэрства абароны Рэспублікі Беларусь і Цэнтральны камітэт грамадскага аб'яднання "Беларускі рэспубліканскі саюз моладзі", з'яўляюцца фарміраванне ў ваеннаслужачых, членаў іх сем'яў якасцей, якія спрыяюць развіццю і ўмацаванню сямейных адносін, фарміраванню пазітыўных адносін да воінскай службы і прапагандзе здаровага ладу жыцця. Правядзенне конкурсу таксама прызвана спрыяць раскрыццю творчага патэнцыялу маладых сем'яў, іх сацыяльнай актыўнасці.
У фінальным спаборніцтве, якое пройдзе ў чатырох асноўных намінацыях - "Візітная картка сям'і", "Сям'я - справа творчае", "Танцавальны конкурс" і "Сямейная віктарына", прымуць удзел 8 сем'яў з розных злучэнняў, воінскіх часцей і арганізацый Узброеных Сіл.
Сям'е, якая заняла першае месца, будзе прысуджана ганаровае званне "Маладая сям'я года Узброеных Сіл".
12 мая 2010 года
Афіцыйны візіт Міністра абароны Рэспублікі Беларусь у Кітайскую Народную Рэспубліку
Сёння пачаўся афіцыйны візіт Міністра абароны Рэспублікі Беларусь генерал-лейтэнанта Юрыя Жадобіна ў Кітайскую Народную Рэспубліку.
Праграмай візіту прадугледжана правядзенне перамоў кіраўніка беларускага ваеннага ведамства з членам Дзяржаўнага савета, Міністрам абароны КНР генерал-палкоўнікам Лян Гуанле.
У ходзе сустрэчы бакі плануюць абмеркаваць пытанні далейшага развіцця двухбаковага ваеннага супрацоўніцтва.
Члены беларускай дэлегацыі прымуць удзел у цырымоніі ўскладання вянкоў да Помніка народным героям на плошчы Цяньаньмэнь, наведаюць 3-ю дывізію аховы Пекінскага гарнізона, міратворчы цэнтр Народна-вызваленчай арміі Кітая.
Пачаўся прыём дакументаў кандыдатаў на навучанне ва ўстанове адукацыі "Мінскае сувораўскае ваеннае вучылішча"
З 10 мая па 1 чэрвеня 2010 года праводзіцца прыём дакументаў кандыдатаў на навучанне ва ўстанове адукацыі "Мінскае сувораўскае ваеннае вучылішча".
Дакументы прымаюцца па адрасе: г. Мінск, вул. М. Багдановіча, 29 (праезд ад станцыі метро "Няміга" тралейбусамі №№ 12, 29, 40, 46, 53, аўтобусамі №№ 38, 91 да прыпынку "Оперны тэатр").
Графік работы прыёмнай камісіі:
будныя дні: з 9.00 да 17.00, перапынак з 13.00 да 14.00;
субота і нядзеля: з 9.00 да 13.00.
Інфармацыя аб правілах прыёму ва ўстанову адукацыі “Мінскае сувораўскае ваеннае вучылішча" размешчана
У Мінску пройдзе працоўная сустрэча прадстаўнікоў служб бяспекі палётаў узброеных сіл Рэспублікі Беларусь і Расійскай Федэрацыі
12-13 мая ў Мінску у камандаванні Ваенна-паветраных сіл і войскаў супрацьпаветранай абароны адбудзецца працоўная сустрэча прадстаўнікоў служб бяспекі палётаў узброеных сіл Рэспублікі Беларусь і Расійскай Федэрацыі. Дэлегацыю Узброеных Сіл Расійскай Федэрацыі прадстаўляюць начальнік Службы бяспекі палётаў авіяцыі Узброеных Сіл Расійскай Федэрацыі генерал-лейтэнант Сяргей Байнэтаў а таксама намеснік начальніка аддзела - начальнік групы Службы бяспекі палётаў авіяцыі Узброеных Сіл Расійскай Федэрацыі палкоўнік Андрэй Гразноў.
Падчас сустрэч будуць абмяркоўвацца пытанні бяспекі палётаў.
Плануецца ўзгадненне і падпісанне Пратаколу аб парадку стварэння і працы сумесных груп кантролю бяспекі палётаў дзяржаўнай авіяцыі пры правядзенні двухбаковых вучэнняў рознай накіраванасці.
Прадстаўнікі ДУ "Акадэмічны ансамбль песні і танца Узброеных Сіл Рэспублікі Беларусь" прымуць удзел у міжнародным музычным фестывалі
З 13 па 17 мая ў саборы Святой Сёмухі горада Хайноўка (Рэспублікі Польшча) пройдзе Міжнародны фестываль "Хайноўскія Дні Царкоўнай Музыкі". У фестывалі прымуць удзел прадстаўнікі дзяржаўнай установы "Акадэмічны ансамбль песні і танца Узброеных Сіл Рэспублікі Беларусь".
7 мая 2010 года
Прадстаўнік Узброеных Сіл Рэспублікі Беларусь прыняў удзел у правядзенні назіральнага палёту
З 4 па 8 мая 2010 г. у адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыняў удзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Рэспублікі Польшча на расійскім самалёце назірання АН-30Б. У ходзе правядзення назіральнага палёту быў ажыццяўлён кантроль ваеннай дзейнасці на тэрыторыі назіраемай дзяржавы.
3 мая 2010 года
5 мая адбудзецца ўрачыстае адкрыццё мемарыяльнай дошкі памяці генерала арміі Трацьяка Івана Маісеевіча
5 мая ў адміністрацыйным будынку Міністэрства абароны №1 адбудзецца ўрачыстае адкрыццё мемарыяльнай дошкі памяці Героя Савецкага Саюза, Героя Сацыялістычнай Працы генерала арміі Трацьяка Івана Маісеевіча.
Ва ўрачыстасцях прымуць удзел Дзяржаўны сакратар Савета Бяспекі Рэспублікі Беларусь генерал-палкоўнік Леанід Мальцаў, Міністр абароны Рэспублікі Беларусь генерал-лейтэнант Юрый Жадобін, ветэраны Вялікай Айчыннай вайны, а таксама сваякі генерала арміі Івана Трацьяка.
Герой Савецкага Саюза, Герой Сацыялістычнай Працы генерал арміі Трацьяк Іван Маісеевіч нарадзіўся 20 лютага 1923 года ў сяле Малая Папоўка Харольскага раёна Палтаўскай вобласці ў сям'і селяніна.
У 1941 году І.М. Трацяк скончыў Астраханскае стралкова-кулямётнае вучылішча. Менш чым за год Іван Маісеевіч прайшоў шлях ад камандзіра ўзвода да камандзіра стралковага батальёна. Стралковы батальён 93-га гвардзейскага стралковага палка 29-й гвардзейскай стралковайкай дывізіі 10-й гвардзейскай арміі 2-га Прыбалтыйскага фронту пад камандаваннем гвардыі маёра Трацьяка І.М., падчас наступальных баёў за авалоданне горадам Апочка Пскоўскай вобласці батальён 15 ліпеня 1944 года ў ліку першых фарсіраваў раку Вялікая і паспяхова дзейнічаў у баі за горад. У 1944 году маёр Трацьяк І.М. ва ўзросце 22 года стаў камандзірам 87-га гвардзейскага стралковага палка сваёй дывізіі.
За ўмелае камандаванне палком, а таксама мужнасць і гераічнасць, праяўленыя ў баях па вызваленні Рыгі, Указам Прэзідыўма Вярхоўнага Савета СССР ад 24 сакавіка 1945 года падпалкоўніку Трацьяку Івану Маісеевічу прысвоена званне Героя Савецкага Саюза.
Пасля заканчэння вайны працягваў службу ў кадрах Савецкай Арміі. У 1949 годзе скончыў Ваенную акадэмію імя М.В.Фрунзе.
У 1959 годзе скончыў Ваенную акадэмію Генеральнага штаба і быў прызначаны начальнікам штаба спачатку 18-й, затым 3-й арміі Групы савецкіх войскаў у Германіі. У снежні 1964 года прызначаны камандуючым 4-й агульнавайсковай арміі Закаўказскай ваеннай акругі.
З верасня 1967 года па чэрвень 1976 года Іван Маісеевіч камандаваў войскамі Беларускай ваеннай акругі. Пад камандаваннем Трацьяка І.М. у акруге праведзены значныя мерапрыемствы па развіццю інфраструктуры воінскіх часцей і ваенных гарадкоў.
За ўмелае кіраўніцтва войскамі і дасягнутыя пры гэтым поспехі ў справе паляпшэння жыцця і побыту войскаў генералу арміі Трацьяку І.М у 1982 годзе прысвоена званне Героя Сацыялістычнай працы.
У чэрвені 1984 года Трацьяк І.М. прызначаны Галоўнакамандуючым Далёкаўсходняй ваеннай акругай, у 1986 годзе – намеснікам Міністра абароны – галоўным інспектарам Міністэрства абароны СССР. У чэрвені 1987 года прызначаны галоўнакамандуючым Войскаў супрацьпаветранай абароны краіны - намеснікам Міністра абароны і адначасова намеснікам па Супрацьпаветранай абароне галоўнакамандуючага Аб'яднанымі Узброенымі Сіламі дзяржаў-удзельніц Варшаўскага Дагавора.
Узнагароджаны Залатой Зоркай Героя Савецкага Саюза, Зоркай "Серп і Молат" Героя Сацыялістычнай працы, чатырма ордэнамі Леніна, трыма ордэнамі Чырвонага Сцяга, ордэнам Кутузава 3-й ступені, ордэнам Аляксандра Неўскага, ордэнам Айчыннай вайны 1-й ступені, двума ордэнамі Чырвонай Зоркі, ордэнам "За службу Радзіме ва Узброеных Сілах СССР" 3-й ступені, шматлікімі медалямі.
Прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту над тэрыторыяй Рэспублікі Польшча
З 4 па 8 мая 2010г. у адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Рэспублікі Польшча на расійскім самалёце назірання АН-30Б. У ходзе правядзення назіральнага палёту будзе ажыццяўлён кантроль ваеннай дзейнасці на тэрыторыі назіраемай дзяржавы.
29 Красавiка 2010 года
Парадныя разлікі ўзброеных сіл Расійскай Федэрацыі і Украіны прыбылі ў Мінск
29 красавіка ў Мінск прыбылі прадстаўнікі ўзброеных сіл Расійскай Федэрацыі і Украіны, якія прымуць удзел у парадзе войскаў у азнаменаванне 65-й гадавіны Перамогі Савецкага народа ў Вялікай Айчыннай вайне.
9 мая парадныя разлікі 76-й гвардзейскай дэсантна-штурмавой дывізіі (Расійская Федэрацыя) і 95-й асобнай аэрамабільнай брыгады (Украіна) пройдуць урачыстым маршам у складзе пешай калоны войскаў Мінскага гарнізона.
У бліжэйшы час ваеннаслужачыя трох краін правядуць сумесныя трэніроўкі да парада.
Праграмай знаходжання прадугледжана знаёмства ўкраінскіх і расійскіх ваеннаслужачых з гістарычнымі і памятнымі месцамі, наведванне Дзяржаўнага мемарыяльнага комплексу «Хатынь», гісторыка-культурнага комплексу “Лінія Сталіна”, Нацыянальнай бібліятэкі Рэспублікі Беларусь, Дзяржаўнага музея Вялікай Айчыннай вайны, сустрэчы з членамі студый ваенных пісьменнікаў і ваенных мастакоў, удзел у шэрагу культурна-масавых мерапрыемстваў.
28 Красавiка 2010 года
Ваенныя лётчыкі працягваюць падрыхтоўку да парада
Працягваецца падрыхтоўка да парада ў азнаменаванне 65-годдзя Перамогі савецкага народа ў Вялікай Айчыннай вайне. Экіпажы паветраных судоў завяршылі трэніроўкі на базе сваіх воінскіх часцей. Авіяцыйная тэхніка, якая ўдзельнічае ў парадзе, перабазіравана на аэрадром Мачулішчы. Цяпер пілоты будуць трэніравацца ў складзе паветранага эшалона.
Як паведамлялася раней, у ходзе парада сваё майстэрства прадэманструюць лётчыкі пілатажнай групы «Белая Русь» на вучэбна-баявых самалётах Л-39, а таксама экіпажы верталётаў Мі-8 і Мі-24, бамбардзіроўшчыка Су-24, штурмавіка Су-25, знішчальнікаў Су-27 і МіГ-29.
26 Красавiка 2010 года
Пачалося спаборніцтва на лепшую снайперскую пару спецыяльнага назначэння
З 26 па 30 красавіка на базе 38-й асобнай гвардзейскай мабільнай брыгады пройдзе традыцыйнае спаборніцтва на лепшую снайперскую пару спецыяльнага назначэння Узброеных Сіл. У спаборніцтвах прымуць удзел 16 каманд, у тым ліку з замежных краін – Рэспублікі Казахстан, Украіны, Дзяржавы Катар. За перамогу будзе змагацца таксама снайперская пара групы «Альфа». Упершыню ў якасці назіральнікаў за ходам спаборніцтваў будуць сачыць прадстаўнікі ўзброеных сіл Федэратыўнай Рэспублікі Германія.
Асноўнымі мэтамі спаборніцтва з’яўляюцца ацэнка ўзроўню стралковай і палявой вывучкі разведчыкаў-снайпераў, ступені іх гатоўнасці да выканання разведвальных і спецыяльных задач у складаных умовах, далейшае ўдасканаленне агнявой і тактыка-спецыяльнай падрыхтоўкі, абагульненне перадавога вопыту і методык падрыхтоўкі, далейшае развіццё снайперскіх узбраення і спецыяльнай тэхнікі.
У ходзе спаборніцтваў будуць вызначаны прызёры ў намінацыях «Снайперская пара» и «Разведчык-снайпер».
З 2003 года спаборніцтва на лепшую снайперскую пару штогадова праводзіцца на базе адной з воінскіх часцей сіл спецыяльных аперацый Узброеных Сіл Рэспублікі Беларусь. З 2004 года спаборніцтва набыло міжнародны фармат. За гэты час у ім прынялі ўдзел прадстаўнікі ўзброеных сіл Рэспублікі Арменіі, Рэспублікі Казахстан, Украіны, Расійскай Федэрацыі, Аб’яднаных Арабскіх Эміратаў, Іарданскага Хашыміцкага Каралеўства.
Высокія ўзнагароды
Па паведамленні прэс-службы Прэзідэнта Рэспублікі Беларусь за высокае прафесійнае майстэрства, узорнае выкананне воінскага абавязку Кіраўнік беларускай дзяржавы Аляксандр Лукашэнка Указам №196 узнагародзіў ордэнам "За службу Радзіме" III ступені начальніка галоўнага разведвальнага ўпраўлення - намесніка начальніка Генеральнага штаба Узброеных Сіл Віктара Крашэўскага, камандзіра 1199-га рэактыўнага артылерыйскага палка Заходняга аператыўнага камандавання Сухапутных войскаў Узброеных Сіл Аляксея Лявонава, намесніка начальніка Галоўнага штаба - начальніка аператыўнага ўпраўлення Галоўнага штаба Ваенна-паветраных сіл і войскаў супрацьпаветранай абароны Узброеных Сіл Сяргея Труса.
23 Красавiка 2010 года
Асабовы склад Узброеных Сіл прыме ўдзел у рэспубліканскім суботніку
24 красавіка ваеннаслужачыя і грамадзянскі персанал Узброеных Сіл прымуць удзел у рэспубліканскім суботніку.
У мэтах каардынацыі дзейнасці структурных падраздзяленняў Міністэрства абароны, камандаванняў відаў Узброеных Сіл, кіраванняў аператыўных (аператыўна-тактычных) камандаванняў, злучэнняў і воінскіх часцей, арганізацый Міністэрства абароны, ваенных камісарыятаў створаны працоўныя групы па падрыхтоўцы і правядзенню суботніка.
Намаганні воінскіх калектываў будуць накіраваны на навядзенне парадку на замацаваных за воінскімі часцямі мемарыялах і помніках, месцах баявой і воінскай славы, воінскіх захаваннях, а таксама добраўпарадкаванне і прывядзенне ў належны стан тэрыторый воінскіх часцей. Асабовы склад Узброеных Сіл Рэспублікі Беларусь прыме ўдзел у навядзенні парадку на ваенных могілках ў горадзе Мінску, а таксама ў выкананні прац па добраўпарадкаванні гісторыка-культурнага комплексу "Лінія Сталіна".
Заробленыя і сабраныя ў добраахвотным парадку грашовыя сродкі плануецца накіраваць на рамонт, рэканструкцыю, аднаўленне і добраўпарадкаванне мемарыяльных комплексаў, месцаў баявой і воінскай славы, захаванняў войнаў і партызан Вялікай Айчыннай вайны.
22 Красавiка 2010 года
Жыцці лётчыкаў па-за небяспекай
21 красавіка ў 20 гадзін 15 хвілін падчас ажыццяўлення планавага палёту ва ўмовах абмежаванай бачнасці пры выкананні манёўру павышанай складанасці адбылося сутыкненне ў паветры двух самалётаў МіГ-29 927 й знішчальнай авіяцыйнай базы.
У выніку адна з машын атрымала пашкоджанні, якія не дазволілі працягнуць палёт. Лётчык здолеў вывесці самалёт у раён 210-га авіяцыйнага палігона і, упэўніўшыся ў адсутнасці на зямлі населеных пунктаў, катапультаваўся.
Прафесійныя дзеянні іншага пілота дазволілі другой машыне паспяхова прызямліцца на базавым аэрадроме.
У цяперашні час жыццю лётчыкаў нішто не пагражае.
Прычыны здарэння расследуюцца камісіяй Міністэрства абароны.
19 Красавiка 2010 года
20 красавіка адбудзецца рэспубліканская навукова-практычная канферэнцыя па пытаннях грамадзянска-патрыятычнага выхавання моладзі
20 красавіка ў ліцэі Беларускага дзяржаўнага ўніверсітэта пройдзе рэспубліканская навукова-практычная канферэнцыя "Грамадзянска-патрыятычнае выхаванне як аснова фарміравання актыўнай жыццёвай пазіцыі і высокага маральнага аблічча моладзі Рэспублікі Беларусь".
Мерапрыемства праводзіцца Міністэрствам абароны і Міністэрствам адукацыі сумесна з Цэнтральным камітэтам грамадскага аб'яднання "Беларускі рэспубліканскі саюз моладзі". Канферэнцыя прысвечана 65-годдзю Перамогі савецкага народа ў Вялікай Айчыннай вайне.
З дакладамі па актуальных пытаннях патрыятычнага выхавання выступяць прадстаўнікі Міністэрствы абароны, Міністэрствы адукацыі, мясцовых органаў улады, грамадскіх аб'яднанняў і арганізацый, устаноў адукацыі.
Беларускі парадны разлік пройдзе па Краснай плошчы
Парадны разлік аднаго з элітных злучэнняў Узброеных Сіл Рэспублікі Беларусь, пятай брыгады спецыяльнага прызначэння прыме ўдзел у парадзе войскаў, прысвечаным шасцідзесяціпяцігоддзю Вялікай Перамогі, які пройдзе 9 мая на Краснай плошчы ў Маскве. Таксама плануецца ўдзел беларускіх ваеннаслужачых у святочным ваенным парадзе ў сталіцы Украіны, горадзе Кіеве. У цяперашні час у Мiнску парадныя разлікі рыхтуюцца да ўдзелу ў святочных мерапрыемствах. Адбыццё ў гарады Масква і Кіеў плануецца ў канцы красавіка.
16 Красавiка 2010 года
Інспекцыйная група Рэспублікі Беларусь правяла інспекцыі вызначаных раёнаў на тэрыторыях Латвійскай Рэспублікі і Літоўскай Рэспублікі
З 12 па 16 красавіка 2010 года ў рамках Венскага дакумента 1999 года інспекцыйная група Рэспублікі Беларусь правяла інспекцыі вызначаных раёнаў на тэрыторыях Латвійскай Рэспублікі і Літоўскай Рэспублікі. У ходзе інспекцый была пацверджана адсутнасць у вызначаных для інспекцый раёнах ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
Рэспубліку Беларусь наведае інспекцыйная група Італьянскай Рэспублікі
З 20 па 23 красавіка 2010 года ў рамках Дагавора аб звычайных узброеных сілах у Еўропе Рэспубліку Беларусь наведае інспекцыйная група Італьянскай Рэспублікі для правядзення інспекцыі па патрабаванні ў межах вызначанага раёна. Мэта інспекцыі - пацвердзіць, што ў вызначаным раёне, за выключэннем тэрыторый воінскіх часцей, якія з'яўляюцца аб'ектамі кантролю, не знаходзяцца пастаянна якія-небудзь звычайныя ўзбраенні і ваенная тэхніка, абмежаваныя Дагаворам. У складзе інспекцыйнай групы, акрамя шасці італьянскіх ваенных інспектараў, будуць удзельнічаць па адным інспектары з Каралеўства Бельгія, Грэчаскай Рэспублікі і Каралеўства Нідэрланды.
Інспектары Рэспублікі Беларусь прымуць удзел у правядзенні інспекцый на тэрыторыях Аўстрыйскай Рэспублікі і Венгерскай Рэспублікі
З 18 па 23 красавіка 2010 года ў рамках Венскага дакумента 1999 года плануецца правядзенне Рэспублікай Беларусь інспекцый вызначаных раёнаў на тэрыторыях Аўстрыйскай Рэспублікі і Венгерскай Рэспублікі. Мэтай інспекцый з'яўляецца пацверджанне адсутнасці ў вызначаных раёнах ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года. У склад інспекцыйных груп Рэспублікі Беларусь уключаны інспектары Расійскай Федэрацыі. У сваю чаргу інспектары Рэспублікі Беларусь у рамках Венскага дакумента 1999 года прымуць удзел у складзе інспекцыйных груп Расійскай Федэрацыі ў інспекцыях вызначаных раёнаў на тэрыторыях Аўстрыйскай Рэспублікі і Венгерскай Рэспублікі.
21 красавіка 2010 года адбудзецца працоўны візіт у Рэспубліку Беларусь Міністра абароны Расійскай Федэрацыі Анатоля Сердзюкова
У адпаведнасці з планам двухбаковага супрацоўніцтва паміж Міністэрствам абароны Рэспублікі Беларусь і Міністэрствам абароны Расійскай Федэрацыі 21 красавіка 2010 г. у Рэспубліку Беларусь з працоўным візітам прыбудзе Міністр абароны Расійскай Федэрацыі Анатоль Сердзюкоў.
Падчас візіту з расійскім калегам сустрэнецца Міністр абароны Рэспублікі Беларусь генерал-лейтэнант Юрый Жадобін.
21 красавіка кіраўнікі абаронных ведамстваў дзвюх краін прымуць удзел у чарговым пасяджэнні сумеснай Калегіі міністэрстваў абароны Беларусі і Расіі, у ходзе якога плануецца разгледзець пытанні стану і далейшага развіцця супрацоўніцтва Рэспублікі Беларусь і Расійскай Федэрацыі ў ваеннай сферы.
14 Красавiка 2010 года
Пасяджэнне Савета міністраў абароны дзяржаў-удзельніц СНД
14 красавіка ў Маскве адбылося чарговае пасяджэнне Савета міністраў абароны дзяржаў-удзельніц Садружнасці Незалежных Дзяржаў. У мерапрыемстве прыняў удзел кіраўнік ваеннага ведамства Рэспублікі Беларусь генерал-лейтэнант Юрый Жадобін.
У ходзе мерапрыемстваў адбыліся двухбаковыя сустрэчы Міністра абароны Беларусі з кіраўнікамі іншых ваенных ведамстваў членаў СМА СНД.
Ваенны парад у гонар 200-годдзя Баліварыянскай рэвалюцыі
Прадстаўнікі Узброеных Сіл Рэспублікі Беларусь прымуць удзел у ваенным парадзе ў гонар 200-годдзя Баліварыянскай рэвалюцыі, які адбудзецца ў сталіцы Баліварыянскай Рэспублікі Венесуэла г.Каракасе 19 красавіка 2010 г.
У ходзе святочнага мерапрыемства плануецца праходжанне роты ганаровай варты Ваеннай камендатуры Узброеных сіл Рэспублікі Беларусь у парадным страю сумесна з воінскімі падрадзяленнямі Баліварыянскай Рэспублікі Венесуэла, а таксама правядзенне пляц-канцэрту.
10 Красавiка 2010 года
Спачуванні Міністра абароны Рэспублікі Беларусь Міністру Нацыянальнай абароны Рэспублікі Польшча
Паважаны спадар Міністр!
Прыміце шчырыя спачуванні ў сувязі з трагічнай гібеллю Прэзідэнта Рэспублікі Польшча Леха Качынскага і яго жонкі, а таксама начальніка Генеральнага штаба Войска Польскага генерала Ф. Гангора, намесніка Міністра абароны па пытаннях знешняй палітыкі С. Камароўскага і групы высокапастаўленых генералаў Войска Польскага:
камандуючага Паветранымі сіламі генерала брaні А. Бласіка;
камандуючага Сухапутнымі войскамі генерала дывізіі Т. Бука;
камандуючага Ваенна-марскімі сіламі віцэ-адмірала А. Карветы;
аператыўнага камандуючага Узброенымі Сіламі генерала броні А. Квяткоўскага;
камандуючага спецыяльнымі войскамі генерала дывізіі У. Патасінскага;
галоўнага ваеннага капелана - начальніка палявога ардынарыята епіскапа генерала дывізіі Т. Плоцкага;
галоўнага праваслаўнага капелана архіепіскапа генерала брыгады М. Хадакоўскага;
начальніка гарнізона г. Варшавы генерала брыгады К. Гілярскага.
З вялікім смуткам у сэрцы ўспрымаю гібель усіх адданых прадстаўнікоў дэлегацыі, якая суправаджала Кіраўніка Польскай дзяржавы, а таксама членаў экіпажа самалёта.
У іх асобе Польшча страціла адданых сыноў свайго народа, якія ўсё сваё жыццё прысвяцілі справе служэння Бацькаўшчыне і ўнеслі значны ўклад ва ўмацаванне аўтарытэту дзяржавы і ўзброеных сіл на міжнароднай арэне.
Гэта цяжкая страта з болем адгукаецца ў сэрцы ўсяго беларускага народа.
Прашу перадаць мае глыбокія спачуванні родным і блізкім загінуўшых.
Міністр абароны Рэспублікі Беларусь
генерал-лейтэнант Ю.В. Жадобін
9 Красавiка 2010 года
Прадстаўнікі ВПС і войскаў СПА прымуць удзел у адкрыцці помніка беларускім ваенным лётчыкам
11 красавіка прадстаўнікі Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь прымуць удзел у цырымоніі адкрыцця ў г. Радым (Рэспубліка Польшча) помніка беларускім ваенным лётчыкам палкоўніку Аляксандру Жураўлевічу і палкоўніку Аляксандру Марфіцкаму.
Помнік будзе ўсталяваны на месцы трагедыі, якая адбылася ў верасні 2009 года падчас міжнароднага авіяшоу "Радым-2009". У той дзень беларускія лётчыкі, выконваючы паказальны пілатаж, адвялі самалёт ад населенага пункта, прыняўшы рашэнне не катапультавацца, і коштам уласнага жыцця прадухілілі больш цяжкія вынікі.
Указам Прэзідэнта Рэспублікі Беларусь за адважныя і рашучыя дзеянні пры акалічнасцях, звязаных з рызыкай для жыцця, асабістую мужнасць і адвагу, выяўленыя пры выкананні службовых абавязкаў, высокі прафесіяналізм лётчыкі былі ўзнагароджаны ордэнам "За асабістую мужнасць".
7 Красавiка 2010 года
Вучэбныя зборы ў 37 гвардзейскай асобнай механізаванай брыгадзе Паўночна-заходняга аператыўнага камандавання
У адпаведнасці з планам падрыхтоўкі Узброеных Сіл у 37 гвардзейскай асобнай механізаванай брыгадзе Паўночна-заходняга аператыўнага камандавання з 6 красавіка 2010 года пачаліся вучэбныя зборы з прызывам ваеннаабавязаных.
На пачатковым этапе збораў адпрацаваны пытанні ўзаемадзеяння з камплектуючымі ваеннымі камісарыятамі па прыёме ваеннаслужачых запасу, а таксама пытанні практычнага здымання ўзбраення і ваеннай тэхнікі з працяглага захоўвання і падрыхтоўцы яго да баявога ўжывання.
Пасля правядзення мерапрыемстваў баявога зладжвання, на завяршальным этапе збораў, спланаванае камандна-штабное вучэнне з брыгадай, падчас якога будзе праведзена батальённае тактычнае вучэнне ўзмоцненага механізаванага батальёна з баявой стральбой на 227 агульнавайсковым палігоне.
6 Красавiка 2010 года
Прадстаўнік Узброеных Сіл Рэспублікі Беларусь прыме ўдзел у мерапрыемствах Парламенцкай Асамблеі АДКБ
У адпаведнасці з планам працы Парламенцкай Асамблеі Арганізацыі Дагавора аб калектыўнай бяспецы 5-6 красавіка ў Санкт-Пецярбурзе праходзяць пасяджэнні Працоўнай групы па распрацоўцы рэкамендацый па заканадаўчым забеспячэнні статусу ваеннаслужачых у Калектыўных сілах аператыўнага рэагавання АДКБ і Экспертна-кансультатыўнага савета пры Савете Парламенцкай Асамблеі АДКБ. 7 красавіка адбудзецца міжнародная парламенцкая канферэнцыя, прысвечаная 65-годдзю Перамогі ў Вялікай Айчыннай вайне.
У дадзеных мерапрыемствах прыме ўдзел намеснік начальніка ўпраўлення прававога забеспячэння Міністэрства абароны Рэспублікі Беларусь палкоўнік Ігар Чэркасаў.
Ваенную акадэмію наведае дэлегацыя Баліварыянскай Рэспублікі Венесуэла
7-8 красавіка Ваенную акадэмію Рэспублікі Беларусь наведае дэлегацыя Баліварыянскай Рэспублікі Венесуэла. Дэлегацыю ўзначаліць начальнік Ваеннай акадэміі Венесуэлы брыгадны генерал Алексіс Лопэс Рамірэс.
Госці азнаёмяцца са структурай і сістэмай падрыхтоўкі ваенных кадраў у вядучай ваеннай ВНУ Рэспублікі Беларусь, а таксама вучэбна-матэрыяльнай базай Ваеннай акадэміі.
31 сакавiка 2010 года
IV навукова-практычная канферэнцыя органаў ідэалагічнай працы Узброеных Сіл
Сёння ў Ваеннай акадэміі Рэспублікі Беларусь пад кіраўніцтвам Міністра абароны Рэспублікі Беларусь генерал-лейтэнанта Юрыя Жадобіна прайшла IV навукова-практычная канферэнцыя органаў ідэалагічнай працы Узброеных Сіл.
У працы канферэнцыі прынялі ўдзел Дзяржаўны сакратар Савета Бяспекі Рэспублікі Беларусь генерал-палкоўнік Леанід Мальцаў, памочнік Прэзідэнта Рэспублікі Беларусь - начальнік галоўнага ідэалагічнага кіравання Адміністрацыі Прэзідэнта Рэспублікі Беларусь Усевалад Янчэўскі, кіруючы склад і прадстаўнікі дзяржаўных органаў забеспячэння нацыянальнай бяспекі Рэспублікі Беларусь.
Удзельнікі канферэнцыі абмеркавалі актуальныя пытанні далейшага развіцця і ўдасканалення сістэмы ідэалагічнай працы ў інтарэсах забеспячэння нацыянальнай бяспекі дзяржавы.
30 сакавiка 2010 года
Конкурсная паэзія вайны
У адпаведнасці з загадам №210 міністра абароны Рэспублікі Беларусь ад 16 сакавіка 2010 года ваеннае інфармацыйнае агенцтва «Ваяр» праводзіць паэтычны конкурс сярод асабовага складу Узброеных Сіл і транспартных войскаў на лепшы паэтычны твор, прысвечаны 65-годдзю Перамогі ў Вялікай Айчыннай вайне.
Заяўкі з паэтычнымі творамі на конкурс прымаюцца на электронны і паштовы адрасы агенцтва да 15 красавіка 2010 года ўключна. Лепшыя вершы будуць апублікаваны на старонках «Беларускай ваеннай газеты», пераможцы будуць адзначаны граматамі і каштоўнымі падарункамі.
Больш падрабязна аб умовах удзелу ў конкурсе можна даведацца на сайце www.mod.mil.by
29 сакавiка 2010 года
Пасадка на аэрадромны ўчастак дарогі (АУД)
1 красавіка ў адпаведнасці з задумай лётна-тактычнага вучэння 2-й авіяцыйнай эскадрыллі 206 ШАБ праводзяцца палёты з пасадкай на аэрадромны ўчастак дарогі (АУД).
Гэта мерапрыемства праводзіцца для адпрацоўкі пытанняў выкарыстання ўчасткаў аўтамабільных дарог у якасці запасных аэрадромаў і аэрадромаў разгрупавання авіяцыі, падрыхтоўкі лётнага складу да выканання палётаў з аэрадромных участкаў дарог.
У выкананні палётаў над аэрадромным участкам дарогі прымуць удзел авіяцыйная тэхніка і экіпажы 206 штурмавой авіяцыйнай базы і 927 знішчальнай авіяцыйнай базы Паўночна-заходняга аператыўна-тактычнага камандавання ВПС і войскаў СПА.
У забеспячэнні палётаў будуць задзейнічаны розныя воінскія часці, падраздзяленні і службы ВПС і войскаў СПА. На асабовы склад падраздзяленняў войскаў сувязі ўскладаюцца задачы забеспячэння радыёсувяззю, на падраздзяленні радыётэхнічных войскаў - радыёлакацыйнны кантроль палётаў авіяцыі па зададзеных маршрутах, выдача радыёлакацыйнай інфармацыі на пункты баявога кіравання авіяцыяй.
Арганізавана ўзаемадзеянне з выканаўчымі і распарадчымі органамі ўлады па забеспячэнню пасадкі на аэрадромны ўчастак дарогі падчас палётаў.
27 сакавiка 2010 года
Візіт начальніка Генеральнага штаба Узброеных Сіл - першага намесніка Міністра абароны Рэспублікі Беларусь у Дзяржаву Катар
З 28 сакавіка па 1 красавіка пройдзе візіт начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-маёра Пятра Ціханоўскага ў Дзяржаву Катар.
У ходзе паездкі кіраўнік Генеральнага штаба сустрэнецца з начальнікам Генеральнага штаба Узброеных Сіл Дзяржавы Катар генерал-маёрам Хамадам бен Алі Аль-Аттыйя, а таксама з беларускімі ваеннымі, якія прымалі ўдзел у шматнацыянальным вучэнні "Разгневаны сокал-2".
Генерал-маёр Пётр Ціханоўски азнаёміцца з вынікамі мінулага вучэння, выпрацаванымі прапановамі па вырашэнні крызісных сітуацый, а таксама абмяркуе з кіраўніцтвам узброеных сіл Дзяржавы Катар шляхі далейшага развіцця ваеннага супрацоўніцтва.
Акрамя таго, начальнік Генеральнага штаба Узброеных Сіл прыме ўдзел у другой міжнароднай ваенна-марской выставе "DIMDEX-2010", якая адкрыецца ў сталіцы Катара - горадзе Дохе. Мерапрыемства пройдзе з удзелам прадстаўнікоў ваенных ведамстваў дзяржаў Блізкага Усходу, шэрагу краін Заходняй Еўропы і СНД.
Ваеннае супрацоўніцтва паміж Рэспублікай Беларусь і Дзяржавай Катар спрыяе пашырэнню партнёрскіх адносін паміж нашымі краінамі, аказвае пазітыўны ўплыў на дзелавыя кругі Катара, стымулюючы ініцыятыву, накіраваную на далейшае развіццё эканамічных адносін з беларускімі суб'ектамі гаспадарання.
26 сакавiка 2010 года
На барацьбу з паводкам
У мэтах аказання дапамогі Міністэрству па надзвычайных сітуацыях і Дзяржаўнаму пагранічнаму камітэту ў прадухіленні магчымага ўтварэння ледзяных затораў на рэках і падтаплення шэрагу аб'ектаў і населеных пунктаў краіны у ходзе вясновага паводка рашэннем Міністра абароны Рэспублікі Беларусь генерал-лейтэнанта Юрыя Жадобіна ў шэрагу злучэнняў і воінскіх часцей на базе інжынерна-сапёрных падраздзяленняў створаны і прайшлі неабходную падрыхтоўку 20 груп падрыўнікоў.
Групы створаны ў злучэннях і воінскіх часцях, дыслацыраваных у Гродна, Слоніме, Барысаве, Мінску, Полацку, Віцебску, Брэсце, Магілёве, Рэчыцы для ажыццяўлення дзейнасці ў розных раёнах рэк Нёман, Шчара, Рось, Бярэзіна, Заходняя Дзвіна, Заходні Буг, Мухавец, Лясная, Днепр, Проня, Сож, Прыпяць.
Агульнае кіраўніцтва дзеяннямі груп і арганізацыя ўзаемадзеяння з міжведамаснай працоўнай групай МНС ускладзены на працоўную групу кіравання інжынерных войскаў Генеральнага штаба Узброеных Сіл на чале з начальнікам інжынерных войскаў Узброеных Сіл - начальнікам кіравання інжынерных войскаў Генеральнага штаба Узброеных Сіл.
Правядзенне падрыўных прац па разбурэнні лёду і ліквідацыі ледзяных затораў на асобных участках рэк, у тым ліку ў межах памежнай зоны, ажыцяўляецца на падставе заявак старшыняў камісій па надзвычайных сітуацыях адпаведных абласцей (раёнаў, гарадоў) пры наяўнасці адпаведных дазволаў Дэпартамента па гідраметэаралогіі і маніторынгу навакольнага асяроддзя Рэспублікі Беларусь.
У выпадку неабходнасці для выканання мерапрыемстваў па аказанні дапамогі ў эвакуацыі насельніцтва і матэрыяльных сродкаў з раёнаў затаплення ў перыяд паводка прадугледжана выдзяленне гусенічных плаваючых транспарцераў, буксірна-маторных катэраў, лодак і пуцепракладчыкаў.
На сённяшні дзень праведзены падрыўныя працы на рацэ Нёман (Карэліцкім і Наваградскім раёнах) і рацэ Заходняя Дзвіна (Верхнядзвінскім раёне і г. Наваполацку), у выніку якіх разбураны лёд на ўчастках агульным пляцам 50 800 м2.
Кантроль над узбраеннямі
У адпаведнасці з палажэннямі ДЗУСЕ з 23 па 26 сакавіка 2010 года Рэспубліку Беларусь наведалі інспекцыйныя групы Федэратыўнай Рэспублікі Германія пад кіраўніцтвам палкоўніка Міхаэля Блазна і Рэспублікі Польшча пад кіраўніцтвам падпалкоўніка Кшыштафа Уладарскага.
У ходзе правядзення інспекцый аб’яўленнага месца былі правераны 1868 артылерыйская база ўзбраення і 206 штурмавая авіяцыйная база, якія з'яўляюцца аб'ектамі кантролю паводле палажэнняў ДЗУСЕ.
У выніку праверкі замежныя інспектары пацвердзілі адпаведнасць наяўнасці абмежаваных Дагаворам узбраенняў і ваеннай тэхнікі іх заяўленай колькасці.
У рамках Венскага дакумента 1999 года інспекцыйная група Рэспублікі Беларусь правяла інспекцыю вызначанага раёна на тэрыторыі Федэратыўнай Рэспублікі Германія.
У ходзе інспекцыі была пацверджана адсутнасць у вызначаным для інспекцыі раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
25 сакавiка 2010 года
Армейскі спартсмен - прызёр этапу Кубка свету па кулявой стральбе!
У г. Сіднэй (Аўстралія) праходзіць першы этап Кубка свету па кулявой стральбе. Прадстаўнік Рэспублікі Беларусь армейскі спартсмен падпалкоўнік Сяргей Мартынаў заваяваў бронзавы медаль у практыкаванні МВ-9 (60 выстралаў лежачы з вінтоўкі, на 50 метраў). З 600 магчымых ачкоў Сяргей выбіў 597.
23 сакавiка 2010 года
7-я навукова-практычная канферэнцыя ВПС і войскаў СПА
23 сакавіка ў камандаванні Ваенна-паветраных сіл і войскаў супрацьпаветранай абароны праходзіць 7-я навукова-практычная канферэнцыя ВПС і войскаў СПА на тэму: «Шляхі павышэння эфектыўнасці прыкрыцця аб'ектаў Узброеных Сіл, эканомікі і інфраструктуры дзяржавы ў залежнасці ад маштабаў узброеных канфліктаў».
Улічваючы важнасць тэматыкі канферэнцыі, цеснае і плённае супрацоўніцтва ў рашэнні задач тэорыі і практыкі ўжывання ВПС і войскаў СПА, у працы канферэнцыі ўдзельнічае дэлегацыя Ваенна-паветраных сіл Расійскай Федэрацыі.
У ходзе канферэнцый будуць разгледжаны актуальныя праблемы, накіраваныя на павышэнне эфектыўнасці прыкрыцця аб'ектаў Узброеных Сіл, эканомікі і інфраструктуры дзяржавы.
Удзельнікі канферэнцыі выпрацуюць практычныя рэкамендацыі і прапановы, накіраваныя на павышэнне эфектыўнасці авіяцыі, родаў войскаў, сістэм кіравання, баявога, тэхнічнага і тылавога забеспячэння ВПС і войскаў СПА.
22 сакавiка 2010 года
Мерапрыемствы па рэалізацыі міжнародных дагавораў у вобласці кантролю над узбраеннямі
З 23 па 26 сакавіка 2010 года пройдзе шэраг мерапрыемстваў па рэалізацыі міжнародных дагавораў у вобласці кантролю над узбраеннямі:
у адпаведнасці з палажэннямі ДЗУСЕ Рэспубліку Беларусь наведае інспекцыйная група Федэратыўнай Рэспублікі Германія пад кіраўніцтвам палкоўніка Міхаэля Шута для правядзення інспекцыі аб’яўленнага месца. У ходзе інспекцый будзе праверана адна з воінскіх часцей Узброеных Сіл Рэспублікі Беларусь (па выбары інспектараў), якая з'яўляецца аб'ектам кантролю паводле палажэнняў ДЗУСЕ. Мэта інспекцыі - праверка адпаведнасці наяўнасці абмежаваных Дагаворам узбраенняў і тэхнікі іх заяўленай колькасці. У складзе нямецкай інспекцыйнай группы, акрамя васьмі ваенных інспектараў Германіі, будзе ўдзельнічаць інспектар з ЗША;
у адпаведнасці з палажэннямі ДЗУСЕ Рэспубліку Беларусь наведае інспекцыйная група Рэспублікі Польшча пад кіраўніцтвам падпалкоўніка Кшыштафа Уладарскага для правядзення інспекцыі аб’яўленнага месца. У ходзе інспекцый будзе праверана адна з воінскіх часцей Узброеных Сіл Рэспублікі Беларусь (па выбары інспектараў), якая з'яўляецца аб'ектам кантролю паводле палажэнняў ДЗУСЕ. Мэта інспекцыі - праверка адпаведнасці наяўнасці абмежаваных Дагаворам узбраенняў і тэхнікі іх заяўленай колькасці. У складзе польскай інспекцыйнай групы, акрамя пяці ваенных інспектараў Польшчы, будуць удзельнічаць два інспектары з Бельгіі, а таксама па адным інспектары з Канады і ЗША;
у рамках Венскага дакумента 1999 года інспекцыйная група Рэспублікі Беларусь правядзе інспекцыю вызначанага раёна на тэрыторыі Федэратыўнай Рэспублікі Германія. Мэтай інспекцыі з'яўляецца пацвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
Назіральны палёт місіі над тэрыторыяй групы Рэспублікі Беларусь і Расійскай Федэрацыі
З 22 па 26 сакавіка 2010 года ў рамках Дагавора па адкрытым небе плануецца правядзенне назіральнага палёту місіі Каралеўства Нарвегія над тэрыторыяй групы дзяржаў-удзельніц Рэспубліка Беларусь і Расійская Федэрацыя на румынскім самалёце назірання АН-30Б у мэтах кантролю ваеннай дзейнасці на тэрыторыі назіраемых дзяржаў.
17 сакавiка 2010 года
Двухбаковая штабная ваенная гульня
У адпаведнасці з планам падрыхтоўкі ВПС і войскаў СПА з 16 па 18 сакавіка пад кіраўніцтвам камандуючага ВПС і войскамі СПА генерал-маёра І.П.Азаронка на базе цэнтра аператыўна-тактычнай падрыхтоўкі ўстановы адукацыі «Ваенная акадэмія Рэспублікі Беларусь» праходзіць двухбаковая штабная ваенная гульня.
У рабоце ДШВГ прымаюць удзел службовыя асобы структурных падраздзяленняў камандавання ВПС і войскаў СПА, прафесарска-выкладчыцкі састаў і слухачы факультэта Генеральнага штаба Узброеных Сіл Ваеннай акадэміі, афіцэры дзяржаўнай установы "Навукова-даследчы інстытут Узброеных Сіл Рэспублікі Беларусь".
Падчас правядзення двухбаковай штабной ваеннай гульні будуць адпрацаваны пытанні планавання і прымянення ВПС і войскаў СПА, а таксама выпрацаваны прапановы па павышэнні эфектыўнасці ўжывання віду Узброеных Сіл падчас адбіцця удараў сродкаў паветрана-касмічнага нападу праціўніка.
Для паспяховага дасягнення пастаўленых мэт падчас ДШВГ навучэнцы загадзя вывучылі зыходнае становішча і ажыццявілі ўсебаковую падрыхтоўку да выканання задач гульні.
У выніку правядзення ДШВГ службовыя асобы камандавання ВПС і войскаў СПА павысяць свой узровень падрыхтоўкі ў мадэліраванні баявых дзеянняў і працы з электроннымі картамі.
15 сакавiка 2010 года
У рамках ваенна-тэхнічнага супрацоўніцтва
17 - 18 сакавіка 2010 года ў Мінску пройдзе навукова-практычная канферэнцыя "Праблемы асваення і эксплуатацыі прадукцыі ваеннага прызначэння, набытай у рамках ваенна-тэхнічнага супрацоўніцтва АДКБ”.
У канферэнцыі прымуць удзел прадстаўнікі сакратарыята і аб'яднанага штаба АДКБ, узброеных сіл Беларусі, Арменіі, Казахстана, Кыргызстана, Расіі і Таджыкістана.
Плануецца, што ўдзельнікі форуму абмяркуюць і абагульняць набыты ў войсках дзяржаў-членаў АДКБ вопыт засваення і эксплуатацыі ўзбраення і ваеннай тэхнікі, выпрацуюць шляхі ўдасканалення асваення, эксплуатацыі, правядзення вайсковага і заводскага рамонтаў узбраення і ваеннай тэхнікі, наведаюць Дзяржаўны ваенна-прамысловы камітэт, шэраг прадпрыемстваў ваенна-прамысловага комплексу краіны, арсенал узбраення.
Забеспячэнне бяспекі ваеннай службы
У лютым 2010 года ва Узброеных Сілах Рэспублікі Беларусь і транспартных войсках падведзены вынікі агляду-конкурсу на лепшую воінскую часць па забеспячэнню бяспекі ваеннай службы ў 2009 годзе.
Асноўная мэта конкурсу - актывізацыя і павышэнне эфектыўнасці дзейнасці кіраўнікоў органаў ваеннага кіравання, камандзіраў і іншых службовых асоб злучэнняў і воінскіх часцей, ваенных навучальных устаноў, ваенных камісарыятаў, арганізацый Узброеных Сіл, ваенных камендатур па стварэнню і забеспячэнню бяспечных умоў ваеннай службы.
Пераможцам конкурсу стаў 62-й цэнтральны вузел сувязі. Граматамі ўзнагароджаны: 50 асобная гвардзейская механізаваная брыгада, 51 гвардзейская змешаная артылерыйская група, 127 гвардзейская брыгада сувязі і 83 асобны інжынерна-аэрадромны полк.
12 сакавiка 2010 года
Інспекцыйная група Рэспублікі Беларусь наведае Французскую Рэспубліку
З 15 па 20 сакавіка 2010 года інспекцыйная група Рэспублікі Беларусь у рамках ДЗУСЕ правядзе інспекцыі дзвюх воінскіх часцей узброеных сіл Французскай Рэспублікі (па выбары інспектараў). У ходзе інспекцый будзе праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
Рэспубліку Беларусь наведае інспекцыйная група Французскай Рэспублікі
З 14 па 21 сакавіка ў адпаведнасці з палажэннямі Дагавора аб звычайных узброеных сілах у Еўропе (далей - ДЗУСЕ) Рэспубліку Беларусь наведае інспекцыйная група Французскай Рэспублікі пад кіраўніцтвам падпалкоўніка Паскаля Жанмужэна. У ходзе інспекцыі будуць правераны дзве воінскія часці Узброеных Сіл Рэспублікі Беларусь (па выбары інспектараў), якія з'яўляюцца аб'ектамі кантролю паводле палажэнняў ДЗУСЕ. Мэта інспекцый - праверка адпаведнасці наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
Канцэртны тур па гарадах Беларусі
Акадэмічны ансамбль песні і танца Узброеных Сіл Рэспублікі Беларусь пачаў правядзенне канцэртнага тура па гарадах Беларусі з праграмай "Памяць сэрца гаворыць", прысвечанага 65-годдзю Перамогі савецкага народа ў Вялікай Айчыннай вайне.
Першы канцэрт адбыўся 23 лютага ў г. Наваполацку перад работнікамі прадпрыемства "Нафтан".
6 і 7 сакавіка ансамбль выступіў з канцэртамі ў Брэсцкай вобласці: у пасёлку Белавежскі Камянецкага раёна і г. Жабінка.
У праграме канцэртнага тура - песенныя і танцавальныя творы, добра вядомыя беларускаму гледачу, а таксама тыя, якiя ўпершыню выконваюцца артыстамі ансамбля.
17 і 18 сакавіка ансамбль працягне канцэрты ў гарадах Смалявічы і Копыль.
У Мінску адбудзецца пасяджэнне Сумеснай кансультатыўнай групы па пытаннях кантролю над узбраеннямі
З 16 па 19 сакавіка 2010 года ў рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў Мінску адбудзецца пасяджэнне Сумеснай кансультатыўнай групы па пытаннях кантролю над узбраеннямі. Расійскую дэлегацыю на перамовах узначаліць прадстаўнік Нацыянальнага цэнтра па памяншэнню ядзернай небяспекі Расійскай Федэрацыі палкоўнік Сяргей Забела. Падчас пасяджэнняў будуць узгоднены пазіцыі і сумесныя дзеянні бакоў па пытаннях выканання міжнародных дагавораў у галіне кантролю над узбраеннямі.
9 сакавiка 2010 года
Узнагароджаныя ордэнам "За асабістую мужнасць"
Як паведаміла прэс-служба Прэзідэнта Рэспублікі Беларусь, кіраўнік дзяржавы падпісаў Указ, у адпаведнасці з якім ордэнам "За асабістую мужнасць" пасмяротна ўзнагароджаны намеснік камандзіра па лётнай падрыхтоўцы 61-й знішчальнай авіяцыйнай базы Заходняга аператыўна-тактычнага камандавання Ваенна-паветраных сіл і войскаў супрацьпаветранай абароны Узброеных Сіл палкоўнік Аляксандр Жураўлевіч і намеснік камандуючага войскамі па авіяцыі Заходняга аператыўна-тактычнага камандавання Ваенна-паветраных сіл і войскаў супрацьпаветранай абароны Ўзброеных Сіл палкоўнік Аляксандр Марфіцкі.
Яны ўдастоены гэтых узнагарод за смелыя і рашучыя дзеянні пры акалічнасцях, звязаных з рызыкай для жыцця, асабістую мужнасць і адвагу, праяўленыя пры выкананні службовых абавязкаў, высокі прафесіяналізм.
Як паведамлялася раней, лётчыкі адвялі самалёт ад населенага пункта, прыняўшы рашэнне не катапультавацца, і коштам уласнага жыцця прадухілілі больш цяжкія вынікі.
Адбыўся вучэбна-метадычны збор інжынерна-тэхнічнага складу
На базе 30-й асобнай чыгуначнай брыгады прайшоў вучэбна-метадычны збор інжынерна-тэхнічнага складу Узброеных Сіл па арганізацыі пераводу ўзбраення і ваеннай тэхнікі на летні перыяд эксплуатацыі. У ім прынялі ўдзел намеснікі па ўзбраенню камандуючых відамі Узброеных Сіл і аператыўнымі (аператыўна-тактычнымі) камандаваннямі, камандзіраў злучэнняў і воінскіх часцей.
Удзельнікі збору разгледзелі пытанні арганізацыі сезоннага тэхнічнага абслугоўвання з дапамогай тэхнічных сродкаў і пунктаў тэхабслугоўвання і рамонту (ПТАР), а таксама правядзення рамонту ўзбраення і ваеннай тэхнікі па выніках дыягностыкі.
Прадстаўнікі УС РБ наведваюць воінскую часць сухапутных сіл Эстоніі
9 і 10 сакавіка 2010 года ў рамках Венскага дакумента 1999 года прадстаўнікі Узброеных Сіл Рэспублікі Беларусь прымаюць удзел у наведванні адной з воінскіх часцей сухапутных сіл Эстоніі, якое арганізуецца для дзяржаў-удзельніц АБСЕ адзін раз у пяць гадоў.
Назіральны палёт
З мэтай кантролю ваеннай дзейнасці ў рамках Дагавора па адкрытым небе з 11 па 13 сакавіка 2010 года плануецца правядзенне назіральнага палёту місіі Германіі і Латвіі над тэрыторыяй групы дзяржаў-удзельніц (Рэспубліка Беларусь і Расійская Федэрацыя). Палёт будзе праводзіцца на румынскім самалёце назірання AN-30B.
5 сакавiка 2010 года
Візіт дэлегацыі Міністэрства абароны Рэспублікі Беларусь у Венгерскую Рэспубліку
З 23 па 26 лютага 2010 года адбыўся візіт дэлегацыі Міністэрства абароны Рэспублікі Беларусь на чале з начальнікам упраўлення міжнароднага ваеннага супрацоўніцтва Міністэрства абароны Ігарам Зароўкіным у Венгерскую Рэспубліку.
У рамках візіту прайшлі кансультацыі членаў беларускай дэлегацыі з прадстаўнікамі Міністэрства абароны Венгрыі, у ходзе якіх былі вызначаны перспектыўныя напрамкі ваеннага супрацоўніцтва і падпісаны План мерапрыемстваў двухбаковага ваеннага супрацоўніцтва на 2010 год.
У ходзе візіту прадстаўнікі беларускага ваеннага ведамства азнаёміліся з рэформамі, якія праводзяцца ў венгерскіх узброеных сілах, наведалі ўніверсітэт нацыянальнай абароны Венгерскай Рэспублікі імя Міклоша Зрыні, дзе праходзяць моўную падрыхтоўку беларускія ваеннаслужачыя, а таксама Інстытут і Музей ваеннай гісторыі пры Міністэрстве абароны Венгерскай Рэспублікі.
2 сакавiка 2010 года
Новыя назначэнні
Па паведамленню прэс-службы Кіраўніка дзяржавы, Прэзідэнт Рэспублікі Беларусь Аляксандр Лукашэнка падпісаў шэраг указаў аб назначэнні кіруючага складу Узброеных Сіл.
Так, Кіраўнік дзяржавы назначыў генерал-маёра Алега Зямскова начальнікам ракетных войскаў і артылерыі Узброеных Сіл – начальнікам упраўлення ракетных войскаў і артылерыі Генеральнага штаба Узброеных Сіл, вызваліўшы яго ад пасады начальніка Галоўнага штаба – першага намесніка камандуючага Сухапутнымі войскамі Узброеных Сіл Рэспублікі Беларусь. На пасаду, якая вызвалілася, назначаны палкоўнік Ігар Матрашыла.
Генерал-маёр Ігар Лаўрыненка назначаны першым намеснікам начальніка Генеральнага штаба Узброеных Сіл. На раней займаемую ім пасаду начальніка галоўнага арганізацыйна-мабілізацыйнага ўпраўлення – намесніка начальніка Генеральнага штаба Узброеных Сіл назначаны палкоўнік Сяргей Купрык.
1 сакавiка 2010 года
Візіт дэлегацыі Узброеных Сіл Туркменістана
З 20 па 27 лютага прайшоў візіт у Рэспубліку Беларусь дэлегацыі Узброеных Сіл Туркменістана, якую ўзначальваў першы намеснік Міністра абароны – начальнік Генеральнага штаба Узброеных Сіл Туркменістана палкоўнік Бегенч Гундагдыеў.
Члены дэлегацыі наведалі прадпрыемствы Дзяржаўнага ваенна-прамысловага камітэта Рэспублікі Беларусь, шэраг злучэнняў і воінскіх часцей Ваенна-паветраных сіл і войскаў супрацьпаветранай абароны, а таксама сустрэліся з вышэйшымі службовымі асобамі Міністэрства абароны Рэспублікі Беларусь, камандаваннем ВПС і войскаў СПА, кіраўніцтвам Дзяржаўнага ваенна-прамысловага камітэта Рэспублікі Беларусь.
Працоўная сустрэча экспертаў Рэспублікі Беларусь і Літоўскай Рэспублікі
З 24 па 26 лютага 2010 года ў г. Вільнюсе адбылася працоўная сустрэча экспертаў узброеных сіл Рэспублікі Беларусь і Літоўскай Рэспублікі па ацэнцы выканання двухбаковай Дамоўленасці аб наборы дадатковых да Венскага дакумента 1999 мераў умацавання даверу і бяспекі. У ходзе сустрэчы была праведзена ацэнка выканання палажэнняў Дамоўленасці ў 2009 годзе і ўзгадненне рэкамендацый па далейшаму выкананню ўстаноўленых мераў умацавання даверу і бяспекі.
У Нацыянальным агенцтве па кантролю і інспекцыях адбыўся вучэбна-метадычны збор
25 і 26 лютага 2010 года ў Нацыянальным агенцтве па кантролю і інспекцыях – дэпартаменце Міністэрства абароны Рэспублікі Беларусь прайшоў вучэбна-метадычны збор з афіцэрамі, адказнымі за рэалізацыю Дагавора па адкрытым небе. У ходзе збора былі падведзены вынікі працы па рэалізацыі Дагавора групай дзяржаў-удзельніц Рэспубліка Беларусь – Расійская Федэрацыя ў 2009 годзе, а таксама вызначаны задачы на 2010 год. У вучэбна-метадычным зборы прыняў удзел прадстаўнік нацыянальнага Цэнтра па памяншэнню ядзернай небяспекі Расійскай Федэрацыі падпалкоўнік Арслан Шаніязаў.
Прадстаўнік Міністэрства абароны прыме ўдзел у 20-й ШНАВ
2 і 3 сакавіка 2010 года ў г. Вене адбудзецца 20-я Штогадовая нарада па ацэнцы выканання Венскага дакумента 1999 года перамоў па мерах умацавання даверу і бяспекі (ШНАВ). У цэнтры ўвагі нарады будуць знаходзіцца практычныя і праблемныя пытанні рэалізацыі дзяржавамі-ўдзельніцамі АБСЕ названага дакумента. Ад Міністэрства абароны ў складзе дэлегацыі Рэспублікі Беларусь у працы 20-й ШНАВ прыме ўдзел начальнік Нацыянальнага агенцтва па кантролю і інспекцыях – дэпартамента Міністэрства абароны Алег Горбач.
Партнёрства дзеля міру
28 лютага з візітам у Рэспубліку Беларусь прыбыла дэлегацыя штаб-кватэры НАТА.
Асноўная мэта візіту – правядзенне кансультацый па пытаннях удзелу Рэспублікі Беларусь у Працэсе планавання і ацэнкі сіл праграмы НАТА “Партнёрства дзеля міру”, а таксама абмеркаванне вынікаў рэалізацыі мэтаў партнёрства, прынятых у 2008 годзе, і мэтаў партнёрства ў 2010 годзе.
Бакі правядуць шэраг працоўных сустрэч і кансультацый.
2 сакавіка з кіраўніком дэлегацыі штаб-кватэры НАТА – начальнікам упраўлення планавання сіл дэпартамента абароннай палітыкі і планавання міжнароднага сакратарыята НАТА Фрэнкам Боландам сустрэнецца статс-сакратар – памочнік Міністра абароны па пытаннях ваеннай палітыкі генерал-маёр Аляксандр Анісімаў.
Мэтай Працэсу планавання і ацэнкі сіл праграмы НАТА “Партнёрства дзеля міру” (ПАРП) з’яўляецца азнаямленне партнёраў с механізмам абароннага планавання НАТА і дасягненне аператыўнай сумяшчальнасці дзеянняў паміж партнёрамі і НАТА для правядзення шматнацыянальнай баявой падрыхтоўкі, вучэнняў і аперацый ва ўзаемадзеянні з сіламі Арганізацыі Паўночнаатлантычнага дагавора.
Асноўнымі прынцыпамі ПАРП з’яўляюцца самастойнае вызначэнне краінамі-партнёрамі маштабаў і тэмпаў збліжэння з НАТА і работы ў Працэсе.
У цяперашні час у ПАРП удзельнічаюць 18 з 22 краін-партнёраў.
Працэдура далучэння Беларусі да ПАРП завяршылася ў студзені 2006 года, пасля зацвярджэння нашай краінай і НАТА мэтаў партнёрства і Ацэначнага дакумента ПАРП.
Новы пералік мэтаў партнёрства быў зацверджаны Рэспублікай Беларусь і НАТА ў снежні 2008 года.
У 2009 годзе ў рамках удзелу Рэспублікі Беларусь у Працэсе планавання і ацэнкі сіл праграмы НАТА “Партнёрства дзеля міру” праводзіліся вучэбна-палявыя зборы і тактыка-спецыяльнае вучэнне з пастаянным і пераменным складам міратворчай роты 120 амбр., ажыццяўлялася навучанне беларускіх ваеннаслужачых на спецыялізаваных курсах у Ваеннай акадэміі Рэспублікі Беларусь, а таксама за мяжой, арганізоўваліся працоўныя сустрэчы з прадстаўнікамі ўзброеных сіл замежных дзяржаў (Літва, Польшча, ФРГ) у мэтах вывучэння вопыту падрыхтоўкі і прымянення нацыянальных сіл і сродкаў па выкананню задач пры правядзенні шматнацыянальных аперацый.
25 лютага 2010 года
Дзень адчыненых дзвярэй
26 лютага 2010 года ваенны факультэт ва ўстанове адукацыі “Беларускі дзяржаўны ўніверсітэт інфарматыкі і радыёэлектронікі” праводзіць дзень адчыненых дзвярэй.
Запрашаюцца навучэнцы сярэдніх школ, ліцэяў, а таксама сярэдніх спецыяльных устаноў.
Наведвальнікі змогуць сустрэцца з камандаваннем факультэта і кафедр, а таксама азнаёміцца з вучэбна-матэрыяльнай базай і парадкам прыёму на ваенны факультэт у 2010 годзе.
Пачатак мерапрыемстваў у 12.00.
Чакаем вас па адрасу: г. Мінск, вул. П. Броўкі, 10 (праезд аўтобусам № 100 да прыпынку “Вул. П. Броўкі” або метро да станцыі “Акадэмія навук”).
Даведкі па тэлефонах: 293-80-31, 293-23-52.
22 лютага 2010 года
Віншаванне Міністра абароны Рэспублікі Беларусь з Днём абаронцаў Айчыны і Узброеных Сіл Рэспублікі Беларусь
Таварышы салдаты, сяржанты, прапаршчыкі і афіцэры!
Шаноўныя ветэраны Вялікай Айчыннай вайны і Узброеных Сіл!
Шаноўныя суайчыннікі!
23 лютага ў нашай краіне ўрачыста адзначаецца Дзень абаронцаў Айчыны і Узброеных Сіл Рэспублікі Беларусь.
Гэта сапраўды ўсенароднае свята ўвасабляе непарыўную сувязь пакаленняў і пераемнасць ратных традыцый, увасабляе ў сабе самаадданае служэнне Айчыне і прызнанне вялікіх заслуг беларускіх воінаў перад дзяржавай.
У год 65-годдзя Вялікай Перамогі мы выказваем асаблівую ўдзячнасць ветэранам Вялікай Айчыннай вайны, пакаленню пераможцаў, якія абаранілі свабоду і незалежнасць нашай Радзімы і выратавалі свет ад фашызму.
Дзень абаронцаў Айчыны і Узброеных Сіл Рэспублікі Беларусь – свята, якое сведчыць не толькі аб даніне глыбокай павагі да нашай гераічнай гісторыі, але і аб зацікаўленасці беларускага народа ў забеспячэнні нацыянальнай і міжнароднай бяспекі.
Сёння Узброеныя Сілы Рэспублікі Беларусь прыведзены ў адпаведнасць з сучасным ваенна-палітычным становішчам, новай сутнасцю вайны і характарам узброенай барацьбы, што надзейна гарантуе ваенную бяспеку дзяржавы.
Дасягнутыя поспехі з’яўляюцца вынікам асабістага ўдзелу і кіраўніцтва працэсам ваеннага будаўніцтва Прэзідэнта Рэспублікі Беларусь – Галоўнакамандуючага Узброенымі Сіламі А.Г. Лукашэнка, самаадданай ратнай працы і высокага маральнага духу ваеннаслужачых, усямернай падтрымкі мерапрыемстваў, якія праводзяцца, беларускім народам.
Віншую вас з Днём абаронцаў Айчыны і Узброеных Сіл Рэспублікі Беларусь.
Жадаю вам, вашым родным і блізкім міру і дабра, стабільнасці і спакою, бадзёрасці і аптымізму, новых поспехаў у воінскай службе і працы на карысць Айчыны.
Міністр абароны
Рэспублікі Беларусь
генерал-лейтэнант Ю.В. Жадобін
19 лютага 2010 года
Прэзідэнт Расіі Дзмітрый Мядзведзеў узнагародзіў шэраг беларускіх военачальнікаў ордэнам Дружбы
Як гаворыцца ў адпаведным указе, яны ўдастоены ўзнагароды “за вялікі ўклад у развіццё і ўмацаванне расійска-беларускага супрацоўніцтва”, паведамілі ў прэс-службе Крамля.
Ордэнам Дружбы ўзнагароджаны старшыня Дзяржаўнага ваенна-прамысловага камітэта Беларусі Сяргей Гурулёў, які да снежня мінулага года займаў пасаду начальніка Генеральнага штаба Узброеных Сіл – першага намесніка міністра абароны, Юрый Меранцоў, да снежня 2009 года намеснік міністра абароны па кадрах і падрыхтоўцы войскаў – начальнік галоўнага ўпраўлення кадраў Міністэрства абароны, намеснік начальніка Генштаба – начальнік галоўнага аператыўнага ўпраўлення Генеральнага штаба Узброеных Сіл генерал-маёр Уладзімір Сулімаў, намеснік камандуючага Сухапутнымі войскамі – начальнік упраўлення баявой падрыхтоўкі і падрыхтоўкі рэзерваў генерал-маёр Валерый Хахлоў.
Інспекцыя на тэрыторыі Рэспублікі Польшча
З 16 па 18 лютага 2010 года ў рамках Венскага дакумента 1999 года інспекцыйная група Рэспублікі Беларусь правяла інспекцыю вызначанага раёна на тэрыторыі Рэспублікі Польшча. У ходзе інспекцыі была пацверджана адсутнасць у вызначаным для інспекцыі раёне ваеннай дзейнасці, якая падлягае папярэдняму паведамленню.
Працоўная сустрэча экспертаў узброеных сіл Рэспублікі Беларусь і Літоўскай Рэспублікі
З 24 па 26 лютага 2010 года ў г. Вільнюсе адбудзецца працоўная сустрэча экспертаў узброеных сіл Рэспублікі Беларусь і Літоўскай Рэспублікі па ацэнцы выканання двухбаковай Дамоўленасці аб наборы дадатковых да Венскага дакумента 1999 года мер умацавання даверу і бяспекі. У ходзе сустрэчы плануецца правесці ацэнку выканання палажэнняў Дамоўленасці ў 2009 годзе і ўзгадніць рэкамендацыі па далейшаму выкананню ўстаноўленых мер умацавання даверу і бяспекі.
17 лютага 2010 года
Высокая ацэнка ратнай працы
Як паведамілі ў прэс-службе Прэзідэнта Рэспублікі Беларусь, Кіраўнік дзяржавы Аляксандр Лукашэнка сваім Указам узнагародзіў дзяржаўнымі ўзнагародамі 33 грамадзяніна краіны за ўзорнае выкананне службовых абавязкаў, значныя дасягненні ў навукова-даследчай дзейнасці, заслугі ў педагагічнай і выхаваўчай працы, забеспячэнні захавання законнасці, вялікі ўклад у развіццё аўтамабільнага транспарта, культуры, мастацтва.
Сярод адзначаных высокімі ўзнагародамі шэраг ваеннаслужачых Узброеных Сіл.
Генерал-маёр Іван Дырман узнагароджаны ордэнам "За службу Радзіме ІІ ступені", маёр Сяргей Міхайлаў - ордэнам "За службу Радзіме ІІІ ступені".
Медалём "За адзнаку ў воінскай службе" узнагароджаны генерал-маёр Сяргей Патапенка, палкоўнік Павел Муравейка, падпалкоўнік Міхаіл Аляксееў і старшы лейтэнант Аляксей Чарнуха.
12 лютага 2010 года
Лыжны пераход, прысвечаны 65-годдзю Вялікай Перамогі, пройдзе па тэрыторыі Рэспублікі Беларусь
9 лютага в Ніжнім Ноўгарадзе стартаваў лыжны пераход па маршруце "Ніжні Ноўгарад - Пскоў - Полацк - Віцебск - Смаленск - Масква". Ён праходзе па месцах гераічнага мінулага расійскага і беларускага народаў. Акцыя прысвечана 65-й гадавіне Перамогі ў Вялікай Айчыннай вайне і 80-годдзю з дня стварэння паветрана-дэсантных войскаў.
З 13 па 16 лютага лыжны пераход будзе праходзіць на тэрыторыі Рэспублікі Беларусь. Удзельнікі акцыі сустрэнуцца з ветэранамі, моладзю, ваеннаслужачымі воінскіх часцей, выступяць з паказальнымі выступленнямі і канцэртамі, а таксама прымуць удзел у цырымоніі прыняцця Ваеннай прысягі навабранцамі адной з воінскіх часцей у горадзе Полацку, выступяць з канцэртам у 103-й гвардзейскай асобнай мабільнай брыгадзе, наведаюць Віцебскі музей воінаў-інтэрнацыяналістаў, Востраў Мужнасці і Смутку ў Мінску, а таксама Гісторыка-культурны комплекс "Лінія Сталіна".
Клятва на вернасць Радзіме
13 лютага 2010 года ў злучэннях і воінскіх часцях Узброеных Сіл Рэспублікі Беларусь пройдуць урачыстыя мерапрыемствы, прысвечаныя цырымоніі прыняцця Ваеннай прысягі новым папаўненнем, у якіх прымуць удзел прадстаўнікі Міністэрства абароны, мясцовых органаў улады, грамадскіх арганізацый, ветэраны, родныя і блізкія будучых абаронцаў Айчыны.
У гэты дзень у злучэннях і воінскіх часцях беларускай арміі словы ўрачыстай клятвы на вернасць Радзіме скажуць каля 6,5 тысяч ваеннаслужачых.
У цырымоніі прыняцця Ваеннай прысягі ў 72 гвардзейскім Аб'яднаным вучэбным цэнтры падрыхтоўкі прапаршчыкаў і малодшых спецыялістаў прыме ўздел Міністр абароны Рэспублікі Беларусь генерал-лейтэнант Юрый Жадобін.
10 лютага 2010 года
15 гадоў Аб'яднанай сістэме супрацьпаветранай абароны СНД
10 лютага Аб'яднанай сістэме супрацьпаветранай абароны СНД спаўняецца 15 гадоў.
Упершыню праблемы фарміравання аб'яднанай сістэмы СПА СНД (АС СПА) былі абмеркаваны 30 лістапада 1994 года на навукова-практычнай канферэнцыі з удзелам міністраў абароны дзяржаў Садружнасці.
10 лютага 1995 года кіраўнікамі Арменіі, Беларусі, Грузіі, Казахстана, Кіргізіі, Расіі, Таджыкістана, Туркменіі, Узбекістана і Украіны было падпісана адпаведнае Пагадненне. Сёння можна па праву сцвярджаць, што яго падпісаннем быў распачаты працэс рэальнай інтэграцыі і фарміравання цесных саюзніцкіх адносін у ваеннай галіне, якія складваюцца паміж краінамі Садружнасці незалежных дзяржаў, а ўзаемадзеянне ў галіне СПА стала адным з важнейшых напрамкаў супрацоўніцтва ў ваеннай сферы.
Сённня ад ВПС і войскаў СПА Узброеных Сіл Рэспублікі Беларусь у склад АС СПА ўваходзяць часці знішчальнай авіяцыі, часці зенітных ракетных войскаў і радыётэхнічных войскаў.
Пачынаючы з 1995 года, дзяжурныя па СПА сілы і сродкі ўдзельнічаюць у шматбаковых камандна-штабных трэніроўках з выкананнем цэлага комплексу задач. Да трэніровак прыцягваюцца дзяжурныя баявыя разлікі, пункты кіравання, узбраенне і тэхніка, якія нясуць баявое дзяжурства па СПА.
Лагічным крокам інтэграцыі ў рамках АС СПА стала арганізацыя сумеснага баявога дзяжурства па СПА з мэтай аховы знешніх межаў дзяржаў-удзельніц СНД.
Першымі (з 1 красавіка 1996 года) да іх прыступілі войскі СПА Рэспублікі Беларусь і Расіі. Пасля падпісання трохбаковай Інструкцыі па сумесных дзеяннях дзяжурных па СПА сіл, да іх далучыліся Казахстан і Кіргізія. На сённяшні дзень, акрамя названых краін, сумеснае баявое дзяжурства па СПА нясуць сілы і сродкі супрацьпаветранай абароны Арменіі і Узбекістана. Створаная сістэма баявога дзяжурства дазваляе надзейна ахоўваць паветраныя межы і кантраляваць паветраную прастору нашых дзяржаў.
Асабовы склад ВПС і войскаў СПА Рэспублікі Беларусь, які задзейнічаны на баявым дзяжурстве, штодзённа суправаджае да 400 паветраных судоў. Большасць з іх з'яўляюцца транзітнымі і прадстаўляюць як дзяржаўныя, так і прыватныя авіякампаніі розных краін свету.
27 лютага 1996 года было падпісана Пагадненне паміж міністэрствамі абароны Рэспублікі Беларусь і Расійскай Федэрацыі "Аб парадку прадстаўлення Расійскай Федэрацыяй Рэспубліцы Беларусь ваенных палігонаў для правядзення стрэльбаў воінскімі часцямі СПА Рэспублікі Беларусь".
Гэта дазволіла праводзіць тактычныя вучэнні з баявой стральбой злучэнняў і часцей СПА Рэспублікі Беларусь на расійскіх палігонах, пашырыць магчымасці па развіццю форм супрацоўніцтва ў рамках АС СПА.
У 2010 годзе ў развіццё гэтага пагаднення ў дакумент былі ўнесены змены ў інтарэсах планавага вучэбна-баявога прымянення на расійскіх ваенных палігонах баявой авіяцыі ВПС і войскаў СПА Рэспублікі Беларусь.
Усяго за час правядзення сумесных вучэнняў "Баявая садружнасць" з 1998 года ў іх прыняло ўдзел больш за 80 зенітных ракетных дывізіёнаў розных тыпаў і мадыфікацый ЗРК, да 70 экіпажаў знішчальнай, штурмавой і бамбардзіровачнай авіяцыі, каля 14 падраздзяленняў краін Садружнасці. Бясцэнны вопыт баявых стрэльбаў маюць афіцэры і прапаршчыкі баявых разлікаў усіх злучэнняў зенітных ракетных войскаў СПА Рэспублікі Беларусь. За чатырнаццаць гадоў усе злучэнні і часці зенітных ракетных войскаў Беларусі неаднаразова выконвалі баявыя стрэльбы на палігонах Расійскай Федэрацыі і нашай краіны. Практыку баявых стрэльбаў атрымалі больш за тры тысячы ваеннаслужачых.
Аб'яднаная сістэма СПА Садружнасці з'яўляецца важным складальнікам Дагавора аб калектыўнай бяспецы, які знайшоў сваё практычнае ўвасабленне і мае рэальныя і доўгачасовыя перспектывы.
3 лютага 2010 года
Падрыхтоўка навуковых і навукова-педагагічных работнікаў вышэйшай кваліфікацыі
У мэтах ажыццяўлення падрыхтоўкі навуковых і навукова-педагагічных работнікаў вышэйшай кваліфікацыі Міністрам абароны Рэспублікі Беларусь падпісаны дырэктывы "Аб наборы ў ад'юнктуры ў 2010 годзе" і "Аб наборы ў магістратуру ўстановы адукацыі "Ваенная акадэмія Рэспублікі Беларусь" у 2010 годзе" у адпаведнасці з якімі аб'яўлены набор кандыдатаў для навучання ў вочнай і завочнай ад'юнктурах, а таксама магістратуры Ваеннай акадэміі і вочнай ад'юнктуры Навукова-даследчага інстытута Узброеных Сіл.
Конкурсныя ўступныя экзамены пройдуць з 1 чэрвеня па 1 ліпеня 2010 г.
Заняткі ў ад'юнктурах пачнуцца 1 верасня гэтага года.
Дзень адчыненых дзвярэй
7 лютага 2010 г. ваенный факультэт ва ўстанове адукацыі "Гродненскі дзяржаўны ўніверсітэт імя Янкі Купалы" праводзіць дзень адчыненых дзвярэй.
У праграме:
- сустрэча з камандаваннем і прафесарска-выкладчыцкім складам, курсантамі;
- давядзенне правіл прыёму і парадку паступлення ў 2010 годзе, індывідуальнае кансультаванне;
- знаёмства з вучэбна-матэрыяльнай базай ваеннага факультэта і ўмовамі пражывання курсантаў;
- агляд экспазіцыі выстаўкі ваеннай формы адзення.
Запрашаюцца навучэнцы сярэдніх агульнаадукацыйных устаноў (юнакі), ваеннаслужачыя тэрміновай і кантрактнай службы, прапаршчыкі, выхаванцы і кіраўнікі ваенна-патрыятычных (кадэцкіх) класаў і клубаў, бацькі, выкладчыкі дапрызыўнай падрыхтоўкі юнакоў і іншыя зацікаўленыя асобы.
Пачатак у 10.00.
Наш адрас: г. Гродна, ваенны гарадок Фолюш, 15/219.
Праезд ад чыг. вакзала да канцавога прыпынку аўтобусам № 3, ад аўтавакзала да канцавога прыпынку тралейбусам № 1.
Кантактныя тэлефоны (8015-2)53-06-27, тэл.-факс (8015-2)53-05-60, 8029-78-22-809.
1 лютага 2010 года
1 лютага 2010 года - пачатак новага навучальнага года ва Узброеных Сілах Рэспублікі Беларусь
1 лютага 2010 года ва Узброеных Сілах Рэспублікі Беларусь пачаўся новы навучальны год.
Прыярытэтныя задачы органам ваеннага кіравання, злучэнням і воінскім часцям на надыходзячы навучальны год вызначаны ў Звароце Прэзідэнта Рэспублікі Беларусь, Галоўнакамандуючага Узброенымі Сіламі да ўдзельнікаў аператыўнага збору каманднага складу 21 снежня 2009 года.
Асноўная задача Узброеных Сіл у 2010 годзе - поўнае і якаснае выкананне Плана падрыхтоўкі Узброеных Сіл, усямернае павышэнне ўзроўню баявой і мабілізацыйнай гатоўнасці, вывучкі і зладжанасці органаў кіравання і войскаў, рэзультатыўнасці баявой падрыхтоўкі злучэнняў і воінскіх часцей.
Асноўныя намаганні будуць накіраваны на практычнае навучанне войскаў сучасным спосабам вядзення ўзброенай барацьбы, іх мэтанакіраваную падрыхтоўку пад канкрэтныя задачы, вызначаныя Планам абароны дзяржавы, забеспячэнне захаванасці ўзбраення і ваеннай тэхнікі, падтрыманне іх у баявым стане з улікам рацыянальнага расходавання вылучаных дзяржавай рэсурсаў.
Намаганні ваеннай навукі і адукацыі будуць сканцэнтраваны на вызначэнні і практычным асваенні найбольш рацыянальных механізмаў падтрымання баявой гатоўнасці органаў ваеннага кіравання, злучэнняў і воінскіх часцей, прапрацоўцы форм і спосабаў вядзення ваенных дзеянняў.
Павышаная ўвага будзе нададзена забеспячэнню няўхільнага выканання ў арміі законнасці, дысцыпліны, бяспечных умоў ваеннай службы, захавання жыцця і здароўя ваеннаслужачых. Правядзенне ва Узброеных Сілах дзяржаўнай ідэалогіі, паляпшэнне інфармацыйнай і выхаваўчай працы стане прыярытэтным напрамкам працы кіруючага складу.
Першарадная ўвага будзе таксама нададзена практычнай накіраванасці падрыхтоўкі ваенных кадраў, забеспячэнню авангарднай ролі афіцэрскага складу, умацаванню прафесіянальнага ядра, павышэнню кіраўніцкай, прававой і педагагічнай культуры афіцэраў.
29 студзеня 2010 года
Афіцыйны візіт кіраўніка ваеннага ведамства Беларусі ў Расійскую Федэрацыю
Міністр абароны Рэспублікі Беларусь генерал-лейтэнант Юрый Жадобін знаходзіцца з афіцыйным візітам ў Расійскай Федэрацыі.
Падчас сустрэч міністраў абароны дзвюх краін і сумеснай работы дэлегацый традыцыйна адбыўся канструктыўны, адкрыты дыялог па пытаннях сучаснага стану і далейшага развіцця ваеннага супрацоўніцтва Расійскай Федэрацыі і Рэспублікі Беларусь як саюзнікаў і стратэгічных партнёраў.
На мерапрыемстве абмеркаваны пытанні каардынацыі двухбаковай дзейнасці ў сферы ваенна-паветраных сіл і войскаў супрацьпаветранай абароны, сумеснага выкарыстання аб'ектаў ваеннай інфраструктуры, функцыянавання і далейшага развіцця рэгіянальнай групоўкі войскаў (сіл), падрыхтоўкі ваенных кадраў і супрацоўніцтва ў інфармацыйнай сферы.
Падчас сустрэчы дасягнуты важныя дамоўленасці, якія накіраваны на канкрэтны практычны вынік.
Міністры абароны падпісалі Пратакол аб унясенні змен у Пагадненне паміж Міністэрствам абароны Рэспублікі Беларусь і Міністэрствам абароны Расійскай Федэрацыі аб парадку прадстаўлення Расійскай Федэрацыяй Рэспубліцы Беларусь ваенных палігонаў для правядзення баявых стрэльбаў злучэннямі і часцямі супрацьпаветранай абароны Узброеных Сіл Рэспублікі Беларусь.
Унясенне гэтых змен дазволіць у планавым парадку праводзіць вучэнні з баявой стральбой авіяцыйнымі падраздзяленнямі і воінскімі часцямі ва ўзаемадзеянні з зенітнымі ракетнымі войскамі ВПС і войскаў СПА Беларусі на расійскіх ваенных палігонах, у тым ліку ва ўзаемадзеянні з Ваенна-паветранымі сіламі Расійскай Федэрацыі.
Кіраўнікі ваенных ведамстваў зацвердзілі План двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі на 2010 год. Традыцыйна гэты дакумент ахоплівае шырокі спектр арганізацыйных і практычных мерапрыемстваў узаемадзеяння дзвюх краін у ваеннай сферы.
28 студзеня 2010 года
Праверка гатоўнасці да новага навучальнага года
У адпаведнасці з Планам падрыхтоўкі Узброеных Сіл у 2010 годзе 26-29 студзеня ў органах ваеннага кіравання, злучэннях і воінскіх часцях праводзяцца агляды гатоўнасці да пачатку новага навучальнага года.
Мэтай праверкі з'яўляецца вызначэнне якасці выканання мерапрыемстваў планаў падрыхтоўчага перыяду, распрацаваных дакументаў ваеннага планавання, адпаведнасці мерапрыемстваў аператыўнай і баявой падрыхтоўкі спецыфіцы выконваемых задач, аказанне практычнай дапамогі службовым асобам па арганізаванаму і якаснаму пачатку навучальнага года.
У ходзе правядзення аглядаў будзе праверана гатоўнасць вучэбна-матэрыяльнай базы, узбраення, ваеннай тэхнікі, наяўнасць запасаў матэрыяльных сродкаў, а таксама ацэнены стан воінскай дысцыпліны, службы войскаў, прававой работы, аховы працы.
Новы навучальны год ва Узброеных Сілах пачнецца 1 лютага і завяршыцца 30 лістапада.
Асноўныя задачы падрыхтоўкі Узброеных Сіл вызначаны патрабаваннямі кіруючых дакументаў і ўказаннямі начальніка Генеральнага штаба - першага намесніка Міністра абароны Рэспублікі Беларусь. Гэта падтрыманне ўзроўню баявой і мабілізацыйнай гатоўнасці, усямернае павышэнне вывучкі і зладжанасці органаў кіравання і войскаў, рэзультатыўнасці баявой падрыхтоўкі злучэнняў і воінскіх часцей, поўнае і якаснае выкананне Плана будаўніцтва і развіцця Узброеных Сіл Рэспублікі Беларусь на 2006-2010 гады.
27 студзеня 2010 года
Кіраўнік ваеннага ведамства сустрэўся з актывам БСА
27 студзеня Міністр абароны Рэспублікі Беларусь генерал-лейтэнант Юрый Жадобін сустрэўся з актывам рэспубліканскага грамадскага аб'яднання "Беларускі Саюз афіцэраў".
У рамках сустрэчы адбыўся адкрыты, канструктыўны дыялог па пытаннях узаемадзеяння Міністэрства абароны і аднаго з самых масавых грамадскіх аб'яднанняў краіны.
У ходзе мерапрыемства старшыня савета Беларускага Саюза афіцэраў Яўгеній Мікульчык праінфармаваў кіраўніка ваеннага ведамства аб выніках работы аб'яднання, а таксама перспектывах далейшага развіцця ўсіх напрамкаў яго дзейнасці.
Міністр абароны Рэспублікі Беларусь падкрэсліў асаблівую важнасць грамадскай дзейнасці БСА і неабходнасць далейшай кансалідацыі афіцэраў запасу і ў адстаўцы ў інтарэсах забеспячэння нацыянальнай бяспекі Рэспублікі Беларусь, патрыятычнага выхавання насельніцтва, развіцця лепшых традыцый афіцэрскага корпуса Беларусі.
25 студзеня 2010 года
Дэлегацыя Міністэрства абароны Беларусі прыме ўдзел у пасяджэнні Ваеннага камітэта еўраатлантычнага партнёрства
У адпаведнасці з Індывідуальнай праграмай партнёрства Рэспублікі Беларусь і НАТА на 2010-2111 гады 25 студзеня пачаўся візіт прадстаўнікоў ваеннага ведамства Беларусі ў Брусель. Дэлегацыю ўзначальвае начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-маёр Пётр Ціханоўскі.
Беларуская дэлегацыя прыме ўдзел у пасяджэнні Ваеннага камітэта еўраатлантычнага партнёрства, у ходзе якога разгледзіць з прадстаўнікамі дзяржаў-членаў НАТА шэраг пытанняў, звязаных з дзейнасцю нашай краіны ў рамках праграмы "Партнёрства дзеля міру" (ПДМ).
Рэспубліка Беларусь далучылася да ПДМ у 1995 годзе. На сённяшні дзень праграма з'яўляецца неад'емнай часткай працэсу фарміравання еўрапейскай структуры бяспекі. Дынамічна развіваючыся з 1994 года, ПДМ ахоплівае 28 дзяржаў-членаў НАТА і 22 краіны-партнёры, мае гібкую структуру і ўключае ў сябе шэраг ініцыятыў супрацоўніцтва, якія дазваляюць адаптаваць яе да асаблівасцяў таго ці іншага рэгіёну ці краіны.
Удзельнічаючы ў гэтай праграме, Беларусь развівае канструктыўнае ўзаемадзеянне з Арганізацыяй Паўночнаатлантычнага дагавора ў інтарэсах забеспячэння ўласнай нацыянальнай бяспекі.
23 студзеня 2010 года
Збор з камандзірамі воінскіх часцей
На базе 72-га аб'яднанага вучэбнага цэнтра прайшоў збор з камандзірамі воінскіх часцей і злучэнняў. Са службовымі асобамі праведзены паказальныя і інструктарска-метадычныя заняткі, а таксама падведзены вынікі мінулага навучальнага года. Удзельнікі збору азнаёміліся з сучаснымі інфармацыйнымі тэхналогіямі, якія будуць выкарыстоўвацца ў новым навучальным годзе.
Пачалася падрыхтоўка да парада
Ва Узброеных Сілах пачалася падрыхтоўка да парада войскаў Мінскага гарнізона ў азнаменаванне 65-ай гадавіны Перамогі ў Вялікай Айчыннай вайне. У парадзе прымуць удзел выхаванцы Мінскага сувораўскага ваеннага вучылішча, курсанты Ваеннай акадэміі і ваенных факультэтаў, парадныя разлікі 120-й гвардзейскай асобнай механізаванай брыгады, 86-й брыгады сувязі, 103-й і 38-й гвардзейскіх асобных мабільных брыгад.
Адкрыты бюст Герою Савецкага Саюза генерал-лейтэнанту Дзмітрыю Карбышаву
У 118-й гвардзейскай інжынернай брыгадзе адкрыты бюст Герою Савецкага Саюза генерал-лейтэнанту Дзмітрыю Карбышаву. Урачыстае мерапрыемства было прымеркавана да Дня інжынерных войскаў. Таксама ў гэты дзень ваеннаслужачыя злучэння, якія вызначыліся пры абясшкоджванні выбуханебяспечных прадметаў, атрымалі нагрудныя знакі "За размініраванне".
22 студзеня 2010 года
Вучэбна-метадычны збор з афіцэрамі, адказнымі за рэалізацыю міжнародных дагавораў у галіне кантролю над узбраеннямі
У Нацыянальным агенцтве па кантролю і інспекцыях прайшоў вучэбна-метадычны збор з афіцэрамі відаў Узброеных Сіл, аператыўных (аператына-тактычных) камандаванняў, злучэнняў, воінскіх часцей і ўстаноў Міністэрства абароны, адказнымі за рэалізацыю міжнародных дагавораў у галіне кантролю над узбраеннямі. У ходзе мерапрыемства былі падведзены вынікі работы па забеспячэнню замежнай інспекцыйнай дзенасці на тэрыторыі Рэспублікі Беларусь у 2009 годзе, а таксама вызначаны задачы на 2010 год.
XІІI тэлевізійны фестываль армейскай песні "Звязда"
23 студзеня 2010 года ў Цэнтральным Доме афіцэраў пройдзе фінальны канцэрт XІІI тэлевізійнага фестывалю армейскай песні "Звязда", прысвечанага 65-годдзю Вялікай Перамогі, у ходзе якога будуць вызначаны лаўрэаты конкурса.
Штогадовы фестываль, заснавальнікамі якога з'яўляюцца Міністэрства абароны Рэспублікі Беларусь, Нацыянальная дзяржаўная тэлерадыёкампанія Беларусі, Міністэрства культуры Рэспублікі Беларусь і грамадскае аб'яднанне "Беларускі рэспубліканскі саюз моладзі", праводзіцца ў чатырох намінацыях - "Выканаўцы песен прафесіянальных аўтараў", "Аўтар-выканаўца", "Вакальныя групы і ансамблі, калектывы масавага выканання", "Выканаўцы армейскай песні".
Адборачныя туры фестывалю прайшлі ў злучэннях і воінскіх часцях, раённых і абласных ваенных камісарыятах, аператыўных (аператыўна-тактычных) камандаваннях, у відах Узброеных Сіл, ваенных навучальных установах, на ваенных факультэтах грамадзянскіх ВНУ, у арганізацыях і ўстановах Міністэрства абароны. Усяго ў іх прынялі ўдзел больш за 2 тысячы чалавек, у ліку якіх ваеннаслужачыя і члены іх сем'яў, курсанты ваенных навучальных устаноў, сувораўцы, а таксама грамадзянская моладзь.
Гала-канцэрт фестывалю армейскай песні адбудзецца напярэдадні свята - Дня Перамогі.
21 студзеня 2010 года
Высокая адзнака ратнай працы
Як паведамілі ў прэс-службе Прэзідэнта Рэспублікі Беларусь, Кіраўнік дзяржавы Аляксандр Лукашэнка сёння ўручыў дзяржаўныя ўзнагароды 60 грамадзянам краіны за шматгадовую працу, значныя дасягненні ў прафесійнай дзейнасці, заслугі ў развіцці нафтахімічнай прамысловасці, навукі, культуры, транспарта, спорту, аховы здароўя, фармацэўтычнай галіны, адукацыі, узорнае выкананне воінскага абавязку.
Сярод узнагароджаных - ваеннаслужачыя Узброеных Сіл.
Ордэнам "За службу Радзіме" III ступені ўзнагароджаны намеснік начальніка Генеральнага штаба Узброеных Сіл па навуковай працы палкоўнік Ігар Быкаў, начальнік упраўлення радыётэхнічных войскаў ВПС і войскаў СПА палкоўнік Ігар Насібянц, начальнік аддзела Галоўнага штаба ВПС і войскаў СПА палкоўнік Валерый Свірыда.
20 студзеня 2010 года
Здадзены чарговы дом для ваеннаслужачых
21 студзеня 2010 года ў горадзе Мар'іна Горка Пухавіцкага раёна адбудзецца ўрачыстая здача новага шасцідзесяцікватэрнага службовага жылога дома. Свае жыллёвыя ўмовы палепшаць 60 сем'яў афіцэраў і прапаршчыкаў воінскіх часцей Пухавіцкага гарнізона.
Жылы дом пабудаваны за кошт сродкаў, прадугледжаных Дзяржаўнай інвестыцыйнай праграмай. Падчас яго будаўніцтва скарыстаны матэрыялы толькі айчыннай вытворчасці. Клопат аб людзях у пагонах - адзін з прыярытэтаў дзяржаўнай сацыяльнай палітыкі.
Будаўніцтва чарговага жылога дома для ваеннаслужачых з'яўляецца яркім пацверджаннем гэтага.
У цяперашні час будаўніцтва жылля для ваеннаслужачых Узброеных Сіл здзяйсняецца па двух кірунках: шляхам будаўніцтва службовых жылых памяшканняў і жыллёва-будаўнічых кааператываў.
За перыяд з 2003 года па цяперашні час на сродкі Міністэрства абароны набыта 56 службовых кватэр, уведзена ў эксплуатацыю 4 службовых дома на 366 кватэр, акрамя таго, з 2001 па 2009 год пабудавана і ўведзена ў эксплуатацыю 56 жылых дамоў ЖБК на 5592 кватэры.
У цяперашні час ва Узброеных Сілах у розных стадыях будаўніцтва і фармавання знаходзяцца 41 жыллёва-будаўнічы кааператыў.
18 студзеня 2010 года
18 студзеня пачнецца адпраўка новага папаўнення ў войскі
18 студзеня 2010 года пачнецца адпраўка ва Узброеныя Сілы, іншыя войскі і воінскія фармаванні грамадзян, прызваных на тэрміновую ваенную службу. У гэты дзень у злучэнні і воінскія часці будуць адпраўлены больш за 1000 прызыўнікоў.
Усяго для праходжання тэрміновай ваеннай службы на пасадах салдат і сяржантаў плануецца прызваць каля дзевяці тысяч чалавек.
Урачыстыя праводзіны новага папаўнення пройдуць у шматлікіх ваенных камісарыятах краіны.
У г. Мінску ўрачыстыя мерапрыемствы, прысвечаныя пачатку адпраўкі ў войскі новага папаўнення, пройдуць 18 ліпеня на базе Мінскага гарадскога і абласнога зборных пунктаў. У іх прымуць удзел кіруючы склад Міністэрства абароны і адміністрацыі сталіцы, грамадскіх арганізацый, ветэраны, бацькі прызыўнікоў, а таксама прадстаўнікі злучэнняў і воінскіх часцей. У гэты дзень больш за 200 чалавек, прызваных ваеннымі камісарыятамі г. Мінска і Мінскай вобласці, папоўняць рады Узброеных Сіл, іншых войскаў і воінскіх фарміраванняў.
Напярэдадні службовыя асобы ваенных камісарыятаў раёнаў (гарадоў), прадстаўнікі воінскіх часцей правялі ўсебаковае вывучэнне і адбор прызыўнікоў.
На сённяшні дзень у Рэспубліцы Беларусь каля 47 тысяч юнакоў прайшлі прызыўныя камісіі. Амаль 28 тысячам прызыўнікоў прадстаўлены адтэрміноўкі ад прызыву. Найбольшая колькасць адтэрміновак (каля 21 000) была дадзена для працягу адукацыі.
У адпаведнасці з артыкулам 57 Канстытуцыі Рэспублікі Беларусь абарона Айчыны з'яўляецца абавязкам і святым доўгам грамадзяніна Рэспублікі Беларусь. У сучасных умовах Узброеныя Сілы з'яўляюцца дзяржаўным інстытутам, які забяспечвае выкананне грамадзянамі сваіх канстытуцыйных абавязку і святога доўгу.
14 студзеня 2010 года
Хабарнік арыштаваны
Сістэма прафілактыкі і спынення злачыннасці ва Узброеных Сілах забяспечвае паступальнае зніжэнне колькасці злачынстваў, учыненых ваеннаслужачымі. У 2009 годзе быў дасягнуты самы нізкі за ўсю гісторыю Узброеных Сіл Беларусі каэфіцыент злачыннасці. Ён склаў 3,1 на 1 тысячу чалавек (у 2008 г. - 3,6 , у 1994 г. - 10,9).
Асноўным звяном дзеючай сістэмы з'яўляецца сумесная дзейнасць органаў ваеннай пракуратуры, контрразведкі і Міністэрства абароны, цеснае комплекснае ўзаемадзеянне якіх дазваляе выяўляць злачынствы, незалежна ад тэрмінаў учынення і службовага становішча ўдзельнікаў. Тым самым забяспечваецца прынцып няўхільнасці пакарання за зроблены супрацьпраўны ўчынак.
Прыкладам эфектыўнасці сістэмы прафілактыкі і спынення злачыннасці ва Узброеных Сілах з'яўляецца факт выяўлення злачынства, учыненага ў снежні 2009 года супрацоўнікам Барысаўскага аб'яднанага гарадскога ваеннага камісарыята, які атрымаў хабар у памеры 450 долараў ЗША.
Злачынец арыштаваны супрацоўнікамі ваеннай контрразведкі. У цяперашні час па факце праводзяцца следчыя дзеянні.
15 студзеня 2010 года
Інспекцыйная група Рэспублікі Беларусь наведала адну з ваенных часцей узброеных сіл ФРГ
З 12 па 14 студзеня 2010 года ў рамках Венскага дакумента 1999 года перамоў па мерах умацавання даверу і бяспекі інспекцыйная група Рэспублікі Беларусь правяла наведванне па ацэнцы адной з ваенных часцей узброеных сіл Федэратыўнай Рэспублікі Германія. Падчас наведвання была падцверджана інфармацыя, прадстаўленая Германіяй дзяржавам-удзельніцам АБСЕ ў рамках Венскага дакумента 1999 года ў стаўленні да асабовага складу, асноўных сістэм узбраення і ваеннай тэхнікі ваеннай часці.
14 студзеня 2010 года
Хабарнік арыштаваны
Сістэма прафілактыкі і спынення злачыннасці ва Узброеных Сілах забяспечвае паступальнае зніжэнне колькасці злачынстваў, учыненых ваеннаслужачымі. У 2009 годзе быў дасягнуты самы нізкі за ўсю гісторыю Узброеных Сіл Беларусі каэфіцыент злачыннасці. Ён склаў 3,1 на 1 тысячу чалавек (у 2008 г. - 3,6 , у 1994 г. - 10,9).
Асноўным звяном дзеючай сістэмы з'яўляецца сумесная дзейнасць органаў ваеннай пракуратуры, контрразведкі і Міністэрства абароны, цеснае комплекснае ўзаемадзеянне якіх дазваляе выяўляць злачынствы, незалежна ад тэрмінаў учынення і службовага становішча ўдзельнікаў. Тым самым забяспечваецца прынцып няўхільнасці пакарання за зроблены супрацьпраўны ўчынак.
Прыкладам эфектыўнасці сістэмы прафілактыкі і спынення злачыннасці ва Узброеных Сілах з'яўляецца факт выяўлення злачынства, учыненага ў снежні 2009 года супрацоўнікам Барысаўскага аб'яднанага гарадскога ваеннага камісарыята, які атрымаў хабар у памеры 450 долараў ЗША.
Злачынец арыштаваны супрацоўнікамі ваеннай контрразведкі. У цяперашні час па факце праводзяцца следчыя дзеянні.
Пачаўся комплексны збор з ідэалагічнымі работнікамі Узброеных Сіл
Сёння ў Ваеннай акадэміі Рэспублікі Беларусь пачаўся комплексны збор з ідэалагічнымі работнікамі Узброеных Сіл Рэспублікі Беларусь. У рабоце збору прымаюць удзел намеснікі па ідэалагічнай рабоце камандзіраў, камандуючых, ваенных камісараў, кіраўнікоў ваенных навучальных устаноў і арганізацый, а таксама афіцэры сацыяльна-псіхалагічнай і сацыякультурнай сфер дзейнасці, слухачы Ваеннай акадэміі.
З удзельнікамі збору сустрэўся Міністр абароны Рэспублікі Беларусь генерал-лейтэнант Юрый Жадобін. У сваім выступленні кіраўнік ваеннага ведамства краіны асвятліў прыярытэтныя аспекты воінскай дзейнасці ва ўмовах сучаснага ваенна-палітычнага становішча. Міністр абароны Рэспублікі Беларусь звярнуў увагу ідэалагічных работнікаў на асаблівую значнасць і роль органаў ідэалагічнай работы ў рашэнні задач падрыхтоўкі войскаў у 2010 годзе.
У адпаведнасці з планам мерапрыемства яго ўдзельнікі прааналізуюць стан і эфектыўнасць ідэалагічнай работы ва Узброеных Сілах, разгледзяць пытанні далейшага ўдасканалення ўсіх яе кірункаў. Падчас збору ідэалагічныя работнікі таксама азнаёмяцца з сучаснымі і перспектыўнымі формамі і метадамі сацыяльна-псіхалагічнай работы і работы по арганізацыі культуры і адпачынку, інфармацыйнай і інфармацыйна-прапагандысцкай дзейнасці, сямейна-бытавога выхавання, работы па падтрыманню і ўмацаванню воінскай дысцыпліны, законнасці і правапарадку ў войсках, забеспячэнню бяспекі воінскай службы.
13 студзеня 2010 года
У ВПС і войсках СПА прайшлі першыя планавыя палёты
12-13 студзеня ў Ваенна-паветраных сілах і войсках супрацьпаветранай абароны прайшлі першыя планавыя палёты ў 2010 годзе.
Падчас палётаў у 61-й знішчальнай авіяцыйнай базе Заходняга аператыўна-тактычнага камандавання ВПС і войскаў СПА асноўная ўвага была ўдзелена павышэнню ўзроўню натрэніраванасці і павышэнню майстэрства лётчыкаў для паспяховага выканання задач баявога дзяжурства па супрацьпаветранай абароне, удасканаленню тэхнікі пілатавання лётнага складу ў складаных метэаўмовах.
У 927-й знішчальна-авіяцыйнай базе Паўночна-заходняга аператыўна-тактычнага камандавання першымі ў неба таксама падняліся вопытныя пілоты. Разам з тым, прыярытэтная ўвага, як і ў 2009 годзе, будзе ўдзелена падрыхтоўцы маладых лётчыкаў.
Не забылі ў авіябазах і выпускнікоў мінулага года. У адрозненне ад сваіх старэйшых таварышаў, у дні палётаў будучыя паветраныя асы ўдасканальвалі свае практычныя навыкі на комплексных авіяцыйных трэнажорах.
Парадак у небе забяспечваецца на зямлі
13-14 студзеня ў адпаведнасці з планам падрыхтоўкі ВПС і войскаў СПА на базе 61-й знішчальнай авіяцыйнай базы Заходняга аператыўна-тактычнага камандавання пад кіраўніцтвам намесніка камандуючага ВПС і войскамі СПА - начальніка авіяцыі генерал-маёра Міхаіла Лявіцкага праходзіць інструктыўна-метадычны збор з кіраўнікамі палётаў, афіцэрамі баявога кіравання, авіяцыйнымі дыспетчарамі і начальнікамі метэаралагічнай службы воінскіх часцей Ваенна-паветраных сіл і войскаў супрацьпаветранай абароны.
Асноўнымі мэтамі збору з'яўляюцца павышэнне тэарэтычнага ўзроўню службовых асоб па пытаннях падрыхтоўкі і кіравання палётамі, забеспячэння бяспекі палётаў, выпрацоўка практычных рэкамендацый, паглыбленне ведаў па парадку арганізацыі і выкарыстання паветранай прасторы.
Другі дзень збораў стане днём практычных мерапрыемстваў. Са службовымі асобамі груп кіраўніцтва палётамі, кіруючым складам часцей авіяцыі Ваенна-паветраных сіл і войскаў супрацьпаветранай абароны будзе вывучана методыка правядзення комплекснага трэнажу падчас папярэдняй падрыхтоўкі да палётаў, а таксама праведзены практычныя заняткі з выкарыстаннем сучасных авіяцыйных трэнажораў, якія забяспечваюць, разам з трэніроўкай лётнага складу, адначасовую падрыхтоўку і спецыялістаў кіравання палётамі.
12 студзеня 2010 года
Зацверджаны новыя памеры акладаў і пенсій
У адпаведнасці з Загадам Прэзідэнта Рэспублікі Беларусь з 1 студзеня 2010 года зацверджаны новыя памеры акладаў па воінскіх званнях ваеннаслужачым і надбавак да службовых акладаў ваенных суддзяў за кваліфікацыйныя класы.
Павелічэнне акладаў па воінскіх званнях ваеннаслужачых (акрамя ваеннаслужачых тэрміновай службы) склала ў сярэднім 25 %. Акрамя таго, у адпаведнасці з артыкулам 61 Закона Рэспублікі Беларусь "Аб пенсіённым забеспячэнні ваеннаслужачых, асоб начальніцкага і радавога складу ўнутраных спраў, органаў і падраздзяленняў па надзвычайных сітуацыях і органаў фінансавых расследаванняў" з 1 студзеня 2010 года будзе праведзены пераразлік пенсій і пенсіянерам Міністэрства абароны.
У цэлым грашовае забеспячэнне ваеннаслужачых узрасло на 5-7 %, рост пенсій пенсіянерам Міністэрства абароны складзе ў сярэднім каля 8 %.
5 студзеня 2010 года
103-я гвардзейская асобная мабільная брыгада адзначыла 65-гадовы юбілей
103-я гвардзейская асобная мабільная брыгада адзначыла 65-гадовы юбілей.
Злучэнне, якое было сфармавана ў снежні 1944 года на аснове загада Стаўкі Вярхоўнага Галоўнакамандавання, мае славутую баявую гісторыю і вялікія традыцыі.
У складзе 3-га Украінскага фронту 103-я гвардзейская стралковая дывізія прайшла шляхамі вайны па выпаленых землях Беларусі, Украіны і Малдавіі. У бязлітасныя баі воіны-дэсантнікі ўступілі на тэрыторыі Венгрыі і Аўстрыі. На ліку 103-й дывізіі - дзесяць тысяч знішчаных і шэсць тысяч захопленых у палон гітлераўцаў, каля ста вызваленых населеных пунктаў. На Баявым Сцягу злучэння заблішчалі два баявых ордэна. Больш за 3,5 тысячы воінаў удастоены баявых узнагарод, пяцёрым з іх за подзвігі, якія яны зрабілі, прысвоена званне Героя Савецкага Саюза.
Пасля заканчэння баёў і капітуляцыі фашысцкай Германіі злучэнне здзейсніла 1000-кіламетровы марш і прыступіла да планавай баявой падрыхтоўкі ў раёне горада Віцебска, дзе актыўна дапамагала аднаўляць разбураны фашыстамі горад, аказвала дапамогу працаўнікам сельскай гаспадаркі.
У чэрвені 1946 года дывізія была пераіменавана ў 103-ю гвардзейскую Чырванасцяжную, ордэна Кутузава II ступені паветрана-дэсантную дывізію.
У пасляваенныя гады асабовы склад злучэння прымаў удзел у вучэннях "Влтава", "Братэрства па зброі", "Днепр-67", "Шчыт-72", "Вясна-75", "Авангард-76", "Дзвіна", "Бярэзіна".
Асобай старонкай у біяграфіі 103-й дывізіі ўпісаны дзевяць гадоў яе знаходжання ў Афганістане, дзе дэсантнікі былі вымушаны першымі ўступіць у бой. За гады баявых дзеянняў у Рэспубліцы Афганістан сотні дэсантнікаў удастоены ордэнаў і медаляў, сямёрым прысвоена высокае званне Героя Савецкага Саюза, дывізія была ўзнагароджана ордэнам Леніна.
Пераемнікам 103-й паветрана-дэсантнай дывізіі стала 103-я гвардзейская асобная ордэна Леніна, Чырванасцяжная, ордэна Кутузава II ступені, імя 60-годдзя СССР мабільная брыгада.
У саставе Узброеных Сіл Рэспублікі Беларусь асабовы склад удзельнічаў ва ўсіх буйнамаштабных вучэннях апошніх гадоў.
Падчас аператыўна-стратэгічнага вучэння "Захад-2009" ваеннаслужачыя ў чарговы раз пацвердзілі высокі воінскі прафесіяналізм і баявую вывучку.
6 студзеня 2010 года
Інспекцыйная група Рэспублікі Беларусь наведае адну з воінскіх часцей узброеных сіл ФРГ
З 12 па 14 студзеня 2010 года ў рамках Венскага дакумента 1999 года перамоў па мерах умацавання даверу і бяспекі інспекцыйная група Рэспублікі Беларусь правядзе наведванне па ацэнцы адной з воінскіх часцей узброеных сіл Федэратыўнай Рэспублікі Германія. Мэтай наведвання з'яўляецца ацэнка інфармацыі, прадстаўленай Германіяй дзяржавам-удзельніцам АБСЕ ў рамках Венскага дакумента 1999 года ў дачыненні асабовага складу, асноўных сістэм узбраення і ваеннай тэхнікі воінскай часці.
5 студзеня 2010 года
103-я гвардзейская асобная мабільная брыгада адзначыла 65-гадовы юбілей
103-я гвардзейская асобная мабільная брыгада адзначыла 65-гадовы юбілей.
Злучэнне, якое было сфармавана ў снежні 1944 года на аснове загада Стаўкі Вярхоўнага Галоўнакамандавання, мае славутую баявую гісторыю і вялікія традыцыі.
У складзе 3-га Украінскага фронту 103-я гвардзейская стралковая дывізія прайшла шляхамі вайны па выпаленых землях Беларусі, Украіны і Малдавіі. У бязлітасныя баі воіны-дэсантнікі ўступілі на тэрыторыі Венгрыі і Аўстрыі. На ліку 103-й дывізіі - дзесяць тысяч знішчаных і шэсць тысяч захопленых у палон гітлераўцаў, каля ста вызваленых населеных пунктаў. На Баявым Сцягу злучэння заблішчалі два баявых ордэна. Больш за 3,5 тысячы воінаў удастоены баявых узнагарод, пяцёрым з іх за подзвігі, якія яны зрабілі, прысвоена званне Героя Савецкага Саюза.
Пасля заканчэння баёў і капітуляцыі фашысцкай Германіі злучэнне здзейсніла 1000-кіламетровы марш і прыступіла да планавай баявой падрыхтоўкі ў раёне горада Віцебска, дзе актыўна дапамагала аднаўляць разбураны фашыстамі горад, аказвала дапамогу працаўнікам сельскай гаспадаркі.
У чэрвені 1946 года дывізія была пераіменавана ў 103-ю гвардзейскую Чырванасцяжную, ордэна Кутузава II ступені паветрана-дэсантную дывізію.
У пасляваенныя гады асабовы склад злучэння прымаў удзел у вучэннях "Влтава", "Братэрства па зброі", "Днепр-67", "Шчыт-72", "Вясна-75", "Авангард-76", "Дзвіна", "Бярэзіна".
Асобай старонкай у біяграфіі 103-й дывізіі ўпісаны дзевяць гадоў яе знаходжання ў Афганістане, дзе дэсантнікі былі вымушаны першымі ўступіць у бой. За гады баявых дзеянняў у Рэспубліцы Афганістан сотні дэсантнікаў удастоены ордэнаў і медаляў, сямёрым прысвоена высокае званне Героя Савецкага Саюза, дывізія была ўзнагароджана ордэнам Леніна.
Пераемнікам 103-й паветрана-дэсантнай дывізіі стала 103-я гвардзейская асобная ордэна Леніна, Чырванасцяжная, ордэна Кутузава II ступені, імя 60-годдзя СССР мабільная брыгада.
У саставе Узброеных Сіл Рэспублікі Беларусь асабовы склад удзельнічаў ва ўсіх буйнамаштабных вучэннях апошніх гадоў.
Падчас аператыўна-стратэгічнага вучэння "Захад-2009" ваеннаслужачыя ў чарговы раз пацвердзілі высокі воінскі прафесіяналізм і баявую вывучку.
30 снежня 2009 года
Праведзены спаборніцтвы па біятлоне сярод юнакоў і дзяўчат "Навагодняя гонка-2009"
У адпаведнасці з планам падрыхтоўкі дзяржаўнай установы "Спартыўны камітэт Узброеных Сіл Рэспублікі Беларусь" і каляндарным планам правядзення спартыўных мерапрыемстваў 27 снежня 2009 г. на лыжна-біятлоннай спартыўнай базе Спартыўнага камітэта (г. Лагойск) праведзены спаборніцтвы па біятлоне сярод юнакоў і дзяўчат "Навагодняя гонка-2009".
У спаборніцтвах прынялі ўдзел 152 спартсмены, якія прадстаўлялі Узброеныя Сілы Рэспублікі Беларусь і 9 спартыўных арганізацый г. Мінска і рэгіёнаў Рэспублікі Беларусь (ДЮСШ г. Барысаў, КСДЮШАР г. Лагойск, ДЮСШ па лыжных відах спорту г. Мінск, ДЮСШ "Зара" ППА УП МЭМЗ г. Мінск, МДСДЮШАР прафсаюзаў па зімовых відах спорту г. Мінск, СДЮШАР г. Капыль, КДЮСШ прафсаюзаў г. Навагрудак, СДЮШАР № 1 г. Навагрудак, ДАВАР г. Плешчаніцы).
Пераможцы і прызёры ў сваіх узроставых групах узнагароджаны медалямі, граматамі і каштоўнымі падарункамі.
29 снежня 2009 года
Ва Узброеных Сілах Рэспублікі Беларусь падведзены вынікі навучальнага года
Ва Узброеных Сілах Рэспублікі Беларусь на ўсіх узроўнях падведзены вынікі навучальнага года.
Будаўніцтва, развіццё і падрыхтоўка Узброеных Сіл Рэспублікі Беларусь у 2009 годзе ажыццяўляліся з улікам пастаяннага аналізу знешніх і ўнутраных фактараў, якія ўплываюць на ход рэалізацыі запланаваных мерапрыемстваў.
У складаных умовах сусветнага фінансава-эканамічнага крызісу, які прыйшоў да нас звонку, Беларусь пераканаўча даказала сваю здольнасць адказваць на глабальныя выклікі сучаснасці. Важная роля ў гэтым належыць сістэме органаў забеспячэння нацыянальнай бяспекі, здольных не проста рэагаваць на бягучыя падзеі, але і кіраваць у рамках сваёй кампетэнцыі сітуацыяй у краіне.
У поўнай меры гэта датычыцца і Узброеных Сіл, якія паспяхова выканалі ў гэтым годзе пастаўленыя перад імі задачы.
Практычна ў поўным аб'ёме ў 2009 годзе реалізаваны План падрыхтоўкі Узброеных Сіл, выкананы мерапрыемствы Плана будаўніцтва і развіцця Узброеных Сіл на 2006-2010 гады. Забяспечана падтрыманне неабходнага ўзроўню баявой і мабілізацыйнай гатоўнасці органаў кіравання і войскаў, высокага маральнага духу ваеннаслужачых.
Паспяхова праведзена аператыўна-стратэгічнае вучэнне "Захад-2009", якое з'явілася найбольш важным і адказным этапам сумеснай падрыхтоўкі з Узброенымі Сіламі Расійскай Федэрацыі.
Дадзенае вучэнне з'явілася лагічным працягам вучэнняў апошніх гадоў, і было накіравана на праверку функцыянавання сістэмы ваеннай бяспекі Саюзнай дзяржавы, разглядаючы ў якасці асноўнага элемента рэгіянальную групоўку войскаў (сіл) Рэспублік Беларусь і Расійскай Федэрацыі, і яе здольнасці рашаць\вырашаць задачы забеспячэння нацыянальнай і рэгіянальнай бяспекі.
У ходзе вучэння ўпершыню практычна было адпрацавана прымяненне РГВ(С) у адзінай сістэме стратэгічных дзеянняў у выпадку развязвання супраць Саюзнай дзяржавы буйнамаштабнай агрэсіі.
У цэлым вучэнне дазволіла павысіць зладжанасць органаў ваеннага кіравання, вывучку злучэнняў і воінскіх часцей, якія ўваходзяць у склад РГВ(С), прадэманстравала здольнасць і цвёрдую рашучасць нашых краін забяспечыць ваенную бяспеку Саюзнай дзяржавы.
У гэтым годзе Узброеныя сілы распачалі выкананне палажэнняў Канцэпцыі будаўніцтва і развіцця Узброеных Сіл Рэспублікі Беларусь да 2020 года. З яе зацвярджэннем замацаваны пераход да этапа пераўтварэнняў і рэарганізацыі Узброеных Сіл да іх планавага развіцця і інтэнсіўнага нарошчвання баявых магчымасцяў. У адпаведнасці з агульным замыслам былі распрацаваны канцэпцыі будаўніцтва і развіцця відаў, родаў войскаў і сістэм Узброеных Сіл.
Рэалізацыя ў 2009 годзе мерапрыемстваў Плана будаўніцтва і развіцця Узброеных Сіл Рэспублікі Беларусь на 2006-2010 гады дазволіла працягнуць развіццё важнейшых сістэм, развіццю якіх надаецца прыярытэтная ўвага: сістэмы кіравання, супрацьпаветранай абароны, авіяцыі, ракетных войскаў, сіл і сродкаў разведкі і радыёэлектроннай барацьбы.
Узброеныя Сілы распачалі рэалізацыю мерапрыемстваў у рамках Адзінай рэгіянальнай сістэмы супрацьпаветранай абароны Рэспублікі Беларусь і Расійскай Федэрацыі і забеспячэння сумеснай аховы знешняй мяжы Саюзнай дзяржавы ў паветранай прасторы.
У цэлым будаўніцтва і развіццё Узброеных Сіл у 2009 г. ажыццяўлялася ў лагічнай узаемасувязі з выкананымі ў папярэднія гады мерапрыемствамі, а таксама з улікам патрэбнасцяў і магчымасцяў абароны дзяржавы.
28 снежня 2009 года
Дзяржаўны сакратар Савета бяспекі Рэспублікі Беларусь наведаў новую інфармацыйную структуру
24 снежня Дзяржаўны сакратар Савета бяспекі Рэспублікі Беларусь генерал-палкоўнік Леанід Мальцаў наведаў дзяржаўную ўстанову "Ваеннае інфармацыйнае агенцтва Узброеных Сіл Рэспублікі Беларусь "Ваяр" - новую інфармацыйную структуру Міністэрства абароны.
Леанід Мальцаў азнаёміўся з функцыянальнай сістэмай агенцтва, парадкам атрымання, апрацоўкі і распаўсюджвання інфармацыі, сучаснымі інфармацыйнымі тэхналогіямі, якія прымяняюцца ў дзейнасці параздзялення, арганізацыяй творчага працэсу і перспектыўнымі праектамі.
Ваеннае інфармацыйнае агенцтва "Ваяр" было створана ў 2009 годзе для выканання мультымедыйных задач па інфармаванню грамадскасці аб дзейнасці Узброеных Сіл, мерапрыемствах сучаснага ваеннага будаўніцтва і патрыятычнага выхавання.
21 снежня 2009 года
Аператыўны збор каманднага саставу Узброеных Сіл
Сёння ў Ваеннай акадэміі Рэспублікі Беларусь пачаўся аператыўны збор каманднага саставу Узброеных Сіл. У ходзе збору, які праводзіцца пад кіраўніцтвам Міністра абароны Рэспублікі Беларусь генерал-лейтэнанта Юрыя Жадобіна, кіраўнікі органаў ваеннага кіравання, камандзіры злучэнняў і воінскіх часцей разгледзяць арганізацыйныя пытанні падрыхтоўкі войскаў ва ўмовах сучаснага ваеннага будаўніцтва.
У рамках мерапрыемства плануецца падвесці вынікі дзейнасці Узброеных Сіл у гэтым годзе і паставіць задачы на наступны год.
Да ўдзельнікаў аператыўнага збору звярнуўся Прэзідэнт Рэспублікі Беларусь - Галоўнакамандуючы Узброенымі Сіламі Аляксандр Лукашэнка. Тэкст звароту зачытаў дзяржаўны сакратар Савета бяспекі Рэспублікі Беларусь генерал-палкоўнік Леанід Мальцаў.
18 снежня 2009 года
Дэлегацыя Узброеных Сіл Рэспублікі Беларусь наведала Лівію
У перыяд з 14 па 16 снежня ў горадзе Трыпалі (Лівія) з афіцыйным візітам знаходзілася дэлегацыя Рэспублікі Беларусь на чале з Міністрам абароны генерал-лейтэнантам Юрыем Жадобіным.
У ходзе візіту праведзены перамовы кіраўніка ваеннага ведамства Беларусі з Сакратаром часовага камітэта абароны (міністрам абароны) Лівіі генерал-лейтэнантам Абу Бакрам Юнісам Джаберам.
З Міністрам абароны Рэспублікі Беларусь сустрэўся лівійскі лідэр Муамар Кадафі.
Адбылася сустрэча начальнікаў верыфікацыйных цэнтраў дзяржаў-удзельніц АБСЕ
14-15 снежня 2009 года ў г. Вене (Аўстрыйская Рэспубліка) адбылася штогадовая сустрэча начальнікаў верыфікацыйных цэнтраў дзяржаў-удзельніц АБСЕ. Ад Міністэрства абароны Рэспублікі Беларусь у сустрэчы прыняў удзел палкоўнік Алег Горбач, начальнік Нацыянальнага агенцтва па кантролю і інспекцыях - дэпартамента Міністэрства абароны.
У ходзе сустрэчы ўдзельнікі абмяняліся вопытам па рэалізацыі мер умацавання даверу і бяспекі ў рэгіёне АБСЕ, а таксама разгледзелі іншыя пытанні верыфікацыйнай дзейнасці.
15 снежня 2009 года
Сустрэча начальнікаў верыфікацыйных цэнтраў дзяржаў-удзельніц АБСЕ
14-15 снежня 2009 года ў г. Вене (Аўстрыйская Рэспубліка) адбылася штогадовая сустрэча начальнікаў верыфікацыйных цэнтраў дзяржаў-удзельніц АБСЕ. Ад Міністэрства абароны Рэспублікі Беларусь у сустрэчы прыняў удзел палкоўнік Алег Горбач, начальнік Нацыянальнага агенцтва па кантролю і інспекцыях - дэпартамента Міністэрства абароны.
Дзень адчыненых дзвярэй
18 снежня, у пятніцу, ваенны факультэт ва ўстанове адукацыі "Беларускі дзяржаўны ўніверсітэт інфарматыкі і радыёэлектронікі" праводзіць дзень адчыненых дзвярэй.
Запрашаюцца навучэнцы сярэдніх школ, ліцэяў, а таксама сярэдніх спецыяльных устаноў.
Наведвальнікі змогуць сустрэцца з камандаваннем факультэта і кафедраў, а таксама азнаёміцца з вучэбна-матэрыяльнай базай і парадкам прыёму на ваенны факультэт у 2010 годзе.
Пачатак мерапрыемстваў у 15.00.
Чакаем вас па адрасу: г. Мінск, вул. Броўкі, 10 (праезд аўтобусам №100 да прыпынку "Вул. П.Броўкі" або метро да станцыі "Акадэмія навук").
Даведкі па тэлефонах: 293-80-31, 293-23-52.
Сардэчна запрашаем на ваенны факультэт ва ўстанове адукацыі "Беларускі дзяржаўны ўніверсітэт інфарматыкі і радыёэлектронікі".
11 снежня 2009 года
Злачынства выяўлена. Вінаватыя панеслі заслужанае пакаранне
У Рэспубліцы Беларусь створана і эфектыўна дзейнічае сістэма прафілактыкі і барацьбы са злачыннасцю. У сувязі з гэтым ва Узброеных Сілах органамі ваеннага кіравання, ваеннай пракуратуры і контрразведкі мэтанакіравана рэалізуецца комплекс узаемазвязаных сумесных мерапрыемстваў па прадухіленню злачынстваў.
Вынікам з'яўляецца паступальнае зніжэнне колькасці проціпраўных дзеянняў, учыненых ваеннаслужачымі. Да прыкладу, у параўнанні з 2008 годам колькасць злачынстваў у беларускай арміі зменшылася з 3,6 у разліку на 1000 чалавек да 2,79 (для параўнання - у 1994 годзе гэты паказчык складаў 10,9).
Сістэма барацьбы са злачыннасцю, якая дзейнічае ў беларускай арміі, дазваляе выяўляць і прадухіляць нават адзіночныя праяўленні злачынстваў, незалежна ад тэрміну даўнасці, тым самым няўхільна забяспечваць непазбежнасць пакарання за ўчыненае проціпраўнае дзеянне.
Прыкладам гэтаму з'яўляецца выяўленне ў 2009 годзе злачынства ў адной з воінскіх часцей, калі хуліганскія дзеянні групы ваеннаслужачых адносна таварыша па службе прывялі да цяжкіх вынікаў яго смерці.
Для выяўлення проціпраўных дзеянняў, учыненых у красавіку гэтага года, Міністэрствам абароны, камандаваннем воінскай часці, Беларускай ваеннай пракуратурай і ваеннай контрразведкай праведзена цэлая серыя мерапрыемстваў, якія дазволілі выявіць факт злачынства і яго віноўнікаў, нягледзячы на даўнасць учынення.
Сёння віноўныя ў злачынным дзеянні панеслі заслужанае пакаранне. Рашэннем Беларускага ваеннага суда былыя ваеннаслужачыя прыгавораны да розных тэрмінаў пазбаўлення волі.
Да сканчэння апеляцыйнага перыяду падрабязнасці справы абвяшчэнню не падлягаюць.
9 снежня 2009 года
Калядны канцэрт ДУ "Акадэмічны ансамбль песні і танца Узброеных Сіл Рэспублікі Беларусь"
Як паведаміла прэс-служба Кіраўніка дзяржавы, Прэзідэнт Рэспублікі Беларусь сёння разгледзеў шэраг кадравых пытанняў і назначыў:
25 снежня ў 18.00 адбудзецца святочны канцэрт "Калядныя сустрэчы" дзяржаўнай установы "Акадэмічны ансамбль песні і танца Узброеных Сіл Рэспублікі Беларусь". Салісты ансамбля выканаюць песні, якія ўжо палюбіліся слухачам, а таксама новыя творы.
Акадэмічны ансамбль песні і танца Узброеных Сіл Рэспублікі Беларусь запрашае гледачоў па адрасу: вул. Даўгабродская, 24. Палац культуры Мінскага трактарнага завода.
Інфармацыя па тэлефонах: 289-14-77; касы ДК МТЗ 230-20-32.
4 снежня 2009 года
Новыя назначэнні
Як паведаміла прэс-служба Кіраўніка дзяржавы, Прэзідэнт Рэспублікі Беларусь сёння разгледзеў шэраг кадравых пытанняў і назначыў:
Жадобіна Юрыя Віктаравіча Міністрам абароны Рэспублікі Беларусь;
Ціханоўскага Пятра Мікалаевіча начальнікам Генеральнага штаба Узброеных Сіл - першым намеснікам Міністра абароны;
Пузікава Міхаіла Васільевіча намеснікам Міністра абароны па кадрах і падрыхтоўцы войскаў - начальнікам галоўнага ўпраўлення кадраў Міністэрства абароны;
Прадстаўнік Узброеных Сіл Рэспублікі Беларусь прыняў удзел у правядзенні інспекцый воінскіх часцей узброеных сіл Славацкай Рэспублікі
У перыяд з 30 лістапада па 4 снежня 2009 г. у адпаведнасці з палажэннямі Дагавора аб звычайных узброеных сілах у Еўропе прадстаўнік Узброеных Сіл Рэспублікі Беларусь у саставе інспекцыйнай групы Украіны прыняў удзел у правядзенні інспекцый дзвюх воінскіх часцей узброеных сіл Славацкай Рэспублікі. У ходзе інспекцый была пацверджана адпаведнасць наяўнасці ўзбраенняў і ваеннай тэхнікі, якія абмяжоўваюцца ДЗУСЕ, на правяраемых аб'ектах іх заяўленай колькасці.
Адбылася рабочая сустрэча прадстаўнікоў узброеных сіл Рэспублікі Беларусь і Рэспублікі Польшча
У перыяд з 1 па 4 снежня 2009 года ў г. Мінску адбылася рабочая сустрэча прадстаўнікоў узброеных сіл Рэспублікі Беларусь і Рэспублікі Польшча па ацэнцы выканання Дамоўленасці аб наборы дадатковых да Венскага дакумента 1999 года мер па ўмацаванню даверу і бяспекі.
Польская дэлегацыя была прадстаўлена групай экспертаў міністэрства абароны Рэспублікі Польшча пад кіраўніцтвам палкоўніка Роберта Цэпко. Беларускую дэлегацыю узначальваў начальнік Нацыянальнага агенцтва по кантролю і інспекцыях - дэпартамента Міністэрства абароны Рэспублікі Беларусь палкоўнік Алег Горбач.
3 снежня 2009 года
Падведзены вынікі работы па ўвекавечанню памяці абаронцаў Айчыны і ахвяр войн у Рэспубліцы Беларусь у 2009 годзе
Работа па ўвекавечванню памяці абаронцаў Айчыны і ахвяр войн у 2009 годзе была засяроджана на некалькіх галоўных напрамках.
Так, значна павысілася эфектыўнасць архіўна-даследчых і палявых пошукавых работ. Рэкагнасцыровачнымі і пошукавымі падраздзяленнямі 52-га асобнага спецыяльнага пошукавага батальёна праведзены рэкагнасцыроўка 46 перспектыўных пошукавых аб'ектаў, палявыя пошукавыя работы на 77 айчынных няўлічаных воінскіх пахаваннях. Усяго пошукавымі работамі па айчынным воінскім пахаванням было ахоплена 123 пошукавых аб'екта на тэрыторыі 41 раёна ўсіх абласцей Рэспублікі Беларусь і два аб'екта на тэрыторыі Падлясскага ваеводства Рэспублікі Польшча.
У ходзе правядзення палявых пошукавых работ эксгумаваны і пераданы мясцовым выканаўчым і распараджальным органам для наступнага перапахавання астанкі 4 080 загінуўшых, устаноўлены імёны 613 загінуўшых ваеннаслужачых і ахвяр войн, знойдзена 105 выбухованебяспечных прадметаў, 1 007 патронаў, 8 адзінак стралковай зброі, 2 узнагароды, 18 медальёнаў, 842 жэтона, 792 іншых прадмета і рэліквій. Абазначаны межы пахаванняў 3 941 загінуўшага ў годы першай і другой сусветных войн.
Спецыялісты ўпраўлення па ўвекавечванню і асабовы склад 52-га аспб стварылі мабільную экспазіцыю Цэнтра пошукавай работы вайсковай часці.
У 2009 годзе была працягнута работа па міжнароднаму супрацоўніцтву ў ваенна-мемарыяльнай сферы. Спецыялісты ўпраўлення па ўвекавечванню прымалі ўдзел у рабоце журы адкрытых конкурсаў, якія праводзіліся Мінскім гарадскім выканаўчым камітэтам, па стварэнню мемарыяльнага комплексу на Братэрскіх могілках воінаў рускай арміі, загінуўшых у годы першай сусветнай вайны, і манумента на месцы былога лагера смерці "Трасцянец". Ініцыявана перадача нямецкай дзяржаўнай установай "Саксонскія мемарыялы" Гродненскаму і Мінскаму абласным выканаўчым камітэтам спіскаў прозвішчаў 24 000 ваеннапалонных - ураджэнцаў Беларусі, загінуўшых у годы Вялікай Айчыннай вайны у фашысцкіх лагерах. Прадстаўнікі Міністэрства абароны, Узброеных Сіл, асабовы склад 52-га аспб прынялі ўдзел у правядзенні палявых пошукавых работ на тэрыторыі Падлясскага ваеводства Рэспублікі Польшча. У выніку былі эксгумаваны і ўрачыста перапахаваны ў г. Хайнуўка астанкі 16 ваеннаслужачых РСЧА. Разам з членамі ваенна-патрыятычнага клуба "Браня" г. Арзамаса Ніжэгародскай вобласці і ваенна-гістарычнага пошукавага атрада "Уралец" г. Возерска Чалябінскай вобласці (Расійская Федэрацыя) праведзены палявыя пошукавыя работы ў Віцебскім раёне і Слаўгародскім раёне Магілёўскай вобласці.
Адным з прыярытэтных напрамкаў работы па ўвекавечванню памяці абаронцаў Айчыны і ахвяр войн у 2009 годзе заставалася работа па фарміраванню рэгіянальных аўтаматызаваных банкаў дадзеных "Кніга Памяці". Пры актыўным удзеле работнікаў мясцовых выканаўчых і распараджальных органаў, раённых і гарадскіх ваенных камісарыятаў у 2009 годзе ў АБД "Кніга Памяці" ўнесена болей за 93 000 імёнаў загінуўшых абаронцаў Айчыны і ахвяр войн, на дзяржаўны ўлік пастаўлена болей за 200 воінскіх пахаванняў.
1 снежня 2009 года
Адкрыўся цэнтр дапрызыўнай падрыхтоўкі Партызанскага раёна г. Мінска
У сярэдняй школе №133 адбылося ўрачыстае адкрыццё цэнтра дапрызыўнай падрыхтоўкі Партызанскага раёну г. Мінска. Галоўнай задачай цэнтра будзе падрыхтоўка юнакоў дапрызыўнага ўзросту да службы ва Узброеных Сілах Рэспублікі Беларусь.
Ва ўрачыстых мерапрыемствах прынялі ўдзел Міністр абароны Рэспублікі Беларусь генерал-палкоўнік Мальцаў, кіраўнік адміністрацыі Партызанскага раёна Леанід Голуб, прадстаўнікі галоўнага арганізацыйна-мабілізацыйнага ўпраўлення Генеральнага штаба Узброеных Сіл, ваенных камісарыятаў г. Мінска, вышэйшых ваенных устаноў адукацыі.
У Мінск прыбыла дэлегацыя ўзброеных сіл Рэспублікі Польша
У Мінск прыбыла дэлегацыя ўзброеных сіл Рэспублікі Польшча. Прадстаўнікі вучэбнага цэнтра міратворчых сіл правядуць заняткі з лічным складам міратворчай роты 120-й гвардзейскай механізаванай брыгады.
У ходзе візіту члены дэлегацыі таксама азнаёмяцца з вучэбна-матэрыяльнай базай Ваеннай акадэміі Рэспублікі Беларусь і 120-й амбр, наведаюць курсы англійскай мовы і міратворчай падрыхтоўкі.
26 лiстапада 2009 года
Пры ваенным ведамстве Беларусі акрэдытаваны В'етнамскі ваенны аташэ
Узаемаадносіны Рэспублікі Беларусь і Сацыялістычнай Рэспублікі В'етнам у абароннай сферы носяць актыўны, дынамічны характар. Новы імпульс да іх якаснага напаўнення прыдаў афіцыйны візіт Міністра абароны Рэспублікі Беларусь генерал-палкоўніка Леаніда Мальцава ў Сацыялістычную Рэспубліку В'етнам, які адбыўся ў мае гэтага года.
Чарговым крокам у развіцці двухбаковага ваеннага супрацоўніцтва абедзвюх краін з'явілася акрэдытацыя пры Міністэрстве абароны Беларусі аташэ па пытаннях абароны пры Пасольстве Сацыялістычнай Рэспублікі В'етнам у Рэспубліцы Беларусь. Ім стаў старшы палкоўнік Нгуен Дзінь Фук.
Цырымонія акрэдытацыі в'етнамскага ваеннага дыпламата адбылася 26 лістапада ў Міністэрстве абароны Рэспублікі Беларусь.
25 лiстапада 2009 года
Кансультацыі грамадзян па пытаннях прызыву
Падчас правядзення чарговага прызыву грамадзян на тэрміновую ваенную службу, службу ў рэзерве Генеральным штабам Узброеных Сіл Рэспублікі Беларусь у перыяд з 1 снежня 2009 г. па 29 студзеня 2010 г. арганізавана правядзенне кансультацый грамадзян па пытаннях прызыву.
Неабходную інфармацыю можна атрымаць, патэлефанаваўшы па нумару (8-017) 297-18-92, 297-17-81 штодня (акрамя выходных і святочных дзён) з 15.00 да 17.00 ці прыйшоўшы на прыём у Дзяржаўную культурна-дасуговую ўстанову "Цэнтральны Дом афіцэраў Узброеных Сіл Рэспублікі Беларусь" (адрас: г.Мінск, вул.Чырвонаармейская, д.3, каб. № 14) па чацвяргах з 15.00 да 17.00. У абласных цэнтрах і г.Мінску кансультацыі грамадзян па пытаннях прызыву на тэрміновую ваенную службу, службу ў рэзерве праводзяцца:
г. Брэст: ваенны камісарыят вобласці, вул.Піянерская, д.40/3, каб. № 409. Тэлефоны для кансультацый: (8-0162) 46-39-10, 46-38-61;
г. Віцебск: абласны зборны пункт, вул.Ленінградская, д.18, каб. № 14. Тэлефоны для кансультацый: (8-0212) 36-42-26, 36-26-85;
г. Гомель: абласны зборны пункт, вул. Б.Хмяльніцкага, д.73, каб. № 14. Тэлефоны для кансультацый: (8-0232) 41-24-63;
г. Гродна: абласны зборны пункт, Азёрская шаша, д.7, каб. № 20. Тэлефоны для кансультацый: (8-0212) 36-42-26, 36-26-85;
г. Мінск: гарадскі зборны пункт, вул.Ангарская, д.8. Тэлефоны для кансультацый: (8-017) 345-68-73 (для пражываючых у Мінску), (8-017) 296-47-99 (для пражываючых у Мінскай вобласці);
Ваенны камісарыят Мінскай вобласці, г. Мінск, вул Фабрыцыўса, 36, каб. № 110. Тэлефоны для кансультацый: (8-017) 226-24-73, (8-017) 226-31-30 (для пражываючых у Мінскай вобласці).
г. Магілёў: абласны зборны пункт, вул.Крупскай, д.99, каб. № 23 Тэлефоны для кансультацый: (8-0222) 24-23-63, 22-27-42;
24 лiстапада 2009 года
У рамках узаемнай зацікаўленасці
У ваенным ведамстве Беларусі адбыліся кансультацыі па пытаннях ваеннага супрацоўніцтва паміж Міністэрствам абароны Рэспублікі Беларусь і Міністэрствам абароны Літоўскай Рэспублікі, у якіх прынялі ўдзел прадстаўнікі кіравання міжнароднага ваеннага супрацоўніцтва Міністэрства абароны Рэспублікі Беларусь і дэпартамента міжнародных адносін і аперацый Міністэрства абароны Літоўскай Рэспублікі.
Падчас кансультацый падведзены вынікі і абмеркаваны найбліжэйшыя перспектывы супрацоўніцтва дзвюх дзяржаў у ваеннай сферы. Удзельнікі абмяняліся меркаваннямі па актуальных пытаннях еўрапейскай бяспекі і развіцця ўзброеных сіл.
Абодвума бакамі адзначана ўзаемная зацікаўленасць двух ваенных ведамстваў у актывізацыі ўзаемаадносін у абароннай вобласці, дынамічнасць і паслядоўнасць развіцця двухбаковага ваеннага супрацоўніцтва паміж Рэспублікай Беларусь і Літоўскай Рэспублікай.
Адным з найболей значных сумесных мерапрыемстваў у 2009 годзе з'явілася рабочая сустрэча камандуючых Ваенна-паветранымі сіламі і войскамі супрацьвапаветранай абароны Узброеных Сіл Рэспублікі Беларусь і Ваенна-паветраных сіл Літоўскай Рэспублікі, якая адбылася ў ліпені ў горадзе Каўнасе, падчас якой былі дасягнуты дамоўленасці, накіраваныя на павышэнне эфектыўнасці двухбаковага ўзаемадзеяння ў вобласці абмену інфармацыяй пра палёты паветраных судоў.
Заслугоўвае ўвагі ўдзел літоўскіх журналістаў у прэс-туры замежных сродкаў масавай інфармацыі ў Рэспубліку Беларусь па ваеннай тэматыцы, пазітыўным вынікам якога з'явіўся выхад серыі аб'ектыўных матэрыялаў пра Узброеныя Сілы Рэспублікі Беларусь на медыярэсурсах Літоўскай Рэспублікі.
У традыцыйным фармаце праводзіцца моўная падрыхтоўка беларускіх ваеннаслужачых на міжнародных курсах навучання на базе Ваеннай акадэміі Літоўскай Рэспублікі.
Паспяховае развіццё ў 2009 годзе атрымала такая вобласць супрацоўніцтва, як дзейнасць па камплектаванню ўзброеных сіл.
Удзельнікі кансультацый далі станоўчую адзнаку рэалізацыі Плану мерапрыемстваў ваеннага супрацоўніцтва паміж Міністэрствам абароны Рэспублікі Беларусь і Міністэрствам абароны Літоўскай Рэспублікі, які рэалізуецца ў бягучым годзе.
Асноўным вынікам мінулага мерапрыемства стала падпісанне Плану мерапрыемстваў ваеннага супрацоўніцтва паміж Міністэрствам абароны Рэспублікі Беларусь і Міністэрствам абароны Літоўскай Рэспублікі на 2010 год.
Ад беларускага боку дакумент падпісаў начальнік кіравання міжнароднага ваеннага супрацоўніцтва Міністэрства абароны палкоўнік Ігар Зароўкін, ад Літоўскай Рэспублікі - дырэктар дэпартамента міжнародных адносін і аперацый Міністэрства абароны Рабертас Шапронас.
Паспяховая рэалізацыя мерапрыемстваў, прадугледжаных падпісаным дакументам, дазволіць вывесці ўзаемаадносіны дзвюх краін у ваеннай сферы на новы якасны ўзровень, а таксама стварыць трывалую прававую аснову для далейшага ўзаемадзеяння ў гэтай вобласці.
Планам прадугледжана актывізацыя ўзаемадзеяння ў фінансава-эканамічнай вобласці, у сферах кантролю над узбраеннямі, міратворчай дзейнасці, інфармацыі і прэсы, кіраванні прыродаахоўнай дзейнасцю на ваенных аб'ектах.
Узаемадзеянне ваенных ведамстваў Рэспублікі Беларусь і Літоўскай Рэспублікі працягнецца ў абласцях права і камплектаванні войскаў, выкананні двухбаковай дамоўленасці пра дадатковыя меры даверу і бяспекі, паглыбленага вывучэння моў ваеннаслужачымі і ў іншых сферах.
20 лiстапада 2009 года
Пасяджэнне Сумеснай кансультатыўнай групы па пытаннях кантролю над узбраеннямі
У рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў перыяд з 24 па 27 лістапада ў г. Маскве адбудзецца пасяджэнне Сумеснай кансультатыўнай групы па пытаннях кантролю над узбраеннямі. Беларускую дэлегацыю на перамовах узначаліць палкоўнік Алег Горбач, начальнік Нацыянальнага агенцтва па кантролю і інспекцыям - дэпартамента Міністэрства абароны. Падчас пасяджэння плануецца ўзгадненне пазіцый бакоў па пытаннях выканання міжнародных дагавораў у галіне кантролю над узбраеннямі ў 2010 годзе.
Беларускія інспектары наведалі Польшчу
У рамках двухбаковай дамоўленасці паміж Рэспублікай Беларусь і Рэспублікай Польшча аб дадатковых мерах даверу і бяспекі 17 і 18 лістапада група інспектараў Рэспублікі Беларусь правяла наведванне па ацэнцы адной з воінскіх часцей узброеных сіл Рэспублікі Польшча. Падчас наведвання была ацэнена інфармацыя, прадстаўленая Рэспублікай Польшча дзяржавам-удзельніцам АБСЕ ў рамках Венскага дакумента 1999 года ў дачыненні асабовага склада, асноўных сістэм узбраення і ваеннай тэхнікі.
Была праверана 61-я знішчальная авіяцыйная база
У перыяд з 16 па 19 лістапада ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведала інспекцыйная група Злучанага Каралеўства Вялікабрытаніі і Паўночнай Ірландыі пад кіраўніцтвам маёра Нормана Уайта. Падчас інспекцыі была праверана 61-я знішчальная авіяцыйная база, якая з'яўляецца аб'ектам кантролю паводле палажэнняў ДЗУСЕ. Замежныя ваенныя інспектары падцвердзілі адпаведнасць наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У складзе інспекцыйнай групы, акрамя шасці ваенных інспектараў Вялікабрытаніі, прынялі ўдзел па аднаму інспектару з Бельгіі, Канады і Францыі.
Пасяджэнне ваенна-навуковага савета міністэрстваў абароны Рэспублікі Беларусь і Расійскай Федэрацыі
Сёння ў Мінску прайшло пасяджэнне Ваенна-навуковага савета міністэрстваў абароны Рэспублікі Беларусь і Расійскай Федэрацыі.
Падчас пасяджэння разгледжаны вынікі рэалізацыі сумесных комплексных навукова-даследчых работ, вынікі ваенна-навуковых даследванняў, праведзеных падчас аператыўна-стратэгічнага вучэння ўзброеных сіл Рэспублікі Беларусь і Расійскай Федэрацыі "Захад-2009".
Удзельнікі пасяджэння абмяняліся меркаваннямі па актуальных пытаннях ваенна-навуковага супрацоўніцтва дзвюх краін, вызначылі асноўныя кірункі сумесных даследванняў па праблемах ваеннай бяспекі, абароны, ваеннай тэорыі і практыкі на найбліжэйшую перспектыву.
13 лiстапада 2009 года
Замежныя ваенныя інспектары наведаюць Беларусь
У перыяд з 16 па 19 лістапада ў адпаведнасці з палажэннямі Дагавора аб звычайных ўзброеных сілах ў Еўропе Рэспубліку Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі пад кіраўніцтвам маёра Нормана Уайта. Падчас інспекцыі будзе праверана ваенная часць Узброеных Сіл Рэспублікі Беларусь (па выбары інспектараў), якая з'яўляецца аб'ектам кантролю паводле палажэнняў ДЗУСЕ. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У складзе інспекцыйнай групы, акрамя шасці ваенных інспектараў з Вялікабрытаніі, прымуць удзел па аднаму інспектару з Бельгіі, Канады і Францыі
12 лiстапада 2009 года
Ваенна-тэхнічны факультэт у БНТУ запрашае!
14 лістапада 2009 года ваенна-тэхнічны факультэт у Беларускім нацыянальным тэхнічным універсітэце праводзіць дзень адкрытых дзвярэй.
Усіх жадаючых азнаёміцца з ваенна-тэхнічным факультэтам у вядучай вышэйшай тэхнічнай навучальнай установе Рэспублікі Беларусь запрашаем па адрасе: г. Мінск, праспект Незалежнасці, 59 (навучальны корпус БНТУ №4, аўдыторыя №206).
У праграме:
- сустрэча з камандаваннем і прафесарска-выкладчыцкім саставам;
- давядзенне правіл прыёму на ваенна-тэхнічны факультэт у 2010 году;
- дэманстрацыйны паказ ваеннай тэхнікі і ўзбраення ;
- знаёмства ўдзельнікаў з навучальна-матэрыяльнай і лабараторнай базай, размяшчэннем і побытам курсантаў.
Для выпускнікоў Мінскага сувораўскага ваеннага вучылішча, ваеннаслужачых тэрміновай (кантрактнай) службы, ваенна-патрыятычных і класаў ваенна-патрыятычнага выхавання прадугледжана сустрэча з начальнікамі профільных кафедраў.
Будзем вельмі рады бачыць Вас у нас у гасцях!
Пачатак у 10.00.
Кантактны тэлефон 293-91-72, факс 292-94-82
9 лiстапада 2009 года
Пачаўся візіт дэлегацыі Ваенна-палітычнай Акадэміі В'етнамскага Народнага Войска
Сёння пачаўся візіт у Рэспубліку Беларусь дэлегацыі Ваенна-палітычнай Акадэміі В'етнамскага Народнага Войска.
Падчас візіту ўдзельнікі дэлегацыі азнаёмяцца з сістэмай падрыхтоўкі кадраў і арганізацыяй ідэалагічнай работы ва Узброеных Сілах Рэспублікі Беларусь, вывучаць вопыт працы ваенных сродкаў масавай інфармацыі, наведаюць Ваенную акадэмію Рэспублікі Беларусь і 120-ю гвардзейскую асобную механізаваную брыгаду.
Візіт дэлегацыі працягнецца да 12 лістапада.
Візіт Міністра абароны ў Рэспубліку Таджыкістан
9-10 лістапада Міністр абароны Рэспублікі Беларусь генерал-палкоўнік Леанід Мальцаў прыме ўдзел у пасяджэнні Савета міністраў абароны дзяржаў-удзельніц СНД у г. Душанбэ (Рэспубліка Таджыкістан).
6 лiстапада 2009 года
Працоўная сустрэча прадстаўнікоў узброеных сіл Рэспублікі Беларусь і Рэспублікі Казахстан
З 3 па 5 лістапада 2009 г. у г. Мінску была праведзена працоўная сустрэча прадстаўнікоў узброеных сіл Рэспублікі Беларусь і Рэспублікі Казахстан па пытаннях супрацоўніцтва ў галіне кантролю над узбраеннямі. Беларускую дэлегацыю ўзначаліў начальнік Нацыянальнага агенцтва па кантролю і інспекцыях - дэпартамента Міністэрства абароны Рэспублікі Беларусь палкоўнік Алег Горбач.
Група польскіх інспектараў правяла інспекцыю на тэрыторыі Рэспублікі Польшча
З 3 па 6 лістапада 2009 г. у рамках Дамоўленасці аб наборы дадатковых да Венскага дакумента 1999 года мер па ўмацаванню даверу і бяспекі, прынятых Рэспублікай Беларусь і Рэспублікай Польшча, група польскіх інспектараў пад кіраўніцтвам падпалкоўніка Яраслава Пюркоўскага правяла інспекцыю вызначанага раёна на тэрыторыі Рэспублікі Беларусь (Брэсцкая вобласць). У ходзе інспекцыі была пацверджана адсутнасць у вызначаным раёне на тэрыторыі Рэспублікі Беларусь буйной ваеннай дзенасці, якая падлягае папярэдняму паведамленню ў адпаведнасці з палажэннямі Дамоўленасці.
4 лiстапада 2009 года
Мерапрыемствы па прадухіленню распаўсюджвання ВРІЗ і грыпу ва Узброеных Сілах Рэспублікі Беларусь ажыццяўляюцца ў планавым парадку
Мерапрыемствы па прадухіленню ўзнікнення і распаўсюджвання ВРІЗ і грыпу ва Узброеных Сілах Рэспублікі Беларусь ажыццяўляюцца ў планавым парадку.
З мэтай прафілактыкі ўзнікнення і распаўсюджвання захворванняў высокапатагенным вірусам грыпу ва Узброеных Сілах з мая 2009 года рэалізуецца комплекс мерапрыемстваў у адпаведнасці з "Планам асноўных мерапрыемстваў па прафілактыцы захворванняў, якія выклікаюцца высокапатагенным вірусам грыпу ва Узброеных Сілах у 2009 годзе".
Для абароны ваеннаслужачых і грамадзянскага персаналу Узброеных Сіл у перыяд сезоннага ўздыму колькасці захворванняў грыпам у воінскіх часцях і арганізацыях Міністэрства абароны арганізавана правядзенне прафілактычных прышчэпак. Для гэтага па дзяржаўнаму заказу на 2009 год з Міністэрства аховы здароўя было атрымана 47 000 доз вакцыны супраць грыпу.
Праводзяцца мерапрыемствы па ранняму выяўленню хворых у падраздзяленнях, узмоцнены медыцынскі кантроль за ваеннаслужачымі, якія прыбываюць з камандзіровак, звальненняў і адпускоў.
Прыняты меры па выключэнню выпадкаў пераахаладжэння ваеннаслужачых у перыяд выканання імі абавязкаў ваеннай службы. Ажыццяўляецца кантроль за падтрыманнем устаноўленага тэмпературнага рэжыму ў казармах і службовых памяшканнях.
Для павышэння ахоўных сіл арганізма ваеннаслужачым дадаткова выдаецца цыбуля (часнок) за кошт норм агародніны сутачнага забеспячэння.
Штодзённа інфармацыя аб захворваннях з воінскіх часцей і арганізацый Узброеных Сіл паступае ў 23-і санітарна-эпідэміялагічны цэнтр, дзе праводзіцца яе аналіз, пасля чаго гэта інфармацыя прадстаўляецца ў ваенна-медыцынскае ўпраўленне Міністэрства абароны. У цяперашні час спецыялістамі 23 СЭЦ праводзіцца аналіз прычынна-выніковых сувязяў захворванняў органаў дыхання ва Узброеных Сілах і іх ўзнікнення за кастрычнік 2009 года.
3 лiстапада 2009 года
Візіт прадстаўнікоў бундэсвера ў Рэспубліку Беларусь
2 лістапада ў Рэспубліку Беларусь прыбыла дэлегацыя Федэральнага міністэрства абароны Федэратыўнай Рэспублікі Германія. Прадстаўнікі бундэсвера прымуць удзел у семінары па арганізацыі ідэалагічнай працы ва Узброеных Сілах Рэспублікі Беларусь і ўнутранага кіраўніцтва ў арміі Федэратыўнай Рэспублікі Германія.
Удзельнікі семінара абмяняюцца вопытам працы з асабовым складам. Члены дэлегацыі наведаюць дзяржаўную ўстанову "Тэлекампанія "ВаенТВ" Міністэрства абароны Рэспублікі Беларусь", Нацыянальную бібліятэку Беларусі, мемарыяльны комплекс "Хатынь", азнаёмяцца з дзейнасцю Драматычнага тэатра Беларускай арміі і Акадэмічнага ансамбля песні і танца Узброеных Сіл Рэспублікі Беларусь.
Візіт дэлегацыі завяршыцца 5 лістапада.
Міністр абароны Рэспублікі Беларусь наведае выстаўку "Абарона і бяспека 2009"
З 4 па 7 лістапада ў г. Бангкок (Тайланд) пройдзе міжнародная выстаўка "Абарона і бяспека 2009". Выстаўку наведае Міністр абароны Рэспублікі Беларусь генерал-палкоўнік Леанід Мальцаў.
У ходзе візіту адбудзецца шэраг працоўных сустрэч кіраўніка ваеннага ведамства Беларусі з прадстаўнікамі ўзброеных сіл дзяржаў Паўднёва-Усходняй Азіі.
30 кастрычнiка 2009 года
Замежныя інспектары наведалі Беларусь
З 26 па 30 кастрычніка ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведала інспекцыйная група Нідэрландаў пад кіраўніцтвам падпалкоўніка Бенядзіктуса Рэйненберга. У ходзе інспекцыі былі правераны 206-я штурмавая авіяцыйная база камандавання ВПС і войскаў СПА і Ваенная акадэмія Рэспублікі Беларусь, якія з'яўляюцца аб'ектамі кантролю паводле палажэнняў ДЗУСЕ. У ходзе інспекцыі была пацверджана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці. У складзе інспекцыйнай групы, акрамя сямі ваенных інспектараў Нідэрландаў, прынялі ўдзел па адным інспектары з Канады і Нарвегіі.
Беларускія ваенныя інспектары наведалі Украіну
У перыяд з 27 па 30 кастрычніка ў рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі інспекцыйная група Рэспублікі Беларусь правяла інспекцыю вызначанага раёна на тэрыторыі Украіны. У ходзе інспекцыі была пацверджана адсутнасць у вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі названага Пагаднення.
Сустрэча прадстаўнікоў узброеных сіл Беларусі і Казахстана
У перыяд з 3 па 5 лістапада ў г. Мінску плануецца правядзенне працоўнай сустрэчы прадстаўнікоў узброеных сіл Рэспублікі Беларусь і Рэспублікі Казахстан па пытаннях супрацоўніцтва ў галіне кантролю над узбраеннямі. Беларускую дэлегацыю ўзначаліць начальнік Нацыянальнага агенцтва па кантролю і інспекцыях - дэпартамента Міністэрства абароны Рэспублікі Беларусь палкоўнік Алег Горбач.
Польскія інспектары наведаюць Беларусь
У перыяд з 4 па 5 лістапада ў рамках Дамоўленасці аб наборы дадатковых да Венскага дакумента 1999 год мер па ўмацаванню даверу і бяспекі, прынятых Рэспублікай Беларусь і Рэспублікай Польшча, група польскіх інспектараў пад кіраўніцтвам падпалкоўніка Яраслава Пюркоўскага правядзе інспекцыю вызначанага раёна на тэрыторыі Рэспублікі Беларусь (Брэсцкая вобласць). Мэтай правядзення інспекцыі з'яўляецца пацвярджэнне адсутнасці ў вызначаным раёне на тэрыторыі Рэспублікі Беларусь буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
28 кастрычнiка 2009 года
Падведзены вынікі "Захад-2009"
Сёння, 28 кастрычніка, у Міністэрстве абароны пад кіраўніцтвам Міністра абароны Рэспублікі Беларусь генерал-палкоўніка Леаніда Мальцава былі падведзены вынікі аператыўна-стратэгічнага вучэння "Захад-2009".
У мерапрыемстве прыняў удзел Дзяржаўны сакратар Савета Бяспекі Рэспублікі Беларусь Юрый Жадобін.
Напярэдадні вынікі вучэння былі падведзены ва ўсіх органах ваеннага кіравання, злучэннях і воінскіх часцях, якія прымалі ў ім удзел.
Гэтаму папярэднічала старанная даследчая і аналітычная падрыхтоўка органаў ваеннага кіравання і ваенна-навуковых структур Узброеных Сіл.
Як адзначыў кіраўнік ваеннага ведамства, выступаючы перад удзельнікамі мерапрыемства, мэты вучэння дасягнуты, пастаўленыя задачы выкананы.
Органы ваеннага кіравання і войскі пацвердзілі высокую ступень гатоўнасці і здольнасці выконваць задачы па прызначэнню ў любых абставінах.
Вучэнне дазволіла вызначыць месца і ролю рэгіянальнай групоўкі войскаў (сіл) Рэспублікі Беларусь і Расійскай Федэрацыі ў сістэме забеспячэння ваеннай бяспекі Саюзнай дзяржавы, адпрацаваць пытанні зладжанасці органаў ваеннага кіравання, а таксама павысіць палявую і паветраную вывучку злучэнняў і воінскіх часцей узброеных сіл Беларусі і Расіі, якія ўваходзяць у склад РГВ(С).
Аператыўна-стратэгічнае вучэнне "Захад-2009" садзейнічала далейшаму развіццю і ўдасканаленню ўсіх напрамкаў супрацоўніцтва Рэспублікі Беларусь і Расійскай Федэрацыі ў абароннай сферы.
Вучэнне садзейнічала павышэнню эфектыўнасці сістэмы кіравання РГВ(С), аператыўнай сумяшчальнасці войскаў Рэспублікі Беларусь і Расійскай Федэрацыі, павышэнню якасці сумеснага планавання і прымянення адпаведных сіл і сродкаў, далейшаму росту ўзроўню практычных навыкаў службовых асоб.
Выступаючы перад удзельнікамі мерапрыемства, Дзяржаўны сакратар Савета Бяспекі Рэспублікі Беларусь Юрый Жадобін адзначыў планамерную і прадукцыйную працу штаба кіраўніцтва вучэння пры яго падрыхтоўцы і правядзенні.
Юрый Жадобін падкрэсліў, што на дадзеным этапе неабходна рацыянальна выкарыстоўваць практычны вопыт, набыты ў ходзе вучэння кожным з яго ўдзельнікаў, і эфектыўна рэалізаваць набытыя навыкі ў далейшай дзейнасці.
У адпаведнасці з вынікамі вучэння Міністр абароны Рэспублікі Беларусь паставіў задачы па ўсіх накірунках падрыхтоўкі органаў ваеннага кіравання і войскаў.
23 кастрычнiка 2009 года
Інспектары з Беларусі наведаюць Украіну
У перыяд з 27 па 30 кастрычніка ў рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі інспекцыйная група Рэспублікі Беларусь правядзе інспекцыю вызначанага раёна на тэрыторыі Украіны. Мэтай інспекцыі з'яўляецца праверка адсутнасці ў вызначаным раёне буйной ваеннай дзейнасці, якая падлягае папярэдняму паведамленню ў адпаведнасці з палажэннямі названага Пагаднення.
Візіт начальніка Генеральнага штаба Узброеных Сіл Дзяржавы Катар
У перыяд з 26 па 28 кастрычніка 2009 года адбудзецца візіт у Рэспубліку Беларусь начальніка Генеральнага штаба Узброеных Сіл Дзяржавы Катар генерал-маёра Хамада бен Алі Аль-Аттыйя.
У ходзе візіту прадугледжана правядзенне перамоў па пытаннях далейшага развіцця ўзаемаадносін Рэспублікі Беларусь і Дзяржавы Катар у ваеннай сферы.
З начальнікам Генеральнага штаба Узброеных Сіл Дзяржавы Катар сустрэнецца Міністр абароны Рэспублікі Беларусь генерал-палкоўнік Леанід Мальцаў.
Ваенныя інспектары з Беларусі наведалі ФРГ
У перыяд з 18 па 24 кастрычніка ў рамках Венскага дакумента 1999 года два прадстаўнікі Узброеных Сіл Рэспублікі Беларусь прынялі ўдзел у наведванні авіябазы і ваеннага аб'екта ўзброеных сіл ФРГ, якія арганізуюцца для дзяржаў-удзельніц АБСЕ адзін раз у пяць гадоў.
VIII з'езд АТ "Беларускі Саюз Афіцэраў"
Сёння ў Цэнтральным Доме афіцэраў сваю працу пачаў VIII з'езд грамадскага аб'яднання "Беларускі Саюз Афіцэраў". У мерапрыемстве прымуць удзел прадстаўнікі Міністэрства абароны і Генеральнага штаба Узброеных Сіл, службовыя асобы і прадстаўнікі органаў дзяржаўнага кіравання, грамадскіх аб'яднанняў і арганізацый, у тым ліку і ад грамадскіх аб'яднанняў Расіі і Украіны.
У ходзе з'езда дэлегаты абмяркуюць вынікі працы АТ "Беларускі саюз афіцэраў" за справаздачны перыяд, выпрацуюць асноўныя напрамкі і вызначать задачы па ўдасканаленню працы грамадскага аб'яднання ў сучасных умовах, правядуць выбары кіруючых органаў.
Перад удзельнікамі форуму выступіць Міністр абароны Рэспублікі Беларусь генерал-палкоўнік Леанід Мальцаў.
У сучасных умовах патрыятычнае выхаванне ўсіх грамадзян нашай краіны, фарміраванне патрыятычнай свядомасці людзей становіцца абавязковай умовай функцыянавання сістэмы забеспячэння ваеннай бяспекі. Менавіта таму сёння як ніколі вялікая роля і значэнне надаецца ўсім грамадскім арганізацыйям і аб'яднанням дзяржаўна-патрыятычнай накіраванасці. У іх ліку - Беларускі Саюз Афіцэраў, прызначаны садзейнічаць інтэграцыі афіцэраў у запасе і ў адстаўцы ў рашэнне найважнейшых задач у сферы ваеннай бяспекі дзяржавы.
Грамадскае аб'яднанне "Беларускі Саюз афіцэраў" змагло за кароткі тэрмін стаць адной з найбольш буйных і аўтарытэтных грамадскіх арганізацый нашай краіны. У яе складзе 7 абласных, 12 гарадскіх і 116 раённых саветаў і 187 пярвічных арганізацый, а таксама 24 арганізацыі БСА відаў, родаў і структурных падраздзяленняў Міністэрства абароны.
Яго асноўнымі задачамі з'яўляюцца: падтрыманне і развіццё традыцыйных прынцыпаў маралі афіцэра, удзел у фарміраванні, падтрыманні і развіцці галоўных традыцый афіцэрскага корпуса, актыўнае ўзаемадзеянне з ваенным ведамстам у інтарэсах удасканалення працы непасрэдна з афіцэрамі ў запасе і ў адстаўцы.
Рэспубліканскімі і абласнымі Саветамі АТ "БСА" устаноўлены сувязі з падобнымі аб'яднаннямі Расійскай Федэрацыі, Украіны, Малдовы. Кіраўніцтва АТ "БСА" у 2008 г. прыняло ўдзел у працы з'ездаў грамадскіх аб'яднанняў афіцэраў Расіі, Украіны і Малдовы. Старшыня Рэспубліканскага Савета АТ "БСА" уваходзіць у склад Каардынацыйнага Савета ветэранаў краін СНД.
22 кастрычнiка 2009 года
Візіт у Беларусь Дзяржаўнага міністра па пытаннях абароны Індыі
У перыяд з 24 па 28 кастрычніка 2009 г. Рэспубліку Беларусь з афіцыяльным візітам наведае Дзяржаўны міністр па пытаннях абароны Урада Рэспублікі Індыя Маліпудзі Мангапаці Палам Раджу.
Праграмай візіту прадугледжана правядзенне перамоў па пытаннях далейшага развіцця ўзаемаадносін Рэспублікі Беларусь і Рэспублікі Індыя ў ваеннай сферы.
З дзяржаўным міністрам па пытаннях абароны Урада Рэспублікі Індыя сустрэнецца Міністр абароны Рэспублікі Беларусь генерал-палкоўнік Леанід Мальцаў.
У рамках візіту індыйская ваенная дэлегацыя наведае ўстанову адукацыі "Ваенная акадэмія Рэспублікі Беларусь" і шэраг прадпрыемстаў абароннага сектара эканомікі.
21 кастрычнiка 2009 года
Матэрыялы расследавання вывучаюцца ў Міністэрстве абароны
20 кастрычніка 2009 г. у Міністэрства абароны Рэспублікі Беларусь паступілі матэрыялы расследавання авіякатастрофы, якая адбылася 30 жніўня 2009 г. у г. Радам (Рэспубліка Польшча). Пасля іх вывучэння і аналізу адпаведная інфармацыя ў вызначаным парадку будзе прадстаўлена грамадскасці.
20 кастрычнiка 2009 года
Сумесная трэніроўка з Паветранымі сіламі Узброеных Сіл Украіны
20 кастрычніка 2009 года ў адпаведнасці з планам сумесных мерапрыемстваў праводзілася сумесная трэніроўка дзяжурных сіл па супрацьпаветранай абароне Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь і Паветраных сіл Узброеных Сіл Украіны ва ўзаемадзеянні з Дзяржаўным пагранічным камітэтам Рэспублікі Беларусь.
Да трэніроўкі прыцягваліся органы кіравання і дзяжурныя сілы па СПА дзвюх дзяржаў, сілы і сродкі Дзяржаўнага пагранічнага камітэта Рэспублікі Беларусь, якія ажыццяўляюць ахову Дзяржаўнай мяжы Рэспублікі Беларусь.
Асноўнымі мэтамі трэніроўкі з'яўлялася ўдасканаленне арганізацыі ўзаемадзеяння дзяжурных сіл па СПА ВПС і войскаў СПА Узброеных Сіл Рэспублікі Беларусь і Паветраных сіл Узброеных Сіл Украіны пры выкананні імі задач баявога дзяжурства і павышэнне навыкаў баявых разлікаў камандных пунктаў па кіраванню дзеяннямі дзяжурных сіл па СПА. Таксама апрабаваны асноўныя палажэнні Пагаднення паміж Міністэрствам абароны Рэспублікі Беларусь і Міністэрствам абароны Украіны.
У ходзе трэніроўкі дзяжурныя сілы былі правераны палётамі кантрольных цэляў з перасячэннем Дзяржаўнай мяжы Рэспублікі Беларусь і Украіны, ацэнены дзеянні дзяжурных сіл па СПА ўзаемадзейных бакоў пры абмене інфармацыяй аб палётах паветраных судоў.
IХ фестываль сяброўства армейскай моладзі
З 22 па 24 кастрычніка 2009 г. на тэрыторыі Віцебскай вобласці адбудзецца IХ фестываль армейскай моладзі "Браты па зброі". Мерапрыемствы фестывалю пройдуць у гарадах Віцебск, Лепель і г.п. Бешанковічы.
У фестывалі прымуць удзел ваеннаслужачыя 357 асобнага мабільнага батальёна 103 гвардзейскай мабільнай брыгады Узброеных Сіл Рэспублікі Беларусь і прадстаўнікі паветрана-дэсантных войскаў Узброеных Сіл Расійскай Федэрацыі.
У праграму фестывалю ўключаны экскурсіі па гістарычным месцам, наведванне музеяў, памятных месцаў Віцебшчыны, сустрэчы з моладдзю, урокі мужнасці, спаборніцтвы, канцэрты армейскіх самадзейных калектываў, а таксама паказальныя выступленні ваеннаслужачых сіл спецыяльных аперацый Узброеных Сіл Рэспублікі Беларусь і воінаў-дэсантнікаў ВДВ РФ.
На баксёрскім рынгу
У рамках спартакіяды Узброеных Сіл Рэспублікі Беларусь адбыўся чэмпіянат Узброеных Сіл Беларусі па боксе. Спаборніцтвы прайшлі ў клубе "Ракетчык" установы адукацыі "Ваенная акадэмія Рэспублікі Беларусь". У спаборніцтвах прынялі ўдзел 63 спартсмена, якія выступалі ў катэгорыях да 60, да 64, да 69, да 75, да 81, да 91 і звыш 91 кг.
У камандным заліку першынствавала каманда ўстановы адукацыі "Ваенная акадэмія Рэспублікі Беларусь" з вынікам 355 ачкоў, на другім месцы - каманда Сіл спецыяльных аперацый (246 ачкоў), трэцяе месца заняла каманда Заходняга аператыўна-тактычнага камандавання ВПС і войскаў СПА (209 ачкоў).
У асабовым заліку ў катэгорыі да 60 кг першае месца заняў радавы Віталь Ягнешык (ВА РБ), на другім месцы - радавы Дзяніс Яравы (ЗАТК ВПС і войскаў СПА), на трэцім месцы - старшы сяржант Антон Галембіеўскі (ЗАК Сухапутных войскаў) і радавы Аляксандр Дубініч (ССА).
У асабовым заліку ў катэгорыі да 64 кг перамогу атрымаў радавы Яўген Петухоў (ПЗАТК ВПС і войскаў СПА), другім стаў радавы Алег Быкаў (ПЗАК Сухапутных войскаў), на трэцім месцы - малодшы сяржант Сяргей Кракін (зборная каманда ваенных факультэтаў) і сяржант Андрэй Юхнік (ЗАК Сухапутных войскаў).
У катэгорыі да 69 кг першае месца заняў радавы Дзмітрый Мілюша (ВА РБ), другое - гвардыі старшы сяржант Ігар Шастак (ССА), на трэцім - малодшы сяржант Сяргей Банцэвіч (зборная каманда ваенных факультэтаў) і старшы лейтэнант Аляксей Дзятлаў (Дэпартамент транспартных войскаў).
У катэгорыі да 75 кг першынстваваў сяржант Кірыл Варфаламееў (ПЗАК Сухапутных войскаў), на другім месцы - лейтэнант Аляксандр Ліпень (ЗАТК ВПС і войскаў СПА), на трэцім - радавыя Аляксандр Сахашчык (ВА РБ) і Андрэй Баброўкін (зборная каманда ваенных факультэтаў).
У катэгорыі да 81 кг першае месца заняў гвардыі радавы Дзмітрый Герасімчык (ССА), на другім месцы - радавы Андрэй Шчыкін (ВА РБ), на трэцім - Міхаіл Бусуматараў (ЗАТК ВПС і войскаў СПА) і Аляксандр Шэўчык (зборная каманда ваенных факультэтаў).
У катэгорыі да 91 кг першым стаў радавы Арцем Чарнякевіч (ВА РБ), на другім месцы - радавы Сяргей Кармазін (ПЗАК Сухапутных войскаў), на трэцім - старшы лейтэнант Аляксандр Неруш (ЗАТК ВПС і войскаў СПА) і радавы Барыс Мірашнічэнка (ССА).
У катэгорыі звыш 91 кг першае месца ў старшага сяржанта Аляксандра Белаусава (ВА РБ), на другім месцы - гвардыі старшы прапаршчык Сяргей Тарасевіч (ССА), на трэцім - старшына Дзмітрый Шмыко (ЗАТК ВПС і войскаў СПА) і капітан Аляксей Набеда (зборная каманда часцей цэнтральнага падначалення).
Пераможцы і прызёры спаборніцтваў узнагароджаны медалямі, граматамі і каштоўнымі падарункамі.
Гандбалісты "СКА-Мінск" выйшлі ў трэці раунд Кубка ЕГФ
Гандбалісты клуба "СКА-Мінск" выйшлі ў 1/16 фіналу Кубка Еўрапейскай гандбольнай федэрацыі (ЕГФ). У матчы ў адказ другога кваліфікацыйнага раунда, які прайшоў у Нікасіі 18 кастрычніка, армейскія гандбалісты згулялі ўнічыю з кіпрскім клубам "Стровалас" - 21:21, і па суме двух паядынкаў забяспечылі сабе ўдзел у наступнай стадыі турніру. У першай сустрэчы армейцы на сваёй пляцоўцы выйгралі ў саперніка з лікам 21:19.
У трэці круг другога па значнасці еўрапейскага клубнага турніру выйшаў таксама чэмпіён Беларусі мінскае "Дынама". У другім раундзе беларуская дружына разграміла турэцкі клуб "Мілі Піянга" у двух паядынках - 53:19 і 34:24.
Жараб'ёўка матчаў трэцяга раунда (1/16 фіналу) Кубка ЕГФ адбудзецца 20 кастрычніка ў Вене.
16 кастрычнiка 2009 года
Інспекцыйная група Рэспублікі Беларусь правяла інспекцыю ў Рэспубліцы Польшча
З 13 па 16 кастрычніка ў рамках Дамоўленасці аб наборы дадатковых да Венскага дакумента 1999 года мер даверу і бяспекі, прынятых Рэспублікай Беларусь і Рэспублікай Польшча, інспекцыйная група Рэспублікі Беларусь правяла інспекцыю вызначанага раёна на тэрыторыі Рэспублікі Польшча.
У ходзе інспекцыі была пацверджана адсутнасць у вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі названай Дамоўленасці.
15 кастрычнiка 2009 года
Чарговае пасяджэнне сумеснай Калегіі
20 кастрычніка ў Маскве адбудзецца чарговае пасяджэнне сумеснай Калегіі міністэрств абароны Рэспублікі Беларусь і Расійскай Федэрацыі.
На мерапрыемстве плануецца разгледзець пытанні далейшага ўдасканалення дзейнасці рэгіянальнай групоўкі войскаў (сіл) узброеных сіл Рэспублікі Беларусь і Расійскай Федэрацыі, у тым ліку развіцця яе сістэм забеспячэння: інфармацыйнай, тылавой і сувязі.
Таксама парадкам дня пасяджэння прадугледжана зацвярджэнне плана работы сумеснай Калегіі ваенных ведамстваў Беларусі і Расіі на 2010 год.
13 кастрычнiка 2009 года
У барацьбе за медалі
На этапе Кубка свету па дзюдо, які адбыўся ў мінскім Палацы спорту, беларускія дзюдаісткі заваявалі два медалі.
У весавой катэгорыі да 48 кг армейская спартсменка прапаршчык Вольга Лешчанка стала сярэбраным прызёрам, уступіўшы ў схватцы за золата расіянцы Наталлі Кандрацьевай. Яшчэ адна наша суайчынніца Іна Астаповіч у паядынцы за бронзу ў гэтай жа вагавой катэгорыі ўступіла ўкраінцы Таццяне Лушніковай і заняла 5-е месца.
Бронзавы медаль у весавой катэгорыі да 63 кг заваявала беларуска Анастасія Ляшкова. Прычым у рашаючай схватцы яна перамагла іншую прадстаўніцу нашай краіны Екацярыну Пракапенка, якая заняла ў выніку 5-е месца.
У васьмёрку мацнейшых на этапе Кубка свету ўвайшлі яшчэ восем беларускіх дзюдаістак. Пятыя месцы падзялілі Марыя Кузняцова, Ірына Абламская (абедзве - да 70 кг), а таксама Ірына Іадкоўская і Ларыса Балан (абедзве - звыш 78 кг). На сёмых пазіцыях аказаліся Лейла Абасава (да 48 кг), Дар'я Скрыпнік (да 52 кг), Екацярына Жураўлёва (да 57 кг) і Галіна Кавалёва (звыш 78 кг).
У спаборніцтвах удзельнічалі каля 90 спартсменак з 13 краін. У медальным заліку не было роўных зборнай Францыі - 4 золата, 2 срэбра і 2 бронзы. Далей размясціліся каманды Расіі - 1, 1, 6, Украіны - 1, 1, 3, Вялікабрытаніі - 1, 1, 0, Беларусі - 0, 1, 1, Польшчы - 0, 1, 1, Казахстана - 0, 0, 1.
Перамогі армейскіх гандбалістаў
Гандбалісты клуба СКА-Мінск атрымалі перамогу ў першым матчы 2-га кваліфікацыйнага раунда розыгрышу Кубка ЕГФ.
На пляцоўцы Палацу гульнёвых відаў спорту дзяржаўнай установы "Спартыўны камітэт Узброеных Сіл Рэспублікі Беларусь" армейцы ўзялі верх над кіпрскім клубам "Стровалас" - 21:19 (8:9). У першай палове гульні госці амаль ўвесь час вялі ў ліку, а мінчане толькі зрэдку выходзілі ўперад. Пасля перапынку падапечныя Спартака Міронавіча зайгралі хутчэй і бліжэй да канца сустрэчы выйгравалі з розніцай у 6 мячоў. Аднак госці не здаліся і змаглі скараціць разрыў да двух мячоў, прычым, калі б не вельмі добрая гульня галкіпера Аляксея Жукава, кіпрыёты маглі б разлічваць і на перамогу. Паражэнне з невялікай розніцай у ліку робіць фаварытамі на выхад у наступны раунд гандбалістаў "Строваласа". Паўторны паядынак гэтых каманд адбудзецца ў Нікасіі 18 кастрычніка.
12 кастрычнiка 2009 года
19 кастрычніка ваеннаслужачыя перайдуць на нашэнне зімовай формы адзення
У адпаведнасці з загадам Міністра абароны Рэспублікі Беларусь ад 30 верасня 2009 г. з 19 кастрычніка асабовы склад Узброеных Сіл і транспартных войскаў перайдзе на нашэнне зімовай ваеннай формы адзення.
Ваеннаслужачыя апрануць зімовыя галаўныя ўборы, бялізну і абутак, уцепленыя курткі з футровым каўнерам.
Да 18 кастрычніка ў злучэннях і воінскіх часцях Узброеных Сіл і транспартных войскаў, ваенных навучальных установах і арганізацыях Узброеных Сіл пройдуць страявыя агляды рот (батарэй), батальёнаў (дывізіёнаў), у ходзе якіх будзе правераны стан прадметаў зімовай ваеннай формы адзення, правільнасць іх падгонкі.
10 кастрычнiка 2009 года
Убыццё апошніх эшалонаў з расійскімі ўдзельнікамі вучэння
Сёння завяршаецца ўбыццё ў пункты пастаяннай дыслакацыі расійскіх удзельнікаў аператыўна-стратэгічнага вучэння "Захад-2009".
У адпаведнасці з графікам апошнія чатыры чыгуначных эшалона з асабовым складам і ваеннай тэхнікай воінскіх часцей тэхнічнага забеспячэння на працягу 10 кастрычніка адпраўляюцца на тэрыторыю Расійскай Федэрацыі.
Як адзначылі ў дэпартаменце транспартнага забеспячэння Міністэрства абароны Рэспублікі Беларусь перадыслакацыя органаў ваеннага кіравання, злучэнняў і воінскіх часцей расійскай частцы рэгіянальнай групоўкі войскаў (сіл), якія прымалі ўдзел у вучэнні, ажыццяўляецца ў планавым парадку ў адпаведнасці з раней устаноўленымі тэрмінамі.
9 кастрычнiка 2009 года
Наведванне чэшскай авіябазы і інспекцыя на тэрыторыі Нідэрландаў
У перыяд з 5 па 9 кастрычніка ў рамках Венскага дакумента 1999 года два прадстаўнікі Узброеных Сіл Рэспублікі Беларусь прынялі ўдзел у наведванні авіябазы, назіранні за ваеннымі вучэннямі і дэманстрацыі новай тэхнікі ўзброеных сіл Чэшскай Рэспублікі, якія арганізуюцца для дзяржаў-удзельніц АБСЕ адзін раз у пяць гадоў.
У гэты ж перыяд у рамках Дагавора аб звычайных узброеных сілах у Еўропе інспекцыйная група Рэспублікі Беларусь правяла інспекцыі дзвюх воінскіх часцей узброеных сіл Каралеўства Нідэрландаў. У ходзе інспекцый была праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
Інспекцыйная група з Беларусі наведае Польшчу
З 13 па 16 кастрычніка ў рамках Дамоўленасці аб наборы дадатковых да Венскага дакумента 1999 года мер даверу і бяспекі, прынятых Рэспублікай Беларусь і Рэспублікай Польшча, інспекцыйная група Рэспублікі Беларусь правядзе інспекцыю вызначанага раёна на тэрыторыі Рэспублікі Польшча. Мэтай інспекцыі з'яўляецца праверка адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
6 кастрычнiка 2009 года
Прыклад эфектыўнасці сістэмы антыкарупцыйнай дзейнасці
У Рэспубліцы Беларусь створана і эфектыўна дзейнічае сістэма прафілактыкі і барацьбы з карупцыяй. Органамі ваеннага кіравання, ваеннай пракуратуры і контрразведкі мэтанакіравана рэалізуецца комплекс сумесных мерапрыемстваў па выкараненні карупцыйных злачынстваў у воінскім асяроддзі. Вынікам з'яўляецца паступальнае зніжэнне колькасці злачынстваў ва Узброеных Сілах. Сістэма антыкарупцыйнай дзейнасці, якая дзейнічае ва Узброеных Сілах і рэалізуецца ў цесным узаемадзеянні з органамі МУС, дазваляе выяўляць і прадухіляць нават адзінкавыя праяўленні гэтага віду злачынстваў, незалежна ад тэрміну даўнасці. Тым самым няўхільна забяспечваць непазбежнасць пакарання за ўчынены супрацьпраўны ўчынак.
Прыкладам гэтага з'яўляецца выяўленне супрацьпраўнага ўчынку, які быў учынены больш як пяць гадоў таму, і затрыманне 30 верасня 2009 года па падазрэнні ў яго ўчыненні былога прадстаўніка аднаго з тэхнічных падраздзяленняў Узброеных Сіл. Па факту ўзбуджана крымінальная справа, праводзяцца адпаведныя следчыя дзеянні.
2 кастрычнiка 2009 года
Удзельнікі АСВ "Захад-2009" вяртаюцца ў пункты пастаяннай дыслакацыі
Пасля выканання ўдзельнікамі аператыўна-стратэгічнага вучэння пастаўленых вучэбна-баявых задач ажыццяўляецца вяртанне ўдзельнікаў АСВ "Захад-2009" у пункты пастаяннай дыслакацыі.
Авіяцыя Узброеных Сіл Расійскай Федэрацыі, якая прымала непасрэдны ўдзел у вучэнні, 1-га і 2-га кастрычніка ажыццявіла пералёт з тэрыторыі Рэспублікі Беларусь на аэрадромы пастаяннага базіравання на тэрыторыі Расіі.
1 кастрычніка ў Лідскім, Барысаўскім і Лепельскім раёнах падведзены папярэднія вынікі і прайшлі ўрачыстыя мерапрыемствы па ўшаноўванню ваеннаслужачых войскаў тэрытарыяльнай абароны, якія прымалі ўдзел у вучэнні "Захад-2009". У мерапрыемствах прымалі ўдзел камандуючы Сухапутнымі войскамі генерал-маёр Нікіцін Аляксандр Мікалаевіч, старшыні Лідскага, Барысаўскага і Лепельскага раённых выканаўчых камітэтаў, прадстаўнікі Беларускага саюза афіцэраў, ветэранскіх арганізацый, АТ "БРСМ", кіраўнікі прадпрыемстваў.
1 кастрычнiка 2009 года
Візіты ў рамках Венскага дакумента 1999 года і ДЗУСЕ
З 5 па 9 кастрычніка ў рамках Венскага дакумента 1999 года два прадстаўнікі Узброеных Сіл Рэспублікі Беларусь прымуць удзел у наведванні авіябазы, назіранні за ваеннымі вучэннямі і дэманстрацыі новай тэхнікі ўзброеных сіл Чэшскай Рэспублікі, якія арганізуюцца для дзяржаў-удзельніц АБСЕ адзін раз у пяць гадоў.
У гэты ж перыяд у рамках Дагавора аб звычайных узброеных сілах у Еўропе інспекцыйная група Рэспублікі Беларусь правядзе інспекцыі дзвюх воінскіх часцей узброеных сіл Каралеўства Нідэрландаў. У ходзе інспекцый будзе праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
29 верасня 2009 года
Прэзідэнты Рэспублікі Беларусь і Расійскай Федэрацыі прысутнічалі на завяршальным этапе вучэння "Захад-2009"
Прэзідэнты Беларусі і Расіі Аляксандр Лукашэнка і Дзмітрый Мядзведзеў прысутнічалі на завяршальным этапе аператыўна-стратэгічнага вучэння "Захад-2009".
Кіраўнікі дзяржаў прыбылі на Абуз-Лясноўскі палігон да каманднага пункта рэгіянальнай групоўкі войскаў (сіл). У цэнтры стратэгічнага кіравання прэзідэнтам паведамілі аб ходзе вучэння, аб сумесных падыходах узброеных сіл Беларусі і Расіі да забеспячэння ваеннай бяспекі Саюзнай дзяржавы, а таксама аб ролі і месцы рэгіянальнай групоўкі войскаў (сіл) ва Усходнееўрапейскім рэгіёне калектыўнай бяспекі.
Аляксандр Лукашэнка і Дзмітрый Мядзведзеў азнаёміліся з працай Аб'яднанага камандавання рэгіянальнай групоўкі войскаў па кіраванню войскамі. Прэзідэнты таксама наведалі дапаможны пункт кіравання Генеральнага штаба Узброеных Сіл Расійскай Федэрацыі, дзе азнаёміліся з яго магчымасцямі.
Затым кіраўнікі дзяржаў пераехалі да кургана Беларускага, дзе былі адпрацаваны сумесныя дзеянні сіл і сродкаў узброеных сіл Беларусі і Расіі.
29 верасня - завяршальны дзень актыўнай фазы аператыўна-стратэгічнага вучэння "Захад-2009". Паведамленне аб'яднанага прэс-цэнтра вучэння
У ходзе першага этапу вучэння былі адпрацаваны пытанні непасрэднай падрыхтоўкі абарончай аперацыі.
На другім этапе ажыццяўляецца кіраванне рэгіянальнай групоўкай войскаў (сіл) у ходзе правядзення абарончай аперацыі.
Сёння на 230 Абуз-Лясноўскім агульнавайскавым палігоне адпрацоўваецца адно з важных для рэгіянальнай групоўкі войскаў (сіл) пытанняў - узаемадзеянне войскаў Рэспублікі Беларусь і Расійскай Федэрацыі пры практычным выкананні задач па падрыхтоўцы і вядзенню абарончай аперацыі.
Пасля завяршэння вучэбна-баявых дзеянняў адбудзецца агляд войскаў, якія ўдзельнічалі ў вучэнні. Вечарам у гэты ж дзень на канцэртнай пляцоўцы ў раёне аэрадрома 61 знішчальнай авіяцыйнай базы з паспяховым завяршэннем манёўраў ваеннаслужачых Рэспублікі Беларусь і Расійскай Федэрацыі павіншуюць зоркі беларускай і расійскай эстрады.
28 верасня 2009 года
Войскі распачалі актыўнае вядзенне вучэбна-баявых дзеянняў. Паведамленне аб'яднанага прэс-цэнтра вучэння
28 верасня на ўсіх палігонах Рэспублікі Беларусь, якія задзейнічаны ў вучэнні, войскі РГВ(с) распачалі актыўнае вядзенне вучэбна-баявых дзеянняў.
На 230 агульнавайскавым палігоне (Абуз-Лясноўскі) злучэнні і воінскія часці Рэспублікі Беларусь і Расійскай Федэрацыі сумесна рэалізоўваюць комплекс практычных мерапрыемстваў па падрыхтоўцы да абарончага бою, ажыццяўляюць маскіроўку пазіцый. Узбраенне і ваеннная тэхніка рыхтуюцца да баявога прымянення.
На 174 вучэбным палігоне ВПС і войскаў СПА падраздзяленні 115 і 62 зенітных ракетных брыгад распачалі выкананне практычных задач па адбіццю авіяцыйных удараў, ажыццяўляецца баявая стральба зенітна-ракетнай батарэі "АСА". Адначасова з вядзеннем супрацьпаветранага бою практычна адпрацоўваюцца мерапрыемствы барацьбы з паветраным дэсантам і дыверсійна-разведвальнымі групамі. У рашэнні гэтых задач ажжыццяўляецца цеснае ўзаемадзеянне з воінскімі часцямі сухапутных войскаў і падраздзяленнямі сіл спецыяльных аперацый. Мотастралковы батальён 50 асобнай механізаванай брыгады ва ўзаемадзеянні з ротай сіл спецыяльных аперацый выконвае задачу супрацьдэсантнага рэзерву.
На Брэсцкім палігоне падраздзяленні 38 асобнай мабільнай брыгады ажжыццяўляюць вядзенне разведвальна-баявых дзеянняў, а таксама барацьбу з дыверсійна-разведвальнымі групамі.
Расійскія і беларускія экіпажы баявых самалётаў, якія паспяхова выканалі напярэдадні практыкаванні па прыцэльнаму бомбакіданню, адпрацоўваюць пытанні ўзаемадзеяння па авіяцыйнай падтрымцы сухапутных войскаў і прымаюць удзел у сумесным баявым дзяжурстве па ахове паветранай прасторы.
27 верасня 2009 года
Ваеннаслужачых падраздзяленняў тэрытарыяльных войскаў наведалі работнікі культуры
27 верасня 2009 года культурна-мастацкая брыгада дзяржаўнай культурнай установы "Цэнтральны Дом афіцэраў Узброеных Сіл Рэспублікі Беларусь" на чале са старшынёй рэспубліканскай ваенна-шэфскай камісіі народным артыстам СССР і Рэспублікі Беларусь кампазітарам Ігарам Лучанком наведала раён размяшчэння асобнага стралковага батальёна тэрытарыяльных войскаў пад Барысавам.
У сустрэчы з ваеннаслужачымі тэрытарыяльных войскаў прымалі ўдзел кіраўнік студыі ваенных мастакоў заслужаны мастак Рэспублікі Беларусь Мікалай Апіок, кіраўнік студыі ваенных пісьменнікаў Яўгеній Каршуноў, мастакі студыі Грэкава з Расійскай Федэрацыі Валерый Макрушын і Юрый Бірукоў.
Мастакамі былі напісаны партрэты ваеннаслужачых, якія адзначыліся ў ходзе аператыўна-стратэгічнага вучэння "Захад-2009", а таксама эцюды па тэме.
У ходзе сустрэчы салістамі Акадэмічнага ансамбля песні і танца Узброеных Сіл Рэспублікі Беларусь былі выкананы песні Ігара Лучанка.
Напярэдадні найбольш складанага этапа вучэння. Паведамленне аб'яднанага прэс-цэнтра вучэння
27 верасня на тэрыторыі шэрага ваенных палігонаў, якія задзейнічаны ў правядзенні аператыўна-стратэгічнага вучэння "Захад-2009", арганізаваны адпачынак ваеннаслужачых. Праводзяцца культурныя і спартыўна-масавыя мерапрыемствы. Асабовы склад рыхтуецца да адпрацоўкі задач ў рамках завяршальнага, найбольш складанага этапа вучэння з баявой стральбой.
Органы ваеннага кіравання працягваюць працаваць ў баявым рэжыме. Аб'яднанае камандаванне РГВ(с) выконвае задачы па кіраванню дзеяннямі войскаў у ходзе абарончай аперацыі. Каардынуюцца дзеянні Ваенна-паветраных сіл і войскаў супрацьпаветранай абароны па прыкрыццю рэгіянальнай групоўкі, удакладняюцца задачы тэрытарыяльным войскам і іншым воінскім фарміраванням па забеспячэнню рэжыму ваеннага становішча і выкананню іншых задач па прызначэнню.
На 174 вучэбным палігоне ВПС і войскаў СПА 62 і 115 зенітныя ракетныя брыгады адпрацоўваюць вучэбныя задачы па вядзенню супрацьпаветранага бою. Іх дзеянні забяспечваюцца падраздзяленнямі 50 асобнай механізаванай брыгады.
Падраздзяленні сіл спецыяльных аперацый у адпаведнасці з прызначэннем у раёнах правядзення вучэння выконваюць задачы контрдыверсійнай барацьбы.
26 верасня 2009 года
Вучэнне "Захад-2009" - адказны экзамен для кіраўнікоў выканаўчай улады
Вынікі працы кіраўнікоў выканаўчай улады ў ходзе вучэння дэманструюць дзяржаўнае разуменне і адказны падыход службовых асоб мясцовых органаў кіравання да далейшай рэалізацыі задач тэрытарыяльнай абароны на ўсіх узроўнях. Дзеючая сістэма сумеснай працы службовых асоб, дзяржаўных, ваенных органаў і арганізацый на месцах паказвае сваю эфектыўнасць.
На АСВ "Захад-2009" службовыя асобы выканаўчай улады ажжыццяўляюць рэальнае кіраўніцтва, выкарыстоўваюць увесь патэнцыял і магчымасці рэгіёнаў пры рашэнні разнапланавых задач тэрытарыяльнай абароны.
Практычная адпрацоўка мерапрыемстваў, якія праводзяцца ва ўмовах, набліжаных да баявых, ажыццящляецца скаардынаваными дзеяннями грамадзянских и ваенных структур.
ВПС і войскі СПА працягваюць выконваць задачы вучэння
ВПС і войскі СПА працягваючы выкананне задач АСВ "Захад-2009", адпрацоўваюць кіраванне падпарадкаванымі сіламі ў ходзе вядзення вучэбнай абарончай аперацыі.
У практычнай працы задзейнічаны органы ваеннага кіравання, злучэнні і воінскія часці авіяцыі, зенітных ракетных і радыётэхнічных войскаў.
Пасля адбіцця масіраванага ракетна-авіяцыйнага ўдару ў адпаведнасці з задумай вучэння органы ваеннага кіравання выпрацоўваюць і прымаюць рашэнні на змену пазіцыйных раёнаў, агнявых і стартавых пазіцый. Рашаюцца задачы па адбіццю сканцэнтраваных і групавых авіяцыйных удараў ва ўмовах вядзення абарончых дзеянняў. Адпрацоўваюцца рашэнні і праводзяцца мерапрыемствы па перагрупоўцы войскаў. Авіяцыя ажыццяўляе перахоп паветраных цэляў і наносіць ракетна-бомбавыя ўдары па вучэбных цэлях.
Зенітныя ракетныя войскі выконваюць задачы агнявога паражэння паветраных цэляў, а падраздзяленні радыёлакацыйных войскаў ажжыццяўляюць радыёлакацыйнае забеспячэнне органаў ваеннага кіравання, авіяцыі і зенітных ракетных войскаў.
Працягваецца 2-гі этап аператыўна-стратэгічнага вучэння "Захад-2009". Паведамленне аб'яднанага прэс-цэнтра вучэння
26 верасня злучэнні і воінскія часці, якія знаходзяцца на палігонах і ў раёнах правядзення вучэння практычна дапрацавалі пытанні адбіцця ўдараў з паветра, змены раёнаў аператыўнага прызначэння, падрыхтоўкі абарончых рубяжоў і пазіцый.
У ходзе адпрацоўкі задач вучэння асаблівая ўвага надавалася пытанням павышэння жывучасці войскаў, у тым ліку выкананню мерапрыемстваў маскіроўкі.
На 230 агульнавайскавым палігоне (Абуз-Лясноўскі) на працягу сутак было адпрацавана адно з найбольш важных для рэгіянальнай групоўкі войскаў пытанняў - узаемадзеянне злучэнняў узброеных сіл Беларусі і Расіі пры практычным рашэнні задач абарончага бою.
Механізаваныя воінскія часці вялі манеўраную абарону на прамежных рубяжах. Злучэнні і воінскія часці ВПС і войскаў СПА забяспечвалі іх прыкрыццё з паветра.
25 верасня 2009 года
Падраздзяленні тэрытарыяльных войскаў распачалі практычныя дзеянні
У ходзе АСВ "Захад-2009" з падраздзяленнямі тэрытарыяльных войскаў адпрацоўваюцца практычныя задачы па ахове і абароне важных аб'ектаў, вядзенню барацьбы з дыверсійнымі групамі праціўніка, падтрыманню рэжыму ваеннага становішча, забеспячэнню дзеянняў Узброеных Сіл у абарончай аперацыі. Асаблівая ўвага надаецца далейшаму ўдасканаленню форм і спосабаў прымянення тэрытарыяльных войскаў сумесна з іншымі войскамі і воінскімі фарміраваннямі пры адбіцці агрэсіі.
Да вучэння прыцягнуты аддзелы тэрытарыяльнай абароны абласных і раённых ваенных камісарыятаў, прадстаўнікі органаў мясцовай выканаўчай улады абласных і раённых узроўняў для працы ў якасці службовых асоб адпаведных Саветаў абароны, службовыя асобы тэрытарыяльных органаў унутраных спраў, дзяржаўнай бяспекі, органаў па надзвычайных сітуацыях. Комплекс задач па прызначэнню выконваюць сфарміраваныя штабы тэрытарыяльнай абароны і падраздзяленні тэрытарыяльных войскаў у Барысаўскім, Лідскім і Лепельскім раёнах.
Паспяхова адпрацоўваюцца пытанні кіравання падпарадкаванымі сіламі, у поўным узаемадзеянні штабы тэррытарыяльнай абароны працуюць з іншымі органамі ваеннага і дзяржаўнага кіравання. Узгоднена працуюць прадстаўнікі органаў унутраных спраў, Міністэрства па надзвычайных сітуацыях, Камітэта дзяржаўнай бяспекі і дзяржаўнага пагранічнага камітэта ў складзе штабоў зон і раёнаў тэрытарыяльнай абароны.
Афіцэры, сяржанты і салдаты запасу у складзе сфарміраваных падраздзяленняў тэрытарыяльных войскаў паказваюць добрую падрыхтоўку, умелае валоданне штатным узбраеннем і ваеннай тэхнікай, веданне прыёмаў і спосабаў дзеянняў у баі.
Працягваецца другі этап аператыўна-стратэгічнага вучэння. Паведамленне аб'яднанага прэс-цэнтра вучэння
На ўсіх ваенных палігонах Рэспублікі Беларусь ідзе інтэнсіўная падрыхтоўка злучэнняў і воінскіх часцей Рэспублікі Беларусь і Расійскай Федэрацыі.
На 230-м агульнавайскавым палігоне (Абуз-Лясноўскі) 11-я асобная механізаваная брыгада Сухапутных войскаў беларускай арміі сумесна з танкавымі падраздзяленнямі Узброеных Сіл Расійскай Федэрацыі рыхтуецца да адпрацоўкі вучэбна-баявых задач у ходзе сумесных абарончых дзеянняў. Асноўны ўпор зроблены на арганізацыі ўзаемадзеяння паміж усімі кампанентамі армій дзвюх краін.
На 174-м вучэбным палігоне ВПС і войскаў СПА выконваюць вучэбна-баявыя задачы падраздзяленні 62-й і 115-й зенітных ракетных брыгад па адбіццю ўдараў сродкаў паветранага нападу. Адначасова ідзе адпрацоўка пытанняў ва ўзаемадзеянні з мотастралковымі падраздзяленнямі па супрацьдзеянню дыверсійна-разведвальным групам.
На 210-м авіяцыйным палігоне (Ружаны) адпрацоўваюцца пытанні па сучаснаму прымяненню авіяцыі ўзброеных сіл дзвюх краін.
Сёння экіпажамі 927-й знішчальнай авіяцыйнай базы і 296-й штурмавой авіяцыйнай базы сумесна з падраздзяленнямі забеспячэння адпрацоўваюцца элементы пасадкі самалётаў на аэрадромны ўчастак дарогі.
Ход вучэння максімальна набліжаны да баявых умоў, дзе асноўны ўпор зроблены на сумесныя і скаардынаваныя дзеянні органаў ваеннага кіравання і войскаў.
ВПС і войскі СПА на другім этапе вучэння
У цесным узаемадзеянні з Сухапутнымі войскамі і сіламі спецыяльных аперацый прыступіў да выканання другога этапа АСВ "Захад-2009" і асабовы склад Ваенна-паветраных сіл і войскаў супрацьпаветранай абароны.
У ходзе другога этапа былі адпрацаваны пытанні па падрыхтоўцы абарончай аперацыі, усебаковага забеспячэння баявых дзеянняў войскаў.
Ва ўзаемадзеянні са злучэннямі і часцямі Сухапутных войскаў і сіламі тэрытарыяльнай абароны праведзены мерапрыемствы па супрацьдзеянню разведвальна-дыверсійным групам.
Асабовым складам злучэнняў, воінскіх часцей усіх родаў войскаў выкананы мерапрыемствы па падрыхтоўцы да адбіцця ўдараў з паветра, праведзена зладжванне баявых разлікаў. Адпрацаваны пытанні ўзаемадзеяння зенітных ракетных падраздзяленняў, на ўзбраенні якіх стаяць ЗРК розных тыпаў.
У цэнтры ўвагі камандавання знаходзяцца таксама пытанні маскіроўкі, інжынернага абсталявання пазіцый і пунктаў кіравання, супрацьдзеяння паветранай разведцы, а таксама правядзенне контрдыверсійных мерапрыемстваў.
Радыётэхнічныя войскі правялі мерапрыемствы па нарошчванню радыёлакацыйнага поля, ажыццяўлялі радыёлакацыйнае забеспячэнне зенітных ракетных войскаў і авіяцыі.
Аператыўны склад пунктаў кіравання ажыццяўляе кіраванне сіламі і сродкамі ВПС і войскаў СПА з рухомых камандных пунктаў.
Беларускія лётчыкі з складу сумеснай авіяцыйнай групоўкі ажыццявілі перабазіраванне на аэрадромы разгрупавання і адначасова правялі імітацыю пасадкі на імправізаваны АУД.
Падтрыманне высокага маральнага духу ваеннаслужачых - у цэнтры ўвагі. Паведамленне аб'яднанага прэс-цэнтра вучэння
У ходзе аператыўна-стратэгічнага вучэння "Захад-2009" пастаянная ўвага надаецца падтрыманню высокага маральнага духу ваеннаслужачых, як найважнейшай умове паспяховага выканання вучэбна-баявых задач.
Перад ваеннаслужачымі выступаюць артысты Ансамбля песні і танца Узброеных Сіл, Драматычнага тэатра беларускай арміі.
На Абуз-Лясноўскім палігоне з вялікай канцэртнай праграмай выступае творчая група Культурнага цэнтра Узброеных Сіл Расійскай Федэрацыі. У перапынках паміж заняткамі гучаць патрыятычныя песні часоў Вялікай Айчыннай вайны, пасляваеннага перыяду, лірычныя балады.
24 верасня 2009 года
Актыўная фаза для дзеянняў войскаў
У Рэспубліцы Беларусь працягваецца 2-гі этап аператыўна-стратэгічнага вучэння "Захад-2009".
Завершана планаванне абарончых дзеянняў штабамі ўсіх ступеняў. Пачалася актыўная фаза для дзеянняў войскаў.
Механізаваныя, мотастралковыя і танкавыя злучэнні і воінскія часці высунуліся ў раёны адпрацоўкі практычных мерапрыемстваў па вядзенню абарончага бою. Асабовы склад абсталёўвае свае пазіцыі ў інжынерных адносінах. Асаблівая ўвага нададзена мерапрыемствам маскіроўкі, супрацьдзеянню дыверсійна-разведвальным групам, а таксама ўзаемадзеянню з тэрытарыяльнымі войскамі.
23 верасня 2009 года
Бронза ў барца
На чэмпіянаце свету па вольнай барацьбе ў горадзе Хернінге (Данія) бронзавым прызёрам у весавой катэгорыі да 55 кг стаў прадстаўнік Беларусі, армейскі спартсмен Рызван Гаджыеў. У 1/16 фіналу ён узяў верх над малдаўскім спартсменам Іванам Гюльдзю, у 1/8 фіналу перамог японца Шынічы Юмота, у чвэрцьфінале быў мацней іранца Хасана Рахімі, а ў паядынку за выхад у фінал уступіў К'енг Янгу з КНДР. У схватцы за бронзу армейскі барэц выйграў у прадстаўніка Вялікабрытаніі Красіміра Крастанава - 6:0.
Золата ў армейскай біятланісткі
У горадзе Оберхофе (Германія) стартаваў чэмпіянат свету па летнім біятлоне.
У жаночай кросавай гонцы на дыстанцыі 3 км выдатна выступіла армейская спартсменка Ірына Бабецкая. Яна заваявала залаты медаль, пераадолеўшы дыстанцыю за 11 мін. 43,1 сек. Пры адным промаху на двух агнявых рубяжах. Другой фінішавала беларуская біятланістка Вольга Назарава, якая прайграла пераможніцы ўсяго адну секунду, а таксама дапусціла ўсяго адзін промах на стрэльбішчы. Трэцяе месца заняла немка Юліяна Доль, якая паказала вынік 12 мін. 12,0 сек. (3 промахі).
Сёння ў Оберхофе адбудзецца гонка праследавання ў мужчын, жанчын і юніёраў.
Палёты з выкарыстаннем аэрадромных участкаў дарог
25 верасня ў адпаведнасці з задумай аператыўна-стратэгічнага вучэння "Захад-2009" будуць праводзіцца палёты з выкарыстаннем аэрадромных участкаў дарог (АУД).
Мэты мерапрыемства - адпрацоўка пытанняў выкарыстання ўчасткаў аўтамабільных дарог у якасці запасных аэрадромаў і аэрадромаў разгрупавання авіяцыі, падрыхтоўка лётнага складу да выканання палётаў з аэрадромных участкаў дарог.
У ходзе палётаў будзе арганізавана пасадка самалётаў Су-25 УБ і МіГ-29 УБ на АУД, з наступнай падрыхтоўкай іх да паўторнага вылету і адыходам на аэрадром базіравання.
У выкананні палётаў з аэрадромных участкаў дарог прымуць удзел авіяцыйная тэхніка і экіпажы 206-й штурмавой авіяцыйнай базы і 927 знішчальнай авіяцыйнай базы Паўночна-заходняга аператыўна-тактычнага камандавання ВПС і войскаў СПА.
Авіяцыйнае прыкрыццё района палётаў з АУД плануецца ажыццяўляць верталётамі Мі-24 181-й баявой верталётнай базы.
У забеспячэнні палётаў будуць задзейнічаны розныя воінскія часці, падраздзяленні і службы ВПС і войскаў СПА. На асабовы склад падраздзяленняў войскаў ускладзены задачы забеспячэння радыёсувяззю, на падраздзяленні радыётэхнічных войскаў - радыёлакацыйны кантроль палётаў авіяцыі па зададзеным маршрутам, выдача радыёлакацыйнай інфармацыі на пункты баявога кіравання авіяцыяй.
Сур'ёзныя задачы будуць рашаць падраздзяленні інжынерна-аэрадромнага, тэхнічнага і тылавога забеспячэння. Гэта не толькі падрыхтоўка ўзлётна-пасадачнай паласы, запраўка самалётаў, але і ажыццяўленне маскіроўкі авіяцыйнай тэхнікі і сродкаў наземнага забеспячэння агульнага прымянення пасля пасадкі самалётаў.
Правядзенню палётаў з аэрадромных участкаў дарог папярэднічала доўгая падрыхтоўчая праца. Адпрацаваны пытанні ўзаемадзеяння пунктаў кіравання з экіпажамі, а таксама пытанні штурманскага забеспячэння. З лётным складам праведзены трэніровачныя палёты. Асабовы склад базы вывучыў патрабаванні бяспекі пры падрыхтоўцы і ў ходзе выканання палётаў з АУД. Наладжана ўзаемадзеянне з выканаўчымі і распараджальнымі органамі ўлады па забеспячэнню палётаў з аэрадромных участкаў дарог.
У ВПС і войсках СПА Рэспублікі Беларусь пытанні выкарыстання ўчасткаў аўтамабільных дарог у якасці запасных аэрадромаў пачалі адпрацоўвацца ў 2007 годзе. Так, 14 красавіка ўпершыню ў гісторыі ВПС і войскаў СПА Узброеных Сіл Рэспублікі Беларусь была ажыццяўлена пасадка на АУД двух самалётаў-штурмавікоў Су-25 УБ з складу 206-й штурмавой авіябазы з аэрадрома "Ліда". Летам таго ж года аўтамабільную дарогу "праверылі на трываласць" знішчальнікі: 4 жніўня пасадку на АУД ажыццявілі МіГ-29 і Су-27 з складу 61-й знішчальнай авіяцыйнай базы з аэрадрома "Баранавічы". У 2008 годзе беларускія лётчыкі ажыццявілі пасадкі самалётаў на АУД двойчы - у ходзе правядзення КШВ с ВПС і войскамі СПА ў маі, а таксама ў ходзе вераснёўскага вучэння "Восень-2008".
Завершаны 1-ы этап вучэння. Паведамленне аб'яднанага прэс-цэнтра вучэння
Учора на тэрыторыі Рэспублікі Беларусь органы ваеннага кіравання і войскі завяршылі першы этап аператыўна-стратэгічнага вучэння "Захад-2009", у ходзе якога ажыццяўлялася выкананне мерапрыемстваў па падрыхтоўцы абарончай аперацыі.
На першым этапе ўдасканалены плануючыя дакументы абарончай аперацыі, адпрацаваны задачы ўсебаковага забеспячэння войскаў і воінскіх фарміраванняў, ажыццяўлено кіраванне разгортваннем войскаў; выкананы шэраг мерапрыемстваў па барацьбе з дэсантна-дыверсійнымі сіламі праціўніка.
У ходзе другога этапа вучэння, які пачынаецца сёння, будуць адпрацаваны пытанні кіравання рэгіянальнай групоўкай войскаў (сіл) непасрэдна ў ходзе правядзення абарончай аперацыі.
Пры гэтым асноўную ўвагу плануецца надаць ацэнцы эфектыўнасці функцыянавання Адзінай рэгіянальнай сістэмы СПА Рэспублікі Беларусь і Расійскай Федэрацыі па адбіццю ўдараў з паветра, кіраванню групоўкамі войскаў пры вядзенні баявых дзеянняў за ўтрыманне абарончых рубяжоў, а таксама ўдасканаленню практычных навыкаў службовых асоб аб'яднанага камандавання рэгіянальнай групоўкі войскаў (сіл) ў кіраванні аб'яднаннямі, злучэннямі і воінскімі часцямі пры адбіцці ўдараў сродкаў паветранага нападу і правядзенні абарончай аперацыі.
У ходзе адпрацоўкі практычных дзеянняў войскаў прадугледжваецца:
на 174-м вучэбным палігоне ВПС і войскаў СПА "Даманава" - адпрацаваць пытанні кіравання падраздзяленнямі СПА ў перыяд разгортвання рэгіянальнай групоўкі войскаў (сіл), падрыхтоўкі і вядзення баявых дзеянняў зенітна-ракетных дывізіёнаў у ходзе абарончай аперацыі войскаў аператыўнага камандавання;
на 210-м авіяцыйным палігоне "Ружаны" - рашыць вучэбныя задачы па арганізацыі баявога прымянення і кіравання авіяцыяй;
У раёне н.п. Беліца - адпрацаваць задачы падрыхтоўкі да дзеянняў і забеспячэння высадкі паветранага дэсанта.
На 230-м Абуз-Лясноўскім агульнавайскавым палігоне, асноўным раёне правядзення вучэння, у адпаведнасці з задумай вучэння плануецца адпрацаваць комплекс задач па правядзенню контрудару злучэннямі рэгіянальнай групоўкі войскаў (сіл) Рэспублікі Беларусь і Расійскай Федэрацыі.
22 верасня 2009 года
Разлікі зенітных ракетных комплексаў праводзяць баявыя стрэльбы
На палігоне Расійскай Федэрацыі "Цялемба" праходзіць трэці этап тактычных вучэнняў з 377-м гвардзейскім зенітным ракетным палком і 825-м зенітным ракетным палком Паўночна-заходняга аператыўна-тактычнага камандавання ВПС і войскаў СПА. 22 і 23 верасня разлікі зенітных ракетных комплексаў гэтых часцей праводзяць баявыя стрэльбы.
У адпаведнасці з планам і задумай вучэнняў разлікі зенітных ракетных падраздзяленняў названых часцей ажыццявяць восем баявых пускаў ракет па дзвюм мішэням МР-9ІЦ (імітацыя пастаноўшчыка актыўных перашкод) і чатыром мішэням "Стрыж-2" (імітатару высотнай хуткаснай маламернай цэлі). Сёння экзамен трымалі баявыя разлікі 377-га гвардзейскага зенітнага ракетнага палка. Беларускія зенітчыкі ўпэўнена справіліся з пастаўленымі задачамі, паразіўшы ўсе мішэні.
Нагадаем, што ў адпаведнасці з планам падрыхтоўкі ВПС і войскаў СПА праходзяць тактычныя вучэнні з 377-м гвардзейскім зенітным ракетным палком і 825-м зенітным ракетным палком Паўночна-заходняга аператыўна-тактычнага камандавання ВПС і войскаў СПА ў рамках аператыўна-тактычнага вучэння войскаў Паўночна-заходняга АТК.
Асноўнымі мэтамі вучэння з'яўляюцца ўдасканаленне практычных навыкаў камандзіраў і штабоў па кіраванні войскамі, павышэнне вывучкі разлікаў ў ходзе выканання вучэбна-баявых задач, адпрацоўка пытанняў перадыслакацыі воінскіх часцей ў новы пазіцыйны раён.
Вучэнне праходзіць у чатыры этапы. У ходзе першага і другога асабовы склад выконваў задачы вучэння ў месцах пастаяннай дыслакацыі, ажыццявіў паветраным эшалонам перадыслакацыю баявых разлікаў да месца правядзення стрэльбаў. У месцах пастаяннай дыслакацыі былі адпрацаваны пытанні пераводу часцей з мірнага на ваенны час, праверана падрыхтоўка і дзеяннні баявых разлікаў па адбіццю ўдараў паветранага праціўніка, гатоўнасць асабовага складу выконваць задачы па прызначэнню.
Завяршыць вучэнні вяртанне часцей паветраным эшалонам у месцы пастаяннай дыслакацыі.
Завяршылася перадыслакацыя войскаў на палігон Алушук
Завяршылася перадыслакацыя войскаў Паўночна-заходняга аператыўна-тактычнага камандавання ў Астраханскую вобласць на палігон Алушук. 22 верасня ў адпаведнасці з планам падрыхтоўкі войскаў для выканання баявых стрэльбаў у ходзе аператыўна-тактычнага вучэння з войскамі Паўночна-заходняга аператыўна-тактычнага камандавання адправіўся на палігон паветраным эшалонам асабовы склад 15 зрбр. Днём раней чыгуначным транспартам прыбыла на Алушук і баявая тэхніка гэтай брыгады.
У выкананні задач на палігоне "Алушук" прымуць удзел баявыя разлікі дзвюх зенітных ракетных брыгад, радыётэхнічныя батальёны, падраздзяленні сувязі і абслугоўвання, а таксама экіпажы самалётаў МіГ-29 знішчальнай авіяцыйнай базы, якія прымалі ўдзел у сумесным вучэнні войскаў аб'яднанай сістэмы СПА дзяржаў-удзельніц СНД "Баявая садружнасць-2009".
Працягваецца АСВ "Захад-2009". Паведамленне аб'яднанага прэс цэнтра вучэння
На працягу дня штабы аб'яднанняў узброеных сіл Беларусі і Расіі рашаюць задачы па кіраванню падпарадкаванымі злучэннямі і воінскімі часцямі ва ўмовах, калі дынамічна мяняюцца абставіны, завяршаюць удасканаленне прынятых рашэнняў на абарончыя дзеянні і задач аператыўным камандаванням, злучэнням і воінскім часцям на правядзенне абарончай аперацыі і дзеянняў тэрытарыяльных войскаў.
Службовыя асобы органаў ваеннага кіравання ажыццяўляюць практычную працу ў падпарадкаваных злучэннях і воінскіх часцях па падрыхтоўцы да вядзення абарончых дзеянняў.
Ваенна-паветраныя сілы Расійскай Федэрацыі, ВПС і войскі СПА Рэспублікі Беларусь працягваюць выконваць задачы па сумеснаму нясенню баявога дзяжурства, прапрацоўваюць асноўныя пытанні ўзаемадзення лётнага складу пры сумесным выкананні задач вучэнняў.
Падраздзяленні тэрытарыяльных войскаў завяршаюць падрыхтоўку да вучэбна-баявых дзеянняў, удзельнічаюць у рэалізацыі адміністратыўных і ваенных мер па забеспячэнню рэжыму ваеннага становішча, рашаюць іншыя задачы па завяршэнню падрыхтоўкі да выканання задач па прызначэнню.
Адзначаецца ўсямернае разуменне, адабрэнне і падтрымка мясцовым насельніцтвам, працоўнымі калектывамі і грамадскімі арганізацыямі гэтых мерапрыемстваў, накіраваных на ўмацаванне ваеннай бяспекі Саюзнай дзяржавы.
Кіраўніцтва вучэння дае высокую ацэнку сумеснай працы штаба і кіраўнікоў раёнаў тэрытарыяльнай абароны і адзначае высокі ўзровень іх гатоўнасці да выканання задач па прызначэнню.
21 верасня 2009 года
Арганізавана ўзаемадзеянне. Паведамленне аб'яднанага прэс-цэнтра вучэння
У раёнах правядзення аператыўна-стратэгічнага вучэння "Захад-2009" працягваецца выкананне задач у адпаведнасці з задумай.
У аб'яднаным камандаванні РГВ(с) арганізавана ўзаемадзеянне па этапах вядзення абарончых дзеянняў, а таксама пытаннях арганізацыі тэрытарыяльнай абароны ў зонах адказнасці аб'яднанняў.
Асабовы склад злучэнняў і воінскіх часцей працягвае адпрацоўку пытанняў вядзення контр-дыверсійных дзеянняў.
Падраздзяленні тэрытарыяльных войскаў удзельнічаюць у рэалізацыі адміністратыўных і ваенных мер па забеспячэнню рэжыму ваеннага становішча, ахове і абароне важных дзяржаўных і ваенных аб'ектаў.
Сёння сваю канцэртную праграму, прысвечаную 65-годдзю Вялікай Перамогі, удзельнікам вучэння пакажа Акадэмічны ансамбль песні і танца Узброеных Сіл Рэспублікі Беларусь.
Лётчыкі адпрацавалі пытанні сумеснага вучэбна-баявога прымянення.
Паведамленне аб'яднанага прэс-цэнтра вучэння
Сёння, 21 верасня, лётчыкі Ваенна-паветраных сіл Рэспублікі Беларусь і Расійскай Федэрацыі адпрацавалі пытанні сумеснага вучэбна-баявога прымянення на палігоне Абуз-Лясноўскі.
Пілоты армейскай авіяцыі разам з беларускімі калегамі вывучылі асаблівасці выканання задач па нанясенню ўдараў па розным вучэбным цэлям, схему баявога прымянення па падаўленню агню тактычных пазіцый, а таксама высадку дэсанта з верталётаў Мі-8.
Экіпажы Су-27 ВПС Расіі адпрацавалі элементы паветранага бою.
20 верасня 2009 года
Трэці дзень вучэння. Па паведамленню аб'яднанага прэс-цэнтра вучэння
У адпаведнасці са створаным аператыўным становішчам органы ваеннага кіравання ад кіраўніцтва Аб'яднанага штаба РГВ(с) да штаба батальёна працягваюць адпрацоўку задач па планаванню абарончых дзеянняў і арганізацыі ўзаемадзеяння.
У ходзе працы вырашаюцца пытанні ўзгодненага кіравання злучэннямі і воінскімі часцямі, а таксама прыдадзенымі падраздзяленнямі авіяцыі, артылерыі, зенітна-ракетных інжынерных і воінскіх часцей забеспячэння.
На пунктах кіравання штаба зоны тэрытарыяльнай абароны працягваецца праца па каардынацыі дзеянняў падраздзяленняў тэрытарыяльных войскаў.
Ва ўпраўленні войскамі Паўночна-заходняга аператыўна-тактычнага камандавання Ваенна-паветраных сіл і войскаў супрацьпаветранай абароны асноўныя намаганні сканцэнтраваны на ўдасканаленні практычнай падрыхтоўкі лётнага і лётна-тэхнічнага асабовага складу да выканання задач па прызначэнню.
Злучэнні і воінскія часці Сухапутных войскаў працягваюць удасканальваць займаемыя пазіцыі ў інжынерных адносінах і праводзяць мерапрыемствы па супрацьдзеянню разведвальна-дыверсійнай дзейнасці.
Сёння ў раёнах правядзення вучэння плануецца правесці шэраг святочных мерапрыемстваў, прымеркаваных да прафесіянальнага свята беларускіх ваенных - Дню мотастралкоў. У праграме - выступленне канцэртных брыгад Акадэмічнага ансамбля песні і танца Узброеных Сіл, Заслужанага калектыву "Узорна-паказальны аркестр Узброеных Сіл Рэспублікі Беларусь", Драматычнага тэатра Беларускай арміі, лаўрэатаў і пераможцаў міжнародных конкурсаў ваенна-патрыятычнай песні і тэлевізійнага конкурсу армейскай песні "Звязда".
19 верасня 2009 года
Працягваюцца вучэнні "Захад-2009". Па паведамленню прэс-цэнтра вучэння
Працягваецца аператыўна-стратэгічнае вучэнне "Захад-2009".
У рамках вучэння Аб'яднанае Камандаванне РГВ(с) пачало непасрэдную падрыхтоўку абарончай аперацыі. Асноўная ўвага надаецца пытанням дасягнення зладжанасці ў працы Аб'яднанага камандавання РГВ(с), органаў ваеннага кіравання Узброеных Сіл Рэспублікі Беларусь, упраўленняў аператыўных і аператыўна-тактычных камандаванняў, злучэнняў і воінскіх часцей Рэспублікі Беларусь і Расійскай Федэрацыі ў перыяд непасрэднай падрыхтоўкі абарончай аперацыі.
На працягу першых двух дзён, у адпаведнасці з задумай вучэння, у АК РГВ(с) адпрацоўваюцца пытанні сумеснага планавання аперацый, кіравання сіламі і сродкамі аб'яднанай групоўкі войскаў і вучэбна-баявых дзеянняў падраздзаленняў. Злучэнні і воіскія часці Узброеных Сіл Расійскай Федэрацыі завяршаюць перадыслакацыю ў раёны правядзення вучэння.
Штабы зон тэрытарыяльнай абароны пачалі працу на пунктах кіравання. Падраздзяленні тэрытарыяльных войскаў выконваюць вучэбна-баявыя задачы па забеспячэнню дзеянняў рэгіянальнай групоўкі войскаў (сіл).
На сумеснае баявое дзяжурства па супрацьпаветранай абароне заступілі 927-я знішчальная авіяцыйная база ВПС і войскаў СПА Рэспублікі Беларусь і 14-ы знішчальны авіяцыйны полк ВПС Расійскай Федэрацыі.
Лётчыкі заступілі на сумеснае баявое дзяжурства. Па паведамленню прэс-цэнтра вучэння
Сёння ў 8.00 на аэрадроме Асаўцы ў адпаведнасці з задумай аператыўна-стратэгічнага вучэння "Захад-2009" на сумеснае баявое дзяжурства па супрацьпаветранай абароне заступілі 927-я знішчальная авіяцыйная Кенігсбергская Чырвонасцяжная ордэна Аляксандра Неўскага Паўночна-заходняга аператыўна-стратэгічнага камандавання ВПС і войскаў СПА Рэспублікі Беларусь і 14-ы гвардзейскі знішчальны авіяцыйны Чырвонасяжны Ленінградскі ордэна Суворава трэцяй ступені полк ВПС Расійскай Федэрацыі.
Пасля правядзення рытуалу і давядзення загадаў аб заступлепнні на баявое дзяжурства на ваенным аэрадроме пад гукі дзяржаўных гімнаў былі падняты дзяржаўныя сцягі Рэспублікі Беларусь і Расійскай Федэрацыі.
18 верасня 2009 года
Адбылося пасяджэнне Сумеснай кансультатыўнай групы па пытаннях кантролю над узбраеннямі
У перыяд з 15 па 18 верасня ў рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў г. Мінску адбылося пасяджэнне Сумеснай кансультатыўнай групы па пытаннях кантролю над узбраеннямі. Расійскую дэлегацыю на перамовах узначаліў прадстаўнік Нацыянальнага цэнтра па памяншэнню ядзернай небяспекі Расійскай Федэрацыі палкоўнік Сяргей Забела. У ходзе пасяджэння былі ўзгоднены пазіцыі і сумесныя дзеянні бакоў па пытаннях выканання міжнародных дагавораў і пагадненняў у галіне кантролю над узбраеннямі.
Літоўскія інспектары наведалі 61-ю заб
16 верасня ў рамках Дамоўленасці Рэспублікі Беларусь і Літоўскай Рэспублікі аб дадатковых мерах даверу і бяспекі інспекцыйная група Літоўскай Рэспублікі правяла наведванне па ацэнцы 61-й знішчальнай авіяцыйнай базы Узброеных Сіл Рэспублікі Беларусь. У ходзе наведвання была пацверджана інфармацыя, дадзеная Рэспублікай Беларусь дзяржавам удзельніцам АБСЕ ў рамках Венскага дакумента 1999 года ў адносінах да асабовага складу асноўных сістэм узбраення і ваеннай тэхнікі.
16 верасня 2009 года
Завяршаецца перадыслакацыя авіяцыі Расійскай Федэрацыі
Завяршаецца перадыслакацыя на аэрадромы ВПС і войскаў СПА Рэспублікі Беларусь авіяцыі Ваенна-паветраных сіл Расійскай Федэрацыі, якая ўдзельнічае ў аператыўна-стратэгічным вучэнні "Захад-2009".
16 верасня на аэрадром Баранавічы 61-й знішчальнай авіяцыйнай базы зрабілі пасадку расійскія знішчальнікі Су-27 968-га Севастопальскага ордэнаў Чырвонага Сцяга і Суворава III ступені даследча-інструктарскага змешанага авіяцыйнага палка 4-га ЦБП і ПЛС.
Хлебам-соллю на беларускай зямлі сустрэлі расійскіх лётчыкаў. Адбыўся ўрачысты мітынг, на якім выступілі прадстаўнікі мясцовых органаў улады, камандаванне воінскіх часцей, ветэраны, прадстаўнікі маладзёжных арганізацый.
Раней на ваенныя аэрадромы Рэспублікі Беларусь для ўдзелу у АСВ "Захад-2009" прызямліліся самалёты Су-24, Су-25, Міг-29, верталёты Мі-28Н ВПС Расійскай Федэрацыі.
Усяго ў вучэннях будзе задзейнічана больш за 100 лятальных апаратаў (самалётаў і верталётаў) Расіі і Беларусі.
15 верасня 2009 года
Беларускія ЗРК на палігоне Цялемба
15 верасня з аэрадрома Мачулішчы ў Чыцінскую вобласць адправіліся беларускія воіны-ракетчыкі. На расійскім палігоне Цялемба (513-ы вучэбны цэнтр баявога прымянення ВПС Расійскай Федэрацыі) яны прымуць удзел у тактычным вучэнні з баявой стральбой у рамках АСВ "Захад-2009".
Баявыя разлікі 377-га гвардзейскага і 825-га зенітных ракетных палкоў Паўночна-Заходняга аператыўна-тактычнага камандавання ВПС і войскаў СПА ў рамках вучэння павінны будуць адпрацаваць пытанні вядзення баявых дзеянняў у складзе рэгіянальнай групоўкі войскаў (сіл) па адбіццю ўдараў з паветра ва ўмовах прымянення высокадакладнай зброі і дзеянняў сіл спецыяльных аперацый.
Дзеянні дзяжурных сіл будуць правераны палётамі кантрольных цэляў. А літаральна на другі дзень, 23-24 верасня, адбудуцца баявыя стрэльбы.
14 верасня 2009 года
Створаны новы праект
У мэтах аператыўнага інфармавання грамадскасці, сродкаў масавай інфармацыі аб мерапрыемствах, якія праводзяцца ў рамках аператыўна-стратэгічнага вучэння "Захад-2009" Міністэрствам абароны Рэспублікі Беларусь створаны і размешчаны ў глабальнай сетцы спецыяльны праект , на рэсурсах якога ў кругласутачным режыме плануецца размяшчаць самую дакладную і аператыўную інфармацыю аб ходзе вучэння.
12 верасня 2009 года
Аб ваенным будаўніцтве з першых вуснаў
11 верасня на базе ваенна-тэхнічнага факультэта Беларускага дзяржаўнага тэхнічнага ўніверсітэта і Ваеннай акадэміі Рэспублікі Беларусь пад кіраўніцтвам Міністра абароны Рэспублікі Беларусь генерал-палкоўніка Леаніда Мальцава прайшоў семінар з кіраўнікамі рэспубліканскіх сродкаў масавай інфармацыі.
Асноўнай тэмай форуму з'яўлялася: "Нацыянальная сістэма ваеннай адукацыі ў Рэспубліцы Беларусь. Вучэнні як асноўная форма падрыхтоўкі войскаў".
У мерапрыемстве прынялі ўдзел намеснік Міністра інфармацыі Рэспублікі Беларусь Аляксандр Слабадчук, а таксама кіраўнікі вядучых рэспубліканскіх СМІ.
Удзельнікі семінара азнаёміліся з сучаснай сістэмай падрыхтоўкі кадраў для беларускай арміі, магчымасцямі Ваеннай акадэміі і грамадзянскіх ВНУ краіны па комплекснаму вырашэнню задач падрыхтоўкі і выпуску высокакваліфікаваных ваенных спецыялістаў.
Кіраўнікам беларускіх мас-медыя былі прадстаўлены сучасныя методыкі, тэхналогіі і абсталяванне, якія выкарыстоўваюцца ў вучэбным працэсе. Вялікі інтарэс у журналістаў выклікалі сучасныя трэнажорныя комплексы і камп'ютэрныя праграмы, якія прымяняюцца ў працэсах падрыхтоўкі афіцэраў.
Разам з асвятленнем пытанняў ваеннай адукацыі ў сваім выступленні перад удзельнікамі семінара кіраўнік ваеннага ведамства генерал-палкоўнік Леанід Мальцаў падрабязна спыніўся на аператыўна-стратэгічным вучэнні "Захад-2009".
Плануецца, што ў АСВ прымуць удзел каля 13 тысяч чалавек, з іх каля 7 тысяч чалавек з беларускага боку і каля 6 тысяч - з расійскага. У ходзе АСВ плануецца прызваць каля 1800 ваеннаабавязаных.
У рамках вучэння будзе задзейнічана баявая і спецыяльная тэхніка, у тым ліку 103 лятальных апарата (63 самалёта і 40 верталётаў), каля 470 баявых браніраваных машын, 228 танкаў, 234 самаходных і буксіруемых артылерыйскіх установак, мінамётаў і РСЗА.
Асноўнае месца правядзення аператыўна-стратэгічнага вучэння - Абуз-Лясноўскі палігон, дзе будуць адпрацаваны асноўныя мерапрыемствы практычных дзеянняў войскаў (сіл).
Рыхтуючыся да правядзення вучэнняў, наша краіна дэманструе поўную адкрытасць сваіх намераў. У адпаведнасці з працэдурамі, вызначанымі Венскім дакументам 1999 года, Рэспубліка Беларусь накіравала запрашэнні назіральнікам усіх суседніх дзяржаў (Латвіі, Літвы, Расіі, Польшчы і Украіны), а таксама прадстаўнікам ваенна-дыпламатычнага корпуса іншых краін, акрэдытаваных пры Міністэрстве абароны Рэспублікі Беларусь.
11 верасня 2009 года
Першы беларускі паветраны эшалон вылецеў у Расію для ўдзелу ў вучэннях
Сёння раніцай з аэрадрома Асаўцы (г. Бяроза) адправіўся першы паветраны эшалон на расійскі палігон Алушук Астраханскай вобласці.
Для ўдзелу ў буйнамаштабных вучэннях "Захад-2009" і "Баявая садружнасць-2009" вылецелі шэсць самалётаў Міг-29 927-й знішчальнай авіяцыйнай базы і адзін ваенна-транспартны самалёт Іл-76 з ваеннаслужачымі 115-й зенітнай ракетнай брыгады і 927-й заб на борце.
25 верасня лётчыкі 927-й заб на самалётах МіГ-29 ўпершыню ў гісторыі Узброеных Сіл Рэспублікі Беларусь ажыццявяць пускі кіруемых ракет у начны час. Іх цэллю стане парашутная мішэнь ПМ-6, якая імітуе цеплакантрастныя цэлі - верталёты і беспілотныя лятальныя апараты. Акрамя таго, самалёты-знішчальнікі, прызначаныя для паветраных баёў, на расійскім палігоне павінны будуць выканаць неўласцівую ім задачу - атаку наземных цэляў парай са складаных відаў манёўру.
15-ю зрбр у астраханскіх стэпах прадставяць тры дывізіёны зенітна-ракетных сістэм С-300 са сваёй штатнай тэхнікай і ўзбраеннем. Таксама ў дзеле будзе праверана "трохсотка", якая прайшла капітальны рамонт на беларускім заводзе па рамонту радыёэлектроннага ўзбраення (раней нашы зенітныя ракетныя комплексы рамантаваліся толькі на тэрыторыі Расіі).
10 верасня 2009 года
Група беларускіх ваенных інспектараў наведае Польшчу
У перыяд з 14 па 19 верасня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правядзе інспекцыі дзвюх воінскіх часцей узброеных сіл Рэспублікі Польшча. У ходзе інспекцый будзе праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці. У склад беларускай інспекцыйнай групы таксама ўключаны па аднаму запрошанаму інспектару з Казахстана и Украіны.
9 верасня 2009 года
Першы эшалон з расійскімі ваеннаслужачымі прыбыў для ўдзелу ў АСВ "Захад-2009"
Падрыхтоўка да аператыўна-стратэгічнага вучэння "Захад-2009" уступіла ў сваю завяршальную фазу.
Сёння на станцыю Заслонава (Віцебская вобласць) прыбыў першы чыгуначны эшалон з ваеннаслужачымі і ваеннай тэхнікай для ўдзелу ў аператыўна-стратэгічным вучэнні "Захад-2009". Гэта інжынернае падраздзяленне прыме ўдзел у падрыхтоўцы і абсталяванні раёнаў правядзення вучэння.
На чыгуначнай станцыі адбыўся ўрачысты мітынг, прысвечаны сустрэчы расійскіх удзельнікаў аператыўна-стратэгічнага вучэння. У мерапрыемстве прынялі ўдзел расійскія і беларускія ваеннаслужачыя, прадстаўнікі мясцовых органаў улады і грамадскіх арганізацый, а таксама жыхары населенага пункта Заслонава. Расійскія ваеннаслужачыя ўсклалі кветкавую гірлянду да помніка Герою Савецкага Саюза Канстанціну Заслонаву.
Начальнік расійскага эшалона падпалкоўнік Дзмітрый Курзаеў адзначыў: "Мы знаходзімся на беларускай зямлі, шчодра палітай крывёю нашых дзядоў і прадзедаў. У нашых народаў ёсць агульная Пабеда ў гады Вялікай Айчыннай Вайны. Сімвалічна і апраўдана, што сёння мы разам вучымся абараняць наша агульнае мінулае, сучаснае і будучае".
Як падкрэслілі самі расійскія ваеннаслужачыя - яны прыбылі на брацкую беларускую зямлю, на якой пражывае непакорны беларускі народ, які паказаў яркія прыклады гераізму ў барацьбе за сваю Айчыну, прыклады служэння дабру і справядлівасці. Народ, які заслугоўвае самай глыбокай павагі і ўдзячнасці. Народ, які забяспечвае бяспеку як сваёй дзяржавы, так і бяспеку Расіі на Заходніх рубяжах.
Пазіцыя брацкай Беларусі выказана ў словах Прэзідэнта Рэспублікі Беларусь А.Г. Лукашэнка: "Беларусь не таргуе дружбай з Расіяй. Мы брацкія народы. Мы адзін народ".
Вучэнне праходзіць у год 65-годдзя вызвалення Беларусі ад нямецка-фашысцкіх захопнікаў і напярэдадні 65-гадовага юбілею Вялікай Перамогі.
Менавіта наша агульная Вялікая Перамога сімвалізуе сумесны ўклад у разгром агрэсара, а сёння, праз 65 гадоў - яшчэ раз пацвярджае, што разам мы вырашалі і вырашым любыя задачы.
Сёння мы разам вырашаем задачу забеспячэння ваеннай бяспекі нашых дзяржаў, Саюзнай дзяржавы ў цэлым.
Вучэнне "Захад-2009" з'яўляецца лагічным працягам вучэнняў апошніх гадоў і накіравана, перш за ўсё, на праверку функцыянавання сістэмы сумеснай абароны Саюзнай дзяржавы, яе здольнасці вырашаць задачы забеспячэння нацыянальнай і рэгіянальнай бяспекі.
Як адзначалася раней, колькасць асабовага складу, які прыме ўдзел у АСВ, складзе каля 13000 чалавек, з іх каля 7 тысяч з беларускага боку і каля 6 тысяч - з расійскага.
8 верасня 2009 года
Выкананне задач аператыўна-стратэгічнага вучэння "Захад-2009" на тэрыторыі Расійскай Федэрацыі распачала расійская частка РГВ(с)
Сёння 8 верасня выкананне задач аператыўна-стратэгічнага вучэння "Захад-2009" на тэрыторыі Расійскай Федэрацыі распачала расійская частка рэгіянальнай групоўкі войскаў (сіл).
На тэрыторыі Рэспублікі Беларусь вучэнне пачнецца 18 верасня.
Як паведамлялася раней, тэмай вучэння з'яўляецца "Падрыхтоўка і прымяненне рэгіянальнай групоўкі войскаў (сіл) Рэспублікі Беларусь і Расійскай Федэрацыі для забеспячэння ваеннай бяспекі Саюзнай Дзяржавы".
Мэтамі вучэння з'яўляюцца:
Праверка магчымасцей Рэспублікі Беларусь і Расійскай Федэрацыі на забеспячэнню ваеннай бяспекі Саюзнай дзяржавы;
Павышэнне зладжанасці органаў ваеннага кіравання, палявой, паветранй вывучкі злучэнняў і воінскіх часцей, якія ўваходзяць у склад РГВ(с) Беларусі і Расіі.
У вучэнні прымуць удзел больш за 12,5 тысяч чалавек асабовага складу, больш за 200 адзінак баявых танкаў, 470 адзінак баявых браніраваных машын, больш за 100 лятальных апаратаў, больш за 200 адзінак самаходнай і буксіруемай артылерыйскай зброі, мінамётаў і ракетных сістэм залпавага агню.
Прыбыццё першага чыгуначнага эшалона с падраздзяленнямі Узброеных Сіл Рсійскай Федэрацыі заплана на заўтра 9 верасня.
Вучэнне працягнецца да 29 верасня 2009 года.
7 верасня 2009 года
Двухбаковая сустрэча прадстаўнікоў узброеных сіл Беларусі і Францыі
9 і 10 верасня ў горадзе Крэй (Францыя) пройдзе двухбаковая сустрэча прадстаўнікоў узброеных сіл Рэспублікі Беларусь і Французскай Рэспублікі па пытаннях супрацоўніцтва ў галіне кантролю над узбраеннямі. Беларускую дэлегацыю ўзначаліць начальнік Нацыянальнага агенцтва па кантролю і інспекцыях - дэпартамента Міністэрства абароны палкоўнік Алег Горбач.
4 верасня 2009 года
Высокія ўзнагароды Радзімы
Па паведамленню прэс-службы Кіраўніка дзяржавы Прэзідэнт Рэспублікі Беларусь Аляксандр Лукашэнка 4 верасня ўручыў дзяржаўныя ўзнагароды прадстаўнікам розных сфер народнай гаспадаркі, сілавых структур, спорту.
Ганаровае званне "Заслужаны ўрач Беларусі" прысвоена начальніку ваенна-медыцынскага факультэта Беларускага дзяржаўнага ўніверсітэта Святаславу Шнітко.
Вучэбны курс інспектараў па дагаворах у вобласці кантролю над узбраеннямі
З 31 жніўня па 11 верасня на базе Нацыянальнага агенцтва па кантролю і інспекцыям дэпартамента Міністэрства абароны праводзіцца курс па абмену вопытам інспектараў\суправаджальнікаў па дагаворах у вобласці кантролю над узбраеннямі і паглыбленню ведаў рускай мовы з прадстаўнікамі верыфікацыйных цэнтраў дзяржаў-удзельніц НАТА і АБСЕ. У мерапрыемстве прымаюць удзел 10 прадстаўнікоў верыфікацыйных цэнтраў Бельгіі, Вялікабрытаніі, Германіі, Даніі, Польшчы, Францыі і Чэхіі. У правядзенні заняткаў у якасці экспертаў па кантролю над узбраеннямі таксама прымаюць удзел прадстаўнікі верыфікацыйнага каардынацыйнага камітэта НАТА і ўпраўлення верыфікацыі генеральнага штаба узброеных сіл Украіны.
1 верасня 2009 года
Трохбаковая сустрэча начальнікаў Генеральных штабоў
З 4 па 5 верасня ў г. Брэсце адбудзецца трохбаковая прыгранічная сустрэча начальнікаў Генеральных штабоў Узброеных Сіл Рэспублікі Беларусь, Рэспублікі Польшча і Украіны. У ходзе мерапрыемства начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-лейтэнант Сяргей Гурулёў, начальнік Генеральнага штаба Войска Польскага генерал Францішак Гангор і начальнік Генеральнага штаба - Галоўнакамандуючы Узброеных Сіл Украіны генерал арміі Сяргей Кірычэнка абмяркуюць пытанні будаўніцтва і развіцця Узброеных Сіл, а таксама перспектывы ваеннага супрацоўніцтва трох краін. Праграмай сустрэчы прадугледжана наведванне 38-й асобнай гвардзейскай мабільнай брыгады і мемарыяльнага комплексу "Брэсцкая крэпасць-герой". Удзельнікі сустрэчы ўскладуць вянкі да Вечнага агню.
Новыя назначэнні
Па паведамленню прэс-службы Кіраўніка дзяржавы Указам Прэзідэнта Рэспублікі Беларусь генерал-маёр Сяргей Барысенак вызвалены ад пасады камандуючага войскамі Паўночна-заходняга аператыўнага камандавання Узброеных Сіл Рэспублікі Беларусь і звольнены з вайсковай службы ў запас па стану здароўя.
Прэзідэнт Рэспублікі Беларусь Аляксандр Лукашэнка сваім Указам назначыў генерал-маёра Івана Чаўса камандуючым войскамі Паўночна-заходняга аператыўнага камандавання Узброеных Сіл Рэспублікі Беларусь, вызваліўшы яго ад пасады начальніка штаба - першага намесніка камандуючага войскамі Паўночна-заходняга аператыўнага камандавання Узброеных Сіл Рэспублікі Беларусь.
Кіраўнік дзяржавы сваім Указам назначыў палкоўніка Андрэя Раўкава начальнікам штаба - першым намеснікам камандуючага войскамі Паўночна-заходняга аператыўнага камандавання Узброеных Сіл Рэспублікі Беларусь.
30 жніўня 2009 года
Прэс-служба паведамляе
30 жніўня 2009 года ў час выканання фігур вышэйшага пілатажу на авіясалоне ў г. Радам (Рэспубліка Польшча) самалёт Су-27УБМ стаў траціць вышыню. Пілоты вышэйшай катэгорыі прафесіянальнай падрыхтоўкі, лётчыкі-снайперы палкоўнік Аляксандр Марфіцкі і палкоўнік Аляксандр Жураўлевіч адвялі самалёт на максімальную адлегласць ад населенага пункта і цаной свайго жыцця прадухілілі больш сурьёзныя вынікі. Па папярэдняй версіі прычынай таго, што здарылася, з'яўляецца пападанне птушкі ў паветразаборнік рухавіка. Падрабязнасці высвятляюцца створанай камісіяй Міністэрства абароны. Міністэрства абароны выказвае спачуванні родным і блізкім загінуўшых ваеннаслужачых.
28 жніўня 2009 года
Армейскі спартсмен Сяргей Шундзікаў стаў сярэбраным прызёрам чэмпіянату свету па дзюдо ў Нідэрландах
Беларускі дзюдаіст Сяргей Шундзікаў (весая катэгорыя да 81 кг) стаў сёння сярэбраным прызёрам чэмпіянату свету, які праходзіць у галандскім Ротэрдаме. У схватцы за золата армейскі спартсмен Сяргей Шундзікаў, які займае 3-ю пазіцыю ў міравым рэйтынгу ў сваім весе, уступіў лідэру класіфікацыі расіяніну Івану Ніфонтаву, які з'яўляецца таксама чэмпіёнам Еўропы-2009.
На шляху да фіналу беларус датэрмінова адолеў пяць сапернікаў - венгра Шандора Надзьсалімошы, дамініканца Амаўры Мігеля Хіменэса, егіпцяніна Хатэма Абд Эль Акхера, француза Акселя Клержэ сярэбранага прызёра Алімпіяды-2008 паўднёвакарэйца Чжаэ Бум Кіма.
28 жніўня 2009 года
Беларускія лётчыкі прымаюць удзел у міжнародным авіяшоу
Лётчыкі ВПС і войскаў СПА прымаюць удзел у 11-м міжнародным авіяшоу, якое праходзіць у горадзе Радам (Польшча) з 27 па 31 жніўня.
Беларускія Узброеныя Сілы прадстаўляюць на выстаўцы франтавы бамбардзіроўшчык Су-24М 116-й гвардзейскай Радамскай Чырвонасцяжнай бамбардзіровачна-разведвальнай авіяцыйнай базы і транспартны самалёт Іл-76МД 50-й змешанай авіяцыйнай ордэна Чыровнай зоркі базы.
Праграмай авіяшоў прадугледжана выкананне дэманстрацыйнага палёту беларускага шматфункцыянальнага знішчальніка Су-27 УБМ.
19 жніўня 2009 года
Бронза на чэмпіянаце па парашутным спорце
На 34 чэмпіянаце свету па парашутным спорце, які праходзіць у г. Лучанец (Славакія), армейская спартсменка, спартсмен-інструктар Спартыўнага камітэта Узброеных Сіл Рэспублікі Беларусь старшы прапаршчык Алена Ярмальчук у індывідуальных акрабатычных скачках заваявала бронзавы медаль. 1-е месца заняла Ірэна Абель (Славакія). 2-е месца - Алена Лакціонава (Расія).
Срэбра ў стральбе
У горадзе Заграбе (Харватыя) абдыўся чэмпіянат свету сярод ваеннаслужачых па кулявой стральбе. Армейская спартсменка лейтэнант Жанна Шапялевіч у заваявала сярэбраны медаль у індывідуальным заліку ў стральбе з пісталета.
14 жніўня 2009 года
Беларускія лётчыкі прымуць удзел у міжнародным авіяшоу
Лётчыкі ВПС і войскаў СПА прымуць удзел у 11-м міжнародным авіяшоу, якое адбудзецца ў горадзе Радам (Польшча) з 27 па 31 жніўня.
Беларускія Узброеныя Сілы прадставяць на выстаўцы франтавы бамбардзіроўшчык Су-24М 116-й гвардзейскай Радамскай Чырвонасцяжнай бамбардзіровачна-разведвальнай авіяцыйнай базы і транспартны самалёт Іл-76МД 50-й змешанай авіяцыйнай ордэна Чырвонай зоркі базы.
Наведвальнікі авіяшоу таксама змогуць убачыць дэманстрацыйны палёт беларускага шматфункцыянальнага знішчальніка Су-27 УБМ 61-й знішчальнай авіяцыйнай базы Заходняга аператыўна-тактычнага камандавання.
Традыцыйна авіяшоу на ваенным аэрадроме ў горадзе Радам наведваюць каля 200 тыс. гасцей. У гэтым годзе запрашэнні прыняць удзел у мерапрыемстве былі накіраваны ў 25 краін свету.
13 жніўня 2009 года
Беларуская інспекцыйная група правяла інспекцыю на тэрыторыі Славакіі
У перыяд з 10 па 12 жніўня ў рамках Венскага дакумента 1999 года інспекцыйная група Рэспублікі Беларусь правяла інспекцыю вызначанага раёна на тэрыторыі Славацкай Рэспублікі. У ходзе інспекцыі была пацверджана адсутнасць у вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года. У складзе інспекцыйнай групы Рэспублікі Беларусь у правядзенні інспекцыі ўдзельнічаў прадстаўнік Кыргызскай Рэспублікі.
12 жніўня 2009 года
Працоўны візіт начальніка Генеральнага штаба
13 - 14 жніўня адбудзецца працоўны візіт у Расійскую Федэрацыю начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-лейтэнанта Сяргея Гурулёва.
Праграмай візіту прадугледжана яго сустрэча з начальнікам Генеральнага штаба Узброеных Сіл - першым намеснікам Міністра абароны Расійскай Федэрацыі генералам арміі Мікалаем Макаравым.
Генерал-лейтэнант Сяргей Гурулёў азнаёміцца з ходам падрыхтоўкі органаў ваеннага кіравання і войскаў 20 арміі маскоўскай ваеннай акругі да удзелу ў аператыўна-стратэгічным вучэнні "Захад-2009".
У ходзе візіту плануецца абмеркаваць перспектывы супрацоўніцтва Рэспублікі Беларусь і Расійскай Федэрацыі ў ваеннай сферы.
10 жніўня 2009 года
Інспекцыя на тэрыторыі Славакіі
У перыяд з 10 па 12 жніўня ў рамках Венскага дакумента 1999 года інспекцыйная група Рэспублікі Беларусь праводзіць інспекцыю вызначанага раёна на тэрыторыі Славацкай Рэспублікі. Мэтай інспекцыі з'яўляецца пацвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года. У склад інспекцыйнай групы Рэспублікі Беларусь уключаны прадстаўнік Кыргызскай Рэспублікі.
7 жніўня 2009 года
Сумесная штабная трэніроўка "Багоў вайны"
У адпаведнасці з планам падрыхтоўкі Узброеных Сіл Рэспублікі Беларусь у 2009 годзе, у перыяд з 5 па 6 жніўня праведзена сумесная штабная трэніроўка ракетных войскаў і артылерыі Узброеных Сіл. Мерапрыемства адбылося пад кіраўніцтвам начальніка ракетных войскаў і артылерыі Узброеных Сіл - начальніка ўпраўлення ракетных войскаў і артылерыі Генеральнага штаба Узброеных Сіл генерал-маёра Міхаіла Пузікава.
Да трэніроўкі прыцягваліся: упраўленне ракетных войскаў і артылерыі Генеральнага штаба Узброеных Сіл, аддзелы ракетных войскаў і артылерыі аператыўных камандаванняў, упраўленні ракетных і артылерыйскіх злучэнняў і воінскіх часцей.
Галоўнай мэтай трэніроўкі ставілася павышэнне ўзроўню практычных навыкаў камандзіраў і штабаў пры падрыхтоўцы і ў ходзе выканання задач па прызначэнню.
Трэніроўка з'явілася адным з этапаў падрыхтоўкі органаў кіравання ракетных войскаў і артылерыі Узброеных Сіл да аператыўна-стратэгічнага вучэння "Захад-2009".
6 жніўня 2009 года
8 жніўня больш за 9 тысяч ваеннаслужачых прымуць ваенную прысягу
Больш за 9 тысяч ваеннаслужачых, прызваных ва Ўзброеныя Сілы на тэрміновую ваенную службу і службу ў рэзерве ў ліпені 2009 года, прымуць ваенную прысягу. Урачыстая цырымонія адбудзецца 8 жніўня 2009 года ў злучэннях і воінскіх часцях Узброеных Сіл Рэспублікі Беларусь.
Па традыцыі павіншаваць маладых воінаў у злучэнні і воінскія часці прыбудуць прадстаўнікі Міністэрства абароны, камандаванняў відаў Узброеных Сіл, мясцовых органаў улады, грамадскіх арганізацый, родныя і блізкія ваеннаслужачых.
Усяго ў ходзе летняга прызыву 2009-га года ва Узброеныя Сілы, іншыя войскі і воінскія фарміраванні Рэспублікі Беларусь накіраваны каля 10 тысяч прызыўнікоў, яшчэ каля 2 тысяч будуць праходзіць службу ў рэзерве.
4 жніўня 2009 года
Беларуская інспекцыйная група працуе ў Германіі
У перыяд з 3 па 7 жніўня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь праводзіць інспекцыі дзвюх воінскіх часцей узброеных сіл Федэратыўнай Рэспублікі Германія. У ходзе інспекцый правяраецца адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
30 ліпеня 2009 года
Адбыўся назіральны палёт над Беларуссю
У перыяд з 29 па 31 ліпеня ў рамках Дагавора па адкрытым небе быў праведзены назіральны палёт місіі Рэспублікі Польшча над тэрыторыяй групы дзяржаў-удзельніц Рэспубліка Беларусь і Расійская Федэрацыя на ўкраінскім самалёце назірання АН-30Б. Мэтай палёту быў кантроль ваеннай дзейнасці на тэрыторыі назіраемых дзяржаў.
29 ліпеня 2009 года
Дзяжурныя сілы па супрацьпаветранай абароне Беларусі і Украіны правялі сумесную трэніроўку
28 ліпеня ў адпаведнасці з Пагадненнем паміж Міністэрствам абароны Рэспублікі Беларусь і Міністэрствам абароны Украіны аб абмене інфармацыі аб палётах паветраных судоў прайшла трэніроўка дзяжурных сіл па супрацьпаветранай абароне Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь і Узброеных Сіл Украіны.
Тэма трэніроўкі: "Кіраванне дзяжурнымі сіламі па супрацьпаветранай абароне Ваенна-паветраных сіл і войскаў супрацьпаветранай абароны Узброеных Сіл Рэспублікі Беларусь і Паветраных сіл Узброеных Сіл Украіны".
Асноўнымі мэтамі трэніроўкі былі ўдасканаленне пытанняў узаемадзеяння дзяжурных сіл па супрацьпаветранай абароне ВПС і войскаў СПА Узброеных Сіл Рэспублікі Беларусь і Паветраных сіл Узброеных Сіл Украіны пры выкананні імі задач баявога дзяжурства, павышэнне навыкаў баявых разлікаў камандных пунктаў па кіраванню дзеяннямі дзяжурных сіл па СПА.
У ходзе трэніроўкі дзяжурныя сілы правераны палётамі кантрольных цэляў без перасячэння Дзяржаўнай мяжы Рэспублікі Беларусь і Украіны, ацэнены дзеянні дзяжурных сіл па СПА ўзаемадзейных бакоў пры абмене інфармацыяй аб палётах паветраных судоў у прыгранічнай паласе.
Да трэніроўкі прыцягваліся органы кіравання і дзяжурныя сілы па супрацьпаветанай абароне дзвюх дзяржаў, разлікі зенітных і радыётэхнічных войскаў, а таксама экіпажы паветраных судоў Беларусі і Украіны.
Такая трэніроўка праводзілася ўпершыню.
27 ліпеня 2009 года
Назіральны палёт над Беларуссю
У перыяд з 29 па 31 ліпеня ў адпаведнасці з палажэннямі Дагавора па адкрытым небе плануецца правядзенне назіральнага палёту місіі Рэспублікі Польшча над тэрыторыяй групы дзяржаў-удзельніц Рэспубліка Беларусь і Расійская Федэрацыя на ўкраінскім самалёце назірання АН-30Б у мэтах кантролю ваеннай дзейнасці на тэрыторыі назіраемых дзяржаў.
24 ліпеня 2009 года
Беларусь наведала інспекцыйная група Германіі
У перыяд з 21 па 24 ліпеня ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведала інспекцыйная група Федэратыўнай Рэспублікі Германія пад кіраўніцтвам палкоўніка Міхаэля Шута для правядзення інспекцыі аб'яўленага месца. У ходзе інспекцыі быў правераны 72-гі гвардзейскі аб'яднаны вучэбны цэнтр падрыхтоўкі прапаршчыкаў і малодшых спецыялістаў, які з'яўляецца аб'ектам кантролю паводле палажэнняў ДЗУСЕ. Замежныя ваенныя інспектары пацвердзілі адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці і выкананне Рэспублікай Беларусь сваіх абавязацельстваў па ДЗУСЕ. У складзе нямецкай інспекцыйнай групы, акрамя васьмі ваенных інспектараў Германіі, прымаў удзел інспектар з Венгрыі.
22 ліпеня 2009 года
У перыяд з 22 па 24 ліпеня 2009 года адбудзецца афіцыйны візіт у Рэспубліку Беларусь Міністра абароны - сакратара Дзяржаўнага савета бяспекі Туркменістана
У перыяд з 22 па 24 ліпеня 2009 года адбудзецца афіцыйны візіт у Рэспубліку Беларусь Міністра абароны - сакратара Дзяржаўнага савета бяспекі Туркменістана палкоўніка Бердзіева Яйлыма Ягмыравіча.
У ходзе візіту будуць абмеркаваны пытанні ваеннага супрацоўніцтва
Чарговы поспех армейскіх спартсменаў
У горадзе Каўнас (Літва) адбыўся чэмпіянат Еўропы па лёгкай атлетыцы сярод моладзі (да 23 гадоў). Армейскія спартсмены, якія выступалі ў складзе зборнай Беларусі, унеслі свой уклад у поспех беларускай каманды: сярэбраны медаль выйграў радавы спартыўнай роты Спартыўнага камітэта Узброеных Сіл Рэспублікі Беларусь Дзяніс Сімановіч у спартыўнай хадзьбе на дыстанцыі 20 км і бронзавы медаль заваявала спартсмен-інструктар сяржант Аліна Талай у безе на дыстанцыі 100 м з бар'ерамі.
Усяго на ліку беларусаў 8 медалёў.
У спаборніцтвах прынялі ўдзел каля 1000 спартсменаў з 43 краін.
17 ліпеня 2009 года
Адбыўся палёт місіі над Беларуссю
У перыяд з 12 па 17 ліпеня ў рамках Дагавора па адкрытым небе быў праведзены назіральны палёт місіі Італьянскай Рэспублікі і Злучаных Штатаў Амерыкі над тэрыторыяй групы дзяржаў-удзельніц Рэспубліка Беларусь і Расійская Федэрацыя на італьянскім самалёце назірання С-130J у мэтах кантролю ваеннай дзейнасці на тэрыторыі назіраемых дзяржаў.
15 ліпеня 2009 года
Ваенныя эксперты з Беларусі працуюць на Украіне
З 14 па 16 ліпеня ў г. Кіеў (Украіна) два прадстаўнікі Узброеных Сіл Рэспублікі Беларусь прымаюць удзел у працоўнай сустрэчы экспертаў міністэрстваў абароны Рэспублікі Беларусь і Украіны па ацэнцы выканання Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі.
13 ліпеня 2009 года
Назіральны палёт над тэрыторыяй Беларусі
У перыяд з 12 па 17 ліпеня ў рамках Дагавора па адкрытым небе над тэрыторыяй групы дзяржаў-удзельніц Рэспубліка Беларусь і Расійская Федэрацыя на італьянскім самалёце назірання C-130J праводзіцца назіральны палёт місіі Італьянскай Рэспублікі і Злучаных Штатаў Амерыкі. Мэтай правядзення назіральнага палёту з'яўляецца кантроль ваеннай дзейнасці на тэрыторыі назіраемых дзяржаў.
10 ліпеня 2009 года
Ваенныя інспектары з Беларусі наведалі Польшчу
У перыяд з 7 па 10 ліпеня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правяла інспекцыі дзвюх воінскіх часцей узброеных сіл Рэспублікі Польшча, якія з'яўляюцца аб'ектамі кантролю ў адпаведнасці з палажэннямі Дагавора. У ходзе інспекцый была пацверджана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
8 ліпеня 2009 года
Поспехі армейцаў на Універсіядзе-2009
У Бялградзе з 1 па 12 ліпеня праходзіць XXV Сусветная летняя ўніверсіяда. Гэтыя спаборніцтвы сабралі студэнцкую спартыўную моладзь з 143 краін. У складзе студэнцкай зборнай Беларусі паспяхова выступаюць армейскія атлеты.
Армейская спартсменка прапаршчык Святлана Хахлова заваявала залаты медаль у плаванні на дыстанцыі 50 батэрфляем, паказаўшы лепшы рэзультат 25,97 секунд. На сённяшні дзень Святлана ўстанавіла пяты рэзультат у свеце ў гэтым сезоне, акрамя таго, яна ўстанавіла новы рэкорд Беларусі. У паўфінальным заплыве Святлана таксама паказала рэзультат, які пераўзыходзіў рэкорд краіны - 26, 47 секунды.
У паўфінале Універсіяды-2009 Святлана Хахлова была другой, аднак у рашаючым заплыве яна палепшыла савю пазіцыю. Срэбра выйграла італьянка Крысціна Маканьёла, а бронзавым прызёрам стала кітаянка Хон Венвен.
У рамках Універсіяды-2009 таксама прайшлі баі па таэквандо, на якіх вытсупаў армеец Ігар Расахацкі. Ва ўпартай барацьбе Ігар заваяваў бронзавы медаль у весавой катэгорыі 84 кг.
7 ліпеня 2009 года
Прадстаўнік Узброеных Сіл Рэспублікі Беларусь прыме ўдзел у назіральным палёце
З 6 па 10 ліпеня ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Рэспублікі Польшча на расійскім самалёце назірання АН-30Б. У ходзе правядзення назіральнага палёту будзе ажыццяўлён кантроль ваеннай дзейнасці на тэрыторыі назіраемай дзяржавы
6 ліпеня 2009 года
Інспекцыйная група Украіны наведвае Беларусь
У перыяд з 6 па 10 ліпеня ў рамках Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі інспекцыйная група Украіны пад кіраўніцтвам палкоўніка Ігара Туранскага правядзе інспекцыю вызначанага раёна на тэрыторыі Рэспублікі Беларусь і наведванне па ацэнцы 1199-га рэактыўнага артылерыйскага палка Узброеных Сіл Рэспублікі Беларусь. Мэтамі правядзення названых верыфікацыйных мерапрыемстваў з'яўляюцца пацвярджэнне адсутнасці ў вызначаным раёне на тэрыторыі Рэспублікі Беларусь буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года, а таксама ацэнка інфармацыі, прадстаўленай Рэспублікай Беларусь дзяржавам-удзельніцам АБСЕ ў рамках Венскага дакумента 1999 года ў дачыненні асабовага складу, асноўных сістэм узбраення і ваеннай тэхнікі наведваемай часці.
2 ліпеня 2009 года
Назіральны палёт над тэрыторыяй Польшчы
У перыяд з 6 па 10 ліпеня ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Рэспублікі Польшча на расійскім самалёце назірання АН-30Б. У ходзе правядзення назіральнага палёту будзе ажыццяўлён кантроль ваеннай дзейнасці на тэрыторыі назіраемай дзяржавы.
29 чэрвеня 2009 года
Візіт у Рэспубліку Беларусь працоўнай групы НАТА
У перыяд з 20 па 27 чэрвеня адбыўся візіт у Рэспубліку Беларусь працоўнай групы камандавання аб'яднаных узброеных сіл НАТА "Брунсюм". У рамках візіту былі праведзены заняткі з афіцэрамі Узброеных Сіл Рэспублікі Беларусь. Асноўная мэта візіту - падрыхтоўка беларускіх ваеннаслужачых для працы ў штабах многанацыянальных узброеных сіл.
Адбылася ваенная інспекцыя на тэрыторыі Беларусі
У перыяд з 22 па 27 чэрвеня ў адпаведнасці з палажэннямі Дагавора аб звычайных узброеных сілах у Еўропе (ДЗУСЕ) Рэспубліку Беларусь наведала інспекцыйная група Французскай Рэспублікі пад кіраўніцтвам падпалкоўніка Алена Муліа. У ходзе інспекцыі на выбар інспектараў былі правераны 814-ы цэнтр тэхнічнага забеспячэння і 61-я знішчальная авіяцыйная база Узброеных Сіл, якія з'яўляюцца аб'ектамі кантролю паводле палажэнняў ДЗУСЕ. Замежныя ваенныя інспектары пацвердзілі адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці і выкананне Рэспублікай Беларусь сваіх абавязацельстваў па ДЗУСЕ.
26 чэрвеня 2009 года
Завяршаецца падрыхтоўка да святочнага парада войскаў
Падрыхтоўка да парада войскаў, прысвечанага 65-годдзю вызвалення Рэспублікі Беларусь ад нямецка-фашысцкіх захопнікаў, падыходзіць да завяршальнага этапа.
27 і 30 чэрвеня на перасячэнні праспектаў Пераможцаў і Машэрава пройдуць генеральныя трэніроўкі сіл і сродкаў, якія задзейнічаны ва ўрачыстым праходжанні войскаў.
Усяго ў парадным страі перад мінчанамі і гасцямі беларускай сталіцы пройдзе 21 парадны разлік, у складзе якога сваю страявую выпраўку прадэманструюць выхаванцы Мінскага сувораўскага ваеннага вучылішча, ваеннаслужачыя Роты ганаровай варты Узброеных Сіл, 120 гвардзейскай асобнай механізаванай брыгады, курсанты і слухачы Ваеннай акадэміі Рэспублікі Беларусь, курсанты ваеннага факультэта Беларускага дзяржаўнага тэхнічнага ўніверсітэта, воіны 86 брыгады сувязі, транспартных войскаў і пагранічнага камітэта Рэспублікі Беларусь, ваеннаслужачыя сіл спецыяльных аперацый беларускай арміі, унутраных войскаў і Міністэрства па надзвычайных сітуацыях.
Таксама ў парадзе войскаў прыме ўдзел сучасная ваенная тэхніка Узброеных Сіл і ўзоры тэхнікі перыяду Вялікай Айчыннай вайны, спецыяльна для ўдзелу ў свяце адноўленыя энтузіястамі рэспубліканскага фонду "Памяць Афгана" і спецыялістамі беларускіх абаронных прадпрыемстваў.
Сваё лётнае майстэрства ў складзе паветранага эшалона парада прадэманструюць пілатажныя групы "Крылы Беларусі" і "Белая Русь".
Галоўнымі ўдзельнікамі урачыстага шэсця традыцыйна стануць ветэраны Вялікай Айчыннай вайны, якія праедуць перад святочнымі трыбунамі на спецыяльна абсталяваных легкавых аўтамабілях.
25 чэрвеня 2009 года
Беларускія ваенныя інспектары наведваюць Францыю
З 22 па 27 чэрвеня інспекцыйная група Рэспублікі Беларусь у рамках ДЗУСЕ праводзіць інспекцыі дзвюх воінскіх часцей узброеных сіл Французскай Рэспублікі. У ходзе інспекцый будзе праверана адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці.
23 чэрвеня 2009 года
Назіральны палёт місіі ЗША і Балгарыі
З 22 па 27 чэрвеня ў адпаведнасці з палажэннямі Дагавора па адкрытым небе ажыццяўляецца назіральны палёт сумеснай місіі Злучаных Штатаў Амерыкі і Рэспублікі Балгарыя над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання ОС-135В у мэтах кантролю ваеннай дзейнасці на тэрыторыі назіраемых дзяржаў.
17 чэрвеня 2009 года
Ваенныя аташэ наведалі 120-ю асобную механізаваную брыгаду
15 чэрвеня 120-ю асобную гвардзейскую механізаваную брыгаду Паўночна-заходняга аператыўнага камандавання Сухапутных войскаў наведалі прадстаўнікі ваенна-дыпламатычнага корпуса, акрэдытаваныя пры Міністэрстве абароны Рэспублікі Беларусь.
У ходзе наведвання злучэння ваенныя аташэ азнаёміліся са стралковай зброяй, а таксама трэнажорамі, арганізацыяй заняткаў па баявой падрыхтоўцы. З ваеннымі дыпламатамі сустрэўся камандуючы Сухапутнымі войскамі генерал-маёр Аляксандр Нікіцін.
15 чэрвеня 2009 года
Група польскіх інспектараў наведвае воінскую часць беларускіх Узброеных Сіл
У перыяд з 16 па 18 чэрвеня ў рамках Дамоўленасці аб наборы дадатковых да Венскага дакумента 1999 года мер па ўмацаванню даверу і бяспекі, якія былі прыняты Рэспублікай Беларусь і Рэспублікай Польшча, група польскіх інспектараў пад кіраўніцтвам палкоўніка Збігнева Плюскоты правядзе наведванне па ацэнцы 1199-га змешанага артылерыйскага палка Узброеных Сіл Рэспублікі Беларусь. Мэтай наведвання з'яўляецца ацэнка інфармацыі, якая была прадстаўлена Рэспублікай Беларусь дзяржавам-удзельніцам АБСЕ ў рамках Венскага дакумента 1999 года ў дачыненні асабовага складу, асноўных сістэм узбраення і ваеннай тэхнікі.
12 чэрвеня 2009 года
Ваенныя тапографы Садружнасці сустрэліся ў Астане
Як паведамілі ў сакратарыяце Савета міністраў абароны дзяржаў-удзельніц Садружнасці Незалежных Дзяржаў, 10 чэрвеня 2009 года ў г. Астане (Рэспубліка Казахстан) адбылося чарговае пасяджэнне Каардынацыйнага Камітэта тапаграфічных службаў узброеных сіл дзяржаў-удзельніц Садружнасці Незалежных Дзяржаў пры Савеце міністраў абароны дзяржаў-удзельніц СНД.
У рабоце Камітэта прынялі ўдзел прадстаўнікі міністэрстваў абароны Рэспублікі Арменія, Рэспублікі Беларусь, Рэспублікі Казахстан, Расійскай Федэрацыі, Рэспублікі Таджыкістан і Украіны, а таксама прадстаўнік Сакратарыята СМА СНД.
Удзельнікі пасяджэння падвялі вынікі сумеснай дзейнасці і зацвердзілі план далейшай работы Каардынацыйнага Камітэта.
На пасяджэнні быў адобраны праект Перспектыўнага плана працы Каардынацыйнага Камітэта на перыяд да 2015 года, а таксама - праекты планаў асноўных мерапрыемстваў па рэалізацыі Канцэпцыі навігацыйна-часовага і тапагеадэзічнага забеспячэння адзінай сістэмы кіравання тактычнага звяна для ўзброеных сіл дзяржаў-удзельніц Садружнасці Незалежных Дзяржаў і Канцэпцыі стварэння банка лічбавых картаграфічных дадзеных на стратэгічныя кантынентальныя раёны для УС ДУ СНД.
Гэтыя дакументы будуць вынесены для зацвярджэння на чарговае пасяджэнне Савета міністраў абароны дзяржаў Садружнасці.
Удзельнікі сустрэчы прааналізавалі ход практычнага выканання Плана рэалізацыі Канцэпцыі адзінай геаінфармацыйнай сістэмы ваеннага прызначэння для УС ДУ СНД, абмеркавалі шэраг іншых пытанняў шматбаковага ўзаемадзеяння.
Пасяджэнне прайшло ў канструктыўных і дзелавых абставінах, мэты, якія былі пастаўлены перад яго ўдзельнікамі, поўнасцю дасягнуты, падпісаны ўсе праекты рашэнняў, якія прапаноўваліся Каардынацыйным Камітэтам.
Наступнае пасяджэнне Каардынацыйнага Камітэта тапаграфічных службаў узброеных сіл дзяржаў-удзельніц Садружнасці Незалежных Дзяржаў пры Савеце міністраў абароны дзяржаў-удзельніц СНД плануецца правесці ў мае 2010 года ў г. Душанбэ (Рэспубліка Таджыкістан).
8 чэрвеня 2009 года
Інспекцыйная група з Беларусі наведае Латвійскую Рэспубліку
У перыяд з 8 па 11 чэрвеня ў рамках Венскага дакумента 1999 года інспекцыйная група Рэспублікі Беларусь правядзе інспекцыю вызначанага раёна на тэрыторыі Латвійскай Рэспублікі. Мэтай інспекцыі з'яўляецца пацвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
Таксама, у адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя над тэрыторыяй Латвійскай Рэспублікі ў мэтах ажыццяўлення кантролю ваеннай дзейнасці на тэрыторыі назіраемай дзяржавы.
Беларусь наведае група экспертаў Еўрапейскай Камісіі
У перыяд з 8 па 11 чэрвеня ў рамках Канвенцыі аб забароне ўжывання, назапашвання, вырабу і перадачы супрацьпяхотных мін і аб іх знішчэнні Рэспубліку Беларусь наведае група экспертаў Еўрапейскай Камісіі. Мэтай наведвання з'яўляецца аказанне міжнароднай тэхнічнай дапамогі для рэалізацыі ў Беларусі праекта па ліквідацыі супрацьпяхотных мін тыпу ПФМ-1.
5 чэрвеня 2009 года
Назіральны палёт місіі Іспаніі над тэрыторыяй Беларусі
У перыяд з 1 па 5 чэрвеня 2009 года ў рамках Дагавора па адкрытым небе быў праведзены назіральны палёт місіі Каралеўства Іспанія над тэрыторыяй групы дзяржаў-удзельніц Рэспубліка Беларусь і Расійская Федэрацыя на французскім самалёце назірання С-130Н. Мэтай палёту з'яўляўся кантроль ваеннай дзейнасці на тэрыторыі назіраемых дзяржаў.
Беларусь наведала інспекцыйная група Рэспублікі Балгарыя
У перыяд з 2 па 5 чэрвеня 2009 года ў адпаведнасці з палажэннямі Дагавора аб звычайных узброеных сілах у Еўропе (ДЗУСЕ) Рэспубліку Беларусь наведала інспекцыйная група Рэспублікі Балгарыя. У ходзе інспекцыі была праверана 181-я баявая верталётная база Узброеных Сіл Рэспублікі Беларусь, якая з'яўляецца аб'ектам кантролю паводле палажэнняў ДЗУСЕ. Замежныя інспектары пацвердзілі адпаведнасць наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя сямі ваенных інспектараў Балгарыі, уваходзілі па адным інспектары з Бельгіі і Германіі.
Назіральны палёт над тэрыторыяй Германіі
У перыяд з 2 па 6 чэрвеня 2009 года ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыняў удзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя на расійскім самалёце назірання ў мэтах ажыццяўлення кантролю ваеннай дзейнасці на тэрыторыі назіраемай дзяржавы.
4 чэрвеня 2009 года
Пераможны трыумф армейцаў
У мінулыя выхадныя ў г. Маскве адбыўся этап "Вялікага шлема" па дзюдо. На татамі сустрэліся барцы з 40 краін, сярод якіх - пераможцы і прызёры Алімпійскіх гульняў, чэмпіянатаў свету і Еўропы.
У складзе нацыянальнай каманды Беларусі выступілі армейскія спартсмены капітан Сяргей Шундзікаў і старшы сяржант Аляксандр Сцяшэнка.
Сяргей Шундзікаў бароўся ў весавой катэгорыі да 81 кг. У фінале, сустрэўшыся з тытулаваным нямецкім атлетам Оліверам Бішофам, наш армеец атрымаў перамогу і падняўся на вышэйшую ступень п'едэстала. Гэту перамогу капітан Сяргей Шундзікаў прысвяціў свайму бацьку Віктару Павлавічу Шундзікаву, які ў гэты дзень святкаваў свой дзень нараджэння.
Другі армейскі спартсмен старшы сяржант Аляксандр Сцяшэнка заваяваў сярэбраны медаль.
Яшчэ адзін сярэбраны медаль у скарбонку зборнай Беларусі прынёс Андрэй Казусёнак, які бароўся ў весавой катэгорыі 91 кг.
Ваенныя пяціборцы змагаліся за ўзнагароды
З 25 па 31 мая ў г. Лечэ (Італія) пад эгідай Міжнароднага савета ваеннага спорту (CISM) адбыліся рэгіянальныя спаборніцтвы па ваенным пяцібор'і. У спаборніцтвах прынялі ўдзел 57 спартсменаў з 8 краін.
У камандным заліку сярод мужчын зборная Узброеных Сіл Рэспублікі Беларусь заняла 3 месца з рэзультатам 20984,2 ачкі, 1 месца заняла каманда Даніі (21467,3 ачкі), 2 месца - у каманды Германіі (21400,9 ачкі).
У камандным заліку сярод жанчын зборная Узброеных Сіл Беларусі паднялася на трэцюю ступень п'едэстала гонару з рэзультатам 15418,3 ачкі, на другую ступень - каманда з Нідэрландаў з рэзультатам 14551,6 ачкі.
Пераможцам у намінацыі "Лепшы навічок" стаў Андрэй Беларусец - курсант 3 курса Ваеннай акадэміі Рэспублікі Беларусь.
Армейскі спартсмен заняў першае месца на турніры "Bigbank Kuldiiga" па лёгкай атлетыцы
У Эстонскім гарадку Іогаве адбыўся турнір "Bigbank Kuldiiga" па лёгкай атлетыцы. Армейскі спартсмен сяржант Арцём Зайцаў, пераадолеўшы планку на вышыні 2,27 м, забяспечыў сабе 1 месца ў турнірнай табліцы. Як адзначыў трэнер нашага падапечнага, заслужаны трэнер Беларусі Уладзімір Фомічаў: "Асноўнымі стартамі для Арцёма стануць спаборніцтвы сярод ваеннаслужачых, чэмпіянат свету ў Берліне і Універсіяда. Зараз ён мэтанакіравана рыхтуецца да гэтых стартаў".
Поспехі армейцаў у вольнай барацьбе
На міжнародным турніры ў Дормагене паспяхова выступілі беларускія спартсменкі. У спаборніцтвах сярод дарослых "вольніц" яны ўнеслі ў скарбонку два бронзавых медалі, адзін з якіх быў заваяваны армейскай спартсменкай Аленай Філіпавай, якая выступала ў весавой катэгорыі 59 кг.
1 чэрвеня 2009
Срэбра ў армейцаў
На чэмпіянаце Еўропы па тайскім боксе паспяхова выступілі беларускія спартсмены. Мужчыны заваявалі 4 залатых, 2 сярэбраных і 5 бронзавых медалёў. У весавой катэгорыі 67 кілаграм сярэбраны медаль заваяваў спартсмен спартыўнай роты дзяржаўнай установы "Спартыўны камітэт Узброеных Сіл Рэспублікі Беларусь" радавы Андрэй Кулебін. Прадстаўніцы слабага полу заваявалі 7 узнагарод рознай вартасці.
29 мая 2009 года
Адбылася сустрэча прадстаўнікоў узброеных сіл Беларусі і Германіі
У перыяд з 26 па 28 мая ў г. Мінску адбылася працоўная сустрэча прадстаўнікоў узброеных сіл Рэспублікі Беларусь і Федэратыўнай Рэспублікі Германія па пытаннях кантролю над узбраеннямі. Нямецкую дэлегацыю на перамовах узначаліў начальнік Цэнтра па верыфікацыйных задачах бундэсвера брыгадны генерал Вінфрыд Мертэнс.
Адбыліся ваенныя інспекцыі на тэрыторыі Балгарыі і Румыніі
З 25 па 28 мая Рэспубліка Беларусь правяла інспекцыі вызначаных раёнаў на тэрыторыях Рэспублікі Балгарыя і Румыніі ў рамках Венскага дакумента 1999 года. У ходзе інспекцый была пацверджана адсутнасць у вызначаных раёнах ваеннай дзейнасці, якая падлягае папярэдняму паведамленню ў адпаведнасці з палажэннямі дакумента. У склад інспекцыйных груп Рэспублікі Беларусь былі ўключаны інспектары Расійскай Федэрацыі. У сваю чаргу, інспектары Рэспублікі Беларусь у складзе інспекцыйных груп Расійскай Федэрацыі прынялі ўдзел у інспекцыях вызначаных раёнаў на тэрыторыях Рэспублікі Балгарыя і Румыніі ў рамкаў Венскага дакумента 1999 года.
Камандна-штабное вучэнне з 11-й асобнай механізаванай брыгадай
У адпаведнасці з планам падрыхтоўкі Узброеных Сіл у 2009 годзе з 26 па 28 мая праведзена камандна-штабное вучэнне з 11-й асобнай гвардзейскай механізаванай брыгадай.
У ходзе вучэння былі адпрацаваны пытанні падрыхтоўкі злучэння да выканання задач па прызначэнню, а таксама ўдасканалення зладжанасці штабоў воінскіх часцей.
27 мая раёны правядзення вучэння наведаў начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-лейтэнант Сяргей Гурулёў.
У ходзе работы начальнік Генеральнага штаба заслухаў службовых асоб злучэння, ацаніў якасць кіравання падначаленымі воінскімі часцямі.
Асаблівую ўвагу генерал-лейтэнант Сяргей Гурулёў звярнуў на падрыхтоўку афіцэраў злучэння, іх веданне сучасных тэндэнцый развіцця агульнавайсковага бою, парадку і асаблівасцей усебаковага забеспячэння з улікам складанага становішча, якое дынамічна змяняецца.
Назіральны палёт місіі Іспаніі над тэрыторыяй Беларусі
З 1 па 5 чэрвеня ў рамках Дагавора па адкрытым небе плануецца правядзенне назіральнага палёту місіі Каралеўства Іспанія над тэрыторыяй групы дзяржаў-удзельніц Рэспубліка Беларусь і Расійская Федэрацыя на самалёце назірання С-130Н у мэтах кантролю ваеннай дзейнасці на тэрыторыі назіраемых дзяржаў.
Беларусь наведае інспекцыйная група Рэспублікі Балгарыя
З 2 па 5 чэрвеня ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведае інспекцыйная група Рэспублікі Балгарыя. У ходзе інспекцыі будзе праверана адна воінская часць (на выбар інспектараў), якая з'яўляецца аб'ектам кантролю ў адпаведнасці з палажэннямі Дагавора. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя сямі ваенных інспектараў Балгарыі, уваходзяць па адным інспектары з Бельгіі і Германіі.
27 мая 2009 года
Візіт Міністра абароны Беларусі ў В'етнам
У адпаведнасці з запрашэннем в'етнамскага боку ў перыяд з 26 па 29 мая 2009 г. праходзіць афіцыйны візіт Міністра абароны Рэспублікі Беларусь у Сацыялістычную Рэспубліку В'етнам.
У рамках візіту з Міністрам абароны Рэспублікі Беларусь генерал-палкоўнікам Леанідам Мальцавым сустрэўся Прэзідэнт Сацыялістычнай Рэспублікі В'етнам Нгуен Мінь Чыет, таксама адбыліся перамовы з Міністрам абароны В'етнама генералам арміі Фунгам Куангам Тханем, у ходзе якіх бакі абмеркавалі пытанні развіцця супрацоўніцтва ў ваеннай сферы.
27 мая 2009 года кіраўнікі ваенных ведамстваў дзвюх краін падпісалі Пагадненне паміж Міністэрствам абароны Рэспублікі Беларусь і Міністэрствам Нацыянальнай абароны Сацыялістычнай Рэспублікі В'етнам аб ваенным супрацоўніцтве.
У ходзе візіту беларускі і в'етнамскі бакі пацвердзілі ўзаемную зацікаўленасць у развіцці двухбаковых адносін па ўсіх напрамках, у тым ліку і ў галіне ваеннага супрацоўніцтва.
Працоўная сустрэча прадстаўнікоў узброеных сіл Беларусі і Германіі
У перыяд з 26 па 28 мая ў г. Мінску праходзіць працоўная сустрэча прадстаўнікоў узброеных сіл Рэспублікі Беларусь і Федэратыўнай Рэспублікі Германія па пытаннях кантролю над узбраеннямі. Нямецкую дэлегацыю на перамовах узначаліў начальнік Цэнтра па верыфікацыйных задачах бундэсвера брыгадны генерал Вінфрыд Мертэнс.
26 мая 2009 года
Збор каманднага складу ВПС і войскаў СПА
З 26 па 28 на базе 206-й штурмавой авіяцыйнай базы пад кіраўніцтвам камандуючага ВПС і войскамі СПА генерал-маёра Ігара Азаронка праходзіць трохдзённы аператыўна-тактычны і метадычны збор каманднага складу Ваенна-паветраных сіл і войскаў супрацьпаветранай абароны.
Асноўнымі мэтамі збору з'яўляюцца павышэнне ўзроўню прафесійна-службовай падрыхтоўкі, удасканаленне тэарэтычных ведаў і практычных навыкаў афіцэраў у выкананні функцыянальных абавязкаў па кіраванню падначаленымі злучэннямі і воінскімі часцямі.
Асаблівая ўвага будзе нададзена пытанням разгляду новых форм і спосабаў прымянення, тактычным прыёмам прымянення, новым падыходам да пабудовы сістэмы СПА, аб'яднанняў, злучэнняў і воінскіх часцей ВПС і войскаў СПА ў сучасных умовах.
Асобныя заняткі будуць звязаны з вядзеннем інфармацыйнага супрацьборства і забеспячэннем жывучасці воінскіх часцей і падраздзяленняў войскаў АТК пры адбіцці ўдараў сродкаў паветранага нападу.
На базе 206-й штурмавой авіяцыйнай базы пройдуць заняткі па адпрацоўцы дзеянняў асабовага складу авіяцыйнай базы па прадухіленню несанкцыянавага ўзлёту і пасадцы паветранага судна, акрамя таго, будуць адпрацаваны дзеянні зводнага атрада ліквідацыі наступстваў авіяцыйнай базы пры ліквідацыі пажару і разбурэнняў. Па завяршэнні заняткаў сваё майстэрства прадэманструюць лётчыкі пілатажнай групы "Белая Русь".
25 мая 2009 года
Беларускія ваенныя інспектары наведваюць Балгарыю і Румынію
У перыяд з 25 па 28 мая плануецца правядзенне Рэспублікай Беларусь інспекцый вызначаных раёнаў на тэрыторыях Рэспублікі Балгарыі і Румыніі ў рамках Венскага дакумента 1999 года. Мэтай інспекцый з'яўляецца пацвярджэнне адсутнасці ў вызначаных раёнах ваеннай дзейнасці, якая падлягае папярэдняму паведамленню ў адпаведнасці з палажэннямі названага дакумента. У склад інспекцыйных груп Рэспублікі Беларусь уключаны інспектары Расійскай Федэрацыі. У сваю чаргу, інспектары Рэспублікі Беларусь прымуць удзел у складзе інспекцыйных груп Расійскай Федэрацыі ў інспекцыях вызначаных раёнаў на тэрыторыях Рэспублікі Балгарыі і Румыніі ў рамках Венскага дакумента 1999 года.
22 мая 2009 года
Ваенны спартсмен - залаты прызёр
З 14 па 17 мая ў г. Варшава (Польшча) адбыўся міжнародны турнір катэгорыі "А" па ўшу, у якім Рэспубліку Беларусь прадстаўлялі пяць спартсменаў. Яны заваявалі два бронзавых, два сярэбраных і адзін бронзавы медаль. У весавой катэгорыі да 65 кілаграмаў пераможцам стаў спартсмен-інструктар Спартыўнага камітэта Узброеных Сіл Рэспублікі Беларусь старшы лейтэнант Сяргей Іваноў, які перамог у фінале польскага спартсмена.
У турніры прымалі ўдзел больш за 200 спартсменаў з 12 краін свету.
21 мая 2009 года
Міжнароднае ваеннае супрацоўніцтва - абмеркаваны стан і перспектывы развіцця
Заўтра, 22 мая, завяршае сваю работу 5-я Міжнародная выстаўка ўзбраення і ваеннай тэхнікі "MILEX-2009", экспазіцыя якой аб'яднала не толькі вытворцаў тэхнічнага прадукту ваеннага прызначэння, але і з'явілася масавым форумам узаемавыгадных зносін спецыялістаў і прадстаўнікоў узброеных сіл многіх краін свету.
У рамках выстаўкі адбыўся шэраг сустрэч кіраўніка ваеннага ведамства Рэспублікі Беларусь генерал-палкоўніка Леаніда Мальцава з замежнымі ваенымі дэлегацыямі, якія прыбылі ў Мінск. Сярод іх былі дэлегацыі Украіны, Судана пад кіраўніцтвам міністраў абароны, Ірана, Таджыкістана і Турцыі пад кіраўніцтвам намеснікаў міністраў абароны, Азербайджана і Аб'яднаных Арабскіх Эміратаў, якія ўзначальваліся начальнікамі Генеральных штабоў, Кітая на чале з членам Цэнтральнага Ваеннага Савета КНР, Султаната Аман на чале з намеснікам начальніка Генеральнага штаба, а таксама дэлегацыямі ўзброеных сіл Расіі, Арменіі, Лівіі, Сірыі і Тайланда.
У ходзе сустрэч былі абмеркаваны сучасны стан і перспектывы развіцця розных напрамкаў міжнароднага супрацоўніцтва ў ваеннай сферы. Асновай гэтых канструктыўных дыялогаў з'явілася адзінства поглядаў на тое, што ў сучасных умовах асноўныя намаганні ў ваенным супрацоўніцтве павінны быць накіраваны на вырашэнне задач падтрымання міру, забеспячэння рэгіянальнай і міжнароднай бяспекі.
20 мая 2009 года
Бронза ў армейцаў
Армейскі спартсмен Кірыл Рэліх (весавая катэгорыя - 60 кг) на міжнародным турніры па боксе, які адбыўся ў Чэхіі, заваяваў бронзавы медаль. Усяго на гэтым турніры беларусамі заваявана адзін залаты і два бронзавых медаля.
Медалі ў армейскіх самбістаў
15 - 17 мая ў г. Мілане (Італія) адбыўся чэмпіянат Еўропы па самба сярод мужчын і жанчын. Беларуская зборная выйграла чатыры залатых, тры сярэбраных і пяць бронзавых медалёў. Свой важкі ўклад у агульны залік унеслі і армейскія спартсмены. Марына Жарская (весавая катэгорыя 52 кг) заваявала залаты медаль, Ларыса Балан (80 кг) выйграла бронзу. Жаночая каманда ў агульным заліку заняла трэцяе месца, прапусціўшы ўперад самбістак з Расіі і Балгарыі. Мужчынская зборная ў агульнакамандным заліку была другой, уступіўшы расійскім спартсменам.
19 мая 2009 года
V Міжнародная выстаўка ўзбраення і ваеннай тэхнікі MILEX-2009
V Міжнародная выстаўка ўзбраення і ваеннай тэхнікі MILEX-2009 адкрылася 19 мая ў Мінску.
Мерапрыемства пройдзе 19 - 22 мая ў выставачным павільёне "БелЭкспа" (праспект Пераможцаў, 14, Мінск, Рэспубліка Беларусь).
MILEX-2009 арганізуецца пры падтрымцы Дзяржаўнага сакратарыята Савета бяспекі Беларусі, Дзяржаўнага ваенна-прамысловага камітэта, міністэрстваў абароны, унутраных спраў, прамысловасці, замежных спраў, па надзвычайных сітуацыях, гандлю, адукацыі, Дзяржаўнага камітэта па навуцы і тэхналогіях, Нацыянальнай акадэміі навук, Камітэта дзяржаўнай бяспекі, Дзяржаўнага мытнага камітэта, Мінігарвыканкама. Генеральным спонсарам традыцыйна будзе выступаць беларускае прадпрыемства-спецэкспарцёр "Белтэхэкспарт".
Мэта выставы - дэманстрацыя ўзораў прадукцыі абаронных прадпрыемстваў і прадпрыемстваў, якія выпускаюць прадукцыю двайнога назначэння, садзейнічанне ў наладжванні сувязяў паміж вытворцамі і спажыўцамі прадукцыі абароннай прамысловасці, заключэнне дагавораў у галіне мадэрнізацыі ўзбраенняў, а таксама папулярызацыя ваеннай тэхнікі і павышэнне прэстыжу арміі.
Плошча выставачных павільёнаў складае 1600 кв.м., на адкрытай пляцоўцы - 2700 кв.м. Для ўдзелу ў выставе падалі заяўкі 141 прадпрыемства.
18 мая 2009 года
У Беларусь прыбылі ваенныя дэлегацыі Украіны і Азербайджанскай Рэспублікі
Заўтра ў Мінску сваю работу пачне 5-я Міжнародная выстаўка ўзбраення і ваеннай тэхнікі "MILEX-2009". Сёння ў Рэспубліку Беларусь прыбылі ваенныя дэлегацыі Украіны і Азербайджанскай Рэспублікі.
У рамках візіту ўкраінскай дэлегацыі адбылася сустрэча Міністра абароны Рэспублікі Беларусь генерал-палкоўніка Леаніда Мальцава і Міністра абароны Украіны Юрыя Еханурава. У ходзе сустрэчы кіраўнікі ваенных ведамстваў адзначылі паступальнасць і рэзультатыўнасць мерапрыемстваў ваеннага супрацоўніцтва паміж дзвюма краінамі, а таксама реальныя перспектывы яго далейшага развіцця.
Узаемадзеянне ў сферы міратворчай дзейнасці, інжынернага забеспячэння войскаў, ваеннай адукацыі, аздараўленне ваеннаслужачых і членаў іх сем'яў знаходзяцца ў спектры пастаяннай увагі ваенных ведамстваў Беларусі і Украіны.
Сёння Міністр абароны Рэспублікі Беларусь генерал-палкоўнік Леанід Мальцаў і Міністр абароны Украіны Юрый Еханураў падпісалі пагадненне паміж Міністэрствам абароны Рэспублікі Беларусь і Міністэрствам абароны Украіны аб абмене інфармацыяй аб палётах паветраных судоў, а таксама палажэнне аб парадку арганізацыі інфармацыйнага абмену паміж Міністэрствам абароны Рэспублікі Беларусь і Міністэрствам абароны Украіны.
Падпісаныя дакументы прыдаюць новы імпульс ваеннаму супрацоўніцтву дзвюх краін і вызначаюць цэлы спектр новых сумесных мерапрыемстваў у ваеннай сферы.
З кіраўніком азербайджанскай ваеннай дэлегацыі начальнікам Генеральнага штаба Узброеных Сіл - першым намеснікам Міністра абароны Рэспублікі Азербайджан генерал-палкоўнікам Наджмеддзінам Садыкавым сустрэўся начальнік Генаральнага штаба Узброеных Сіл - першы намеcнік Міністра абароны Рэспублікі Беларусь генерал-лейтэнант Сяргей Гурулёў. У ходзе сустрэчы бакі абмеркавалі стан і далейшыя перспектывы ваеннага супрацоўніцтва Рэспублікі Беларусь і Азербайджанскай Рэспублікі.
Заўтра ваенныя дэлегацыі, якія прыбылі ў Беларусь, прымуць удзел у рабоце 5-й Міжнароднай выстаўкі ўзбраення і ваеннай тэхнікі "MILEX - 2009".
18 мая 2009 года
Падрыхтоўка да аператыўна-стратэгічнага вучэння "Захад-2009"
У рамках падрыхтоўкі да аператыўна-стратэгічнага вучэння "Захад-2009" з 12 па 16 мая праводзілася рэкагнасцыроўка раёнаў правядзення АСВ, якія знаходзяцца ў Віцебскай і Мінскай абласцях, і ўдакладненне на мясцовасці плана практычных дзеянняў войскаў.
У ходзе працы рэкагнасцыровачных груп прадстаўнікі Узброеных Сіл Рэспублікі Беларусь і Расійскай Федэрацыі ўзгаднілі парадак розыгрышу асноўных вучэбна-баявых эпізодаў, маршруты руху войскаў, раёны іх сканцэнтравання, пытанні тылавога, тэхнічнага забеспячэння, арганізацыю сувязі і каменданцкай службы.
15 мая 2009 года
Прадстаўнікі Узброеных Сіл Беларусі наведваюць авіябазу і воінскую часць узброеных сіл Нідэрландаў
З 12 па 15 мая ў рамках Венскага дакумента 1999 года два прадстаўнікі Узброеных Сіл Рэспублікі Беларусь прымуць удзел у наведваннях авіябазы і воінскай часці узброеных сіл Каралеўства Нідэрландаў, якія арганізуюцца для дзяржаў-удзельніц АБСЕ.
14 мая 2009 года
Трэцяе месца ў дзюдо ў армейца
На мінулым тыдні ў Тунісе адбыўся турнір серыі Гран-пры па дзюдо. У спаборніцтвах прыняў удзел спартсмен-інструктар вучэбна-спартыўнага аддзела Спартыўнага камітэта Узброеных Сіл Рэспублікі Беларусь старшы сяржант Аляксандр Сцяшэнка (весавая катэгорыя - 81 кілаграм), які перамог паляка Лукаша Блаша і француза Антуана Жаніна і пацярпеў паражэнне ад алімпійскага чэмпіёна 2008 года нямецкага барца Оле Бішофа. Армеец заняў трэцяе месца.
Золата ў фехтаванні ў беларускіх армейцаў
З 6 па 12 мая ў г. Гётэборгу (Швецыя) адбыўся чэмпіянат Еўропы па фехтаванні сярод ваеннаслужачых. У камандным першынстве спаборніцтваў зборная Узброеных Сіл Рэспублікі Беларусь у складзе падпалкоўніка Віталія Захарава, сяржанта Дзмітрыя Моніча, спартсмена-інструктара Яўгена Сазонава падняліся на вышэйшую ступень п'едэстала, выйграўшы ў каманд Швецыі, Польшчы, Галандыі, Венгрыі, Украіны.
12 мая 2009 года
Беларусь наведае інспекцыйная група Італіі
З 12 па 15 мая адпаведна Дагавору аб звычайных узброеных сілах у Еўропе Рэспубліку Беларусь наведвае інспекцыйная група Італьянскай Рэспублікі з мэтай правядзення інспекцыі па патрабаванню ў межах вызначанага раёна. Мэта інспекцыі - пацвердзіць, што ў вызначаным раёне, за выключэннем тэрыторый воінскіх часцей, не знаходзяцца пастаянна якія-небудзь звычайныя ўзбраенні і ваенная тэхніка, якія абмяжоўваюцца Дагаворам. У складзе інспекцыйнай групы, акрамя пяці італьянскіх ваенных інспектараў, будуць удзельнічаць па адным інспектары з Венгрыі, Германіі, Грэцыі і Нідэрландаў.
8 мая 2009 года
Прадстаўнікі Узброеных Сіл Беларусі наведалі авіябазу і воінскую часць у Турцыі
У перыяд з 5 па 7 мая ў рамках Венскага дакумента 1999 года два прадстанікі Узброеных Сіл Рэспублікі Беларусь прынялі ўдзел у наведваннях авіябазы і воінскай часці ўзброеных сіл Турэцкай Рэспублікі. Гэтыя наведванні арганізуюцца кожнай дзяржавай-удзельніцай АБСЕ адзін раз у пяць год адпаведна палажэнням Венскага дакумента 1999 года.
Адбыўся назіральны палёт
У перыяд з 4 па 8 мая ў адпаведнасці з палажэннямі Дагавора па адкрытым небе два прадстаўнікі Узброеных Сіл Рэспублікі Беларусь прынялі ўдзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя на расійскім самалёце назірання АН-ЗОБ над тэрыторыяй Літоўскай Рэспублікі. Палёт праводзіўся ў мэтах ажыццяўлення кантролю ваеннай дзейнасці на тэрыторыі назіраемай дзяржавы.
6 мая 2009 года
Узнагароджаны ваеннаслужачыя
За ўзорнае выкананне службовых абавязкаў Прэзідэнт Беларусі Аляксандр Лукашэнка ўручыў дзяржаўныя ўзнагароды ваеннаслужачым. Ордэнам "За службу Радзіме" II ступені ўзнагароджаны начальнік штаба - першы намеснік камандуючага войскамі Паўночна-Заходняга аператыўнага камандавання Узброеных Сіл генерал-маёр Іван Чаўс. Ордэна "За службу Радзіме" III ступені ўдастоены: першы намеснік начальніка галоўнага аператыўнага ўпраўлення Генеральнага штаба Узброеных Сіл палкоўнік Сяргей Бахчаван, намеснік камандуючага ВПС і войскаў СПА генерал-маёр Уладзімір Баштаненка, начальнік Галоўнай ваеннай інспекцыі генерал-маёр Генадзь Шаўроў.
Ваенныя аташэ наведалі 181-ю верталётную базу
Прадстаўнікі ваенна-дыпламатычнага корпуса, акрэдытаваныя пры Міністэрстве абароны Рэспублікі Беларусь, наведалі 181-ю баявую верталётную базу ВПС і войскаў СПА Беларусі.
Сярод 16 аташэ - прадстаўнікі Садружнасці Незалежных Дзяржаў, Сірыі, Францыі, Швейцарыі, Бельгіі, Чэхіі і Славакіі, дзяржаў Балтыі і Скандынавіі.
Прадстаўнікі ваенна-дыпламатычнага корпуса азнаёміліся з гісторыяй стварэння, структурай і задачамі ВПС і войскаў СПА Узброеных Сіл Беларусі, сітэмай падрыхтоўкі беларускіх ваенных лётчыкаў.
Інтарэс госці праявілі да дэманстрацыі баявых верталётаў і іх узбраення.
4 мая 2009 года
Назіральны палёт над тэрыторыяй Літвы
У перыяд з 4 па 8 мая ў адпаведнасці з палажэннямі Дагавора па адкрытым небе два прадстаўніка Узброеных Сіл Рэспублікі Беларусь прымаюць удзел у правядзенні назіральнага палёту групы дзяржаў-удзельніц Рэспубліка Беларусь і Расійская Федэрацыя на расійскім самалёце назірання АН-ЗОБ над тэрыторыяй Літоўскай Рэспублікі. Палёт праводзіцца ў мэтах ажыццяўлення кантролю ваеннай дзейнасці на тэрыторыі назіраемай дзяржавы.
25 Красавіка 2009 года
Прадстаўнік Узброеных Сіл Беларусі прыме ўдзел у назіральным палёце над тэрыторыяй Польшчы
У перыяд з 27 красавіка па 1 мая ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь\Расійская Федэрацыя над тэрыторыяй Рэспублікі Польшча ў мэтах ажыццяўлення кантролю ваеннай дзейнасці на тэрыторыі назіраемай дзяржавы.
20 Красавіка 2009 года
21 красавіка адбудзецца рабочы візіт у Рэспубліку Беларусь Міністра абароны Расійскай Федэрацыі Анатолія Сердзюкова
У адпаведнасці з планам двухбаковага супрацоўніцтва паміж Міністэрствам абароны Рэспублікі Беларусь і Міністэрствам абароны Расійскай Федэрацыі 21 красавіка 2009 года ў Рэспубліку Беларусь з рабочым візітам прыбудзе Міністр абароны Расійскай Федэрацыі Анатолій Сердзюкоў.
У ходзе візіта ў фармаце "адзін на адзін" з расійскім калегам сустрэнецца Міністр абароны Рэспублікі Беларусь генерал-палкоўнік Леанід Мальцаў.
21 красаівка кіраўнікі ваенных ведамстваў дзвюх краін прымуць удзел у чарговым пасяджэнні сумеснай Калегіі міністэрстваў абароны Беларусі і Расіі, у ходзе якога плануецца разгледзець пытанні стану і далейшага развіцця супрацоўніцтва Рэспублікі Беларусь і Расійскай Федэрацыі ў ваеннай сферы.
Адбудуцца ваенныя інспекцыі на тэрыторыі Беларусі
У перыяд з 21 па 24 красавіка ў адпаведнасці з палажэннямі Дагавора аб звычайных узброеных сілах у Еўропе (ДЗУСЕ) Рэспубліку Беларусь адначасова наведаюць інспекцыйныя групы Федэратыўнай Рэспублікі Германія і Венгерскай Рэспублікі. У ходзе інспекцый будуць правераны па адной з воінскіх чацей Узброеных Сіл Рэспублікі Беларусь (на выбар інспектараў), якія з'яўляюцца аб'ектамі кантролю ў адпаведнасці з палажэннямі ДЗУСЕ. Мэта абедзвюх інспекцый - праверка адпаведнасці наяўнасці ўзбраення і тэхнікі, якія абмяжоўваюцца Дагаворам, іх заяўленай колькасці. У складзе нямецкай інспекцыйнай групы, акрамя васьмі ваенных інспектараў Германіі, будзе ўдзельнічаць інспектар з Вялікабрытаніі. У склад інспекцыйнай групы Венгрыі, акрамя трох вянгерскіх інспектараў, уключаны па аднаму інспектару з Італіі, Партугаліі, Вялікабрытаніі, Германіі і Чэхіі.
17 Красавіка 2009 года
Новыя назначэнні
Прэзідэнт Беларусі назначыў палкоўніка Аляксея Еўсцігнеева намеснікам камандуючага войскамі Заходняга аператыўнага камандавання Узброеных Сіл Беларусі, вызваліўшы яго ад пасады начальніка штаба - першага намесніка камандуючага войскамі Заходняга аператыўнага камандавання Узброеных Сіл
На пасаду начальніка штаба - першага намесніка камандуючага войскамі Заходняга аператыўнага камандавання Узброеных Сіл назначаны генерал-маёр Аляксандр Райко, які вызвалены ад пасады намесніка камандуючага войскамі Заходняга аператыўнага камандавання Узброеных Сіл.
Адпаведныя ўказы кіраўнік дзяржавы падпісаў 16 красавіка.
Ваенныя інспектары з Беларусі наведаюць Чэхію
З 21 па 23 красавіка ў рамках Венскага дакумента 1999 года інспекцыйная група Рэспублікі Беларусь правядзе інспекцыю вызначанага раёна на тэрыторыі Чэшскай Рэспублікі. Мэтай інспекцыі з'яўляецца пацвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
14 Красавіка 2009 года
Назіральны палёт місіі ЗША
У перыяд з 14 па 16 красавіка ў рамках Дагавора па адкрытым небе праводзіцца назіральны палёт місіі Злучаных Штатаў Амерыкі над тэрыторыяй групы дзяржаў-удзельніц Рэспубліка Беларусь/Расійская Федэрацыя на амерыканскім самалёце назірання ОС-135В у мэтах кантролю ваеннай дзейнасці на тэрыторыі назіраемых дзяржаў.
13 Красавіка 2009 года
Інспекцыя аднаго з прадпрыемстваў "Белнафтахім"
З 13 па 17 красавіка інспекцыйная група Арганізацыі па забароне хімічнай збоі праводзіць інспекцыю аднаго з прадпрыемстваў Беларускага дзяржаўнага канцэрна па нафце і хіміі "Белнафтахім" у адпаведнасці з Канвенцыяй аб забароне распрацоўкі, вытворчаці, назапашвання і выкарыстання хімічнай зброі і аб яе знішчэнні.
10 Красавіка 2009 года
Беларускія ваенныя інспектары наведалі Германію
З 6 па 10 красавіка ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правяла інспекцыі дзвюх воінскіх часцей узброеных сіл Федэратыўнай Рэспублікі Германія (на выбар інспектараў). У ходзе інспекцый была пацверджана адпаведнасць наяўнасці на правяраемых аб'ектах кантролю ўзбраенняў і ваеннай тэхнікі, якія абмяжоўвываюцца Дагаворам, іх заяўленай колькасці.
9 Красавіка 2009 года
10-я ваенна-навуковая канферэнцыя ў Ваеннай акадэміі Рэспублікі Беларусь"
9 - 10 красавіка ў Ваеннай акадэміі Рэспублікі Беларусь праводзіцца ваенна-навуковая канферэнцыя на тэму: "Праблемныя пытанні тэорыі і практыкі ваеннага будаўніцтва, ваеннага майстэрства, стварэння і мадэрнізацыі ўзбраення ў сучасных умовах, шляхі іх рашэння".
На працягу двух дзён удзельнікі канферэнцыі прааналізуюць вынікі навуковых даследаванняў, выкананых па праблемах ваеннага будаўніцтва, ваеннага майстэрства, стварэння, мадэрнізацыі і эксплуатацыі ўзбраення ў сучасных умовах, а таксама выпрацуюць прапановы і канкрэтныя рэкамендацыі па асноўных пытаннях навуковага забеспячэння ваеннага будаўніцтва.
7 Красавіка 2009 года
Тарсіонныя палі ў абароннай сферы
1 - 2 красавіка на базе Ваеннай акадэміі прайшоў семінар навуковых супрацоўнікаў навукова-даследчай частцы па тэме: "Выкарыстанне тарсіонных палёў у абароннай сферы". У семінары таксама прынялі ўдзел вядучыя вучоныя інстытута фізікі, інстытута фізічнай хіміі, інстытута цеплаабмену і прадстаўнікі зацікаўленых ведамстваў.
Удзельнікі мерапрыемства азнаёміліся з тэарэтычнымі асновамі і праінфармавалі аб выніках эксперыментаў, праведзеных у дадзенай вобласці, у прыватнасці, аб магчымасцях выкарыстання ўзаемадзяння, якое стала цяпер вядомым, якое праяўляецца ў пераносе на адлегласць напружанняў кручэння, і абмеркавалі магчымасць стварэння генератара тарсіонных палёў.
Як лічыцца, хуткасць тарсіонных хваляў у шмат разоў перавышае хуткасць святла. Гэта іх уласцівацсь перадаваць інфармацыю ў адзін момант на загранічныя адлегласці адкрывае новыя магчымасці ў стварэнні сістэм кіравання і сувязі. Ёсць і іншыя перспектыўныя напрамкі выкарыстання тарсіонных хваляў у ваеннай справе, напрыклад, павышэнне цвёрдасці брані.
У цяперашні час інтарэс да тарсіонных палёў у навуковых колах няўхільна расце. Фізічную прыроду і магчымасць выкарыстання дадзенай з'явы ў прыкладным плане вывучаюць не толькі ў Беларусі. У Расіі дадзенай праблематыкай займаецца Міжнародны інстытут тэарэтычнай і прыкладной фізікі РАПН і Міжгаліновы навукова-тэхнічны цэнтр венчурных і нетрадыцыйных тэхналогій.
2 Красавіка 2009 года
У Мінск прыбудзе дэлегацыя ваеннага ведамства Расіі
У адпаведнасці з дасягнутымі дамоўленнасцямі 6 красавіка 2009 года ў Мінск прыбудзе дэлегацыя ваеннага ведамства Расіі на чале з начальнікам Генеральнага штаба Узброеных Сіл Расійскай Федэрацыі - першым намеснікам Міністра абароны Расійскай Федэрацыі генералам арміі Мікалаем Макаравым. У ходзе двухдзённага візіту беларускі і расійскі бакі плануюць абмяркаваць стан і перспектывы ваеннага супрацоўніцтва. У ліку найбольш важных пытанняў сустрэчы - падрыхтоўка аператыўна-стратэгічнага вучэння "Захад-2009", якое пройдзе на тэрыторыі Беларусі ў верасні-кастрычніку гэтага года.
2 Cакавіка 2009 года
Нарада па ацэнцы выканання Венскага дакумента 1999 года
З 2 па 5 сакавіка ў г. Вене (Аўстрыйская Рэспубліка) пройдзе 19-я Штогадовая нарада па ацэнцы выканання Венскага дакумента 1999 года перамоваў па мерах умацавання даверу і бяспекі. У цэнтры ўвагі ўдзельнікаў нарады будуць знаходзіцца практычныя і праблемныя пытанні рэалізацыі дзяржавамі-ўдзельніцамі АБСЕ вызначанага дакумента. Ад Міністэрства абароны ў складзе дэлегацыі Рэспублікі Беларусь у працы 19-й Штогадовай нарады па ацэнцы выканання Венскага дакумента 1999 года прымае ўдзел начальнік Нацыянальнага агенцтва па кантролю і інспекцыях - дэпартамента Міністэрства абароны палкоўнік Алег Горбач.
Візіт Міністра абароны Сірыйскай Арабскай Рэспублікі
Сёння з афіцыйным візітам у Рэспубліку Беларусь прыбыла дэлегацыя Міністэрства абароны Сірыйскай Арабскай Рэспублікі на чале з Міністрам абароны карпусным генералам Хасанам Аль Туркмані.
3 сакавіка з каріўніком сірыйскай дэлегацыі сустрэнецца Міністр абароны Рэспублікі Беларусь генерал-палкоўнік Леанід Мальцаў.
Плануецца, што сірыйскія ваенныя спецыялісты наведаюць Ваенную акадэмію Рэспублікі Беларусь, дзе азнаёмяцца з яе структурай і задачамі, сістэмай падрыхтоўкі ваенных кадраў, дзейнасцю цэнтра аператыўна-тактычнай падрыхтоўкі.
Праграмай візіту таксама прадугледжана наведванне шэрагу прадпрыемстваў абароннай прамысловасці.
Візіт дэлегацыі Міністэрства абароны Сірыйскай Арабскай Рэспублікі завершыцца 5 сакавіка 2009 года.
3 Лютага 2009 года
Інспекцыя вызначанага раёна на тэрыторыі Літвы
З 3 па 4 лютага ў рамках Венскага дакумента 1999 года інспекцыйная група Рэспублікі Беларусь праводзіць інспекцыю вызначанага раёна на тэрыторыі Літоўскай Рэспублікі. Мэтай інспецыі з'яўляецца падцвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента, 1999 года.
2 Лютага 2009 года
Міністр абароны прыме ўдзел у шэрагу міжнародных мерапрыемстваў
3 лютага Міністр абароны Рэспублікі Беларусь генерал-палкоўнік Леанід Мальцаў прыме ўдзел у пасяджэнні Вышэйшага Дзяржаўнага Савета Саюзнай дзяржавы, дзе будуць абмяркоўваюцца пытанні паглыблення супрацоўніцтва ў ваеннай і ваенна-тэхнічнай галінах паміж Рэспублікай Беларусь і Расійскай Федэрацыяй.
4 лютага ў рамках пазачарговай сесіі Савета калектыўнай бяспекі АДКБ кіраўнік беларускага ваеннага ведамства прыме ўдзел у працы Савета міністраў абароны. У ходзе пасяджэння Савета будуць абмяркоўвацца аспекты развіцця ваеннай складаючай Арганізацыі Дагавора аб калектыўнай бяспецы.
Абодва мерапрыемствы пройдуць у Маскве (Расійская Федэрацыя).
Развіццё ўзаемадзеяння з замежнымі ваеннымі партнёрамі
У Цэнтральным Доме афіцэраў Узброеных Сіл адбылася штогадовая сустрэча прадстаўнікоў ваенна-дыпламатычнага корпуса шэрагу замежных дзяржаў на Беларусі са службовымі асобамі беларускай арміі. Ваенныя аташэ краін блока НАТА і дзяржаў-членаў АДКБ прыбылі для абмену думкамі, канструктыўнага дыялогу па актуальных пытаннях узаемадзеяння ў сферы бяспекі. Беларусь лічыць развіццё канструктыўнага ўзаемадзеяння з замежнымі ваеннымі партнёрамі найважнейшым напрамкам дзейнасці па забеспячэнню ваеннай бяспекі.
Мерапрыемствы наведалі кіраўнікі ваенна-дыпламатычных прадстаўніцтваў Канады, Швецыі, Венесуэлы, Нідэрландаў, Літвы, Латвіі, Славакіі і інш. Прадстаўнікі ваеннага ведамства Беларусі праінфармавалі ваенных дыпламатаў аб сучасных аспектах будаўніцтва і развіцця беларускіх Узброеных Сіл, выніках баявой падрыхтоўкі за 2008 год і іншых актуальных пытаннях дзейнасці беларускай арміі.
3 Снежня 2008 года
Сустрэча Міністра абароны Рэспублікі Беларусь з Паслом Рэспублікі Індыя
Сёння ў Міністэрстве абароны Беларуси адбылася сустрэча Міністра абароны Рэспублікі Беларусь генерал-палкоўніка Леаніда Мальцава з Паслом Рэспублікі Індыя ў Рэспубліцы Беларусь у сувязі з завяршэннем яго дыпламатычнай місіі ў нашай краіне.
На сустрэчы былі абмеркаваны пытанні сумеснага стану і далейшага развіцця ваеннага супрацоўніцтва Беларусі і Індыі.
Кіраўнік ваеннага ведамства Рэспублікі Беларусь выказаў спачуванні кіраўніку індыйскай дыпламатычнай місіі ў сувязі з гібеллю людзей у Мумбаі ў выніку тэрарыстычнага акта. Генерал-палкоўнік Леанід Мальцаў падкрэсліў неабходнасць развіцця сувязяў дзвюх краін у галіне двухбаковага ваеннага супрацоўніцтва.
Пасол Рэспублікі Індыя падзякаваў Міністру абароны Рэспублікі Беларусь за актыўную пазіцыю беларускага ваеннага ведамства ў рашэнні пытанняў развіцця супрацоўніцтва дзвюх краін у ваеннай сферы.
2 Снежня 2008 года
Прысваенне чарговых воінскіх званняў
Адпаведна паведамленню прэс-службы Кіраўніка дзяржавы, Прэзідэнт Рэспублікі Беларусь прысвоіў чарговае воінскае званне генерал-маёра палкоўнікам Дзмітрыю Пахмелкіну і Уладзіміру Сулімаву. Адпаведныя ўказы Аляксандр Лукашэнка падпісаў 2 снежня.
14 Лістапада 2008 года
Адбыўся назіральны палёт місіі Бенілюкса
14 лістапада 2008 г. у рамках. Дагавора па адкрытым небе адбыўся назіральны палёт місіі Бенілюкса над тэрыторыяй групы дзяржаў-удзельніц Рэспубліка Беларусь/ Расійская Федэрацыя на самалёце назірання С-130 Н у мэтах кантролю ваеннай дзейнасці на тэрыторыі назіраемых дзяржаў.
Інспекцыя вызначанага раёна на тэрыторыі Рэспублікі Польшча
13 лістапада 2008 года ў рамках Дамоўленасці Рэспублікі Беларусь і Рэспублікі Польшча аб дадатковых мерах даверу і бяспекі Рэспублікай Беларусь была праведзена інспекцыя вызначанага раёна на тэрыторыі Рэспублікі Польшча.
Падчас правядзення інспекцыі была пацверджана адсутнасць у вызначаным раёне на тэрыторыі Рэспублікі Польшча буйнай ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента, 1999 года.
Інспекцыйная група Літоўскай Рэспублікі правяла наведванне па ацэнцы 206 шаб Узброеных Сіл Рэспублікі Беларусь
13 лістапада 2008 года ў рамках Дамоўленасці Рэспублікі Беларусь і Літоўскай Рэспублікі аб дадатковых мерах даверу і бяспекі інспекцыйная група Літоўскай Рэспублікі правяла наведванне па ацэнцы 206 штурмавой авіяцыйнай базы Ўзброеных Сіл Рэспублікі Беларусь.
Падчас наведвання была ацэнена ваенная інфармацыя, якая была прадстаўлена Рэспублікай Беларусь дзяржавам-удзельніцам АБСЕ ў рамках Венскага дакумента 1999 года ў дачыненні асабовага складу, асноўных сістэм узбраення і ваеннай тэхнікі.
Рэспубліку Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі
17 - 20 лістапада 2008 года ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі.
Падчас інспекцый будзе праверана адна з воінскіх часцей Узброеных Сіл Рэспублікі Беларусь (па выбары інспектараў), якая з'яўляецца аб'ектам кантролю паводле палажэнняў Дагавора аб звычайных узброеных сілах у Еўропе.
Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці.
Акрамя васьмі ваенных інспектараў Злучанага Каралеўства Вялікабрытаніі і Паўночнай Ірландыі ў склад інспекцыйнай групы, увойдуць па адным інспектары з Чэшскай Рэспублікі і Каралеўства Іспанія.
3 Кастрычніка 2008 года
Рэспубліку Беларусь наведае інспекцыйная група Федэратыўнай Рэспублікі Германіі
7-10 кастрычніка 2008 года ў адпаведнасці з палажэннямі Дагавора аб звычайных узброеных сілах у Еўропе Рэспубліку Беларусь наведае інспекцыйная група Федэратыўнай Рэспублікі Германіі.
Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца дагаворам, іх заяўленай колькасці.
У ходзе інспекцыі будзе праверана адна з воінскіх часцей Узброеных Сіл Рэспублікі Беларусь, якая з'ўляецца аб'ектам кантролю адпаведна палажэнням Дагавора аб звычайных узброеных сілах у Еўропе.
У складзе інспекцыйнай групы, акрамя васьмі ваенных інспектараў Германіі, будзе ўдзельнічаць інспектар з Люксембурга.
25 Верасня 2008 года
Афіцыйны візіт Міністра Нацыянальнай абароны В'етнама ў Рэспубліку Беларусь
У перыяд з 28 па 30 верасня 2008 года Рэспубліку Беларусь з афіцыйным візітам наведае Міністр Нацыянальнай абароны Сацыялістычнай Рэспублікі В'етнам генерал арміі Фунг Куанг Тхань.
Са старшынёй ваеннага ведамства В'етнама сустрэнецца Міністр абароны Рэспублікі Беларусь генерал-палкоўнік Леанід Мальцаў.
У рамках візіту пройдуць перамовы ў складзе дэлегацый, у ходзе якіх бакі абмяркуюць перспектывы далейшага развіцця двухбаковага ваеннага супрацоўніцтва Беларусі і В'етнама.
Таксама дэлегацыя Міністэрства абароны Сацыялістычнай Рэспублікі В'етнам наведае Ваенную акадэмію Рэспублікі Беларусь.
24 Верасня 2008 года
Ваеннае супрацоўніцтва развіваецца
24 - 26 верасня 2008 года ў г. Мінску праводзіцца чатырохбаковая сустрэча прадстаўнікоў структурных падраздзяленняў абаронных ведамстваў Рэспублікі Беларусь, Літоўскай Рэспублікі, Рэспублікі Польшчы і Украіны, якія адказваюць за пытанні міжнароднага ваеннага супрацоўніцтва.
У рамках чатырохбаковай сустрэчы будуць праведзены двухбаковыя кансультацыі і "круглы стол", у ходзе якіх бакі абмяркуюць пытанні двухбаковага і шматбаковага супрацоўніцтва, а таксама вызначаць напрамкі па іх далейшаму развіццю.
4 Жніўня 2008 года
Сустрэча з кіраўніцтвам Цэнтра па верыфікацыйных задачах бундэсвера
У перыяд з 5 па 7 жніўня 2008 года ў рамках Дагавора аб звычайных узброеных сілах у Еўропе інспекцыйная група Рэспублікі Беларусь правядзе інспекцыі дзвюх воінскіх часцей узброеных сіл Федэратыўнай Рэспублікі Германія. У ходзе інспекцыі будзе праверана адпаведнасць наяўнасці ўзбраенняў і тэхнікі, якія абмяжоўваюцца Дагаворам, на правяраемых аб'ектах кантролю іх заяўленай колькасці.
30 Лiпеня 2008 года
Сустрэча з кіраўніцтвам Цэнтра па верыфікацыйных задачах бундэсвера
З 22 па 25 ліпеня ў Вільнюсе (Літва) праходзіць сустрэча прадстаўнікоў ваенна-тапаграфічных служб Беларусі і Літвы.
30 ліпеня дэлегацыя Міністэрства абароны Рэспублікі Беларусь на чале з начальнікам Нацыянальнага агенцтва па кантролю і інспекцыях - дэпартамента Міністэрства абароны палкоўнікам Алегам Горбачам прымае ўдзел у працоўнай сустрэчы з кіраўніцтвам Цэнтра па верыфікацыйных задачах бундэсвера (г. Гайленкірхен, ФРГ). У ходзе сутрэчы плануецца абмеркаваць пытанні двухбаковага супрацоўніцтва ў галіне кантролю над узбраеннямі.
22 Лiпеня 2008 года
Сустрэча прадстаўнікоў ваенна-тапаграфічных служб Беларусі і Літвы
З 22 па 25 ліпеня ў Вільнюсе (Літва) праходзіць сустрэча прадстаўнікоў ваенна-тапаграфічных служб Беларусі і Літвы.
Прадстаўнікі ўзброеных сіл дзвюх краін абмяркуюць пытанні распрацоўкі праекта тэхнічнага пагаднення паміж міністэрствамі абароны ў галіне ваеннай тапаграфіі, геадэзіі і картаграфіі. У ходзе візіту прадстаўнікі беларускага ваеннага ведамства наведаюць Цэнтр ваеннай картаграфіі Узброеных Сіл Літоўскай Рэспублікі і Аэрагеадэзічны інстытут, вывучаць вопыт стварэння картаграфічных матэрыялаў, азнаёмяцца з аспектамі выкарыстання сучасных спецыяльных тэхнічных сродкаў. Таксама адбудуцца кансультацыі з літоўскімі спецыялістамі па пытаннях стварэння геапрасторавай інфармацыі, неабходнай для працы вайсковых трэнажораў.
15 Лiпеня 2008 года
Падпісана Пагадненне паміж Урадам Беларусі і ўрадам Іарданскага Хашыміцкага Каралеўства
11 ліпеня адбыліся перамовы Старшыні Дзяржаўнага ваенна-прамысловага камітэта Мікалая Азаматава з корпусным генералам Халедам Джамілям Аль Сарайра, Старшынёй аб'яднанага камітэта начальнікаў штабоў Узброеных Сіл Іарданіі.
Падпісана Пагадненне паміж Урадам Рэспублікі Беларусь і ўрадам Іарданскага Хашыміцкага Каралеўства аб ваенна-тэхнічным супрацоўніцтве.
З беларускага боку Пагадненне падпісаў Старшыня Дзяржаўнага ваенна-прамысловага камітэта, з іарданскай - Старшыня аб'яднанага камітэта начальнікаў штабоў Узброеных Сіл Іарданіі.
Мікалай Азаматаў і корпусны генерал Халед Аль Сарайра абмеркавалі парадак практычнай рэалізацыі Пагаднення і вызначылі планы ўзаемадзяння на перспектыву.
10 Лiпеня 2008 года
Прэзідэнт Рэспублікі Беларусь аб'явіў Падзяку групе выпускнікоў ваенных вучэбных устаноў
Прэзідэнт Рэспублікі Беларусь аб'явіў Падзяку групе выпускнікоў ваенных вучэбных устаноў. У прыватнсці, гэтай узнагароды за поспехі ў вучобе і ўзорнае выкананне службовага абавязку ўдастоены выпускнік факультэта Генеральнага штаба Узброеных Сіл Ваеннай акадэміі Беларусі палкоўнік Дзмітрый Кавалёў, выпускнік Ваеннай акадэміі Генеральнага штаба Узброеных Сіл Расіі палкоўнік Вадзім Дзенісенка, выпускнік Ваеннай акадэміі сувязі імя С.М.Будзённага маёр Максім Байдакоў і іншыя.
Візіт Старшыні аб'яднанага камітэта начальнікаў штабоў Узброеных Сіл Іарданіі
10 ліпеня 2008 года ў Мінск з афіцыйным візітам прыбыў Старшыня аб'яднанага камітэта начальнікаў штабоў Узброеных Сіл Іарданіі корпусны генерал Халід Джаміль Аль-Сарайра.
Сёння, пасля цэрэмоніі афіцыйнай сустрэчы, пройдуць перамовы начальніка Генеральнага штаба Узброеных Сіл - першага намесніка Міністра абароны Рэспублікі Беларусь генерал-лейтэнанта Сяргея Гурулёва і яго Іарданскага калегі ў складзе дэлегацый.
Праграмай візіту таксама прадугледжана сустрэча Міністра абароны Рэспублікі Беларусь генерал-палкоўніка Леаніда Мальцава з кіраўніком дэлегацыі.
Дэлегацыя Узброеных Сіл Іарданіі наведае Ваенную акадэмію Рэспублікі Беларусь, Дзяржаўны ваенна-прамысловы камітэт, шэраг прадпрыемстваў айчыннай прамысловасці.
Прысвоены чарговыя воінскія званні
Па паведамленню прэс-службы Кіраўніка дзяржавы Прэзідэнт Рэспублікі Беларусь прысвоіў чарговае воінскае званне генерал-маёра палкоўнікам Сяргею Бобрыкаву і Міхаілу Пузікаву. Указы аб гэтым падпісаны 10 ліпеня.
Сумесныя вучэнні міратворчай тэматыкі
У адпаведнасці з Планам асноўных мерапрыемстваў міжнароднага ваеннага супрацоўніцтва на 2008 год беларускае падраздзяленне прыме ўдзел у сумесным украінска-беларускім тактычным вучэнні па міратворчай тэматыцы. У рамках вучэння, якое праводзіцца з 11 па 18 ліпеня 2008 года на базе міжнароднага цэнтра міратворчасці Узброеных Сіл Украіны (п.г.т. Старычы Львоўскай вобласці, Украіна), плануецца адпрацаваць дзеянні зводнага шматнацыянальнага падраздзялення пры выкананні адпаведных задач.
Працоўная сустрэча экспертаў міністэрстваў абароны Рэспублікі Беларусь і Украіны
У перыяд з 8 па 10 ліпеня ў г. Мінску адбылася працоўная сустрэча экспертаў міністэрстваў абароны Рэспублікі Беларусь і Украіны па ацэнцы выканання Пагаднення паміж Урадам Рэспублікі Беларусь і Кабінетам Міністраў Украіны аб дадатковых мерах даверу і бяспекі.
8 Лiпеня 2008 года
Беларускія ваенныя інспектары наведаюць Польшчу
У перыяд з 8 па 11 ліпеня ў рамках Дагавора аб звычайных узброеных сілах у Еўропе інспекцыйная група Рэспублікі Беларусь праводзіць інспекцыі дзвюх воінскіх часцей узброеных сіл Рэспублікі Польшча. У ходзе інспекцый правяраецца адпаведнасць наяўнасці ўзбраенняў і тэхнікі, якія абмяжоўваюцца Дагаворам, на правяраемых аб'ектах кантролю іх заяўленай колькасці.
1 Лiпеня 2008 года
У Рэспубліцы Беларусь знаходзіцца дэлегацыя В'етнамскай Народнай арміі
У Рэспубліцы Беларусь знаходзіцца дэлегацыя В'етнамскай Народнай арміі на чале з сакратаром Цэнтральнага Камітэта Камуністычнай партыі В'етнама, начальнікам Галоўнага палітычнага упраўлення В'етнамскай Народнай арміі генералам арміі Ле Ван Зунгам. Адбылася сустрэча кіраўніка дэлегацыі з Міністрам абароны Рэспублікі Беларусь генерал-палкоўнікам Леанідам Мальцавым, а таксама сустрэча дэлегацыі з памочнікам Міністра абароны па ідэалагічнай рабоце ва Узброеных Сілах - начальнікам галоўнага упраўлення ідэалагічнай работы Міністэрства абароны генерал-маёрам Аляксандрам Гурой.
В'етнамская дэлегацыя прыме ўдзел у мерапрыемствах, прысвечаных Дню Незалежнасці Рэспублікі Беларусь.
30 Чэрвеня 2008 года
"Купалаўцы - арміі і прафсаюзам!"
Федерация профсоюзов Беларуси, Министерство обороны Республики Беларусь, Министерство культуры Республики Беларусь, Национальный академический театр им. Я.Купалы проводят совместный проект "Купалаўцы - арміі і прафсаюзам!" в рамках республиканской акции "Мы - белорусы!" (июнь-июль 2008).В рамках проекта в воинских частях и трудовых коллективах пройдут десять представлений. Для показа выбраны две постановки: "Тапалёвая завея" и "Адчыніце кантралёру".
1 июля 2008 г. в 11.00 по адресу пр. Победителей, 21 состоится пресс-конференция, в которой примут участие организаторы и авторы проекта.
28 Чэрвеня 2008 года
Адбылася працоўная сустрэча прадстаўнікоў узброеных сіл Рэспублікі Беларусь і Украіны
У адпаведнасці з Планам мерапрыемстваў двухбаковага супрацоўніцтва паміж Узброенымі Сіламі Рэспублікі Беларусь і Узброеными Сіламі Украіны ў перыяд з 24 па 26 чэрвеня ў г. Кіеве адбылася працоўная сустрэча прадстаўнікоў узброеных сіл Рэспублікі Беларусь і Украіны. Беларускую дэлегацыю ўзначальваў старшыня ваенна-навуковага камітэта Узброеных Сіл палкоўнік Ігар Матрашыла.
У ходзе візіту беларускія ваеннаслужачыя вывучылі парадак арганізацыі навуковай дзейнасці ва Узброеных Сілах Украіны, абмяняліся вопытам ажыццяўлення інфармацыйнага забеспячэння ваенна-навуковых даследаванняў і рэалізацыі навукова-тэхнічных праграм і праектаў у сферы ваенна-навуковай інфармацыі.
Таксама пад час візіту быў узгоднены праект Палажэння аб парадку арганізацыі інфармацыйнага абмену паміж Міністэрствам абароны Рэспублікі Беларусь і Міністэрствам абароны Украіны, вызначаны шляхі далейшага супрацоўніцтва ў пытаннях арганізацыі сумесных даследаванняў.
23 Чэрвеня 2008 года
Беларусь наведае інспекцыйная група ФРГ
У адпаведнасці з палажэннямі ДЗУСЕ ў перыяд з 24 па 27 чэрвеня Рэспубліку Беларусь наведае інспекцыйная група Федэратыўнай Рэспублікі Германія. У ходзе інспекцыі будзе праверана адна воінская часць (па выбары інспектараў), якая з'яўляецца аб'ектам кантролю паводле палажэнняў ДЗУСЕ. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя васьмі ваенных інспектараў Германіі, уваходзіць адзін інспектар ад Нідэрландаў.
Адбудзецца назіральны палёт над тэрыторыяй ФРГ
У перыяд з 23 па 27 чэрвеня ў адпаведнасці з палажэннямі Дагавора па адкрытым небе прадстаўнік Узброеных Сіл Рэспублікі Беларусь прыме ўдзел у правядзенні назіральнага палёту групы дзяржаў-удзельніц Рэспубліка Беларусь/Расійская Федэрацыя над тэрыторыяй Федэратыўнай Рэспублікі Германія ў мэтах ажыццяўлення кантролю ваеннай дзейнасці на тэрыторыі назіраемага боку.
20 Чэрвеня 2008 года
Беларусь наведала інспекцыйная група Злучанага Каралеўства Вялікабрытаніі і Паўночнай Ірландыі
У адпаведнасці з палажэннямі ДЗУСЕ ў перыяд з 16 па 19 чэрвеня Рэспубліку Беларусь наведала інспекцыйная група Злучанага Каралеўства Вялікабрытаніі і Паўночнай Ірландыі. У ходзе інспекцыі была праверана 19-я асобная механізаваная брыгада, якая з'яўляецца аб'ектам кантролю адпаведна палажэнням ДЗУСЕ. Замежныя ваенныя інспектары падцвердзілі адпаведнасць наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці і выкананне Рэспублікай Беларусь сваіх абавязкаў па ДЗУСЕ. У склад інспекцыйнай групы, акрамя сямі ваенных інспектараў Вялікабрытаніі, уваходзілі па аднаму інспектару ад Італіі, Нідэрландаў і Нарвегіі.
Беларусь правяла інспекцыю на тэрыторыі Каралеўства Данія
У перыяд з 17 па 19 чэрвеня ў рамках Венскага дакумента 1999 года інспекцыйная група Рэспублікі Беларусь правяла інспекцыю вызначанага раёну на тэрыторыі Каралеўства Данія. У ходзе інспекцыі была подцерджана адсутнасць ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
18 Чэрвеня 2008 года
Алег Горбач назначаны начальнікам Нацыянальнага агенцтва па кантролю і інспекцыях - дэпартамента Міністэрства абароны
Палкоўнік Алег Горбач назначаны начальнікам Нацыянальнага агенцтва па кантролю і інспекцыях - дэпартамента Міністэрства абароны Беларусі. Адпаведны Указ Прэзідэнт Рэспублікі Беларусь падпісаў 17 чэрвеня.
16 Чэрвеня 2008 года
Беларусь правядзе інспекцыю на тэрыторыі Каралеўства Данія
У перыяд з 17 па 19 чэрвеня ў рамках Венскага дакумента 1999 года інспекцыйная група Рэспублікі Беларусь правядзе інспекцыю вызначанага раёну на тэрыторыі Каралеўства Данія. Мэтай інспекцыі з'яўляецца падцвярджэнне адсутнасці ў вызначаным раёне ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
12 Чэрвеня 2008 года
Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі
У адпаведнасці з палажэннямі ДЗУСЕ ў перыяд з 16 па 19 чэрвеня Рэспубліку Беларусь наведае інспекцыйная група Злучанага Каралеўства Вялікабрытаніі і Паўночнай Ірландыі. У ходзе інспекцыі будзе праверана адна воінская часць (па выбары інспектараў), якая з'яўляецца аб'ектам кантролю адпаведна палажэнням ДЗУСЕ. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя сямі ваенных інспектараў Вялікабрытаніі, увойдуць па аднаму інспектару ад Італіі, Нідэрландаў і Нарвегіі.
10 Чэрвеня 2008 года
Беларусь наведвае інспекцыйная група Каралеўства Іспанія
У адпаведнасці з палажэннямі Дагавора аб звычайных узброеных сілах у Еўропе (ЗУСЕ) у перыяд з 9 па 12 чэрвеня Рэспубліку Беларусь наведвае інспекцыйная група Каралеўства Іспанія. У ходзе інспекцыі будзе праверана адна воінская часць (па выбары інспектараў), якая з'яўляецца аб'ектам кантролю адпаведна палажэнням Дагавора аб ЗУСЕ. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя пяці ваенных інспектараў Іспаніі, уваходзяць таксама па аднаму інспектару ад Канады, Нідэрландаў, Польшчы і Францыі.
Візіт інспекцыйнай групы Славацкай Рэспублікі
У рамках Дагавора аб ЗУСЕ ў перыяд з 10 па 13 чэрвеня года Рэспубліку Беларусь наведае інспекцыйная група Славацкай Рэспублікі. У ходзе інспекцыі будзе праверана адна воінская часць (па выбары інспектараў), якая з'яўляецца аб'ектам кантролю адпаведна палажэнням Дагавора аб ЗУСЕ. Мэта інспекцыі - праверка адпаведнасці наяўнасці ўзбраенняў і тэхнікі, якія абмяжоўваюцца Дагаворам, іх заяўленай колькасці.
Інспекцыйная група Беларусі правядзе інспекцыю на тэрыторыі Германіі
У сваю чаргу, у адпаведнасці з палажэннямі Дагавора аб ЗУСЕ ў перыяд з 10 па 13 чэрвеня інспекцыйная група Рэспублікі Беларусь правядзе інспекцыю вызначанага раёну на тэрыторыі Федэратыўнай Рэспублікі Германія. Мэта інспекцыі - праверка адсутнасці у вызначаным раёне ўзбраенняў і тэхнікі, якія абмяжоўваюцца Дагаворам, якія падлягаюць паведамленню ў штогадовым абмене інфармацыяй.
4 Чэрвеня 2008 года
Пасяджэнне Каардынацыйнага Камітэта тапаграфічных служб узброеных сіл дзяржаў-удзельніц СНД
З 2 па 7 чэрвеня ў г. Ерэване (Рэспубліка Арменія) праходзіць пасяджэнне Каардынацыйнага Камітэта тапаграфічных служб узброеных сіл дзяржаў-удзельніц СНД.
Прадстаўнік Узброеных Сіл Рэспублікі Беларусь прымае ўдзел у пасяджэнні Каардынацыйнага Камітэта тапаграфічных служб узброеных сіл дзяржаў-удзельніц СНД і працоўнай сустрэчы з прадстаўнікамі Узброеных Сіл Рэспублікі Арменія па пытаннях супрацоўніцтва ў галіне ваеннай тапаграфіі, геадэзіі, картаграфіі і навігацыі.
Каардынацыйны Камітэт тапаграфічных служб узброеных сіл дзяржаў-удзельніц СНД быў створаны рашэннем Савета міністраў абароны ад 30 кастрычніка 1997 года (Рэспубліка Арменія, Рэспубліка Беларусь, Рэспубліка Казахстан, Кыргызская Рэспубліка, Расійская Федэрацыя, Рэспубліка Таджыкістан). Каардынацыйны Камітэт тапаграфічных служб у адпаведнасці з Палажэннем, зацверджаным Рашэннем Савета міністраў абароны 20 мая 1999 года, які ажыццяўляе сваю дзейнасць на часовай аснове пры Штабе па каардынацыі ваеннага супрацоўніцтва дзяржаў-удзельніц Садружнасці Незалежных Дзяржаў.
1 красавіка 2008 года
Генерал-лейтэнант Сяргей Гурулёў прымае ўдзел у 7-й выстаўцы сіл спецыяльных аперацый "SOFEX-2008"
З 31 сакавіка па 1 красавіка 2008 г. начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-лейтэнант Сяргей Гурулёў прымае ўдзел у 7-й выстаўцы сіл спецыяльных аперацый "SOFEX-2008", якая праводзіцца ў Амане (Іарданскае Хашыміцкае Каралеўства) пад патранажам Караля Іарданіі і ў дадзеным рэгіёне з'яўляецца буйнейшай у сваёй галіне.
У ходзе выстаўкі Сяргей Гурулёў сустрэнецца са Старшынёй аб'яднанага камітэта начальнікаў штабоў Узброеных Сіл Іарданіі корпусным генералам Халідай Дж. Аль-Сарайа, а таксама з кіраўнікамі ваенных дэлегацый іншых дзяржаў рэгіёна.
Адбудзецца назіральны палёт над тэрыторыяй Беларусі
З 31 сакавіка па 4 красавіка ў рамках Дагавора па адкрытаму небу адбудзецца назіральны палёт сумеснай місіі Федэратыўнай Рэспублікі Германіі і Латвійскай Рэспублікі над тэрыторыяй групы дзяржаў-удзельніц Беларусь-Расія на шведскім самалёце назірання OS-100/SААВ 340В у мэтах кантролю ваеннай дзейнасці на тэрыторыі абедзвюх дзяржаў.
У складзе назіральнай місіі 22 чалавекі, у тым ліку 3 прадстаўніка Латвійскай Рэспублікі.
Беларускія інспектары наведалі Латвію і Эстонію Міжнародны сімпозіум "Глабальны тэрарызм і міжнароднае супрацоўніцтва"
З 24 па 28 сакавіка ў рамках Венскага дакумента 1999 года інспекцыйная група Рэспублікі Беларусь правяла інспекцыі вызначаных раёнаў на тэрыторыях Латвійскай Рэспублікі і Эстонскай Рэспублікі. У ходзе інспекцый падцверджана адсутнасць у вызначаных раёнах на тэрыторыях інспектуемых дзяржаў буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
14 сакавіка 2008 года
Міжнародны сімпозіум "Глабальны тэрарызм і міжнароднае супрацоўніцтва"
10-11 сакавіка ў г.Анкаре (Турцыя) прайшоў міжнародны сімпозіум "Глабальны тэрарызм і міжнароднае супрацоўніцтва", арганізаваны Генеральным штабам Узброеных сіл Турэцкай Рэспублікі.
У мерапрыемствах прыняў удзел намеснік начальніка Генеральнага штаба Узброеных Сіл Рэспублікі Беларусь па баявому кіраванню палкоўнік Аляксандр Райко.
Удзельнікі сімпозіума заслухалі справаздачы спецыялістаў з Турцыі, Кітая, ЗША, Іспаніі, Егіпта, Пакістана, Германіі і іншых краін аб сучасных метадах барацьбы з тэрарыстычнымі пагрозамі.
У рамках сімпозіума адбылася сустрэча беларускага прадстаўніка з намеснікам начальніка Генеральнага штаба Узброеных сіл Турэцкай Рэспублікі генерал-лейтэнантам Эргінам Сайгунам, у ходзе якой бакі абмеркавалі стан і перспектывы двухбаковага супрацоўніцтва ў сферах, якія прадстаўляюць узаемны інтарэс.
Інспектар Рэспублікі Беларусь наведаў ФРГ
З 11 па 14 сакавіка інспекцыйная група Расійскай Федэрацыі правяла інспекцыю вызначанага раёна ў рамках Венскага дакумента 1999 года на тэрыторыі Федэратыўнай Рэспублікі Германія. У склад расійскай інспекцыйнай групы ўваходзіў адзін інспектар Рэспублікі Беларусь.
Інспекцыйная група Беларусі наведала Польшчу
У перыяд з 11 па 14 сакавіка ў рамках Венскага дакумента 1999 года інспекцыйная група Рэспублікі Беларусь правяла інспекцыю вызначанага раёна на тэрыторыі Рэспублікі Польшча.
У ходзе інспекцыі была падцверджана адсутнасць у вызначаным раёне на тэрыторыі Рэспублікі Польшча буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
У склад беларускай інспекцыйнай групы ўваходзіў адзін інспектар Расійскай Федэрацыі.
Інспекцыйная група Францыі наведала Беларусь
У перыяд з 10 па 14 сакавіка ў рамках Венскага дакумента 1999 года перамоў па мерах умацавання даверу і бяспекі інспекцыйная група Французскай Рэспублікі пад кіраўніцтвам падпалкоўніка Люсьена-Франсуа Паліса правяла інспекцыю вызначанага раёна на тэрыторыі Рэспублікі Беларусь.
У ходзе інспекцыі была падцверджана адсутнасць у вызначаным раёне на тэрыторыі Рэспублікі Беларусь (часткова Мінская, Брэсцкая і Гродзенская вобласці) буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года.
У склад інспекцыйнай групы акрамя чатырох прадстаўнікоў Францыі ўваходзіў адзін прадстаўнік Польшчы.
12 сакавіка 2008 года
Упершыню ў Мінск прыбывае дэлегацыя Узброеных Сіл Рэспублікі Індыя
У ходзе візіту плануецца правядзенне перамоваў па пытаннях развіцця ваеннага супрацоўніцтва дзвюх краін. З прадстаўнікамі індыйскага ваеннага ведамства сутрэнецца Міністр абароны Рэспублікі Беларусь генерал-палкоўнік Леанід Мальцаў і Камандуючы Сухапутнымі войскамі Узброеных Сіл Рэспублікі Беларусь Аляксандр Нікіцін. Члены дэлегацыі наведаюць айчынныя прамысловыя прадпрыемствы.
Дэлегацыю Узброеных Сіл Індыі ўзначальвае начальнік штаба Арміі Рэспублікі Індыя генерал Дзіпак Капур.
Міністр абароны Рэспублікі Беларусь прыбыў ва Украіну
12 сакавіка ва Украіну з двухдзённым афіцыйным візітам прыбыў Міністр абароны Рэспублікі Беларусь генерал-палкоўнік Леанід Мальцаў.
У рамках візіту адбудзецца сустрэча кіраўнікоў ваенных ведамстваў Беларусі і Украіны і перамовы ў складзе дэлегацый. У ходзе перамоваў плануецца абмеркаваць пытанні развіцця двухбаковага ваеннага супрацоўніцтва дзвюх краін.
Адбудзецца абмен вопытам рэфармавання і будаўніцтва ўзброеных сіл Беларусі і Украіны.
13 сакавіка Леанід Мальцаў наведае Ваенны Кіеўскі ліцэй імя І. Богуна.
11 сакавіка 2008 года
У Мінск прыбыла дэлегацыя Узброеных Сіл Расійскай Федэрацыі
У Рэспубліку Беларусь прыбыла прадстаўнічая дэлегацыя Узброеных Сіл Расійскай Федэрацыі на чале з начальнікам Галоўнага аператыўнага упраўлення - намеснікам начальніка Генеральнага штаба Узброеных Сіл Расійскай Федэрацыі генерал-палкоўнікам Аляксандрам Рукшыным.
У рамках двухдзённага візіту прадугледжваецца абмеркаваць шырокі шэраг пытанняў сумеснага абароннага планавання, функцыянавання рэгіянальнай групоўкі войскаў (сіл) Рэспублікі Беларусь і Расійскай Федэрацыі, пагаджэння ўдзелу сіл і сродкаў Узброеных Сіл Расійскай Федэрацыі ў мерапрыемствах аператыўнай падрыхтоўкі Узброеных Сіл Рэспублікі Беларусь.
У ходзе візіту расійскай дэлегацыі будзе прадстаўлена магчымасць наведаць шэраг воінскіх часцей Узброеных Сіл Рэспублікі Беларусь.
5 сакавіка 2008 года
Працоўны візіт Міністра абароны Беларусі ў КНР
У перыяд з 1 па 4 сакавіка адбыўся працоўны візіт Міністра абароны Рэспублікі Беларусь у Кітайскую Народную Рэспубліку.
У ходзе візіту адбыліся сустрэчы Міністра абароны Рэспублікі Беларусь са Старшынёй Усекітайскага Камітэта Народнага палітычнага кансультатыўнага савета КНР і намеснікам Старшыні Цэнтральнага Ваеннага Савета, членам Дзяржаўнага Савета, Міністрам абароны КНР, на якіх былі абмеркаваны пытанні супрацоўніцтва ў ваеннай сферы.
Візіт шырока асвятляўся сродкамі масавай інфармацыі Кітая.
4 сакавіка 2008 года
Інспекцыйная група Бельгіі правядзе інспекцыю на тэрыторыі Беларусі
У перыяд з 3 па 6 сакавіка ў рамках Венскага дакумента 1999 года перамоваў па мерах умацавання даверу і бяспекі інспекцыйная група Каралеўства Бельгіі правядзе інспекцыю вызначанага раёну на тэрыторыі Рэспублікі Беларусь. Мэтай правядзення інспекцыі з'яўляецца падцвярджэнне адсутнасці ў вызначаным раёне на тэрыторыі Рэспублікі Беларусь буйной ваеннай дзейнасці, якая падлягае папярэдняму паведамленню ў адпаведнасці з палажэннямі Венскага дакумента 1999 года. У склад інспекцыйнай групы акрамя двух прадстаўнікоў Бельгіі ўваходзяць па аднаму прадстаўніку Венгрыі і Літвы.
Назіральны палёт місіі Нарвегіі
У перыяд з 3 па 7 сакавіка ў рамках Дагавора па адкрытаму небу адбудзецца назіральны палёт місіі Каралеўства Нарвегіі над тэрыторыяй групы дзяржаў-удзльніц Беларусь-Расія. У суправаджэнні нарвежскай місіі прыме ўдзел прадстаўнік упраўлення Узброеных Сіл па выкарыстанню паветранай прасторы Рэспублікі Беларусь.
26 лютага 2008 года
Сёння ў Мінск прыбываюць эксперты штаб-кватэры НАТА па пытаннях ПАРП
З 26 па 29 лютага ў Мінску адбудуцца чарговыя кансультацыі па пытаннях удзелу Рэспублікі Беларусь у Працэсе планавання і ацэнкі сіл у рамках праграмы "Партнёрства дзеля міру" (ПАРП) і выкананню мерапрыемстваў у рамках ПАРП. Таксама плануецца абмеркаванне мэт супрацоўніцтва і аспектаў узаемадзеяння ў рамках ПАРП у 2008 годзе.
Дэлегацыю штаб-кватэры НАТА ўзначальвае начальнік упраўлення планавання сіл дэпартамента абароннай палітыкі і планавання міжнароднага сакратарыята штаб-кватэры НАТА Фрэнк Боланд.
25 лютага 2008 года
Беларускія ваенныя інспектары наведаюць ФРГ
У перыяд з 26 лютага па 1 сакавіка ў рамках Венскага дакумента 1999 года інспекцыйная група Рэспублікі Беларусь правядзе наведванне па ацэнцы аднаго з фарміраванняў узброеных сіл Злучанага Каралеўства Вялікабрытаніі і Паўночнай Ірландыі на тэрыторыі ФРГ. Мэта наведвання - падцвярджэнне дакладнасці інфармацыі, якая была прадстаўлена Злучаным Каралеўствам дзяржавам-удзельніцам АБСЕ ў рамках Венскага дакумента 1999 года ў адносінах асабовага складу, асноўных сістэм узбраення і ваеннай тэхнікі.
18 лютага 2008 года
Назіральны палёт Францыі і ФРГ
З 18 па 22 лютага ў рамках Дагавора па адкрытаму небу адбудзецца назіральны палёт прадстаўнікоў Францыі і ФРГ над тэрыторыяй групы дзяржаў-удзельніц Беларусь-Расія ў мэтах кантролю адсутнасці буйной ваеннай дзейнасці на тэрыторыі абедзвюх дзяржаў.
15 лютага 2008 года
15 лютага адзначаецца дзевятнаццатая гадавіна вываду Савецкіх войскаў з Афганістана
У рамках Дня памяці воінаў-інтэрнацыяналістаў на Востраве мужнасці і смутку г. Мінска адбыўся ўрачысты мітынг, у якім прынялі ўдзел воіны-інтэрнацыяналісты, сваякі і блізкія воінаў, загінуўшых у Афганістане, прадстаўнікі органаў дзяржаўнага кіравання, патрыятычных грамадскіх арганізацый. Традыцыйна да помніка воінам-інтэрнацыяналістам былі ўскладзены вянкі.
У памяць аб тых днях і падзеях на тэрыторыі Круглянскага раёну Магілёўскай вобласці пройдзе юбілейная 10-я рэгіянальная сустрэча воінаў-інтэрнацыяналістаў.
11 лютага 2008 года
Завяршылася наведванне воінскай часці ўзброеных сіл Румыніі
9 лютага ў рамках Венскага дакумента 1999 года інспекцыйная група Рэспублікі Беларусь завяршыла наведванне па ацэнцы адной з воінскіх часцей узброеных сіл Румыніі.
У ходзе наведвання была падцверджана дакладнасць інфармацыі, якая была прадстаўлена Румыніяй дзяржавам-удзльніцам АБСЕ ў рамках Венскага дакумента 1999 года ў адносінах да асабовага складу, асноўных сістэм узбраенняў і ваеннай тэхнікі.
Вучэбна-метадычны збор у Нацыянальным агенцтве па кантролю і інспекцыях
У перыяд з 12 па 13 лютага ў Нацыянальным агенцтве па кантролю і інспекцыях пройдзе вучэбна-метадычны збор з афіцэрамі відаў Узброеных Сіл, аператыўных (аператыўна-тактычных) камандаванняў, злучэнняў, воінскіх часцей і ўстановаў Міністэрства абароны, адказных за рэалізацыю міжнародных дагавораў у галіне кантролю над узбраеннямі.
Мэта збору - падвядзенне вынікаў працы па забеспячэнню замежнай інспекцыйнай дзейнасці на тэрыторыі Рэспублікі Беларусь у 2007 годзе, а таксама пастаноўкі задач на 2008 год.
8 лютага 2008 года
Адбыўся назіральны палёт місіі Канады
У перыяд з 4 па 8 лютага ў рамках Дагавора па адкрытаму небу адбыўся назіральны палёт місіі Канады над тэрыторыяй групы дзяржаў-удзельніц Беларусь-Расія ў мэтах кантролю адсутнасці буйной ваеннай дзейнасці на тэрыторыі абедзвюх краін.
7 лютага 2008 года
Адбылося пасяджэнне Кансультатыўнага савета і Каардынацыйнага савета афіцэрскіх сходаў
Сёння ў Цэнтральным Доме афіцэраў адбылося пасяджэнне Кансультатыўнага савета пры Міністры абароны Рэспублікі Беларусь і Каардынацыйнага савета афіцэрскіх сходаў Узброеных Сіл.
Удзельнікі мерапрыемства абмеркавалі планы ўдасканалення працы афіцэрскіх сходаў, Кансультатыўнага і Каардынацыйнага савета.
Кансультатыўны савет пры Міністры абароны Рэспублікі Беларусь створаны з мэтай найбольш поўнага вывучэння і абагульнення думак афіцэрскага складу па пытннях будаўніцтва і развіцця Узброеных Сіл. Таксама ў пераліку задач савета далейшае ўдасканаленне жыццядзейнасці войскаў, баявой падрыхтоўкі, умацаванне дысцыпліны і правапарадку, арганізацыя ідэалагічнай працы і інфармацыйнай дзейнасці, забеспячэнне сацыяльнай абароны ваеннаслужачых, грамадзянскага персонала і членаў іх сямей і іншых аспектаў дзейнасці ў ваеннай сферы.
11 студзеня 2008 года
Пасяджэнне калегіі Міністэрства абароны Рэспублікі Беларусь
11 студзеня ў Мінску адбылося чарговае пасяджэнне калегіі Міністэрства абароны Рэспублікі Беларусь.
На мерапрыемстве былі абмеркаваны пытанні падрыхтоўкі і ўкамплектавання злучэнняў і воінскіх часцей афіцэрскімі кадрамі.
21 снежня 2007 года
Завяршыўся афіцыйны візіт Міністра абароны Рэспублікі Беларусь генерал-палкоўніка Леаніда Мальцава ў Азербайджанскую Рэспубліку
У перыяд з 17 па 20 снежня адбыўся афіцыйны візіт Міністра абароны Рэспублікі Беларусь генерал-палкоўніка Леаніда Мальцава ў Азербайджанскую Рэспубліку.
У ходзе візіту кіраўнік беларускага ваеннага ведамства сустрэўся з Прэзідэнтам Азербайджана Ільхамам Аліевым, прэм'ер-міністрам Артурам Расізадэ, Міністрам абароны генерал-палкоўнікам Сафарам Абіевым, а таксама старшынёй Парламента (Мілі Меджліса) Азербайджанскай Рэспублікі.
Генерал-палкоўнік Леанід Мальцаў наведаў Ваенную Акадэмію і вучэбна-адукацыйны цэнтр Узброеных Сіл Азербайджана.
У ходзе сустрэчы кіраўнікоў міністэрстваў абароны Беларусі і Азербайджана быў падпісаны План двухбаковага супрацоўніцтва на 2008 год.
18 снежня 2007 года
Прысвоены чарговыя воінскія званні
Указам Прэзідэнта Рэспублікі Беларусь чарговае воінскае званне генерал-маёра прысвоена палкоўнікам Аляксандру Анісімаву і Уладзіміру Баштаненка.
Прэс-служба Прэзідэнта Рэспублікі Беларусь
17 снежня 2007 года
Адбылася сустрэча міністраў абароны Рэспублікі Беларусь і Украіны
17 снежня 2007 года ў г. Кіеве (Украіна) адбылася сустрэча міністраў абароны Рэспублікі Беларусь і Украіны, у ходзе якой былі абмеркаваны пытанні развіцця двухбаковага супрацоўніцтва ў ваеннай сферы і падпісаны План мерапрыемстваў двухбаковага супрацоўніцтва Узброеных Сіл Рэспублікі Беларусь і Узброеных Сіл Украіны на 2008 год, а таксама Пагадненне паміж Урадам Рэспублікі Беларусь і Кабінетам Міністраў Украіны ў галіне бяспекі палётаў дзяржаўных паветраных судоў.
14 снежня 2007 года
Суcтрэча міністраў абароны Рэспублікі Беларусь і Расійскай Федэрацыі
14 снежня адбылася сустрэча Міністра абароны Рэспублікі Беларусь генерал-палкоўніка Леаніда Мальцава і Міністра абароны Расійскай Федэрацыі Анатолія Сердзюкова.
У ходзе сустрэчы бакі абмеркавалі сучасны стан і перспектывы развіцця двухбаковага ваеннага і ваенна-тэхнічнага супрацоўніцтва дзвюх краін.
7 снежня 2007 года
Рэспубліку Беларусь наведала інспекцыйная група ЗША
У адпаведнасці з палажэннямі Дагавору аб звычайных узброеных сілах у Еўропе Рэспубліку Беларусь наведала інспекцыйная група Злучаных Штатаў Амерыкі пад кіраўніцтвам маёра Дэвіда Саттона. У ходзе інспекцыі была праверана 120-я асобная механізаваная брыгада, якая з'яўляецца аб'ектам кантролю адпаведна палажэнням Дагавору. Інспектары падцвердзілі адпаведнасць наяўнасці ўзбраенняў і ваеннай тэхнікі, якія абмяжоўваюцца Дагаворам, іх заяўленай колькасці. У склад інспекцыйнай групы, акрамя сямі амерыканскіх ваенных інспектараў, уваходзілі па аднаму інспектару ад Даніі і Канады.
Завяршылася наведванне групай беларускіх інспектараў воінскай часці Латвійскай Рэспублікі
6 снежня ў рамках рэгіянальнай Дамоўленасці Рэспублікі Беларусь і Латвійскай Рэспублікі аб дадатковых да Венскага дакумента 1999 года мерах умацавання даверу і бяспекі група беларускіх інспектараў пад кіраўніцтвам падпалкоўніка Алега Бурака правяла наведванне па ацэнцы воінскай часці ўзброеных сіл Латвійскай Рэспублікі. Мэтай наведвання з'яўлялася ацэнка ваеннай інфармацыі, якая прадстаўлена Латвійскай Рэспублікай дзяржавам- удзельніцам АБСЕ ў рамках Венскага дакумента 1999 года ў адносінах асабовага складу, асноўных сістэм узбраення і ваеннай тэхнікі.
5 снежня 2007 года
Адбылася сустрэча Міністра абароны Беларусі з в'етнамскай дэлегацыяй
Сёння Міністр абароны Рэспублікі Беларусь генерал-палкоўнік Леанід Мальцаў сустрэўся са Старшынёй Камісіі па абароне і бяспеке Нацыянальнага сходу Сацыялістычнай Рэспублікі В'етнам Ле Куанг Бінем.
У ходзе сустрэчы былі абмяркаваны пытанні ваеннага супрацоўніцтва дзвюх краін. Ле Куанг Бінь адзначыў, што вопыт будаўніцтва беларускіх Узброеных Сіл можна выкарыстоўваць для ўмацавання абароназдольнасці В'етнамскай Рэспублікі.
3 снежня 2007 года
Сёння ў Мінск прыбываюць прадстаўнікі Узброеных Сіл Літвы
З 3 па 5 снежня праходзіць азнаямляльны візіт у Рэспубліку Беларусь дэлегацыі маладых супрацоўнікаў Міністэрства аховы края і малодшых афіцэраў Узброеных Сіл Літоўскай Рэспублікі.
Праграмай візіту прадугледжаны шэраг брыфінгаў па пытаннях будаўніцтва Узброеных Сіл Рэспублікі Беларусь, міжнароднага ваеннага супрацоўніцтва, прыярытэтаў знешняй палітыкі беларускай дзяржавы і дзейнасці па забеспячэнню міжнароднай рэгіянальнай бяспекі.
Прадстаўнікі літоўскага бока наведаюць Міністэрства замежных спраў, Ваенную акадэмію, беларускую міратворчую роту, якая знаходзіцца ў 120-й гвардзейскай асобнай механізаванай брыгадзе.
У прошлым годзе літоўскі бок арганізаваў аналагічнае мерапрыемства для малодшых афіцэраў Узброеных Сіл Рэспублікі Беларусь.
21 лістапада 2007 года
З 10 па 17 лістапада 2007 года ў г. Пекіне (Кітай) адбыўся чэмпіянат свету па ушу
У складзе Нацыянальнай зборнай Рэспублікі Беларусь армейскі спартсмен лейтэнант Сяргей Іваноў у весавой катэгорыі 60 кг заваяваў бронзавы медаль, срэбра ў карэйскага спартсмена, золата ў прадстаўніка КНР.
У спаборніцтвах прынялі ўдзел 1400 спартсменаў з 88 краін свету. Наступны чэмпіянат свету адбудзецца ў г. Таронта (Канада). На Алімпіядзе ў г. Пекіне гэты від спорту будзе прадстаўляцца калегіі МАКа для далейшага прыняцця рашэння аб уключэнні яго ў ліст алімпійскіх відаў спорту.
20 лістапада 2007 года
Сёння ў Мінск прыбыла дэлегацыя Федэральнага міністэрства абароны ФРГ
Начальнік аддзела РХБ аховы камандавання забеспячэння ўзбреных сіл ФРГ палкоўнік Фрыдхельм Баруцкі і афіцэр па пытаннях аховы навакольнагя асяроддзя ўпраўлення РХБ аховы камандавання забеспячэння ўзброеных сіл ФРГ падпалкоўнік Вольфрам Пітцке прымаюць удзел ў працоўнай сустрэчы па пытаннях двухбаковага супрацоўніцтва ў галіне радыяцыйнай, хімічнай, біялагічнай аховы і экалагічнай бяспекі.
Прадстаўнікі нямецкага боку абмяняюцца з беларускімі калегамі інфармацыяй аб структуры, задачах і перспектывах развіцця войскаў РХБ аховы, а таксама вопытам забеспячэння экалагічнай бяспекі і аховы навакольнага асяроддзя ва ўзброеных сілах.
У рамках візіту прадстаўнікам ваеннага ведамства Германіі прадстаўлена радыёметрычнае абсталяванне, якое вырабляецца ў Беларусі.
19 лістапада 2007 года
Візіт прадстаўнікоў Агульнавайсковага камандна-штабнога каледжа Велікабрытаніі
18 лістапада пачаўся візіт у адказ у Рэспубліку Беларусь прадстаўнікоў Агульнавайсковага камандна-штабнога каледжа Велікабрытаніі. У ходзе візіту абмяркоўваюцца перспектывы двухбаковага супрацоўніцтва ў галіне ваеннай адукацыі.
Прадстаўнікі беларускіх Узброеных Сіл наведалі брытанскую ваенна-вучэбную ўстанову ў сакавіку бягучага года.
12 лістапада 2007 года
Прадстаўнікі камандавання "Рамштайн" прыбылі ў Беларусь 11 лістапада пачаўся візіт у Рэспубліку Беларусь прадстаўнікоў камандавання аб'яднаных ваенна-паветраных сіл НАТА "Рамштайн" для абмеркавання з беларускімі калегамі пытанняў, звязаных з мэтамі партнёрства ў галіне ваенна-паветраных сіл.
Арганізавана правядзенне брыфінгаў па пытаннях, звязаных з мэтамі партнёрства для Ваенна-паветраных сіл і войскаў супрацьпаветранай абароны Рэспублікі Беларусь у рамках Працэсу планавання і ацэнкі сіл (ПАРП). Удзельнікі мерапрыемства знаёмяцца з некаторымі аспектамі стратэгіі праграмы НАТА "Партнёрства дзеля міру", задачамі камандавання АВПС НАТА "Рамштайн", дактрынай і працэдурамі НАТА. Таксама ў ходзе мерапрыемства абмяркоўваюцца пытанні баявой жывучасці і самааховы паветраных судоў, навігацыі і радыёсувязі. Прадстаўнікам аб'яднаных ваенна-паветраных сіл НАТА прадстаўлены для азнаямлення транспартны самалёт Іл-76МД 50-й змешанай авіябазы беларускіх ВПС, выдзелены для ўдзелу ў ПАРП.
9 лістапада 2007 года
Адбылася канферэнцыя НАТА 7 лістапада ў штаб-кватэры НАТА (г. Брусель, Каралеўства Бельгія) адбылася канферэнцыя кіраўнікоў служб матэрыяльна-тэхнічнага забеспячэння НАТА з удзелам краін-партнёраў, у ходзе якой удзельнікі абмеркавалі пытанні арганізацыі МТЗ войскаў у ходзе міратворчых аперацый, а таксама праграмы і ініцыятывы НАТА ў галіне МТЗ з краінамі-партнёрамі.
У адпаведнасці з Індывідуальнай праграмай партнёрства Рэспублікі Беларусь і НАТА на 2006 - 2007 годы ў працы канферэнцыі прыняў удзел прадстаўнік Узброеных Сіл.
8 лістапада 2007 года
8 лістапада ў Мінску адбылося падпісанне Пагаднення аб супрацоўніцтве паміж Міністэрствам абароны Рэспублікі Беларусь і Міністэрствам абароны Французскай Рэспублікі Падпісанне дадзенага дакумента прызначана садзейнічаць устанаўленню працоўных кантактаў паміж ваеннымі ведамствамі дзвюх краін, наданню планавага характара двхбаковаму ваеннаму супрацоўніцтву ў мэтах забеспячэння еўрапейскай і міжнароднай бяспекі.
У адпаведнасці з падпісаным Пагадненнем асноўнымі напрамкамі супрацоўніцтва стануць:
будаўніцтва і ўмацаванне еўрапейскай бяспекі;
будаўніцтва і рэфармаванне ўзброеных сіл;
ваенная навука;
матэрыяльна-тэхнічнае забеспячэнне ўзброеных сіл;
ваенная адукацыя і падрыхтоўка ваенных кадраў;
ваенная тапаграфія, картаграфія і геадэзія;
ваенная юрыспрудэнцыя і сацыяльнае забеспячэнне ваеннаслужачых;
ваенная медыцына і аздараўленне ваеннаслужачых і членаў іх сямей.
23 кастрычніка 2007 года
23 кастрычніка ў г. Тромса (Каралеўства Нарвегія) праходзіць штогадовая Канферэнцыя па пытаннях стратэгічнага ваеннага партнёрства
23 кастрычніка ў рамках Індывідуальнай праграмы партнёрства Рэспублікі Беларусь і НАТА на 2006 - 2007 гады, у г. Тромса (Каралеўства Нарвегія) праходзіць штогадовая Канферэнцыя па пытаннях стратэгічнага ваеннага партнёрства, у якой прымае ўдзел начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-лейтэнант Сяргей Гурулёў.
У ходзе канферэнцыі разгледжваюцца пытанні ваеннага супрацоўніцтва ў рамках Савета еўраатлантычнага партнёрства і праграмы НАТА "Партнёрства дзеля міру".
19 кастрычніка 2007 года
Беларускія армейцы заваёўваюць медалі на IV Сусветных ваенна-спартыўных гульнях
Сёння на 4-х Сусветных ваенна-спартыўных гульнях у г. Хайдэрабадзе (Індыя) армейскі спартсмен прапаршчык Максім Канафін у індывідуальным заліку па ваеннаму пяцібор'ю заваяваў залаты медаль.
У камандным заліку маёр Андрэй Адзінокаў, маёр Аляксандр Саплін, старшы лейтэнант Міхаіл Таўкач, маёр Андрэй Кудзін, старшы лейтэнант Андрэй Маркевіч, прапаршчык Максім Канафін выйгралі срэбра.
Жаночая каманда ў складзе лейтэнанта Жаны Шапялевіч, прапаршчыка Наталлі Юркавец і армейскай спартсменкі Ларысы Усачовай да бронзы ў камандным заліку дабавіла і срэбраны медаль па кулявой стральбе з пісталета.
Радавы Павел Грыбайлаў у вольнай барацьбе (весавая катэгорыя 66 кг) падняўся на трэцюю ступень п'едэстала.
Жаночая зборная каманда па парашутнаму спорту заваявала бронзавы медаль.
На сёняшні дзень у зборнай Узброеных Сіл Рэспублікі Беларусь 14 медалёў - адзін залаты, шэсць срэбраных і сем бронзавых.
Такім чынам, кожная чацвёртая ўзнагарода з 42 камплектаў, якія разыгрываліся на спаборніцтвах, на рахунку беларускай армейскай зборнай.
Інспекцыйная група Рэспублікі Беларусь ацаніла дакладнасць інфармацыі, якая прыведзена Літоўскай Рэспублікай
З 15 па 18 кастрчніка 2007 г. у рамках рэгіянальнай дамоўленасці паміж Рэспублікай Беларусь і Літоўскай Рэспублікай аб дадатковых мерах даверу і бяспекі група беларускіх ваенных інспектараў правяла наведванне па ацэнцы воінскай часці на тэрыторыі Літоўскай Рэспублікі.
Інспекцыйная група Рэспублікі Беларусь ацаніла дакладнасць інфармацыі, якая прыведзена Літоўскай Рэспублікай дзяржавам-удзельніцам Венскага дакумента 1999 года ў адносінах асабовага складу, асноўных сістэм узбраення і ваеннай тэхнікі.
Група латвійскіх ваенных інспектараў завяршыла наведванне па ацэнцы 120 асобнай механізаванай брыгады
З 15 па 17 кастрычніка 2007 г. група латвійскіх ваенных інспектараў завяршыла наведванне па ацэнцы 120 асобнай механізаванай брыгады ў рамках рэгіянальнай дамоўленасці паміж Рэспублікай Беларусь і Латвійскай Рэспублікай аб дадатковых мерах даверу і бяспекі.
19 кастрычніка 2007 г. завяршаецца наведванне інспекцыйнай групай Федэратыўнай Рэспублікі Германія 19 кастрычніка 2007 г. завяршаецца наведванне інспекцыйнай групай Федэратыўнай Рэспублікі Германія ў рамках Венскага дакумента 1999 года па ацэнцы 231 змешанай артылерыйскай брыгады. У склад інспекцыйнай групы, акрамя інспектараў ФРГ, таксама ўваходзілі прадстаўнікі Каралеўства Швецыя і Чэшскай Рэспублікі.
Усе члены інспекцыйнай групы ацанілі дакладнасць інфармацыі, прыведзенай Рэспублікай Беларусь дзяржавам-удзельніцам Венскага дакумента 1999 года ў адносінах асабовага складу, асноўных сістэм узбраення і ваеннай тэхнікі, а таксама адзначылі добрую падрыхтоўку воінскіх часцей да наведвання і прафесіяналізм беларускіх ваеннаслужачых.
8 кастрычніка 2007 года
Прадстаўнікі Узброеных Сіл прымуць удзел у вучэнні " Cooperative Longbow-2007" У рамках праграмы НАТА "Партнёрства дзеля света" ў перыяд з 7 па 17 кастрычніка 2007 г. на тэрыторыі вучэбнага цэнтра ўзброеных сіл Албаніі (г. Цірана) пад кіраўніцтвам камандавання сухапутных войскаў аб'яднаных узброеных сіл НАТА "Хайдельберг" праводзіцца шматнацыянальнае вучэнне "Cooperative Longbow-2007".
У адпаведнасці з Індывідуальнай праграмай партнёрства Рэспублікі Беларусь і НАТА на 2006 - 2007 годы, зацверджанай Дзяржаўным сакратаром Савета Бяспекі Рэспублікі Беларусь 4 студзеня 2006 года, у дадзеным вученні ад Узброеных Сіл Рэспублікі Беларусь прымаюць удзел тры афіцэры на пасадах у штабе шматнацыянальнай брыгады.
5 кастрычніка 2007 года
Група беларускіх інспектараў праводзіць інспекцыю на тэрыторыі Рэспублікі Польшча У перыяд з 1 па 6 кастрычніка 2007 г. у рамках Дамоўленасці аб наборы дадатковых да Венскага дакумента 1999 года мер даверу і бяспекі, прынятых Рэспублікай Беларусь і Рэспублікай Польшча, група беларускіх інспектараў праводзіць інспекцыю вызначанага раёну на тэрыторыі Рэспублікі Польшча. Мэта інспекцыі - праверка адсутнасці ў вызначаным для інспекцыі раёне буйной ваеннай дзейнасці, якая падлягае папярэдняму паведамленню адпаведна палажэнням двухбаковай Дамоўленасці.
Беларус Сяргей Мартынаў выіграў фінал Кубка свету па кулявой стральбе Беларускі ваенны спартсмен падпалкоўнік Сяргей Мартынаў стаў пераможцам Кубка свету ў стральбе лежачы з малакалібернай вінтоўкі на 50 метраў.
Спаборніцтва ў гэтым відзе праграмы прайшлі 5 кастрычніка ў сталіцы Тайланда Бангкоке. Уладальнік двух срэбраных алімпійскіх медалёў Сяргей Мартынаў набраў 599 ачкоў.
3 кастрычніка 2007 года
3 кастрычніка 2007 года адбудуцца ўрачыстыя праводзіны дэлегацыі Узброеных Сіл Рэспублікі Беларусь на 4-я Сусветныя ваенна-спартыўныя гульні ў г.Хайдэрабад 3 кастрычніка 2007 года ў 13.00 у Палацы гульнёвых відаў спорту Спартыўнага камітэта Узброеных Сіл Рэспублікі Беларусь, адбудуцца ўрачыстыя праводзіны дэлегацыі Узброеных Сіл Рэспублікі Беларусь на 4-я Сусветныя ваенна-спартыўныя гульні ў г.Хайдэрабад (Індыя).
У мерапрыемстве прымуць удзел Міністр абароны Рэспублікі Беларусь генерал-палкоўнік Леанід Мальцаў, Міністр спорту і турызму Рэспублікі Беларусь Аляксандр Грыгараў, віцэ-прэзідэнт Нацыянальнага Алімпійскага камітэта Рэспублікі Беларусь Генадзь Аляксеенка, прадстаўнікі грамадскасці горада Мінска і ветэраны армейскага спорту.
2 кастрычніка 2007 года
Сёння адбудзецца ўрачыстае адкрыццё новага размяшчэння Роты ганаровай варты У цырымоніі прыме ўдзел начальнік Генеральнага штаба Узброеных Сіл - першы намеснік Міністра абароны Рэспублікі Беларусь генерал-лейтэнант Сяргей Гурулёў.
Новая казарма адказвае ўсім патрабаванням, якія прад'яўляюцца да сучасных будынкаў такога тыпу. У памяшканнях створаны благапрыемныя ўмовы для адпачынку асабовага складу роты, аддзелка адпавядае патрабаванням стварэння максімальнага камфорту і ўтульнасці.
У казарме ўсталяваны аўтаномны кацёл ацяплення, энергазберагаючыя окна і дзверы, душавыя кабіны, пральныя машыны-аўтаматы, спутнікавае тэлебачанне.
З 2 па 6 кастрычніка пройдзе пасяджэнне савета Міждзяржаўнага авіяцыйнага камітэта Прадстаўнік медыцынскай службы ВПС і войскаў СПА Узброеных Сіл Беларусі прыме ўдзел у пасяджэнні Каардынацыйна-кансультатыўнага авіямедыцынскага савета Міждзяржаўнага авіяцыйнага камітэта, якое пройдзе ў горадзе Кішынёў (Малдова).
У ходзе мерапрыемства ўдзельнікі абмяркуюць пытанні медыцынскай сертыфікацыі авіяцыйных спецыялістаў у краінах СНД з улікам міжнародных рэкамендацый. Таксама плануецца абмеркаваць меры па ўдасканаленню ўрачэбнай экспертызы і медыцынскага забеспячэння авіяцыі, накіраваныя на павышэнне бяспекі палётаў паветраных судоў.
У пасяджэнні, разам з прадстаўнікамі краін СНД, прымуць удзел эксперты буйнейшых замежных авіякампаній, спецыялісты авіямедыцынскіх службаў Аўстрыі і Літвы.
Міждзяражўны авіяцыйны камітэт (МАК) створаны на аснове падпісанага 30.12.1991 міжурадавага "Пагаднення аб грамадзянаскай авіяцыі і аб выкарыстанні паветранай прасторы".
МАК з'яўляецца правапрыемнікам Камісіі па выкарыстанню паветранай прасторы і кіраванню паветраным рухам, Камісіі па дзяржаўнаму нагляду за бяспекай палётаў паветраных судоў, Міністэрства грамадзянскай авіяцыі, а таксама абавязкаў па міжнародных пагадненнях былога СССР у сферы міжнародных паветраных зносін і ўдзелу ў Міжнароднай арганізацыі грамадзянскай авіяцыі (ІКАО). МАК прызнаны рэгіянальнай міжнароднай арганізацыяй грамадзянскай авіяцыі аналагічнай міжнародным авіяцыйным структурам іншых рэгіёнаў свету і зарэгістраваны ў гэтай якасці ў ІКАО.
У Савет уваходзяць першыя кіраўнікі грамадзянскай авіяцыі і авіяцыйнай прамысловасці, а таксама камандуючыя ВПС і СПА дзяржаў-удзельніц Пагаднення.
Удзельнікамі Пагаднення з'яўляюцца Азербайджанская Рэспубліка, Рэспубліка Арменія, Рэспубліка Беларусь, Грузія, Рэспубліка Казахстан, Кыргызская Рэспубліка, Рэспубліка Малдова, Расійская Федэрацыя, Рэспубліка Таджыкістан, Туркменістан, Рэспубліка Узбекістан і Украіна.
2 кастрычніка 2007 года
3 кастрычніка 2007 года адбудуцца ўрачыстыя праводзіны дэлегацыі Узброеных Сіл Рэспублікі Беларусь на 4-я Сусветныя ваенна-спартыўныя гульні ў г.Хайдэрабад 3 кастрычніка 2007 года ў 13.00 у Палацы гульнёвых відаў спорту Спартыўнага камітэта Узброеных Сіл Рэспублікі Беларусь, адбудуцца ўрачыстыя праводзіны дэлегацыі Узброеных Сіл Рэспублікі Беларусь на 4-я Сусветныя ваенна-спартыўныя гульні ў г.Хайдэрабад (Індыя).
У мерапрыемстве прымуць удзел Міністр абароны Рэспублікі Беларусь генерал-палкоўнік Леанід Мальцаў, Міністр спорту і турызму Рэспублікі Беларусь Аляксандр Грыгараў, віцэ-прэзідэнт Нацыянальнага Алімпійскага камітэта Рэспублікі Беларусь Генадзь Аляксеенка, прадстаўнікі грамадскасці горада Мінска і ветэраны армейскага спорту.
У Мінску адбудзецца пасяджэнне Сумеснай кансультатыўнай групы па пытаннях кантролю над узбраеннямі У рамках двухбаковага супрацоўніцтва паміж міністэрствамі абароны Рэспублікі Беларусь і Расійскай Федэрацыі ў перыяд з 10 па 14 верасня ў Мінску адбудзецца 30-е пасяджэнне Сумеснай кансультатыўнай групы па пытаннях кантролю над узбраеннямі. Расійскую дэлегацыю ўзначальвае намеснік начальніка Нацыянальнага цэнтра па памяньшэнню ядзернай небяспекі Расійскай Федэрацыі капітан 1-го ранга Уладзімір Акімаў. У ходзе пасяджэння прадугледжваецца ўзгадніць пазіцыі і сумесныя дзеянні бакоў па пытаннях выканання міжнародных дагавораў і пагадненняў у галіне кантролю над узбраеннямі.
